唐記包點 (建德大樓)

Open Now

Now Closed

觀塘協和街唐記包點職員冇禮貌，好晦氣好多時貪方便會幫襯，每一次都買得唔少，一個星期都有三至四日，好多時買晚飯（多數物華街）當日早上大約9時22分，有四個人排隊，我排第二，當時有兩個員工，一個負責收錢落單，一個負責執單，當收銀嗰個員工收完錢後，佢去幫手執單入包畀客人，我已好耐心等待，但我見她攞起大背心袋入其他的外賣，當時我以為他遺漏了我的一份粉果，所以我提出疑問，“仲有我份粉果未出”，跟住另一呢位員工好悔氣回我一句“執緊畀你啦”，我只是問一句還有我一份未出，她就如此悔氣回應我，她仍然繼續講“小姐我做緊嘢啦，入緊畀你㗎喇”，當時我實在覺得委屈，因為他們太冇禮貌，而且佢哋嘅態度俾我感覺到，我查問我份外賣係唔啱嘅係我錯嘅，我亦都唔會知道你哋做嘢嘅程序係點，我只知道收銀嗰個員工入曬晒所有包畀其他客，而冇去處理我呢一份單，所以我先至出聲問，但竟然得到不禮貌對待

疫情下，好耐無飲過茶。今日買唐記點心比爸媽做早餐😀每人食一個包，分別係菜肉包（味道正常）、麻蓉包（麻蓉都幾多！）同流心奶黃包（真係幾流心，奶黃都好香👍🏻）點心方面，蝦餃既皮幾彈、蝦幾爽，推薦！👍🏻另外鮮竹卷幾足料，味道唔錯。牛肉球係買比阿爸獨享既😂👍🏻

見到網上平台的宣傳，推出了新產品，流心阿華田包及阿華田奶茶，見到流心阿華田餡料的包點，很吸引。在街市買完日用品，經過唐記，問問店員，原來最近推出新品，很熱賣，很快便售罄了，真可惜。唯有買其他甜餡包點作代替品吧。黑麻蓉包：包外皮也有芝麻香，入面塞滿烏黑的餡料，充滿芝麻香，甜度剛好，不過吃到最後有點膩。除了包點外，還有飯類及點心。下午茶還是買些點心夠了。燒賣：杞子，豬肉及蝦肉燒賣媲美茶樓，加點醬油及辣椒油最惹味。山竹牛肉：牛肉球口感彈牙，有牛肉味，加上粒粒馬蹄，彈牙之餘亦帶爽口感，墊底的還有腐竹。砵仔糕：紅豆多，煙靭的糕點及紅豆起沙的口感，不過偏甜。

這天因為工作的需要，再次到達觀塘，餐廳位於觀塘的舊區，並不是工業大廈那邊，而是另一個方向，距離附近地鐵站，路程約需十分鐘左右。地理上還算方便，可以接受。餐廳主打中式點心，但我發現餐廳居然推出 與阿華田合作的包點， 很可惜賣光了，我今天點算的食物就是雞扎與及章魚肉餅飯。 味道方面與酒樓的沒有大分別， 雞扎內裏份量十足，餡料精美，有雞，有豬皮，又有芋頭，最開心的竟然是有豬肚嘅供應， 令我有一種意想不到的感覺。 另外章魚肉餅飯，米飯粒粒分明，肉餅口感彈牙，有咬口，還不錯。

呢排都好耐無食佢啦xppp呢日經過見到呢間分店既優惠價都幾抵啵！！！呢個日同女皇既午餐就靠佢啦~~~同其他分店一樣，佢地都有每日優惠既蒸包同蒸飯~~呢日就係蕃薯凍包同鳳爪排骨飯做梗special offer!!! 雖然啲蒸飯同點心新鮮蒸起都好吸引但我同女皇都可能因為太熱而唔太想食飯，亦唔想食咁多肉.....所以我地都只係要左幾個凍包，打算拎返去先蒸返熱黎食~~~我地要左做梗優惠，12蚊有3個既蕃薯包，再加多兩個叉燒包xppp本身想要兩枝奶茶架，但點知無貨，所以我地就要左兩枝HKd$8.5既凍豆漿！！即買即飲，爽！！！而啲包包就打道回府先蒸返熱食~~~蒸好既包點依舊鬆軟又足料，兩個人食曬5個包，加埋枝豆漿都咪話唔飽xppp我地食到飽飽又滿足，兩個人加埋都唔洗50蚊，抵！！！！

協和街 唐記長期都咁多人排隊買嘢食，皆因一個字「平」， 講真每日特價一個蒸飯都只係15蚊去邊度搵呀！--章魚肉餅飯肉餅夠大件，入面有章魚粒粒，馬蹄粒粒，夠曬爽口彈牙，飽肚一流。 白飯又真的靚仔唔會爛pat pat。 最重要係畀咗好多菜唔會怕唔夠纖維。---雞蛋牛肉飯牛肉係山竹牛肉，又可以當多樣點心食，勁大塊。---杞子燒賣唔係普通魚肉燒賣，入面有蝦有豬肉， 肚餓買返4粒飽肚最好選擇，燒賣 豬肉唔會太肥唔會太瘦， 爽滑味濃。-仲有樣嘢不得不提的是唐記有凍包賣， 比蒸熱咗嘅平得多。 是日特價係12蚊三個菜肉包，仲平過食空氣菠蘿包呀。 入面有肉有菜夠曬營養均衡又飽肚。-香菇雞包另外仲叫咗香菇雞包， 係另外一款有纖維有肉嘅選擇。 木耳絲爽口，雞肉唔會個柴，亦都唔會過鹹，食完唔會感覺好多味精。-奶黃包除咗行包當然仲有甜包今次叫咗奶黃包。奶黃包一打開就見到金黃色嘅奶皇， 奶香濃郁，鹹蛋味夠鹹香， 熱辣辣食非常一流。

近來要慳錢慳錢慳錢，返工真係唔知食咩好，觀塘食野真係越來越貴呀！好在！有唐記！去買點心，包點，糯米雞，一百蚊都唔洗夠食足一日早午晚，真係平價之選！仲要味道都好好。今日lunch食左個金錢肚，佢既醬汁真係好好味！仲要配左幾塊蘿白！真心讚！糯米雞都係不二之選，有冬菇，雞翼，叉燒，好足好足料！重點係D糯米飯仲係QQ有咬口，唔會太林太濕，味道剛剛好！家中兩個小妮子都愛包，通常我都會買埋佢地個份！睇佢地大啖大啖食真係好正！再買D點心咁又一歺！

落堂未食晏，見到呢間既蒸飯有做特價優惠啵！！！！！個日仲要係我至愛既鳯爪排骨飯做特價只係15蚊炸，一於買返屋企做午餐xpppp菜肉包都有特價，做梗12蚊3個但我本身唔好菜肉包，所以就就無買包嚕反而突然想食份點心，之前試過燒賣同鵪鶉蛋燒賣都覺得唔錯，呢次就要左份 秘製金錢肚$14買埋返屋企食：）店員姐姐好快手，落左單之後，唔洗5分鐘就拎野走得去搭車：D一盒飯加埋份點心都唔洗三十蚊，出去茶記食個早餐都唔止呢個價！！！蒸飯拎到返去都仲熱架~習慣醬油另上，食個時先加落去；D今次有叫到多菜，所以個底有好多椰菜！！！而鳳爪有兩隻，排骨都有四至五粒架~~~第一次食佢地既金錢肚，原來好ok啵，入味又唔韌，下次可以再encore ;)

秋高氣爽最適宜的活動就係。。。。郊遊。今日決定去長洲🛳雖然長洲好多嘢食。。。。但係早餐係最重要嘅。。。。所以呢個神聖嘅任務我今日決定交畀唐記😃返咗五日工，星期六日就當然要休息下，叉足電，然後先至再搏殺。為咗保持自己嘅身體健康，當然要揀食完精神奕奕嘅蒸包😃 一於向煎炸烤焗嘅包包講句再會🤗 唐記sell佢係新鮮香港製造，我就將我 甜美健康嘅一天交畀佢開始。平時都係食菜肉包，今日突然之間又想試下甜甜地嘅包包，好好緩和一下過去五日緊張嘅心情。。。。結果係。。。。好彩冇揀錯 呢個蕃薯包，甜得來唔會漏，今早凍凍地，攞住個蒸包仲有埋暖手嘅作用😃 呢個蕃薯包係軟綿綿，食到有新鮮蕃薯既味道，唔係化學劑搞出嚟 fusion 嘅番薯味😃 我而家已經決定咗去完長洲返嚟買多一個甜甜地嘅凍包。。。。星期日朝早蒸返熱佢。。。。 延續我健康甜美的休假。。。。