唐記包點 (天澤商場)

Open Now

Now Closed

個奶皇包好好味，首先味道唔會太甜，奶皇味好濃亦好香，而且奶皇都好多，個包都好鬆軟，唔會好乾，15蚊就有三個真係好抵而依個菜肉包肉同菜都唔算多，而且啲肉有啲肥，不過個包都好鬆軟，個包整體都好好味，而且一樣都係15蚊三個，都係好抵食

今日放左工，有啲攰，都係係屋企附近求其買個飯食，唐記係個唔錯又平又健康既選擇！😋唐記菜肉包🍞麵包鬆軟😋😋，好多菜🥦，餡料既味道又好味，唔會太鹹👍🏻👍🏻係個健康既包包，做早餐或者下午茶都好正！鹹蛋肉餅飯🍖🍚肉餅有馬蹄，食落爽口，唔會油淋淋😋😋😋有椰菜伴飯🥦🥦，健康💪🏻💪🏻但冇味又硬，唔太好食☹️🍚啲飯有啲硬同乾，睇個人口味啦，如果中意食硬飯既話應該都ok既🧐

在天水圍家附近商場有間唐記包點，見由朝早到晚上都有人買包點同各式蒸飯。章魚肉餅蒸飯，肉餅幾大份量,食落有章魚味，飯煲得軟硬都幾好。見佢有時推出特價點心同蒸飯，街坊都好開比佢的推銷。

作為街坊嘅我點會唔幫襯呢間包點？我記得佢一開嘅時候我成日都幫襯，啲嘢食真係又平又抵食！係真係好平好平好平！重要的事情當然要講三次！不過有少少失望嘅就係佢開咗一年幾啦，感覺冇開舖嘅時候咁好食！就好似之前食雞飯咁，啲雞好大陣雪藏味，我最討厭啲雞有雪藏味，通常有咁嘅情況我都比屋企人我自己就唔會食！但係佢啱啱開舖嘅時候真係冇呢一浸味！如果唔想食到有雪藏味嘅雞，我勸你都係食返鳳爪排骨飯啦，因為佢呢個質素都keep到下既！

多謝媽咪每天早上也為我們預備早餐。今天因媽咪有事要早出，因此來不及煮早餐，但亦窩心地為我購買了鳳爪排骨飯。只需要步行到附近商場約10分鐘，便可買到一個熱辣辣，温飽的早餐。由於媽咪8:00已到餐廳購買，所以不消5分鐘便購買了。基本上當我起床後，飯盒仍然是温暖的。打開飯盒後，已嗅到陣陣豆豉、醬油味，肚子不知不覺已向我發出警告。和酒樓不同的是，飯中會添加適量的椰菜，感覺健康。排骨數目約6塊，鳳爪3小隻。鳳爪和排骨都烹調入味，使人不覺吃多幾粒飯。而飯粒圓潤乾身，混合醬油後，鹹度剛好且有飯香。此店除了鳳爪排骨飯外，還有窩蛋牛肉飯，咸魚肉餅飯等選擇。另外，還有各種點心，例如：糯米飯，牛肉球，燒賣等等。雖然每次到酒樓，已經很常點鳳爪排骨飯，但是吃完此店的鳳爪排骨飯，我覺得更美味。

屋企附近冇唐記所以都好少食，但自從上一次食過個香芋包就愛上左😍今次經過見到，原本諗住試蕃薯包，但我買個時都已經好夜，蕃薯包都賣晒，所以我都係食番香芋包。香芋包係淺紫色嘅，都幾靚，然後入面個香芋蓉軟淋淋同包好夾，而且唔會好甜，只係有微微嘅甜味。另外個包感覺上都好健康，唔會有太多添加嘅感覺，而且又有飽肚感。實在係健康又好味之選！👍🏻👍🏻

早前食過呢度既香芋包， 覺得幾好味，啲芋幾香 又唔會太濟 幾健康。 今次買個招牌鳳爪排骨飯回家食，一路拎返屋企已經覺得好香，十五分鐘後拎到返屋企都仲係香噴噴 熱的，整體 幾好味 幾香 同足料 份量又多，男人應該食得飽，可算是有質素的鳳爪排骨飯。 不過 鳳爪唔夠淋身 同入味，比起酒樓就差啲，所以冇食哂。 排骨 都入味 ，多肉。 加分的地方是 佢個飯多汁 同有菜 容易送飯

白饅頭 $4不論 中式 日式 西式 無一不歡唐記包點 係我附近有一間饅頭帶有微微蒸包的包香， 包身鬆軟，包皮有點起皮但一舊一舊met黎吃 特別有風味 推介拎去炸 / 點lin奶 一流

因為喜歡吃蒸飯，所以如果出沒的地方有唐記，多數也會外賣一個蒸飯當午餐，又平又飽肚，重點是食過多間分店，質素如一，其他連鎖店很難做到如此效果。今次食北菇蒸雞飯，椰菜依然是完全無味，一定要叫多豉油才會有味。個人喜歡超軟綿飯，所以對於唐記的飯十分滿意，即使吃得比較慢，也不會因為放得太久而變乾身。雞肉滑嫩，骨極少，每口都啖啖肉，配上一件稍鹹的冬菇，讚！