唐記包點 (環鳳街)

Open Now

Now Closed

黃大仙鳳凰新村 美食眾多 蒸飯都有好幾間選擇 不過炸物首選唐記包點 今日買咗個炸雲吞 色澤金黃 唔會過火 雲吞餡料都ok 但無酸甜汁跟 （不過無有怕 屋企例D雞醬點 都好好味）炸雲吞四件盛惠$16 確係抵

唐記包點經常有不同優惠，分店多，屋邨地區更加抵。一個飯加兩碟點心，已經足夠成為一個超飽的午餐。點心間中做優惠$24兩碟。雞扎幾大件，有火腿、雞件、芋頭，而最特別是有豬肚。😂人生第一次食雞扎有豬肚。豬肚爽口，內臟味道輕，易入口。燒賣面頭有兩粒杞子，但食不到它的甜味。餡料跟平常的豬肉燒賣不同，像是帶點豬肉味的魚肉燒賣，口感有點彈牙。鳳爪排骨飯排骨量比較少，而且骨遠比肉多。鳳爪味道正常，有兩隻。有椰菜幾健康，不肥膩。

肺炎越黎越嚴重，今日一個人食晚餐，都係買啲嘢返屋企食穩陣啲！經過唐記，見到新出（定係我太耐冇食？）嘅雙拼飯，即刻叫咗個A餐試吓。鳳爪排骨拼北菇蒸雞飯 （$22）✨本身諗住比今日食完lunch個飯盒姐姐裝飯，慳返個即棄發泡膠盒。點知呢個飯本來就係用即棄膠盒裝嘅，冇辦法啦外賣都係冇咁環保咖啦😢返到屋企一打開，個飯仲係熱嘅。除咗兩款餸之外，仲有幾舊南瓜添。飯嘅份量都多咗好多，好抵食👍🏻 而兩樣餸都係同之前一樣，啲雞都係非常之滑。鳳爪咬落都係好好𡁻，正😋

是咁的今日中午去唐記買飯盒食，佢有好多選擇揀㗎，最近畀我發現咗有一個好抵嘅優惠，就係20蚊嘅排骨飯。買咗返公司食大盒又好食，而且價錢平但係材料一樣好足，店員仲會問你使唔使加啲菜。真係平靚正打工仔之選。

今日天氣凍凍哋我都趕住出門口返工，但係呢要買返個中午飯盒返公司食先。畀我見到唐記包點，估唔到呢度原來都有。上次試嘅鳳爪排骨飯覺得真心唔錯。今次又畀我遇到佢仲要撞正我要買飯盒食，當然要試一試佢個雙拼飯啦。我買咗個章魚肉餅拼鳳爪排骨飯，大大盒成為26蚊又大又抵食返到公司梗係即刻開餐打開佢嚟食啦，我發現呢佢而家冇咗生菜伴碟喎，變咗做南瓜。對於我鍾意食南瓜嘅我嚟講係勁開心嘅。嗰盒飯真係好大盒而且個章魚肉餅一啲都唔馬虎，都有好大塊。再加埋啲鳳爪排骨我覺得26蚊呢個價錢簡直係賺咗。正

唐記永遠係我最好嘅朋友， 論方便去就比如便利店， 總有一間喺你屋企附近。 論食物價錢平質素高性價比高， 論飽肚一定夠， 所以，我時不時都會買唐記，返去做晚餐、做早餐。阿華田包 最近唐記大熱嘅包怎能夠不買呢， 熱辣辣新鮮出爐，最緊要阿華田餡夠流心，好味。 香菇雞包 大大個，雞肉加上木耳絲的餡， 雞肉嫩滑木耳爽口， 口感一流。 蔥花卷 加了蔥花， 使整個卷也鹹鹹香香。叉燒包5. 5 瘦肉肥肉比例剛剛好，不會太肥膩，味道也調得好味。章魚肉餅飯15 這間唐記的蒸飯特別抵， 每一日也有兩款特價飯， 只賣15元 。 是日特價飯是章魚肉餅飯， 章魚肉餅夠厚身夠大塊， 章魚粒馬蹄粒爽口， 椰菜份量也比得多， 15蚊一碗飯，抵到震。 豉椒排骨飯15 另一款特價飯是豉椒排骨飯， 排骨件數多，而且也不會全部是肥肉， 味精味道也沒感覺到有。 燒賣14 14蚊有4大粒， 每粒上高也有杞子，豬肉爽口不會全部都是肥豬肉。 鳳爪 14蚊有四大隻， 調味適中不會過鹹。 砵仔糕 勁多豆，煙煙韌韌，好食。 香煎包類14蚊有三個， 香煎牛肉包， 裏面勁多牛肉， 肉汁也豐富。香煎韭菜包， 喜歡

嘩，原來400米之內已經有兩間唐記，價錢一樣便宜抵食 really reasonable and popular. this one is near wet market. I found it when I went to buy fruits 新開左幾個月支持一下先, 我要了糯米雞啦，拿上手大隻紮實 入面其實好多肉,鹹蛋黃塊,肉碎外仲有雞翼一隻，汁都調得生甜甜，糯米都滲入了這股美味一樣有多款點心供應架,還是吃我最love 架燒賣止止心癮同肚餓。一次過點兩份 因試過受歡迎架去到中午就賣完啦

今日終於食到最近好hit既阿華田包啦😍 自從唐記上個月底出左阿華田包之後就成為大熱 成日都賣哂😖 今次朝早去到終於買到 由於岩岩蒸好 我地即刻食左個包先😂 流心效果都唔錯 果然好濃阿華田味😍 麵包岩岩蒸起好軟熟 $5真係超抵食🤪除左阿華田包 當然仲要試埋新出既阿華田奶茶啦 因為之前飲過唐既既奶茶 覺得茶底都幾香濃出色 今次就試左一支阿華田奶茶同一支普通奶茶😆 加左阿華田味會甜少少 華田味一樣好出 仲平過原味奶茶$3好抵試👍🏻去得唐記當然唔只食咁少野啦 一定要買番幾個點心食下 我地就食左燒賣 雞紮 鮮竹卷 糯米雞同缽仔糕🤤 全部都好抵食 特別係雞紮同糯米雞 好足料大大件👍🏻 糯米雞入面仲有雞翼 叉燒 冬菇等等好多材料 唔想等位飲茶 去唐記買d點心番屋企食的確係一個好方便既選擇🌟

環鳳街@唐記包黃大仙環鳳街20號地下環鳳街附近有口個WET MARKET , 假日時會去街市買新鮮餸, 待星期六日假期就可以在家中煮食, 健康一點。而我亦會順便買點心及包類回家, 那返工日子也可以隨時加熱食到。 點心燒賣是每次一定要雙份上, 因豬肉肥瘦比例好, 是7分瘦3分肥, 1有幔肉, 食落唔會乾身仲有蝦,增添了幾分架彈牙。 二十幾蚊大隻熱辣足料糯米飯雞札就貪佢多料, 有大大塊蒸舷好滑架雞肉外,仲有好粉架芋頭條,連塊腐皮都好好口感, 汁也不會太過油膩,不怕食到口渴或滿咀油。

流心阿華田包非常好食，新產品推出特價$5.1個真係又平又正，熱辣辣嘅留心包內涵阿華田味真係好好味，係一個非常有香港特色嘅新派點心，極之欣賞。另外的點心，都保持一貫水準，便宜又好味，抵食之選。而且好多分店，真是邊到都有。今次拎左第一次食嘅金錢肚，個汁好好味，薇娜而且金錢肚好林，仲有兩舊白蘿蔔吸晒啲汁好好味。零一個必食點心係燒賣和鵪鶉蛋燒賣，杞子燒賣鹹咗一啲，鵪鶉旦燒賣就剛剛好。另外平時成日食嘅蒸飯，今次北菇滑雞飯做特價，只需$15就有，真係抵到喊。

買野上去朋友家開party，被選中去唐記包點買熱食。巧合唐記做優惠，$100唔洗已經買左好多野食:-蒸包 – 饅頭 叉燒包 菜肉包 馬拉榚 阿華田包包款自己幾乎日日早餐都食，款款包都大大件，又新鮮又夠熱，餡料十足。饅頭＆馬拉榚，只有唐記先咁抵食，去茶樓都食唔到呢個價錢&咁大size。流心阿華田包，期間限定包點，雖然食個時已經有點結身，但一開流心餡流出，可以想像即買即食係會爆漿。流心餡有好重阿華田麥香味，雖然新款，但都只賣$5，好抵！蒸飯 – 豉椒排骨飯 & 章魚肉餅飯 (各$15)蒸飯十級超值，完全沒將貨就價，肉&飯比例是剛好的，食的時候仍暖，排骨＆肉餅都好入味。點心 – 燒賣 & 鵪鶉燒賣魚肉燒賣8粒都只係$10，可以開心share。個人最愛鵪鶉燒賣，$14/3粒，咁抵食冇理由唔買！

個人覺得煎包比蒸包更野味,食落好香口,每個饀料都好飽滿!!!菜肉包,牛肉包,頂瓜瓜,又抵食!!!自從知道有得加$2加煎蛋,自此之後都會加幾隻,今次落埋鼓油黎食,正!!!對我依個蛋魔真係好滿足!!!每日精選:梅菜肉餅飯每日精選:鳳爪排骨飯每日精選既飯比正價更平宜,排緊隊聽到好多人都會叫每日精選既飯,真係好抵食,平得黎又足料又有菜附送!!!鳳爪排骨鳳爪都有兩隻,梅菜肉餅d梅菜好香好野味,伴飯食一流!!!鵪鶉蛋燒賣唔係到到有得食呀啦依家!!!正!!!鳳瓜夠入味有咬口!!!食物都好多元化,燒賣同腸粉都有賣!!!包裝飯的店員都有帶上手套很衛生,令人感覺良好!!!

勁平環鳳街唐記包點                                                                                           黃大仙環鳳街20號地下唐記包點幫襯過好多間, 呢間係我見過價錢最平架一間, 所以有好多公公婆婆或者街坊來買野食, 好有良心架價位, 可能呢區多老人家而佢地都退休沒收入, 咁平都沒有什麼賺, 但就在心中覺得佢地都考慮到社會責任大隻足料糯米雞,飽足一下什午 有豬肉碎雞翼等每日一特價飯同包, 我當然老實不客氣買啦, 每家出品味道水準都控制得好好架~ 雞包, 豬肉包

要知道身為一個包控既我黎講，無論係歐式法包、日式軟包、美式漢堡包、港式菠蘿雞尾包定中式蒸包同煎包等等各式各樣既麵包都同樣喜愛♡♥♡♥♡收早放工包癮起，見到有熱辣辣既蒸包又覺得有啲餓啦xpppp呢間分店既價錢仲好似比平日買既價錢更優惠，蒸飯仲有每日優惠，呢日15蚊就可以買到盒蒸飯之中我最愛既鳯爪排骨飯啦！！！！反正未知呢晚屋企無人煮飯又未諗食咩好~一於買個飯返去食，咁就唔洗煩，返到屋企就可以舒舒服服咁開餐☜☜☜個日柞菜肉包都做優惠，十蚊有三個！作為一個師奶仔心態既包控，咁就當然唔會放過啦xDD天氣唔凍，坐車返到屋企個飯到仲暖架！！雖然係優惠價，但份量唔會因為咁而減小！鳯爪有兩隻而排骨都有5-6粒♨鳯爪同排骨都好入味，店員姐姐仲俾多菜我添✔✔✔呢次仲要左枝店員姐姐推介既“香滑凍奶茶”HKd$12，的確唔錯啵！茶奶夠濃又有奶香，如果可以大枝啲就好啦xpp既然都係買，就順手買埋近愛上食既紅豆砵仔糕做甜品✔✔放工咁攰，返到屋企真係唔想搞咁多野!有時懶下平平地買個外賣，食飽飽連碗都唔需要洗，簡簡單單又一餐其實真係幾爽！

蒸go包@唐記包點 地址: 黃大仙環鳳街20號地下 住黃大仙區的我，才發現真的有很多中式蒸包同蒸飯店，衛生多款又抵食，必數是唐記。放工也累得要死，坐mtr 趕快回家，買回家邊看網劇邊吃吧！今日買了$16飯，次次夜點就賣光受歡迎口味，手快痛有手慢無,每日都有一款優惠$14 點心蒸包媽媽說有時忙同趕，用微波翻熱，叫我多買定做存貨，一口氣買了砵仔糕同肉包 ,家有微波爐加熱方便好快食得，真係鬆軟香甜足料。今次一大包凍包細個時會吃波仔飯，而家我有唐記！