豚豚食堂

Open Now

Now Closed

今日去完新蒲崗Mikiki商場一田日掃完貨就上一層搵野食，經過一間「豚豚食堂」門外的餐牌價錢吸引，主要食拉麵和日式定食。入到店舖裝修簡約天花板掛滿紅白燈籠🏮好有日式居酒屋的感覺！拉麵套餐有黑豚拉麵和炸薯餅，拉麵湯底以大量豬骨，桶骨和豬手熬製，骨膠原豐富，再加入黑麻油味道更加香濃，拉麵比較幼細，煙煙韌韌口感不錯👍北海道南瓜炸薯餅薯餅外皮炸到金黃色，香脆可口，南瓜甜甜地又滑又好食😋燒雞扒咖喱奄列滑蛋嫩滑生熟到適中，雞扒外皮微焦，肉質不會燒得好乾身，咬落多汁美味，再加入日式咖喱一齊食配白飯一流😋

餐廳尚算清潔、光猛、座位不算擠擁，坐得舒適，店員服務滿意，只是多操不順正廣東話，有點譚仔feel😅。食物方面，點了兩個餐，分別係燒鯖魚+燒肉(豬肉)弁丼及滑蛋豬扒丼。最可取的是燒鯖魚，魚身夠滑，外皮夠亁身，帶點脆。👍其他食物只可說不難食。先說飯，有可能不是順日本米，米粒除珍珠圓潤形，亦見到有些是長而尖身的；燒肉則味道尚可，但可能煮得過熟，豬肉有點靱及鞋。至於滑蛋豬扒丼，滑蛋如果加點奶會更滑身；豬扒則中規中矩，ok。最失敗是配菜的“糖心蛋”，滑蛋豬扒丼以蛋做配菜，已見其配搭不用心；更失敗係其賣相，一看之下，還以為係滷水蛋，咬了一口，已經完全唔想再食。

新蒲崗最大的商場，一定是Mikiki，這裏有很多不同的食肆，今晚便挑選了一間日式的豚豚食堂。牛肉丼套餐$68，有味噌湯、胡麻粟米粒、滷水蛋，牛肉鮮嫩可口，醬汁惹味，整體評分中上。豚肉壽喜燒鍋定食$73，讚岐烏冬加$5，追加豚肉片$18，雞肉$15，金菇$8。壽喜燒醬汁微甜，鍋內有豆腐、金菇和生菜。豚肉口感紥實，只需放在鍋內用慢火浸熟，便可以保持肉汁鮮嫩可口。雞肉爽口鮮嫩，肉汁豐富。讚岐烏冬爽口彈牙，值得用這個價錢追加。

🎈食物快評1. 午市自選拉麵套餐蟹肉棒拉麵加自家製餃子三隻$74⭐️⭐️⭐️⭐️2. 咖喱午市套餐炸雞塊奄列咖喱飯 $62⭐️⭐️⭐️⭐️⭐️.🎈環境Mikiki 商場內及商場附近都有很多不同餐廳，，要搵食也很易，餐廳競爭大。我和朋友原本想去的是另一間餐廳，經過豚豚，看到餐牌不錯，臨時轉軚，即刻㩒飛等位，我們好運，等了5分鐘便有位。.店內光猛，可能暑假的週末，很多親子家庭，有老有嫩的食客。.🎈餐牌.🎈食物詳評.1. 午市自選拉麵套餐蟹肉棒拉麵包自家製餃子3隻 $74⭐️⭐️⭐️⭐️多料，湯濃而不鹹，蛋則是熟了少少的流心蛋。.👇煎餃子⭐️⭐️⭐️💫午餐包一項小吃，其中一個選擇是3隻煎餃子，味道可以，如果能煎得更香脆的話我會給更多⭐️。.咖喱午市套餐炸雞塊奄列咖喱飯 $62⭐️⭐️⭐️⭐️⭐️個餐包麵豉湯、沙律和半隻熟蛋。.👇炸雞新鮮炸，熱辣辣，好香脆，蛋夠滑，雞份量足，好多件，件件大啖肉，整個餐好夠份量，食完好飽。😋.🎈總結✅十分有禮貌的服務✅食物選擇多✅味道好✅價錢合理✅快✅適合一家大小會再去，推介👍

搵媽媽食LUNCH佢話呢間佢成日都想去ＭＩＫＩＫＩ食。咁我就乖乖地趁佢就黎LUNCH的時候去拎定位叫定野食等佢，佢就食左個便當，我就食拉麵。講下野食先媽媽食左個弁當牛餐D（吉列豬扒+燒鰻魚弁當）佢話好開心因為黎到冇諗過咁豐富，呢個價錢可以有呢個份量，講左個豬扒先佢話係爽口的，有外皮脆肉又嫩的感覺，飯就軟熟一粒粒我就食左個海老拉麵，個湯好濃好正呀～仲有d櫻花蝦好香呀！我覺得好值得試下，佢d set都幾抵因為都可以跟小食＝〉去開mikiki行街or我覺得放lunch同朋友食個飯都係好好的選擇～

今次到豚豚食堂吃晚飯🍽️， 位於新蒲崗太子道Mikiki， 星期日晚飯時間都唔算好多人， 店內環境光猛， 整齊衛生。 開頭想散叫，後來見到套餐好抵食就一於試下，二人套餐👫🏻$228 (牛肉咖哩飯、 白豚拉麵、 燒雞翼和燒雞軟骨各兩串、 炒魷魚鬚、 自家製餃子) ，可樂$10。🔸牛肉咖哩飯🍛～ 日式咖哩甜甜地，幾好味。 🔸白豚拉麵🍜～ 拉麵口感彈牙， 白豚味道普通， 湯底亦不錯，熱辣辣又濃郁。🔸燒雞翼🍖和燒雞軟骨各兩串🍡～ 燒雞翼好香口，雞軟骨香脆又有嚼勁。🔸炒魷魚鬚🦑～ 口感脆嫩，好味。🔸自家製餃子🥟～ 煎得好香， 有六隻份量都算多。整體而言港幣二百幾的二人餐👫🏻， 有兩個主菜和三個小食確是很抵吃， 性價比高👍🏻。

早排食完北角個間分店 念念不忘，於是今個星期又走去專登食呢間嘢，講真啦，我真係幾欣賞佢個套餐，一碗拉麵送個迷你飯，呢個完全滿足到我又想食拉麵又想食日式飯嘅人，兩間分店嘅質素都差唔多水準後一至

見到間鋪都幾多人所以就揀咗黎間食首先就叫咗個豚肉丼賣相幾唔錯食落去就知咩料洋蔥好有洋蔥味白飯好有白飯味豬肉叫做有啲豬肉味啲汁少得可憐完全食唔出味食豬肉都係冇汁嘅味道叫清水煮洋蔥豬肉飯都唔唯過然後就講吓佢個麵豉湯應該係我有生以來出街食食過冇麵豉味嘅麵豉湯似係辣味嘅水仲衰過我去十二蚊店買嗰啲麵豉醬包然後仲嗌左個炸雞咖喱奄列個炸雞成個KFC啲雞胸肉咁唔係日本餐廳嚟嘅咩我都冇預計過啲炸雞會好好食但係我都會諗住都係類似唐揚炸雞點知。。。。結論就係間嘢有賣相冇品質好失望

我們見到一間日式餐廳，走進去試試。豚豚食堂有不同的午餐供選擇，有一人套餐、二人套餐、咖哩午市套餐和午市精選烏冬，選擇種類多，我們考慮了很久才決定。我們叫了2個一人套餐，叫了牛肉咖哩飯和串燒雞軟骨，另一人叫了滑蛋豬扒丼和自家製餃子四隻。等了不久，食物來了，食物不錯，份量多，足夠飽肚。牛肉咖哩飯夠味，串燒雞軟骨不錯，滑蛋豬扒丼蛋夠滑，炸豬扒有些淋，但因份量多，算抵。雖然套餐不包飲品，但服務員不停替我們加水，服務佳。

我常常在Mikiki覓食，好幾次經過豚豚食堂，都想來光顧，但每次都坐滿人。今天來吃下午茶，太好了，不用等位。地方好潔淨，可能是新店吧，員工服務也不錯。下午茶餐相當相宜。Honey點他喜歡的拉麵招牌牛油拉麵 $40配熱飲的話 +$3雖然是下午茶餐，但是份量不少。叉燒有兩塊，又有芽菜、海帶、粟米……真是童叟無欺！湯夠滾熱，湯頭濃郁，不錯不錯！Honey 又喜歡吃日式咖哩所以我就點了日式咖哩吉列豬扒飯 $39這個可以跟熱飲，不加錢。嘩！有冇搞錯！如此便宜了，竟然還可以跟飲品！豬扒應該是剛炸起，熱哄哄的，非常脆，但不油膩。飯量，以下午茶餐而言，剛剛好。日式咖哩甜甜的，很有水果的甜香。實在超值！最令我喜出望外的是，沒想到一間日式食肆，竟然提供茶餐廳式奶茶。當我一除口罩，便聞到非常香的紅茶香。一飲，茶香但不苦澀，是紅茶的甘香。最重要的是，奶並不太厚，我最怕花奶太濃厚，搶過紅茶的香味。這杯奶茶，簡直令我喜出望外！如此舒適又好味的一餐，很相宜。I love豚豚食堂！

今日係新蒲崗放工，因為太熱就入左Mikiki呢個商場，順便睇吓有咩好食。經過見到呢間「豚豚食堂」，又咁啱好耐無食拉麵，所以就同個friend入咗去食。Menu入面有好多唔同嘅選擇，而且佢有個二人套餐，仲包三款小食，都幾抵，於是就同frd入左去試。第一個小食我地叫咗明太子雞翼🤪 咬開之後可以見到入面係好足料，但有少少辣。第二個小食就係芝士年糕🤩 啲芝士勁多，一嚟到熱辣辣咁食真係好正❣️最後一個小食我地叫左炸吉列蝦🤤 脆卜卜都唔錯～到主食方面，我叫咗一碗豚軟骨拉麵，我朋友就叫咗碗雜錦拉麵～🤤豚軟骨嘅份量好足夠，但湯底同平時出去食開嘅拉麵相比之下比較淡～同埋如果隻蛋係流心蛋應該會更加好味～而朋友個碗雜錦拉麵都係有好多餸，咁嘅價錢有咁大碗麵真係都幾抵！😆👍🏻地址：新蒲崗太子道東638號Mikiki地下G23號舖

🇯🇵 今日lunch同同試去咗mikiki食嘢，經過豚豚食堂聞到好大陣香味就入咗去😋 餐牌好多選擇，拉麵、飯、餐、小食等等應有盡有。我揀咗個奄列咖哩飯，加杯熱柚子蜜😽🍛 漢堡奄列咖哩飯 （$75）🍯 熱柚子蜜 （跟餐$10）奄列飯同蛋包飯有啲類似，都係用大大塊嘅滑蛋蓋住飯，我個人超鍾意食😍😍 仲加埋咖哩汁，令原本都好有𡁻口嘅珍珠飯更豐富😽 而且咖哩飯份量超級大，男仔都一定夠飽～ 大塊漢堡扒好厚好juicy🤤🤤 推薦呀!!!

去咗同朋友行mikiki，見到依間幾抵嘅日本拉麵店就入咗去食，叫咗個二人餐，點咗雜錦拉麵同豚軟骨拉麵，仲有炒魷魚鬚、明太子雞翼同埋燒雞翼&燒雞軟骨。晚市$271，講真都幾平。不過味道就唔算好好味，麵條不過不失，湯底亦都一般唔算濃郁，餸嘅份量都比較少，麻麻地呢

作為街坊，mikiki餐廳唔算多，但勝在人少少容易搵位。豚豚食堂係一間日式餐廳，有飯有拉麵有小食等等，最重要有個好抵食嘅二人餐。二人餐menu（$228）難得兩個都想食咖喱，就叫左2個日式咖喱飯，一個係吉列豬扒奄列咖喱飯，另一個係炸雞塊奄列咖喱飯，咖喱汁好香又唔辣（日式咖喱特色），好撈飯！炸雞好大件，非常飽肚。豬扒被薄薄炸衣包住，都算入味。小食有炒魷魚鬚、自家餃子及明太子雞翼。餃子個餡料非常多，魷魚鬚個汁幾好味。總括來說，呢個二人餐好飽肚抵食。

屯馬開通唔知大家又興唔興奮呢？🤪襯住呢個機會我都唔執輸，決定探索一吓平時比較少去嘅地區，發掘吓有咩美食😝今次就去咗新蒲崗Mikiki入面嘅豚豚食堂度食晚飯😚Menu入面有好多唔同嘅選擇，我地揀咗佢地嘅自選二人套餐😉可以揀兩個拉麵或者飯然後配三款小食，一次過滿足曬我地兩個唔同嘅口味🤗我叫咗豬軟骨拉麵而同行朋友就叫咗雜錦拉麵😗豬軟骨份量都好足夠，湯底同平時出去食開嘅拉麵相比比較淡同健康🤔同埋如果隻蛋係流心蛋會更好味更吸睛🥺第一個小食我地叫咗明太子雞翼🤤咬開之後可以見到入面都好足料🥳第二個小食就叫咗我嘅童年回憶：炒魷魚鬚🦑以前細個去親海洋公園都一定會買嚟食，可惜依家已經冇咗啦☹️依家食返簡直可以話係重拾返當年嘅味道🤩最後一個小食仲叫埋我最愛嘅雞軟骨，佢係連同燒雞翼各2串嘅🤤同平時出面嘅雞軟骨一樣，都係脆卜卜嘅😳地址：新蒲崗太子道東638號Mikiki地下G23號舖