糖百府 (Closed)

第一次以團購優惠去買Coupon不過去到今日先用係開左門（5:00pm）無耐就去到點知已經咁多人其實之前已經諗定食咩，就係宇治金時坐低唔夠一分鐘已經拎到過黎嘩！一拎埋黎，一睇，點解咁矮既仲要溶緊添（注：張相係我未食、佢拎到埋黎既樣）係咪之前拎錯左俾人跟住收番架見到咁既樣唯有食快啲啦費時最尾淨係飲汁講番個甜品啦一座小山丘，山頂配上小小煉奶底部有紅豆、小丸子、 綠茶椰果煉奶能夠吊出綠茶冰既味道可惜唔夠多，結果食完成個都好似無乜味咁紅豆夠哂淋綠茶椰果無味食完成個棉花冰都無食到一舊舊既冰同埋無口渴既感覺，值得一讚環境方面，真係比較逼狹，我坐直成個人可以掂到後面張枱果個人同埋條走廊好窄如果係夜晚的話真係不敢想像若然唔係因為有團購優惠，呢個綿花冰絕對唔值$38！以正價黎講我真係唔會黎食

上次黎要等位, 果日放工即去, 難得無人排隊, 即入我都係叫雪花冰架啦~但朋友想食熱野, 所以叫左個芝麻糊豆花~又係等好耐先有野食朋友說芝麻糊豆花d味唔夾, 有d失望~我個牛奶雪花冰就好香牛奶味~而且食落好輕口, 係比其他甜品店的雪花冰勝一籌~真係好高好巨型下!粟米片+雪花冰係最正架~士多berry醬+牛奶雪花冰都好好食點解我話雪花冰叫basic就好呢? 係因為我黎過2次, 上次黎加左$5要生果, 點知d生果少到爆, 浪費左$5今次加$3要爆爆珠, 點知食到最後先醒起點解個牛奶雪花冰無爆爆珠, (上次我也以為無加生果, 點知d生果o係底)無奈已經食到底先記得, 白白比左$3,所以大家如果要加野就小心d, 雪花冰一上就check check先好食~

夏日炎炎，行到身水身汗，正係別處食緊日式午餐同時已經用IPHONE OPENRICE APPS SEARCH 定變度有得食刨冰啦～！SEARCH到呢間黑布街既糖百府二話不說就叫咗呢杯什麼(芒果/奶/雪花棉冰)啖啖都有奶味, 唔似其他地方真係好似食雪咁.生果配料好齊...粟米片呢個配搭真係意想不到的口感啊!!! 四十幾蚊抵比佢賺既..!!另外我細佬叫咗碟阿華田味既棉冰,真係啖啖都好重朱古力味架!!雖然其時佢地同我講阿華田棉冰其中一隻配料沒貨, 要我地換,但整體真係十個讚啊!

今日用埋團購最後一張coupon, 因為9/7/2011到期, 上次食既時候已經諗定下次叫嘜野,冇留意原來石榴秋香, 係有季節限定, 唔想補錢, 唯有叫左好立克雪花冰跟西瓜同爆爆珠, 冇野特別兼味道好淡, 冇甜味, 只可以解作幫助消暑兩個字去形容如果用40元去食d個冰我就覺得唔扺囉

去完個朋友屋企食完飯 , 咁岩經過佢門口 , 女朋友見到冇人排隊 ~就同我講左句 : 冇人排隊喎 ~ 咁我緊係知佢想點啦 ~但如果唔係女朋友想食 , 我一定唔會走入黎 , 就你一次啦 ~因為我不嬲對一D張枱有咁窄得咁窄 , 張椅有咁硬得咁硬既甜品舖無好感 ~如果你係一間普通茶仔或打冷舖 , 咁樣我一定可以接受 ~但食甜品唔係要舒舒服服開開心心先食到"甜"既感覺既咩 ?咁既環境 , 就算你keep到開開心心 , 都應該唔會感覺到舒舒服服掛 ? ( 可能我要求高啦 )講返甜品既質數 , 一個朱古力冰 , 一個牛奶冰 ~朱古力冰唔會好漏 , 都ok ~牛奶冰好食小小 , 但奶味唔夠出 ~講完 ~ 係呀 講完啦 ~

上星期跟友人在銅纙灣的分店吃甜品，當時想吃榴槤飄香，但其中一位友人不喜榴槤的味道，只好改吃窩夫，感覺普普通通。心繫著榴槤飄香，為了甜品，今天特地選擇了簡單的魚蛋粉晚餐，留肚再臨糖百府。先來一個榴槤飄香，榴槤制成的棉花冰，入口榴槤味較淡，還是喜歡榴槤布甸，口感比較豐富。放在底部的小丸子很硬，可能根本未煮熟，敗筆之處。再來一個心太軟，酒店的水準，熱呼呼的心太軟配上香滑的 DREYER'S 雪糕，總算不枉此行。為了心太軟，還是會再來的。

米妮一向好鍾意甜品～同米奇黎到糖百府，望住d雪花冰，唔知揀邊個好，揀佢set好果d定係自己配搭好呢？聽到對面ge人話石榴同金柚好食，但係又唔想自己tick咁麻煩，咁揀左石榴秋香～石榴秋香有哈蜜瓜，乳酸爆爆珠，百香果醬。石榴雪花冰果然好食！食到有石榴獨特ge一粒粒質感同獨有ge清香，正！但係個哈蜜瓜就唔係好甜(可能係因為個雪花冰甜d ge緣故，所以一食個哈蜜瓜就覺得冇味)，個乳酸爆爆珠居然係......室溫ge..... 唔係應該雪住佢咩......覺得勁怪所以要放係個冰下面過一陣先食......拎住個coupon最後唔駛俾錢走得，個coupon買個陣都係$18 only～抵抵抵

上完堂, 又想吃點甜品, 近近地, 就來這裡吧. 晚上九點幾, 是人山人海, 排隊都要一段時間.石榴秋香 $40: 8分, 大熱天下吃個棉花冰, 實是幾降溫的. 這個石榴秋香, 石榴味幾清新, 加上底下的哈密瓜, 透心涼.心太軟配雲尼拿雪糕 $45: 7分, 是幾大件的, 這個份量, 比坊間不少店子是還要多.一切開, 流心度是不俗, 外層夠硬淨, 不過嫌朱古力濃度只是一般, 吃吃下更覺越來越甜. 雲尼拿雪糕用上Dreyer’s的, 當然幾香滑, 雪得不會太冰, 冷熱效果剛剛好.還有不少甜品想試, 但要等下次了, 單單個心太軟已把我的配額耗盡.

早兩個星期 我同丫哥食完飯見時間仲早就去左食甜品之後就搭車去左E間糖百府食啦之前見到朋友去食 已經好想食今次去到 就同丫哥一人叫一個雪花冰我地自選材料 我叫左個牛奶冰+芒果醬+脆米+芒果魔豆+西瓜丫哥就叫左個古古力冰+古古力醬+黑珍珠+古古力樹皮+西瓜黎到果時已經好奇怪點解兩個都冇左D西瓜食食下原來我D西瓜係底但係我丫哥果個冇左西瓜我之前未食過魔豆魔豆個口感有D似三文魚子咁一咬就有D汁必出黎我個人唔係咁中2D冰熔得好快 又大份 早知就兩個人叫一個算啦

用團購優惠以$20當$45用叫左兩款綿花冰黎牛奶冰個時發生一D意外就係D冰冧左落張枱到個店員: "哎呀！真係冧左"之後就同我地講唔好意思即係整番俾我地最後我地補貼$20阿華田XX冰(配料: 香蕉, 紅豆)：紅豆好難食 D冰較淡,無乜華田味)牛奶冰(朱古力醬, 彩虹針糖)：得好少彩虹針糖，無牛奶味，連我這個怕奶ge人都食到)另一間出名的甜品(松X)食好食過佢

同朋友飯後約8點左右去食計埋我地成場都係得四位叫左一個心太軟(已通知要等15mins左右)+熱芝麻糊熱芝麻糊唔夠甜唔夠"傑",不過不失心太軟值得一試,幾好食..食到約9點左右開始爆場九點後要預d時間等位

有人請食甜品, 去左糖百府. 通常一班FRIEND 就自然來左哩度今日叫左個焗焦糖燉蛋, 我去食甜品都只會食哩樣佢好快就到, 上面有士多啤梨, 不會酸. 而焗燉蛋外脆內軟~ 入面的蛋也頗滑環境方面, 其實店較細, 但剛好我們來到時不用等. 即使要等, 大家也食得幾快, 好易有位旺角甜品來來去去也是那幾間, 這裡算是不錯了

第一次食綿綿冰是在元朗一間甜品屋, 那時沒有很多地方可以吃到, 沒想到現在到處可見. 今日到糖百府也是因為Openrice的團購.這間糖百府很用心, 店外放了一張枱, 枱上放上一個暖水壺和紙杯, 是在這個寒冰的天氣下, 為等候入座的食客送上的熱飲品, 很窩心, 可惜這次不用等待, 所以沒有機會接受這一份心意. 下次有機會再來試一試這個窩心熱飲. 店內坐位不太多, 這是甜品屋的特色, 看過餐牌, 有幾款我都想試的, 黑芝麻和薑汁綿綿冰, 最後還是點了宇治金時和公子的芒果黑珍珠.宇治金時 (綠茶冰)綠色的綿綿冰, 弄得山一樣的形式, 加上少許練奶, 配料有紅豆, 小丸子, 綠茶椰果, 紅豆甜甜的, 小丸子好煙靭, 綠茶椰果很有咬口, 每樣配料都有不同口感, 與綿綿冰是好好的配搭. 由於綿綿冰是由碎冰磨至極幼細形態, 質地好軟滑, 但吃入口即溶, 沒有咬口, 只吃到與冰混合的醬料味道, 配料可以加強整個甜品的口感, 不會有吃完好像沒吃的感覺. 這是抹茶味道的綿綿冰, 抹茶味幾濃, 配合練奶味道更為可口. 芒果黑珍珠一粒粒細小的黑珍珠有幾分似蝌蚪, 不是煙靭的, 咬下去會有爆破的感覺, 像

第一次去食都因為被綿花冰吸引每次去食二話不說就揀綿花冰牛奶同宇時金寺都系最愛 配料好好味雖然好耐冇食 不過久唔久都會返去回味一下價錢黎講 2個人share好足夠 而且料幾足tea time去食唔洗等位 快平靚正!

記得媽咪曾經說過很多年都沒有吃過刨冰，所以便帶她來走一轉。上次來的時候太早，無緣品嘗。今次吃過午飯後才慢慢行到來，沒有令她失望。替媽媽點了一個石榴冰(HKD35)，她一直以為是刨冰，員工把冰端來時，看到那麼高的冰後，覺得得新奇，又擔心吃不完，所以，便陪她一起吃，雪花冰放到桌上，石榴氣味飄逸，吃了一口後，她便否定這是刨冰，說：比刨冰好吃，不會凍得讓人頭痛，入口即溶，啖啖石榴味，清新怡人，不太甜，非常好味。還不知不覺一個人處理了整碟冰，更大表滿足。之後，總覺得人家的冰，比自己剛吃掉的還要大。活像一個小孩子，很久沒有見她這麼開心的表情。配料方面有哈蜜瓜，魔豆及爆珠。魔豆很細小似西米，無乜特別味道，至於乳酸爆珠在口中爆開帶點酸酸的感覺很特別。百香果醬酸中帶甜，只需一點點便能帶出石榴味，要是太多，便搶了石榴味。本人則叫了一碗熱芝麻糊(HKD18)，老闆非常細心，見我陪媽媽一起吃冰，便走過來摸一下碗芝麻糊，看看有沒有變暖，他說熱芝麻糊變暖後，會慢慢變得"杰"身，就唔好食。最好是吃完冰，才order。於是，便讓媽媽自己一個吃掉整碟冰，我就處理這碗甜品。起初對這甜品信心不大，始終不是專門做糊的中式甜品