唐記包點 (天澤商場)

Open Now

Now Closed

呢間係屋企樓下嘅一間食包同埋蒸飯好出名嘅地方，經常都見佢喺特價時段大排長龍，即使街市入邊有買蒸飯嘅地方，佢嘅競爭力也不弱，間唔時有啲花臣食吓餃子都唔錯吃，本人最鍾意食就係佢嗰間既香菇雞包，色香味俱全，雞肉餡又入味。個鳳爪蒸排骨飯都OK好食。

佢哋呢間分店啲糯米飯真係好好食，價錢又平， 唔係成日有要冬天先有， 如果有我次次都會買， 佢哋啲糯米飯煙煙韌韌好好味😋， 而且啲蠟昧油好香😋，咁嘅價錢真係冇得輸平時喺酒樓食都要百幾蚊😋😋

買左兩件煎嘅食物用個膠袋入住俾我但係個呀姐又入得衰成個袋口同手抽位都係油叫佢俾多個袋我入住原先個袋又唔肯之後佢換過個袋 一樣係油其實你最後都係用左兩個膠袋但係個問題又冇解決到 有咩意思呢？又冇cs hotline🤷‍♂️唔係公司附近嗰間執咗我都唔會幫襯呢間柯士甸站嗰間service好好

呢間分店嘅包賣得比出面市區嘅舖頭平，會有$15三個包呢啲優惠，所以好抵食。口味選擇都好多，個人最鍾意食嘅係番薯包同埋香芋包，每次必買。可以買熱包或者凍包，任君選擇。

天澤商場地下既唐記，買兩份點心$26。平均$13一份點心好抵食。揀左鮮竹卷、雞扎、蝦餃王、鳳爪。原本想點鵪鶉蛋燒賣，不過未有住。埋單共$52！比起茶樓食真係平勁多~~外賣回家享用，唔洗等，好快。自備食物盒，環保。蝦餃有三粒，個餡幾豐富，蝦肉都大舊。熱食好味！皮少少裂左。凍左個餃皮就會硬少少，唔及熱辣辣好食。雞扎兩大舊，有雞肉、火腿、芋頭塊，餡好味，但層腐竹皮略厚硬，仲唔索汁.....失望，唯獨個皮唔得。鮮竹卷三件，味道不過不失。餡算多，夠飽肚。鳳爪得5細細隻，味道係幾好，但份量的確少，係四樣點心入邊最唔抵食既。細隻之餘，有d得半邊或一條腳趾。鳳爪cp值一般。整體，係好抵食既，唔洗等又平。適合早餐食。另外，除左點心，一些蒸飯選擇多，$24起，好方便。蒸包都唔錯，幾蚊大大個。

唐記啲包一向都幾有質素，食過冬菇雞包、叉燒包、菜肉包都好味。佢既包皮好鬆軟，每次買都係熱辣辣的好新鮮。今次買左$18三個豆沙包，包皮厚薄適中甜甜地，豆沙好有驚喜，竟然有原粒紅豆，而且煲到好淋。個餡偏甜但整體幾好味。

天澤商場地下，在街市外面，有間專做外賣的，平時好多人排隊。是賣中式蒸包、蒸飯的，感覺健康。.紅豆砵仔糕（$6）有好多紅豆，而且同一般的砵仔糕比大隻好多。用密封包裝，更衛生，想隔日食都得。.點心（$28有兩款）叫了鳳爪及雞扎，雖然是外賣，但質素與酒樓食的一樣呢，好味。.包點（甜包$15有3隻）點了奶皇包、番薯包、馬拉糕等，全部都好大個，非常抵食。個人最鐘意奶皇包，內餡夠creamy及奶皇味十足。.蒸飯是平靚正呢！有蒸籠現蒸，保留到肉味的原汁原味。有配上菜及豉油，好食！

夜晚同媽咪講話想食點心，佢朝早買左成台糖記番黎😂😂笑左！同埋真係好「底」！當係一個簡單飲茶la媽咪話佢d飯蒸得好靚又夠香，塊肉餅又夠大塊！我就最鍾意佢個鳳爪、砵仔糕同豆漿！其他都好唔錯嫁！底食

天澤商場分店好似比其他分店便宜，有「限時優惠」，買包、點心都有優惠。.甜包$15有3隻（原價$6隻）。除了即食熱包，原來還可以叫「凍包」方便儲存。⭐️奶皇包Creamy 香甜奶皇味，多餡爆漿。⭐️香芋包同樣是多餡，啖啖香芋味。⭐️紅豆包包面有一點一點的，應該是紅豆碎。.點心是$28兩款，當然是選平時較貴的燒賣及雞扎。平均只是$14一碟，質素與酒樓食的差不多，而價錢就平一倍！.抵食的當然是「蒸飯」，有好幾款蒸飯可選，蒸飯還會加上菜（及淋上豉油），所以份量也不少。.飯品方面，加$8有豆腐（有黑芝麻豆漿），或加$4.5有汽水或紙包飲品。

成家都鍾意飲茶，不過有時遲咗起身，冇咗早茶優惠嘅話都唔會飲貴茶。反而我地會去樓下唐記叫點心食，100蚊已經餵飽哂三個大人，仲要食到點心嘅滋味！間間鋪頭都愈賣愈貴，唐記就反行其道，愈賣愈平。每款菜品定價比以前平1、2蚊，賣得多仲要再有優惠。接近午餐時間，我地叫咗兩盒鳳爪排骨飯，都只係$48，大大盒，抵!雖然價錢平，但份量同餸都好多！味道都過得去。鳳爪味道夠濃，好味！燒賣超低！但係似豬肉燒賣多過蝦肉燒賣，但肥肉唔多，同埋味道搭救！鮮竹卷材料豐富，呀媽嘅至愛！因為食完上面嘅野已經太飽啦，牛肉球留咗係下午茶時間食，但好可惜已經臭咗，大家買完都要即刻食啦

唐記有個凍飽優惠 真係好抵 每次肚餓都會買包食 又可以做早餐平時仲會買下點心食今日分別買左北菇雞飯 $24 咸蛋肉餅飯$24價錢實惠 可以選擇多菜同醬油份量都好足夠 雞肉肉質嫩滑咸蛋肉餅香噴噴 好抵食最近仲見到有奶茶賣 所以順便試埋係自家出品 不錯👍🏻香滑奶茶$12饅頭 $14/3個個人認為白饅頭真係好好食 因為佢新鮮出爐 仲係熱辣辣 食落口好鬆軟 又淡淡既奶香 沙嗲牛肉飽 $7鐘意咸包既人都可以試下呢個 沙嗲味香濃 牛肉唔會太乾 鮮竹卷 $15

有時放假唔知食咩，突然想飲茶食點心，奈何假期酒樓一定超多人！不過好彩總有一間唐記係左緊🤣落屋企樓下唐記打包點心再返屋企沖茶飲！😛嘩仲有好多優惠，真係平過去酒樓多多聲！我叫左一個鳳爪排骨飯$24，燒賣同鳳爪（兩樣$28）煎鍋貼$14/3件，蕃薯包$6沙嗲牛肉包$7，仲叫左枝香滑奶茶。叫咁多野都唔洗$100超抵喔返到去即時開餐啦，仲好熱辣辣架個鳳爪排骨飯，有菜跟再加埋豉油真係好正，唔洗一陣就清哂，飯又夠多唔會太濕！燒賣都好足料，豬肉夠多～鳳爪係我至愛，豉汁好好味！又有幾多隻！煎鍋貼煎到個面脆卜卜，個內料都好足，好夠味！蕃薯包既蕃薯蓉唔會太甜，好好食！沙嗲牛肉包呢真係好正沙嗲牛味，出面唔易有呢款包，今次叫左黎試又幾好食！唐就枝奶茶真係好好飲，好香滑，好似去左茶餐廳咁！

除了包點和蒸飯之外，款式更愈來愈多，更有點心、甜品 、蒸飯等供選擇 唔講唔知，原來呢間係特惠店，大部分食品既價錢會較低所以成日都人山人海呢度既燒賣都好大粒 , 加上肉扎實同蝦爽口 , D 料好實在 , 我覺得好食過D酒樓雞札餡料多，個雞肉大大舊配上芋頭好好食糯米雞超大隻， 份量足， 味道夠， 有竹葉香味， 好味。呢度既奶茶就真係要推介俾大家，一樽仔既奶茶只需$12，又香滑又夠茶味全部包裝穩陣又保溫， 叫完好快就包好，全部熱辣辣。方便又平又好味。

唐記都好多選擇，有多款蒸飯、點心同蒸包類等，都幾多人排隊，不過要留意只供外賣沒有堂食。煎鍋貼$14/3:煎鍋貼有椰菜肉，香口有咬口。鳳瓜排骨飯$24:鳳瓜排骨足料，辣椒粒香口惹味，飯粒佈滿豉油。足料糯米雞$22:果然夠足料，好大個，好多料，糯米飯帶點點荷葉香味，飯粒較為濕潤，裹面仲有隻雞翼、叉燒、冬菇、鵪鶉蛋，餡料味道鹹香燒賣$15:有杞子粒在頂，內裡有少許蝦肉，爽滑味濃凍奶茶$12:奶茶十分香滑，飲完醒神﹗凍奶黃包$6/1:買了兩個作為明天的早餐，又抵又好味~

星期六全屋懶得去排飲茶，決定派細佬落樓買外賣點心同包點唐記係街市門口開咗咁耐都一直未有機會一試做緊優惠，兩個點心都係$28，蒸飯$24，包點除返開每隻$4.5-6，真係抵過飲茶好多又唔洗比茶位，最緊要快同方便主打包點，蕃薯包外表一般，內餡用料十足全蕃薯蓉，絕對唔係蕃薯味嘅人造醬..連外皮都有淡淡嘅蕃薯味香味清淡帶微微嘅蕃薯香甜，推薦細佬食菜肉包，中式包皮鬆軟，肉餡同菜都感覺新鮮同夠味，佢食咗兩隻都話唔覺飽濟媽子食蓮蓉包，我試咗一啖，外皮同菜肉包差不多，一樣鬆軟。平時好怕蓮蓉餡會濟同膩，估唔到依隻都唔算好膩，而且蓮蓉幾香滑點心兩份先$28，嗌咗必叫燒賣同雞札燒賣肉料十足，啖啖肉。雞札如常有雞肉、豬皮、芋頭同豬肚，豬皮口感滑溜又入味鳯爪排骨飯$24，外觀雖然一般但價錢超值，仲有椰菜伴碟。排骨同鳳爪味道正常水平整體質素唔錯，最緊要快靚正價錢經濟