糖百府 (Closed)

身邊D朋友一直都話呢度D刨冰好出名, 好好食, 今晚終於有機會一試. 晚上10:30到達, 在門口等o左幾分鐘就入得 (聽聞黑布街果間要等好耐).朋友之前食過”宇治金時”, 即係綠茶味, 今次推介比我地. 食之前以為綠茶會冇咩味, 但食落果然係唔錯, 比到驚喜我! 綠茶味好濃, 味道清清地, 甜甜地, 連埋白色小丸子一齊食就好有咬口, 食完個口仲會留有綠茶既餘香.朱古力味刨冰反而冇想像中咁好味, 可能味道有D苦. 連埋椰果或者香蕉一齊食會好味D.食完飯去食, 真係2人share 1個就夠, 因為份量好多.

聽人講, 電視講, 同睇雜誌都有介紹尼間食棉花冰。同個FRIEND就入左去試下。叫左一個冰食。我地2個都係第一次食棉花冰,得出個結論係:1. 唔算太特別, 因為香港都已經有好多同類店舖2. 算滑算棉。3. 好大, 最後2個人都食唔哂。4. 一定要叫多幾種配料, 咁先好食。5. 價錢OK啦。

食完 lunch 本來想去就近太子間糖百府...但唔係太識路所以都係去返廣華街糖百府...同朋友一人一個冰...★ 胚芽好立克冰 + 粟米片+ 煉奶 + 荔枝魔豆好立克冰加埋粟米片真係好似食緊早餐...而荔枝魔豆好鬼甜...魔豆口感好似食緊三文魚子咁...形狀又似水晶寶寶...一咬就爆開...味道偏甜...★ 杏仁冰 + 胚芽 + 煉奶 + 雞蛋布丁粒朋友食杏仁冰我冇試咩味...不過雞蛋布丁粒少得可憐...而且味道唔係好似雞蛋布丁味...佢地個 menu 唔同左...但好似價錢都有ｄ唔同咁既?!定係我錯覺?!

睇到咁多推介特登去幫襯同一位女性朋友去食一坐低就點左個朱古力秋香(朱古力冰)--$37味道看上面介紹呢度d店員好似全部都好沉默落單>上菜>埋單呢3個唔同的店員冇表情冇笑容,冇一個出過聲感覺好似好唔歡迎人好唔友善雖好味但...都係食完快腳走...

食完晚飯，諗住同個朋友再傾下計，便一心行去廣華街呢間分店。唔知道係唔係天氣關係同埋始終總店多人d關係，8點去到就直入仲可以choose個位置稍為舒服既位坐。記得夏天在黑布街那店閒閒地等30分鐘先有得入去，諗起都辛苦。叫左蕃石榴冰，真的很好味，今次仲付上一杯仔柚子茶，等食完冰時飲，都算唔錯!

都是上週末逛街的時候吃的。此店為連鎖店，女友去過其他地方的，一直說不錯，這次一起品嘗，的確頗具水準。點咗綠茶冰鮮果盤 同埋 鴛鴦芝麻糊。綠茶冰微苦，恰好沖淡了甜品的甜，兩人相對細細品嘗，頗有情調的。總體來說味道尚算不錯，除稍許偏甜外都幾滿意嘎。值得再次前往。

晚飯食得唔太飽, 雖然天氣凍凍哋, 但係都好想食冰由於天氣凍番, 所以唔駛等位就有得食卒之食到我好想試的蕃石榴冰, 揀咗百香果糖漿, good match朋友的朱古力冰同芒果冰都不錯, 但係有朋友就怕凍叫咗芝麻糊+湯丸, 結果係睇住我哋食到一大半先有得食, 仲要係.....唔好食所以嚟呢度都係揀冰食最穩陣

在寒冷天氣下﹐這以雪花冰作主打糖水店的人龍已徐著熱空氣的離去而曲終人散﹐令未曾幫襯過的本人不用排隊便能進內。在寒冬下﹐兩手冰冷吃雪花冰真的有別一番風味。 是日這裡只有兩三檯客﹐坐下慢慢研究他們雪花冰的配搭後便點了 – 好立克冰配芒果醬和粟米片 - 不知是否好立克本身比較杰身﹐因這款冰底比其他冰底實﹐每一口吃落都很像雪糕﹐不會像杏仁冰般那麼散而入口即溶而導致沒有什麼吃的感覺。這款冰底本身不太甜﹐所以芒果醬的味道較甜一點﹐與冰一起吃剛好。杏仁冰 – 冰底味道很淡﹐質地很散﹐入口後感覺沒有什麼吃的感覺。 忙果醬及台式黑珍珠味道很甜﹐但與冰一起吃剛好。 但對那些百香魔丸不太喜歡﹐質感與三文魚子一樣﹐咬爆後會有些液體流出﹐甜品來說有點怪。雪花冰這甜品新鮮有創意﹐ 配搭亦算多,能滿足各顧客的口味﹐但價錢不竟有點兒貴。

天氣太冷，不是吃綿綿冰的季節，於是外賣了一碗杏仁露（HK$18) 回家，但這一碗熱霜告訴我以後也不會再光顧糖百府！見圖，杏仁露用一個與一般甜品店如發ｘ，滿ｘ的外賣膠碗盛載，但可相信份量只有一半嗎？！我問老闆何解只有一半，他說”個碗太大啫～”他是否沒有去過其他甜品店，還是只懂得賣綿綿冰，冬天便不想做生意？！！！！！！算是有名的食店，不老實和愚蠢的生意手法等於自殺．怪不得對面名氣低很多的甜品店大排長龍，糖百府空空如也．P.S. 杏仁露味道一般，不好也不壞

已經試過好多間唔同O既糖百府分店.....差不多每次都要等好耐~~~不過為左食都真係要等下啊!~ 兩個杏仁味, 我個人好怕同好討厭O既味道, 所以我會評差... 不過我相信鍾意O既朋友一定會叫好, 因為味道好真啊~~~ 一個香蕉味, 唔知點解食落又OK wor...........真係好香蕉~~~ 嘩哈哈 一個咖啡味.....唉~~~ 令人超過後悔同沮喪o既order!!!! 因為超級難食, 又苦, 個顏色又唔靚....一路食一路唉~~~~~~~~如果大家係超級咖啡迷的話先好試!!! 一個新口味好立克味!!! 非常正.....雖然價錢貴d, 不過味道的確good!!! 大家都爭住要試............kee冬天就到啦~~ 我相信我都會休息一下試下其他甜品, 暫時放低綿花冰一陣啦~~~~~~~

第一次食咋~等左一陣,幾分鐘到,就有位喇...個時係夜晚十點幾~入到去見到佢寫住:薑汁同雜果雪花冰冇哂~係唔係呢兩款好好味呢?下次一定要早D去食下先,我叫左石榴冰底+百香果漿+杏仁片+小丸子+士多啤梨+奇異果,嘩~都幾大份呀,我食完都好飽! 好香ge石榴味,幾實正,唔會好易散,但D士多啤梨同奇異果好酸呀,下次都係叫其中一樣好喇,兩個加埋真係好酸ga,D小丸子"煙煙UN UN"暖暖地咁,同D雪花冰一齊食,個感覺好得意。男友叫左綠茶+綠茶漿(原本想叫朱古力,但個度寫唔可以,可能配搭唔到啦)+士多啤梨+蘋果(唔知係青蘋定紅蘋)+哈密瓜+椰果+朱古力片(唔可以加朱古力漿,但冇話唔可以加朱古力片^^),超級綠茶味,食耐左會有越黎越濃烈感覺,但又未到苦ge程度.....呢個雪花冰,等左好耐先黎,一"不"個下發覺個雪花冰勁易散,完全同我那個石榴冰相反,一唔小心就"不"到跌哂出黎,點解會咁散ge?打得太心急?真係唔知點解........P.S 開頭雪花冰黎個時,D配料圍住個冰,有D得好少,以為係得咁少,點知食食下先發覺原來有好多係埋左係個冰底下,要食到差多到底先見到GA~

大概九點多經過, 發現不太多人, 反而格離點心店還是人龍不絕. 飽飽的但還想搵d甜品甜一甜,又唔想太滯, 綿花冰就最好啦!試左兩款, 綠茶好濃...石榴清清甜甜, 飯後食非常good!份量大得很, 兩個人share一份就最好.

恨左去食冰好耐,不過因為腸胃唔好怕肚潟所以一直都唔敢食!!但係有男友陪,唔怕喇一出到街就去食喇,揀左廣華街e間一入到去揀左宇治金時,都等左一陣,d人既服務態度唔係咁好囉,可能因為唔愁冇人黎個冰一黎到,嘩好細牙,咁就收我$35,有d唔值囉d綠茶醬太少,冰亦唔夠綠茶味配料既小丸子太細粒但咬口十足,紅豆太硬,椰果太細條,另外果樣好難食唔會有下次牙

下午五時左右，友人說很想試現在風靡一時的雪花冰，便跟她去了這家開了很多分店的糖百府。我們叫了一個薑汁底雪花冰配榛子醬、芝麻、乳酸魔豆、白珍珠雪花冰一上枱，我就試了一口，冰底薑汁味很重，不錯。乳酸魔豆很特別，不過沒啥味道。白珍珠你可以當是平常我們珍珠奶茶裡的珍珠，不過今次是白色而已。珍珠不是很彈牙，沒什麼特別。那個雪花冰很快就溶，上枱不一會已開始這樣。價錢跟其他冰店差不多，質素就不過不失，並非如很多雜誌介紹那麼好，一個雪花冰的價錢可在旺角吃到一頓飯了，所以我覺得沒有賣點再吸引我再去，試一次就夠。

棉棉冰…我終於吃到你拉，每次行過糖百府，門口實企了幾打人，令我卻步，近日知道廣華附近有間少人d，所以諗住博下吃不吃到。番石榴冰、黑糖漿、金柚、哈密瓜、椰果、水晶粒，番石榴味道好清新，黑糖不太配合，柚同瓜好穩定，加埋椰果吃，口感仲好，可以番吃。