東門冰室 (Closed)

雖已不下三數次寫過這裡的早晨麵餐，今天早上再與之相逢。吃過後，還是忍不住再書它一筆...吃的仍是以豬扒為主的一丁麵。甚麼叫"豬扒為主"呢 ? 就是每一次來都必定以豬扒作鐵膽，然後再加一樣配料來伴麵吃可也....豬扒仍是那般很家庭式的口味，用簡單的豉油、酒及糖醃過後便煎香而吃，沒吃出甚麼很重的鬆肉粉味，肉雖不算特別的軟熟但卻很有肉的質感 (吃得多"鬆肉"的朋友就知小弟在說甚了)....麵仍是處理得爽身彈牙，旁邊那數條淖得鮮爽的生菜更是有畫龍點睛之妙....今天吃的另一配料是一向處理得甚穩定的紅腸，但是日吃到的卻是有些失手 ---- 外皮煎得沒脆，中間的卻是有些過焦，有少許苦味，破壞了整碟麵的和諧....不過總的而言，這仍是一碟出色的有料丁麵，值得一吃再吃.....

23-1-20090係紅磡亂行一通, 0黎到令人「避之則吉」的一帶, 但日光日白有咩好驚0丫, 入0黎呢間冰室坐0下飲杯0野.熱奶茶先0黎, 原來已代落糖, 初初有 d 擔心會太甜, 但飲落甜度又剛好, 勁喎老闆娘! 質地夠滑溜, 茶味香濃, 果然係冰室奶茶. 奶油多就一般, 面算鬆脆, 入面就軟撻撻, 亦可能煉奶落得太多,「軟」部分變得「發水」又好甜好甜.環境地 mou, 衛生一般, 果然係舊式冰室; 招呼就帶點家庭 feel, 阿姐們好友善有禮, 幾有人情味的一個地方.下次試埋附近龍山冰室.

三點三，要吃個下午茶。附近的茶餐廳已試勻，獨欠這間，就來一試。餐檯是大圓木檯，看來是有點歷史的一間茶冰廳。來打躉的人客不少，望過出面的糕點，不太有興趣，就要了個豬扒包加杯熱咖啡。包是長型的餐包，烘熱了的。裡面夾的豬扒真的大塊，完全夾不進包內，是飛了大半出來，幾難夾在一起吃，唯有包有包吃，扒有扒吃。豬扒給化學品重重的招味過，腍身得過份。塗上的沙律醬過酸，還有粒粒酸瓜在內的，咬中就更酸；咖啡一般水準，不夠香。咦？是真的用上粗粒白砂糖，不過味道是否不同，不得而知，因為我喝慣「啡走」。埋單19蚊，經濟抵食。

講過話要試試餐肉及紅腸麵。今日坐言起行...阿姐竟然話今日冇晒紅腸。扁晒嘴>__<都坐低咗，冇計。叫番個餐牛麵頂住檔...一丁依舊彈牙；餐肉兩大片，煎過後極香；失望嘅係梳打牛當道....依然未試埋個紅腸，又要揾藉口嚟多次...

前段時間有事，故在紅磡區出出入入，當然聚腳地離不開附近茶餐廳，而當日來幫襯時，鄰座都是附近工作的人士，聚首一堂，怎看這裡都是這裡落腳。要了鴛鴦及西多士，鴛鴦的咖啡及茶味都不錯，平均之餘亦夠濃，用的黑白淡奶亦夠香；另外的西多士需比起名店差遠，但還算粘滿蛋漿炸得夠透，吃起夠脆口。地方不算乾淨，尤甚洗手間更甚，但老板娘招呼及笑容可恭，爭回不小分數。

確實係一碗用心做嘅一丁麵...朝早又嚟到"殯儀區"附近，食個一丁麵做早餐...呢度冇乜嘢ABC餐，只得簡簡單單嘅餐蛋麵類、西餅及三文治等，典型冰室格局...一丁淥得相當彈牙可口，湯包粉落得不多，致湯稍淡；麻油下得不夠多，引以為憾...但麵嘅質感卻挽回不少分數...豬扒用嘅係脢頭，肥瘦剛好，冇乜經鬆肉粉洗禮，出色。不過醃得味稍薄，濃一點會好D...俾人感覺係好住家feel嘅一碗一丁麵...仲搭多兩條生菜，估唔到仲有菜食，窩心...見到鄰枱叫嘅餐肉及紅腸煎得好靚。下星期再嚟試多次，再話俾大家聽la...

這個東門,同深圳的那個東門,一點關係也沒有,位於曲街頭,無須多講,又是與某些東西為鄰.門面很殘舊的冰室,多年來相信也"客似魂來"....小弟百無禁忌我黎飲杯奶茶而已,你班鬼咪__搞我!)奶茶用玻璃杯上,餐桌上的糖並非砂糖,而是粗粒的白糖,不知是否心理上作崇,這杯加料粗糖的奶茶,質感竟然有點吊跪..滑又唔係,鞋又唔係.不過奶同茶味就均等.味道來講好過外面大多茶記.連特餐常餐也沒有,最多就叫個麵,輕量一點就叫個多士,或者在門口點些糕點,冰室即是冰室.雖然天不怕地不怕,在光天化日之下,回到街上也要自重前行..

豬扒麵必食！雖然係舊，但仍有可取之處，亦有街坊人情味

我之前因為功課關係先會走訪這個曲街, 不是在附近居住及工作的人未必會來到這四周都是殯儀紙扎業的地方!這間舖就在紙扎舖隔離! 總共去左4次! 最初見店面普通, 但因為行到腳痛, 照入可也! 我唔肚餓食左個咸牛治, 加茶走! 我朋友叫左個豬扒麵加熱檸荼! 咸牛治通想都唔會整熱佢, 但係亞姐同我整熱左....茶走不錯! 朋友說豬扒麵超正, 攪到我好想試! 佢話檸茶唔"夾", 真係幾難得, 好多茶記d檸茶都係"夾"．．．第二次去終於試左個豬扒麵, 正! 水準之作! 凍奶茶好濃郁茶味, good! 我個fd試雞翼麵話幾好!第三次去試左個牛肉米, 唔同其他茶記，　用既係銀絲米，但味道一般, 鴻運比較好食! 今次d凍奶茶唔夠茶味．．．有ｄ失望第四次去食返個豬扒麵，　因為好難忘！水準依舊一樣咁正！又係凍奶茶，　今次又回復水準lu, 原來係睇下邊個亞姐沖! 餐蛋治烘底, 唔使加錢, 朋友話好食! 亞姐強調佢間舖最抵食, 唔使加錢有烘底! 其實呢間舖既亞姐個個都好nice, 好有人情味ga! 有機會會再去!!

食物好一般, 可能已有二十多年的歷史, 不免舊了點, 而且背後有一條後坑渠所以.... 有一次我仲見到有隻大強散步, 我即以光速閃人>.<