唐記包點 (港鐵大埔墟站)

Open Now

Now Closed

早上繁忙時間經過大埔港鐵站，突然想起上次未能嚐到的流心阿華田包，現在這麼早一定買得到吧！衝衝衝！順道也替同事買早餐，買到了！🔆流心阿華田包 - 似乎很暢銷，前後左右都喊著要這款包。鬆軟的包裡面是甜而不膩的流心餡，充滿新鮮感之餘，溶溶的阿華田漿令人口水流～如果即買即吃想必更流心呀！🔆鵪鶉蛋燒賣 - Encore之選，燒賣口感挺實，肥肉不多。這款十多元的點心水準有如酒樓質數呢～🔆雞扎 - 同事說這是非常划算的點心，香滑腐竹皮包著魚肚、雞肉、冬菇等等，用料新鮮，酒樓一般是大點以上，這裡$18已吃到。🔆秘製金錢肚 - 一如既往分店品質相約。酒樓水準，沒有腥味，惹味入味，口感煙韌。好吃！🔆這次輪到阿華田奶茶售罄，就喝平時必買的黑芝麻豆漿及地道風味香滑奶茶。香香的芝麻味，營養豐富豆味濃郁，是我營養必備！同事是奶茶狂，每天都要喝一杯，他說這個奶茶絕對有茶餐廳水準，香滑茶味，甜度適中，有點像冰震奶茶，讚！❤️這家在我來說是百吃不厭又划算的食店，總能非常實惠的滿足三餐。

唐記包點出名多分店, 大埔墟站呢間係我次次返興趣班經過都會幫襯😌今日上完堂好肚餓, 於是叫咗一件馬拉糕同一個菜肉包, 菜肉包餡料非常多豬肉, 真材實料, 並唔會只有菜, 包身非常鬆軟😋另外仲買咗飯同點心返屋企食, 有章魚肉餅飯,燒賣同雞扎😋最鍾意佢嘅雞扎, 腐皮包住豬肚, 豬皮, 芋頭和豬肉, 非常有質感, 而且芋頭又入味👍🏻燒賣亦非常唔錯, 口感彈牙, 真材實料, 唔會好似有d鋪頭咁, 麵粉多過肉👍🏻👍🏻👍🏻

去住大埔嘅朋友屋企，去之前先買個唐記！.除咗兩盒飯，仲叫咗$18嘅鵪鶉蛋燒賣。估唔到又幾好食，如果有四粒就好啦！.仲試咗$8沙嗲牛肉包。呢個價錢當然唔會有沙嗲肥牛係入面，不過都有塊唔會太鹹嘅牛肉餅，加上個包熱辣辣又鬆軟，當早餐/下午茶都係唔錯嘅選擇！.鳳爪排骨同北菇雞飯($27)就一如以往都係好大盒！菜嘅比例都算多(比啲肉遮住左)，排骨同雞都多肉又唔會嚡。.我比較鐘意黑芝麻豆漿，冇原味豆漿咁甜。.本身唐記已經又平又飽肚，原來仲要出埋飯券，對於冇時間煮飯嘅打工仔嚟講，一個飯$21.7真係超級抵同方便！

今日地鐵大塞車我塞咗喺大埔站所以就去食呢間唐記包點醫醫肚☺️燒賣好食肉夠多 又滑 味道適中 唔算鞋鵪鶉燒賣鵪鶉蛋同燒賣肉配合得啱啱好啲豬肉好新鮮雞札相對份量少啲得兩舊芋頭同雞都好多 包埋腐皮好好味食一嚿基本上已經半飽馬拉糕好香黑糖味又大舊 甜甜地唔會過份甜 用嚟送豆漿一流菜肉包好味皮薄餡多 豬肉新鮮多菜夠健康鹹魚肉餅飯姐姐好好人失咗好多菜喺底我哋兩個人淨係食呢一兜飯都夠曬飽鹹魚係梅香鹹魚好香豬肉什有鹹魚味送飯一流

我是唐記包點的粉絲，去到邊就會食到邊買到邊，今次就來到大埔港鐵站出口附近買外賣。同樣地餐牌清晰可見，圖文並茂。先不忘叫了這裏出名的點心，鵪鶉蛋燒賣、鮮竹卷都是我至愛的點心🥧。鮮竹卷一份有三件，而且外皮的腐皮非常入味。這裏還有套餐選擇，只需以優惠價錢就可以換購各款的飲品，好抵食！我們就揀選了兩個蒸飯，一大盒非常有份量，我同家人就Share食，當中的滑雞飯味道入味新鮮。這一餐飯我和家人都很滿足，而且食物款式多，很快我們會再幫襯！

啱啱做完嘢就有一間唐記包點在港鐵附近，就根據家人的指示買了幾款蒸飯和包類、點心。餐牌非常清晰，分門別類列明食物及圖片，原來包類都有超過十多款，多款選擇。我們就一口氣點了差不多$200的美食，非常豐富！還有點了凍包-菜肉包、叉燒包和馬拉糕，可以隨時隨地蒸來食，店員仲溫馨提示我們隔水要蒸8分鐘才可吃！點心中的燒賣是每次到唐記包點必點的食物之一，燒賣的豬肉味道夠晒濃郁，最鍾意配搭埋佢哋特製嘅辣椒油一齊食，好鬼滋味！蒸飯一共有八款選擇，原來另外仲有特式客飯供應。最後我和家人都食到捧住肚，非常飽及滿足！

平時都食開唐記包點，覺得真係好平又大舊夠飽肚，味道仲唔錯😋而且分店勁多，總有一間係附近😂每個包都係$5-8，而且依家做緊優惠，好多包都係$7.5炸！一盒大大盒嘅蒸飯都係$27炸，咁抵食邊度搵到？！最中意嘅就係豉椒排骨飯，排骨數量比起出面嘅舖頭多一點，仲好香嫩tim🤣飯粒就更欣賞，粒粒分明好有咬口🥰豆漿都唔錯，只係$9，比便利商店較便宜。而包點都好多款選擇。番薯包係我最愛，香甜而不膩，餡夠細滑👍🏻菜肉包嘅肉比預期中多，唔係淨係得菜。雖然本人不太喜愛奶黃，但都覺呢度嘅奶黃包唔錯，唔會好甜🥰比較特別、少見嘅係呢個沙嗲牛肉包，調味調得唔錯，夠香濃👍🏻其實一個包加一支豆漿做早餐已經好夠飽，而且比起出面餐廳/快餐嘅早餐更加健康、低卡路里🥰好岩想食得唔太肥又想要飽嘅人士❤️

今日跟爸爸到大埔慈山寺，去完後返回火車站，打算坐鐵回家。但返家前想醫醫肚。見到火車站有間唐記包點，所以決定就地買返幾個點心醫一醫肚。今次仲買了支黑芝麻豆漿，好冰凍好爽。呢支豆漿不太甜，有淡淡的黑芝麻香。不錯。點心我們叫了三款。分別有鳳爪，竹分入味，而且份量都不少，好有風味。另外燒賣是真材實料，好好味，啖啖肉。當然有叫我至愛的春蛋燒賣，每粒都有一隻春蛋在上面。好滋味。因為現在已很少酒樓有呢款點心吃了，所以每次當我想吃時，我都會想起到唐記買返個春蛋燒賣，回味一下。爸爸仲點了一個叉燒包，他說唐記的包又大個，又鬆軟，所以十分喜愛。叉燒包味道好好，入面有好多叉燒醬及肉，好惹味。我們仲點了一隻糯米雞。糯米雞好足料又好巨大。好飽肚。入面仲有原隻雞中翼，炆到好腍身，好正。糯米軟軟綿綿，好吸引。而且仲有好多好香既汁醬。混合了肉類、火腿、蛋黃⋯⋯十分惹味。唐記最方便，隨時隨地都會看到分店，幾時想食，幾時想醫肚都得。

唐記包點 －－大埔港鐵大埔墟站TAP15號舖唐記夠簡單 快捷  又經濟又實惠叫個蒸飯只係$2X  有飯有肉又有菜～最緊要食得飽！！！！！！不過Tai Po Market Station 既唐記就相對地貴DD～＄8 一個包 ＄27 一個飯不過開係火車站 地點方便丫Ma～新出既梅菜肉餅飯＄27肉餅質感可以 送飯一流 梅菜味好出 分量亦多～另外還配上一點椰菜  算是健康一點不得不說 呢到D奶茶幾香濃～不過胃唔好的朋友們不要試了因為都真係幾濃 但入口亦是香滑的！

晚上行開街，肚仔餓點搞好呢，平時又食開日式野，又西餐，真係想轉下口味，念又念吾到點算好。其實又吾想坐低，但又要趕路。所以隨機去選擇了一家餐廳。其實係外賣店。佢地幾好，好多包都有名有圖，就算食前都會有張紙寫到個包係咩名。每個包包都係十元八塊內，可以好優惠下食到自己個肚飽到飛起。正！ 我比較愛菜肉包，因為食落去有口感。同時，蓮容包，正吖，食落都吾錯，晚上好少地方有得食，因為酒樓先會有。所以好貼心。同時有鍋貼，非常優惠，如果忙既，真係幾岩外賣。

唐記包點越開越多，好容易就可以喺地鐵站搵到，方便晒我哋呢班打工仔買早餐同午飯😌。而且選擇又多，無論係盅頭飯定係點心，都可以唔使特登去茶樓就食到，對我呢個點心迷黎講真係好方便。今日就叫左鵪鶉蛋燒賣做早餐，三粒鵪鶉蛋🥚燒賣睇起上嚟都好飽滿，仲見到有腐皮墊底。燒賣食起上嚟啖啖肉，除咗豬肉仲食到有蝦肉🦐係入邊，所以食起上嚟都有少少彈牙爽口。唔同一般嘅傳統小店，食到嘅肥豬肉🐷比較少無咁膩，但唯一失望嘅係鵪鶉蛋冇乜蛋味，似乎唔係咁新鮮。總括黎講，整體上都OK。👌🏻

今日午餐又系唐記解決，呢次叫個鳳爪排骨飯再加$3.5要左包綠茶。我覺得都算幾抵食，飲品平日最平都要$4先有交易，呢到買飯配埋飲品又平蟹小小，唔錯。飯都係$25就買到，蒸飯泥講都可以接受。配料既鳳爪有2隻左右，醃得算入味，皮都幾軟。排骨都屬於瘦，肥膏唔多，但肉既份量小。調味唔突出，都系要靠附送既蒸飯豉油加味。成個飯不過不失，平日頂下肚幾方便又唔錯既！

朝早有飯落肚成日個人都會精神。今朝冇買到麵包去到車站見到唐記開左,買左個鱆魚肉餅飯食。感覺都還可以。肉餅唔會軔。又有鱆魚既味。仲送幾條菜。都只係$25認真抵食!

對唐記包點君不要期待吃到有多天花龍鳳，令人驚豔的美味。她就是很簡單的中式包包。味道很純粹，簡單如日常生活的必需品。可是簡單中卻又嚐味到細節。像是店內一位位大姐，戴上膠口罩合乎衞生的她們，工作爽手快捷，一個收銀一個給包，毫不阻你上班時間。說回食物，奶黃包、叉燒包、芋頭包、菜肉包的包包永遠都是由內到外熱呼呼到手，包包鬆軟美味。從未試過包包會淋身。而且包包比一般酒樓都要做得好，不會黏牙立手。包與內餡的比例也拿揑得很好，包肉包肉相間最棒了。叉燒包內的肉餡比一般酒樓叉燒包都要多。純粹的白包包完美讓位做最出色的綠葉，將微甜的叉燒醬汁與叉燒襯托起來。引得人吃上一口又一口，給打工仔們一個滿足的早晨。

今朝趕時間返工無時間慢慢坐低食早餐，行過大埔火車站見到好耐冇食嘅堂嘅唐記包點，心血來潮好想食蒸包.... 一雙腳就忍唔住行左去唐記買早餐喇。其實唐記啲包同點心真係好抵食，幾蚊個包；十靚廿蚊個鐘頭飯同點心，仲要新鮮出爐熱辣辣，真係去邊度搵丫！另外，值得讚嘅係，唐記嘅員工真係好快手，趕時間真係一流！講返今日嘅早餐先，實在太肚餓喇... 所以我買左一個招牌嘅菜肉包同埋麥皮饅頭做早餐。以女仔來講，我都算大食喇！哈哈哈.... 不嬲對佢嘅蒸包都有信心，咁耐食，今次再買黎食，的確無令我失望，包皮依舊軟滑；菜肉包涵味道適中。唯一美中不足嘅係一定要襯熱食！隔耐左嘅話，包皮會無即食咁軟熟。