唐記包點 (港鐵將軍澳站)

Open Now

Now Closed

呢一日收工晏左，諗住喺地鐵站度搵啲嘢買返屋企，當晚餐食。不過見到熱辣辣嘅唐記點心包點，諗諗下似乎都唔錯起，碼新鮮熱辣喺度蒸出嚟，返到屋企食都仲係暖笠笠， 而且蒸嘢號感覺上都相對健康。蒸包、點心、蒸飯等都有唔同嘅款式，都算多選擇。隨便揀咗幾個點心同包咁，返去同埋屋企人食。話咁快排完隊就好快拎得走啲外賣，非常快手， 對於收工咁攰嘅我嚟講都幾方便。好快就返屋企開餐，先試下呢一個糯米雞非常足，入面有雞翼、肉碎、醬汁、冬菇等材料，非常大隻，食落味道都唔錯，好似去咗酒樓食嘅糯米雞咁。而菜肉包，亦都蒸得非常鬆軟，入面餡料嘅份量都唔少，有唔少菜，唔會話太多包，菜肉比例適中，幾好。不過我覺得咸魚蒸肉餅飯比較吸引，除咗係大大塊肉餅之外，鹹魚嘅味道幾香，唔會太鹹，而且仲有唔少椰菜喺側邊，感覺營養均衡，而且甜豉油味道都幾香，撈埋一齊食好夾。鮮竹卷一盒有三件，入面有唔少菜絲 肉絲，蒸得都幾冧身，不過有少少油， 味道還可以。至於糯米卷就非常大件，細食嘅朋友可能一件就已經夠飽，差唔多有半隻手指咁厚 ，而且糯米飯都幾香， 不過如果糯米飯入面有花生，就更加好味啦。

時不時早餐、午餐、下午茶時候經過，都會買籠點心、食個包或者盅飯。蒸飯都有新口味！冬天限定可以加臘腸。奶茶都有，都好多元化。梅菜肉餅飯($26)，肉飯嫩滑，梅菜鹹味很好下飯。加臘腸$5鵪鶉蛋燒賣($17)懷舊點心，本人十分喜歡，經常order，皮夠薄，半肥瘦豬肉，加埋蛋香，口感非常滿足。雞扎($18)有芋頭、雞塊、豬皮、豬肚，相當有質素，好好食，唔會太肥太油，價格又平，cp值很高。糯米雞($26)大大隻，原隻雞翼、鹹蛋黄、大片叉燒、冬菇、肉碎，認真足料，認真製作，唔係渣流灘。

如果冇記錯成個將軍澳區應該都有五間唐記， 呢間店舖之所以咁成功係因為 唐記稱得上為平民食物，健康， 快靚正之餘仲係廉食。佢哋仲定期有更新佢哋嘅菜單令人唔好咁快食厭， 我知道有啲單身寡佬每一日都會去唐記都買飯食， 簡單清淡又飽肚。 集合麵包類， 茶樓，外賣 飯盒 於一身。將軍澳地鐵站呢間分店， 開嘅地方有啲偏僻， 經過左好多次都冇為意， 店舖嘅系統 規劃分得好清楚， 先去下單再取食物。蔬菜香菇包7.5hkd買咗個菜肉包 7.5hkd佢所有麵包類，都係中size包，餡正，份量大，食材多

唐記包點的分店越來越多，而且有些更鄰近港鐵站，真是十分方便。唐記包點的點心選擇頗多，價格頗合理，我最欣賞是他們包裝外賣的細心。例如山竹牛肉加上了喼汁，一般情況下，拿到屋企已見喼汁流出來，攪到個袋濕晒，但他們採用有蓋的高身圓形紙盒，這樣就不會有此情況發生，抵讚。在眾多點心中，我就最喜歡糯米雞，因為真係堅足料，糯米軟身不硬，有微微荷葉香，逐步逐步食入去，有雞翼、叉燒、蛋黃、冬菇及肉碎等，而且是大大件，味道很不錯。以$25的價錢來說，真是感覺很好呢。

曾撰文評比包點店，讚賞唐記包點較優秀。唐包點（無記字）崛起於中環港鐵站，轉瞬間港鐵站已有4間。格局，食物質素與唐記包點大異（請參閱早前文章），其實同屬一系。集團在通菜街經營民華餐廳，嶄露頭角，以唐記包點聞名全港，現在兼營勝豐壽司。唐記包點現已有32間分店，其中12間位於港鐵站大堂，其餘多位於商場。即是說，唐在港鐵站有兩款經營模式。此店屬於舊式，不是位於港鐵大堂內，是位於出口B2外。好處是多做街坊生意。格局亦屬舊式，燈光較暗，蒸櫃體積較「唐點」大。包點/糕點類系列明顯較「唐點」多一倍，連豆腐花有15種。買了奶皇包，水準兩系列難分高下，中等水平。點心方面，此店只多了鵪鶉蛋燒賣。試食效果一般，似不及舊式點心題巧手。腐皮卷則唐兩系列難分高下。蒸飯類方面，此店多了雞蛋牛肉飯和新推出的咸蛋豬肉餅飯。總括而言，此店品種選擇較「唐點」多，亦兼顧街坊客源。雖然不及「唐點」光猛，已比本區同一集團的舊店好。