唐記包點 (港鐵大埔墟站)

Open Now

Now Closed

服務態度差，好似唔憂做，質素比大埔中心差，拎多包豉油態度好差，好聲好氣講唔得？下次去大埔中心買，食隔夜飯都唔會再去火車站買，光顧仲受氣！ 差爆！差差差差差差差差差！

工作辛苦左一日，又唔係好舒服..諗住買個飯返屋企食完抖下，但被不禮貌對待，覺得好唔開心我大約6點去買個飯加個湯，但收銀就點錯左個飯，我同佢講我唔係要依個要隔離果個，個收銀即時黑面望住我，將啲找續錢放左個枱上面，冇直接放我手，然後出左張飛，一野掉過隔離包裝果個同事度，然後若無其事咁望前面，全程黑面。其實你唔想做我生意可以直說，我又冇做錯野，我買果個飯又唔洗倒出黎，直接包裝就得，有冇必要咁大脾氣？我果刻想要佢退返錢俾我，唔想幫襯佢。但我覺得個包裝既員工又好無辜…所以我就算數，做得服務業就唔好帶情緒對住客，幫襯你買個飯40幾50蚊…唔係要你俾5星級酒店服務，但最基本既禮貌你都冇

本人時常到你們大埔火車站分店買包點或飯，我因為返工地點附近沒有食店，所以有時早上返工前會自備乾淨的餐盒到你們的店買飯，留到中午放入微波爐翻熱做午餐。主要不是為環保。我不是麻煩客，每次去你們大埔火車站的店，我都預先想好要買什麼，到購買時清楚講好要什麼！之後用八達通付錢。但多次遇到的服務對待都是不好…！但每次不開心後隔一段時候，我又再次到貴店買嘢！…忍了多次，今次想講！今天早上心情ok的我又自備餐盒，講清楚要買什麼，又講明唔該！我需要餐具和膠袋！我的餐盒放在枱面，但店員沒有交俾包裝外賣的店員，任由其他客人將銀紙放在我的餐盒蓋面上😡，之後包裝店員醒覺見到後才拿我的盒去裝飯，當他包裝時我已再次說明我需要餐具膠袋，他裝好的飯，沒有將蓋蓋上放在枱面俾我，要我自己將蓋蓋上，還有是….…最後都是沒有俾餐具和膠袋給我，當我再講時，他將餐具和袋就放在枱面俾我！我當時的感覺就是覺得似被歧視我帶餐盒，不受歡迎！我到這分店遇到這樣對待已經不是第一次了，是很多次！如果不是這店的食物ok和方便我，我都不會再翻轉頭幫襯。今天我買完走時心情都不好😡，我不知道我會不會再來買嘢！但真是忍了多次，今天想講出來！！

其實本來自己都好少喺唐記包點到叫嘢食，最多就係嗌早餐，通常嗌早餐都係嗌過啲奶皇包呀、叉燒包或者饅頭咁，見到原來佢都出咗一啲飯盒一排，咁我就叫咗我最鍾意食嘅鳳爪排骨飯加豉油， 咁其實佢個價錢都幾好嘅唔過30蚊， 而且飯都算乾身，而且 有 兩個鳳爪同數舊排骨，份量都算唔差，對於呢家咁嘅環境，我覺得咁嘅價錢咁嘅質素，都算係十分優惠 ，如果第時佢搞大啲，有堂食就最好啦， 又或者希望佢出多啲其他款式，就好似我最喜愛的乾炒牛河咁樣多啲款式畀我哋小市民去選擇，咁我覺得係非常之 good。

好少見到唐記包點會有有咁可愛嘅包點一向都係價廉物美嘅實際包點/全飯前主，成日見好多男士買，好似比較”佬” ，麻甩感覺哇，難得有岩唒港女打咭嘅粉紅色包點就一定要買嚟試下啦少女心大爆發，紅豆包係My medoly 個頭，賣相幾好，好似日本見到嗰啲咁精緻，加上特別鐘意粉紅色點知呢，限量發售，每日返貨好少數量，我7:40去到已經賣晒第二日我6:15 am去到門口，6:30 am 睇住佢哋返貨，就買到啦好受歡迎，真係好可愛㗎我買咗兩個紅豆包，兩個菜肉包，比較喜歡菜肉包，肉同菜比例完美，味道合心意，唔會太油膩，或太濃太淡，好味粉紅包菜肉包 $8.5 ，比平時貴 $0.5, 有得影下相，又好味，抵呀紅豆包，味道正常嘅，第一次食，可能對我嚟講甜包都唔係我杯茶同我認為呢紅豆係要配綠茶味，要日本嘅口味咁🇯🇵，所以覺得紅豆包好一般，有啲普通打咭 $18，算係合理價錢，唔只個公仔頭整得靚，就連包裝盒啦，袋啦都好精美

唐記包點最新聯乘Sanrio。推出一系列My Melody新品，當中有My Melody圖案菜肉包、雙色餃點心盒，更有My Melody卡通造型的紅豆包，十分可愛。一眾My Melody粉絲記住把握機會試試啦！

最近沒太多時間去餐廳用餐,收工就急急趕回家所以一般買外賣回家再吃比較方便這一天經過唐記,原來想買蒸飯,但想吃的賣完,轉了買腐皮卷一盒跟一個大糯米雞糯米雞用荷葉包著,份量十足,比想像中札實上下層都是糯米,中間就是肉餡有肉碎,冬姑,蝦米,雞翼,咸蛋黃糯米夠濕潤,肉餡料濃味,味道不錯,相當飽肚好吃豆腐皮卷中間都是肉餡,味道偏油膩,不算好吃 如果加一點醋吃會比較好,可惜沒有提供~用餐日期11月12日 唐記包點 大埔港鐵大埔墟站TAP15號舖

唐記包點聯乘阿華田又推出期間限定新品！繼之前推出流心阿華田包，阿華田流心醬湧出，味道香濃。仲有，阿華田奶茶亦同步登場。今次又有新的阿華田產品推出！今次個阿華田包除左流心之外仲加左麻糬！阿華田流心醬湧出，配上麻糬煙韌口感，更有層次。不過我其實又覺得加多左麻糬有種多此一舉😅

唐記出左阿華田包都有一段時間, 可惜我每次都係買!唔!到!😠😠😖😖 今日收工番屋企嘅時候又再去望下碰下運氣, 竟然仲有得賣😱😳🤭😝🤤 於是……我好衝動咁買左3個番屋企試下😂😂 個姐姐問我要凍定熱😮, 我就揀左熱啦😋個包都幾大個同熱辣辣嘅, 雖然佢係啡色, 但個包皮我覺得係無阿華田味嘅😂 咬落去d阿華田醬都幾多, 流哂出嚟。 阿華田醬嘅味道濃郁但又唔算太甜, 不過食完一個就有少少膩, 但總括而言係幾好味嘅, 而且5蚊一個, 真係唔貴🤭😋 推介!👍🏻👍🏻

唐記真係好方便特別係當你要買哂全家人既早餐，呢日途經大埔墟站唐記，都買左好多凍包同埋我自己既晚餐！成日想試新出既阿華田包但間間都咁好賣今次又試唔到.... 連阿華田奶茶都賣哂，唯有下次再試.... 今次買左糯米雞同豆漿做晚餐！ 糯米雞唔駛講啦，簡直係我既至愛，又有雞翼同叉燒係入面！勁足料！凍包又真係唔駛講都係咁正，有馬拉糕、叉燒包、菜肉包、糯米卷、炸菜肉包、香菇雞包！等屋企人有唔同既選擇！！！ 正～～～～

唐記不嬲平靚正，間唔中都會去買下包做早餐，配埋豆漿就一流🤣包方面最中意食嘅係叉燒包，而蒸飯當中就最中意豉椒排骨飯🥰🔸叉燒包 $8叉燒包餡多，味道甜甜地，叉燒又切得夠細，好方便咬😆🔸沙嗲牛肉包 $8比較少見嘅中式包款，個餡比叉燒包更多更飽滿，除左沙嗲同牛肉，仲有炒洋蔥，口感豐富👍🏻🔸豉椒排骨飯 $27飯粒粒分明，好咬口，排骨都好多仲有滑嫩🥰$27就夠中午果餐食，非常抵食🔸豆漿 $9本來想買埋新出嘅柯華田流心包，但成日好快賣曬😢

我係柯華田控，唐記出柯華田流心一定唔可以錯過！上星期出，買唔到，今次終於試到啦！個流心超正超濃!一下子就湧出來，暖暖的流心好滿足呀！不過個包就有d濕，唔足夠鬆軟，美中不足的地方。

除咗鍾意周圍食野有時都鍾意買外賣屋企食個人覺得唐記包點又好方便又經濟實惠而且價錢相宜💰今日用左100蚊唔洗買左唐記返屋企食之後好滿足解決左同哥哥早餐同午餐早餐我地食左自家豆漿本身想試奶茶不過賣晒但唐記嘅豆漿原來好好飲除左寫明無添加香港製造信心保証最緊要飲落去有豆味但係唔會好甜，喜愛香芋包包熱辣辣出嚟一打開個包滿滿嘅芋泥芋泥甜而不膩又滑身好幸福嘅感覺番薯包甜度適中黃色嘅番薯溢出🍠岩曬番薯迷燒賣可以喺屋企輕輕鬆鬆食彈牙燒賣肥瘦肉適中午餐方面兩個嘅鳳爪排骨飯已經好飽🐷佢地嘅飯係蒸飯所以咬落好有飯香最鍾意鳳爪排骨因為排骨好多仲有菜送埋加埋佢特製嘅甜豉油又抵又方便得閒都可以滿足下自已🥰

颱風突襲，打風期間的三餐最方便就是到樓下商場或車站的食店，老公差不多每早都在唐記包點買包作早餐，今次就試試買些蒸飯作晚餐，再買些包作甜點及明早的早餐。鳳爪排骨飯 $27 - 鳳爪燜得軟腍入味👍，有多件排骨，還有一些椰菜，這個飯的份量不少，以這價錢實在非常抵吃蕃薯🍠包 $8 - 濃厚蕃薯味道香芋包 $8 - 淡淡的紫色很吸引，口感及味道也很好蔬菜香菇包 $8 - 大大個很足料，有紅蘿蔔絲丶木耳絲等，健康又好味麥包饅頭 $5 - 這個也比想像中大，很久沒吃饅頭，買來作早餐，清清地夠健康黑芝麻豆漿 $9 - 很多賣豆漿的地方未必有黑芝麻或黑豆漿，但相信很多女生體質也是喝加了黑芝麻的會比較好，原來這裡有，立即買了一支試試，黑芝麻味很香濃

唐記一直是我速食首選，因相對其他價錢便宜又健康！向來熱愛飲華田，新出的阿華田系列引起我的興趣，於是買來一試，還順道買午餐。我說不要餐具，店員也很禮貌答應，而且會問蒸飯的豉油要不要分開。重點的流心阿華田包$5！！！現在優惠還滿挺划算，可惜奶茶賣光，沒能一試。麵包鬆軟綿密，流心餡不會太甜膩而充滿阿華田麥香。章魚肉餅飯$27有鮮味，肉餅有章魚粒有咬口。黑芝麻豆漿$9有濃豆味，有營養。鵪鶉蛋燒賣$18 山竹牛肉$18兩款點心讓人品嚐酒樓味道，位置方便各愛酒樓的人，特別上班族。沙嗲牛肉包$8 唐記有凍包提供，可以還人回家蒸來吃好方便。