糖百府 (Closed)

之前食開都係平平地1X蚊既冰，但係因為D味道真係好假，好有科學成份，所以一直都唔打算再食。後來係OPENRICE見到呢間野唔錯，就專登由觀塘黎MK行街睇戲加食佢既甜品。果陣仲記得9點幾，門口無人排隊，2個人一下子就入左去坐，叫左2個冰：芒果冰同宇治金時(全名唔係好記得了)。先講講我果個，宇治金時係各位既眼中好似百年難得一遇既甜品，咁我當然要試一試啦。食左幾啖，發覺勁有綠茶味，但係唔知係唔係因為太有綠茶味，過晒龍，越食越苦，失左一個甜品既真正味道，但係好彩伴碟有紅豆，一齊食都唔錯。其次就係女友既芒果冰，佢就話好好味啦，我就試左一啖，嘩，勁有芒果味，可能頭先食左綠茶冰既原故，反而又覺得芒果冰太甜真係....，算啦，試多啖，發覺又OK。呢間野仲有好多未試，但係都係覺得水準一般，以30蚊黎講既甜口，一試無妨，但係我寧願去周圍試下唔到既店，始終價錢唔係平

跟友人在旺角，忽然想吃糖水。甜品我很常吃，什麼類型的都愛，反而是友人比較少，故由他選地點。最後選了糖百府，是我第二次到這裡。一直都不明白，為什麼靠雪花冰都可以開店開得成行成市，糖百府肯定不是最早引入台灣雪花冰的糖水店，不過紅的就只有它。我們挑了個好立克雪花冰，這裡做的雪花冰質素很好，香濃既牛奶做成一片片的薄冰，吃下去時感覺到口中的薄冰慢慢溶掉，但仍保持好立克的味道。雪花冰上而鋪上了一層似由燕麥加好立克粉做成的，讓雪花冰更有口感。雪花冰旁伴了珍珠、綿花糖和士多啤梨。吃與不吃沒太大關係，它們只不過是一堆點綴。這裡做的雪花冰確是做得比一般的糖水店好，我曾在其他店遇上瞬間即溶的雪花冰，那時是農曆新年，天氣還很冷，但不到五分鐘已經全變了水，肯定是那台雪花冰的機器不夠質素，打不出薄冰片。但說到底，我還是覺得，雪花冰還未有讓人再三回味的味道，熱潮過後到底可否撐下去呢?

舊年當棉棉冰好 hit時第一次去食o-m-g... 排隊排到癲咗.....又熱啦條街 我地最後頂唔順 走咗過對面間雲吞鋪食下野等.. HAHAHA食完碗麵在hea一陣 呀某某又要過下對面"榜"水睇下叫到幾好number..好攪笑最后after 30 mins入得!我叫了好立克...正正=D 但同真正台灣雪花冰無得比... anyways.. 都唔差喇 ..esp summer time

15-5-2010 是日到旺角的咖啡屋吃完美味的晚飯, 再來到給介紹的糖百府, 在網上一直(熱爆), 又得到不少讚賞, 所以來吃一次沒記錯那天時間太約是9:00 吧, 門口排著人龍, 相信每位都是吃飽晚飯再來, 等了一會就馬上入去, 人多分開兩台, 店內空間不大, 只有多張細細的四方台. 之後叫了綠茶雪花冰, 夏日炎炎吃留啖真的超爽, 顏色加上外型已經令人控制不到了, 雖然材料是用冰, 可是我還品嚐到有綠茶的味道, 一人把整個花冰吃掉了, 埋單好像$28元, 飯後甜品也不是太貴啦, 希望下次再次來臨

今次行開旺角,就去左糖百府11點幾門口都已經好多人等梗位.不過可能我地得兩個人最終等左10分鐘就可以入去lu.其實都食得飽飽地.所以兩個人淨係叫左一個星期二特選"芒果棉棉冰"可能天氣真係好熱啦.d冰冰溶得好快.我地影相之後就快快手,快快口食.食完之後先發現原來可以自己簡味道同伴碟0既......仲好似比其他佢餐牌上平dd tim呀.今次豬仔左..下次我一定識叫啦!

本人都係聽同事的推薦, 就黎呢間甜品屋試下. 但我又唔覺得一個30,40幾蚊的綿花冰有咩特別, 食舊冰入口都要咁貴. 所以叫返大路野, 芒果西米露和我媽叫了芝麻糊加湯圓. 真係意想不到, 一碗我從來都未食過咁難食的西米露. 要成$25一碗細細碗, 同許留山差唔多價錢. 我已經好久無去過許留山了, 因又貴又唔特別. 多數去松記, 小樽甜品屋, 或者係荃灣城市中心樓下間鴻福堂. 但是日食完後, 我即刻覺得去許留山無咁嬲. 先講返碗野, 成碗西米, 我無辦法找到粒係煙煙痕痕的, 淋pet pet 的, 如果一碗咁既西米露都可係一間甜品店售出, 我真係覺得阿豬阿狗都可開甜品店了. 碗芝麻糊我就無食, 所以無得講. 不過媽都話唔好食. 絕對係NO NEXT TIME~~~所以做生意真係唔駛樣樣掂, 你只要做到樣野係好好好掂, 其他野係垃圾都可大排長龍. 不過我就絕對唔會去試佢的綿花冰. 我相信都係不外如是多~~

呢次係我人生第一次食雪花冰我D fb 就話一定要食最好既所以就拉左我去呢到啦我地揀左好耐（因為我覺得價錢有D......）終於比我揀到啦！就系：芒果牛奶+彩色朱古力針+煉奶其他人叫左芒果，朱古力，芝麻三款落左單之後芒果第一個黎我食左小小試下都幾好味～跟住係朱古力不過朱古力味唔夠濃終於到我個個啦！食一淡～哇！超好味呀！牛奶同芒果既味配搭得好好兩個既味唔會話邊個太濃邊個太淡牛奶滑芒果香而煉奶更加將兩個既味帶到一個更深層既地帶哇～～～～～～～～～～～～～～～～～～～～～～～～～～～～～～～～～太好食啦～～～～～～～～～～～～～～～～～～～～～～～～～～～～～～好回過神芝麻已經上左好難食......我繼續品嘗我既芒果牛奶+彩色朱古力針+煉奶

來到糖百府想吃蕃石榴... 但剛好沽清... 再看看 Meun，只有芒果雪花冰想吃，可惜芒果雪花冰只是星期二"限定"供應。喺意興闌珊的時候，店員話原來芒果雪花冰仲有丫！於是我們立即點了：芒果雪花冰 ($30) 配焦糖 配肧芽 加 $2 乳酸魔豆：芒果雪花冰上了枱已經有一點點熔，味道好像偏淡味，吃不出新鮮芒果那種縈迴於口的香甜味.. 幸好焦糖醬很好味，魔豆很彈牙，總算拉回一點分數。只是 $32 吃淡味芒果雪花冰，總是有點失望...或許下次吃蕃石榴冰，感覺大概會較好。

一行四人食完晚飯後就轉戰甜品啦~去到唔使等位~真好...宇治金時綠茶味好重,紅豆夠淋,椰果好好食芝麻秋香芝麻味超濃,好似食緊芝麻糊咁~個個都話最好食呢個!牛奶冰好重牛奶味!!!不過友人配藍莓汁搞到怪怪地...朱古力冰朱古力味唔太濃,配上焦糖汁,焦糖汁味道怪怪的!雪花冰 都係糖百府最好!

6月5日食完晚餐，下一場少不了甜品還是很多人，需要等位一到去，看看memu，發現一張2010年推介有三種冰、柯華田、西欣，還有一種(忘記了)而且黎緊呢個6月不同分店、不同時間係有試食呢...我當然試柯華田冰，配料是朱古力醬，聽侍應說配朱古力係最好的還有芒果同椰果...食落去好冰凍，而且真係配朱古力唔錯呢而且不會雪到好凍...好想再食多次呢

綿花冰這類甜品　我早年在台灣吃過了, 都震撼唔到我.感覺上食綿花冰,一來口感好虛無咁,一入口咩都無哂..食完都唔知食左d咩咁另外,價錢太貴了, 數十元的價錢買一堆有味道的固體狀的水. 好唔抵.其實如果咁鐘意個種味道,嗌個種味道既飲品都得啦. 最好要少冰添!根本,加冰除左有冷凍既效果外,就是商人用來偷工減料既工具.我對冰真的沒有好感所以,糖百戍府在香港大行其道,四處開分店.朋友們也想想對於綿花冰非常雀躍.我依然對於綿花冰沒有好感 -_-所以我沒有參與今次吃冰行動, 只是偷吃幾口 而已而是次吃冰行動最大的目的就是要使用openrice的coupon - 加5蚊有西瓜冰!以上多款照片中,我和友人 最喜歡 綠茶冰, 牛奶鍊奶冰 和石榴百香果醬冰.綠茶冰的味道最濃! 可是,食完綠茶冰食石榴冰 或牛奶冰就顯得味淡了.另外綠茶冰及芒果汁牛奶冰上的朱古力片好難食!好苦.通常做甜品toppings既朱古力片都會甜d架嘛.因為下面既冰咁甜.如果上面d朱古力好苦既話 會好怪好難食架仲有西瓜冰可選2個配料.可以那2個配料都不是凍的,有點暖暖的.與冷凍的綿花冰格格下入吃過這次綿花冰後,我更加對於綿花冰沒有好感哩

嘩...呢間真是好有排場......我每次到mk也經過.....常常見門口排滿人......我也試過去排隊...但要等廿十幾張......等了十分鐘因為太熱而放棄......去了石磨坊食....一樣有綿冰......那種透心涼的感覺真是正......夏天最合適不過......今次我和朋友相約去吃最名的綿冰....這次約下午6點多去到....都要排上一陣子...不過為了滿足自己心意...等就等吧....等了廿十分鐘差不多到我們啦....一進去我便點了我愛吃的芒果味紅豆雪花冰...黃小姐點的是朱古力味.....兩個賣相都可以給一百分.....在第一口入口即溶的感覺難以形容....比其他店的綿冰的確有不同之處....他溶在口中有種淡淡的齒甲流香.....真是一試便愛上...等真是值得的.....下次再來試不同味道....介紹給不同朋友都來試試看.....

一年前第一次到訪糖百府是因為朋友介紹，當時正值雪花冰最當紅的時期，對糖百府早已久仰大名，豈料一試就愛上了！宇治金時雪花冰－第一次來，鍾愛綠茶的我保守地點了預先配搭好的宇治金時。之前以為雪花冰只是刨冰的變種，吃後會像喝了一肚子水一樣。吃了第一口後就完全改觀，雪花冰入口即溶，並不會像刨冰一樣冰凍的刺激舌頭，口感幼滑像雪芭，味道卻像雪糕般奶味濃郁！雪花冰綠茶味濃，沾有抹茶醬的部份更是甜美:9紅豆蓉煮得軟綿，也夠甜；小丸子煙煙韌韌，不會黏在一起；抹茶凍爽爽的沒有甚麼味道，只為雪花冰增添口感。雪花冰比刨冰優勝的還有它溶後也不會結成一塊大冰，整個雪花冰也充滿著綠茶味，不會越吃越淡綠茶雪花冰＋雞蛋布丁＋黑珍珠+朱古力樹皮＋抹茶醬－綠茶雪花冰水準依然，只是配料有變化。雞蛋布丁細細粒，分開來吃也是沒甚麼味道，純綷加入一些口感；黑珍珠煙韌，本身沒有甜味；抹茶冰規定不能配朱古力醬，卻能配朱古力樹皮，便點了樹皮原來是朱古力碎，朱古力味自然，跟抹茶冰也很搭！綠茶雪花冰＋朱古力樹皮＋抹茶醬－這個組合成為了我的”黃金組合“，味道很match之餘，價錢算起來也比較划算到訪過數間糖百府分店，份量最大的是佐敦店，最少（味

以前每次去旺角食完飯, 都一定會黎食甜品但係今次之後, 我諗唔會再黎事緣我同屋企人叫左2個芒果秋香, 一開始佢ORDER少左一個, 我地叫左個男侍應跟, 之後遲過我地ORDER既人都已經食緊個芒果秋香, 已經都好炆!!!跟住男侍應同我地講無晒芒果秋香, 我地火都黎, 即刻同佢理論, 但係男侍應個態度係完全唔理會, 淨係話改番張單!!!豈有此理!就算你間食店幾好生意都無用啦, 服務態度咁差, 今日門庭若市, 難保他日冷冷清清, 我以後都唔會再黎架啦!

食物ｏｋ，　但服務一般．．．我同朋友食完，準備走的時候，個女仔服務員係都要清理張枱，一抺，ｄ朱古力汁就落左落我條褲，佢講左聲”對唔住”就閃左，我就自己找tissue清潔...唔可以等我走咗先清理張枱？？？我都係去返石ｘ坊