淘館

Open Now

Now Closed

這間餐廳令到我十分之有驚喜，本身只是想在午餐時段隨便找一間快餐店快速地解決一餐變酸，於是便走入地理位置相當方便，位於銅鑼灣地鐵站附近的這間餐廳。餐廳內人客於五線時間尚算多，但因為恰巧有位置所以便入去了。今次嗌了牛扒餐和薯菜，成個餐不但有湯，還有飲品，實屬經濟之選。毫無期望的我一見到個牛扒來到10分驚喜，因為牛扒非常之有誠意，分量很大，而且有兩塊牛扒，旁邊的樹菜份量也非常之多，而且味道也非常不錯，牛扒嘅更沒有很多，郁嘅部份非常之入味，而蘋果沙律亦都絕對冇偷工減料，用嘅蘋果非常之甜，薯仔易煮到啱啱好唔會太硬，午餐時間10分推薦大家來呢間餐廳！

放工係附近隨意地入咗呢間餐廳裝修都幾是正，坐得舒服睇咗陣餐牌，決定試下牛肉魚飛子菠菜意粉等咗一陣就上菜賣相相當唔錯，仲用藍色點點盤襯托食落牛好淋好嫩滑，牛味十足每啖意粉都食到菠菜汁仲有少量沙律菜跟上整體來說賣相同味道很不錯，份量充足，價錢適中營養均衡的一餐，可以再來支持的小店

Mid-week Dinner Mushroom Soup: 8/10 Critics are saying: LOVED ITBread and mini salad: 6/10 People everywhere thinking: Yummy, bread bit too saltyPrawn and Fish Roe Pasta: 7.5/10New regulars raving: It’s great!BreakfastFried fish and scrambled eggs: WOW! So worth itPurple potato mash: A highlight!

總店位於中環～最近新開分店進駐銅鑼灣～座位都幾多～亦吸引唔小附近打工仔👀小編眼見唔小常客黎飯堂般傾計同落單🙂留得住班客野食應該唔錯🤓🍴淘館Tea Set香煎帶子·飛魚子·龍蝦汁炒意粉帶子厚身幾香🤩個龍蝦汁好夾個意粉超正🥳🥳推介煙鴨胸·飛魚子·煙肉·鮮菠菜忌廉三色扭紋粉隻碟幾靚～同個菜撞埋隻色好出🤤每樣食材都唔差👏👏味道唔特別但好食澳洲肉眼扒配珍珠飯肉眼？定普通牛扒？😂可能小編理解錯左肉眼既意思～應該係咁～追加～～特式腸拼盤分別有三款腸～有一款應該係紐倫堡腸·一款有芝士幾好食～最後有款似蕃茄辣汁勁好味😂酥皮蟹子煙三文魚沙律幾特別配搭～味道👏甜品三重奏日本櫻花水玄信餅忌廉港式奶茶布甸酥皮盒法式焦糖燉蛋玄信餅小編無試到唔評論啦🤣奶茶布甸口感幾好～燉蛋好蛋😝幾好食係甜左小小😇—————————————————☻非專業食評·純個人口味☻—————————————————📍總結:雖然個肉眼唔係想像中咁～不過會想再返黎試下其他野👍整體味道都唔差同埋上枱速度都算快

晤知食乜，見到門口個餐牌，百幾蚊有湯，前菜，蒜蓉包，主菜，野飲，望入去都乾淨整潔就入去試下，叫左個泰式豬扒意粉，湯係菇忌廉白湯，一飲已經覺得係金寶湯，個蒜蓉包好香不過太咸，個豬扒不過不失，泰式嘅意思係有個雞醬用黎掂豬扒，問題出係個意粉到，好乾又冇味，問店員有冇啲汁可以比我，佢話只有茄汁，咁好過冇，點之，佢拎左一碟平時食薯條會掂嘅茄汁比我撈意粉，真係好無奈，好彩之後另一個店員拎左個蒜蓉汁比我，整體一般，可以認真小小

COVID--19疫情，重創經濟，餐飲業更是重災區，很多食肆結業，仍然堅持的，經營確實很艱難。相對大集團連鎖店，我更想支持用心經營的小店，發現銅鑼灣蘭芳道小店：淘館 英文店名叫 Too Good。早餐點了以下的：#炸魚柳早餐：炸魚柳、牛角包、厚切午餐肉、炒蛋、紫蕃薯蓉，豐富的組合。魚柳很大１塊，即炸的，熱騰騰的上桌，加分；牛角包不算大，牛油味挺香的；午餐肉煎得不夠香；炒蛋不夠熱；紫蕃薯蓉是個驚喜，質感細滑，喜歡！#熱咖啡：挺大１杯，咖啡味不算濃，味道還可以。

有一日路過呢間餐廳見肚餓就入咗去食，叫咗呢一個牛扒餐，本來冇乜期望，但係食完十分驚喜。件牛扒煎得非常之好，非常淋同埋牛味重。炸薯角亦炸得非常香脆。會再嚟食多次。

第一次來這店吃早餐，中價錢，味道好。最舒服的就是店員非常有禮貌、又親切和有耐性。尤其是有一位男員工，值得一讚👍會再次來，或者試吓午餐🥣有種日式餐廳感覺，你們也來試吓。

估唔到銅鑼灣會有D咁有空間，又清靜而食物唔錯嘅餐廳。之前街經過，未有幫襯，今晚決定比個機會大家。大約7點，晚餐時間店內不多人，餐牌價錢合宜，甚至可以話係幾抵。心大心細之後點了台式燒雞配雜菜沙律；飯腳點了肉眼牛扒配意粉，晚餐未有包餐湯，除非加$12。先上牛扒及意粉，意粉用碗分開上。牛扒份量極大，有點意外！牛扒有點過熟！都算有牛味。意粉可以喇！冇特別。泰式雞扒，泰汁惹味！最驚喜是雜菜沙律份量超大，極之意想不到！反而雞扒都比下去。另一份量大的是杯檸茶！如果食客走清新路線，此店絕對適合！

今日去蘭芳道本來係想去敏華冰廳（原來已經結業）經過呢間淘館見到𥚃面裝修幾好當時係星期二朝早9:30am唔係太多人檯與檯之間都有啲空間喺門外睇過餐牌後覺得都幾適合所以入去試吓叫咗個魚柳 腸仔 煎蛋 牛角酥 熱奶茶好快嚟杯熱奶茶睇相片記錄，落單後5分鐘碟魚柳就到超快呀，適合趕時間嘅客人👍🏼個擺盤好靚，魚柳超大塊，熱辣辣雞蛋𥚃挑骨頭：炸粉再少啲會更加好魚柳好過麥記嘅鱈魚柳多多聲唔用普通沙律醬而用千島沙律醬👍🏼仲有一球仔紫薯👍🏼牛角包食得出係新鮮嘅👍🏼奶茶雖然唔係極品但係可以接受$42有咁多嘢，我覺得好抵下次去會試牛扒至於服務態度，我覺得OK嘅～

是日同老公早餐，見有d人流就入去試新店，擺盤算精緻，但食物質素一般，叫了兩個餐。沙嗲牛米 + 炒蛋+ 餐肉 + 牛角包第一次食沙嗲牛竟然係7成熟上，牛肉片厚身，但完全冇味，但沙嗲醬ok既餐肉厚切，但配上蘑菇醬過咸炒蛋算滑但完全冇蛋香牛角包就算了吧，一pat野咁，未食過咁難食既牛角包，早知叫多士算，口感似受左潮放左好耐既餐包炸魚柳+ 炒蛋+ 火腿 + 牛角包魚柳當然是十幾蚊兩大塊很削既垃圾魚柳不過都預咗茶記早餐唔會用靚野既，合理兩杯熱茶走，算滑但冇茶味….唔知用咩茶….最後同老公傾計途中未食完，唔知係咪老闆娘（平時企收銀位）問都唔問，成個盤疊上黎，我O左咀，佢見到我個樣頓了一頓…..無奈之下都廢事同佢嘈了，當然也是一句唔好意思都冇。呢間野絕對沒有下次

係銅鑼灣行街無意中發現依間餐廳，裝修唔錯，見menu 價錢ok 就入去坐低食個晚餐。價錢黎講係銅鑼灣算抵食。今次叫左個牛扒薯仔沙律、鰻魚蛋包飯、兩杯特色野飲同埋三個甜品，埋單都唔過$300，加上味道都幾好，岩哂約會或同朋友聚會。值得一試！

之前已經幫襯過中環店幾次，意大利粉已經食過幾次唔同口味，覺得好好食，所以見佢銅鑼灣新開幕就即刻去幫襯支持，今晚叫左羊架薯條套餐，三文魚蟹子薄荷忌廉意粉，特色腸拼盤，呢3個都係好吸引既野食。羊架會問我幾成熟，好細心，我知出面其他餐廳未必會問到，我揀左7成熟，剛剛好，啱晒我口水，帶點少少紅，軟熟唔un，有4大支。套餐有湯同沙律，餐湯有羅餸湯同蘑菇湯，我揀左蘑菇湯，超夠蘑菇味道，一流。三文魚蟹子薄荷忌廉意粉有驚喜，醬汁有d似魚柳包食落個醬汁個味道，又幾match，下次會再叫黎食，正！特色腸拼盤有3-4款腸，2人分量，價錢抵食

佢岩岩開個時就好快咁幫襯佢 買左佢個下午茶蕃茄豬扒意 難食到痴左線 意粉唔熟湯底好鹹蕃茄得少少豬扒冇味油淋淋 差唔多成$50你比啲咁既野我食 我食左幾啖都食唔到落去 成口油 好顛 未食過咁難食既野

係附近搭車見到就試下啦,試過三文治早餐,又試過堂食早餐,味道幾好,份量都足夠,佢地個沙爹牛麵有驚喜,平時去茶記食,d牛係碎濕濕,但佢地d牛係一塊塊,正!拿,講明先,我唔係打手,我真係試過,員工態度真係唔錯,由於成日打電話order早餐,都已經成為熟客喇,下次就試埋晏晝先