Top Blade Steak Lab VS PPPP

Open Now

Now Closed

身為牛扒愛好者嘅我，就梗係要搵塊靚牛扒食啦，今次朋友介紹咗我嚟呢間餐廳，話帶我食好味牛扒，所以就嚟咗呢間係中環嘅牛扒店☺️餐廳好似美式快餐店咁，入到去超有feel，坐低咗店員就搵我哋介紹餐廳有乜嘢食物，有問必答，服務都幾唔錯👍🏻just 漢堡：呢個包勁厚身，個包好脆，入面仲有塊厚厚嘅豬肉，識落基本上同牛肉冇乜分別，肉汁都係咁多😍招牌平鐵牛扒：呢個係店員話每日限定既, 根據建議叫咗medium rare，果然食落去味道啱啱好，只係沾少少鹽，牛肉味已經好出🥰呢個價錢食到咁嘅質素嘅牛扒，絕對超值😚

放咗工同同事嚟呢一間餐廳，之前都係沙田食過佢嘅分店，覺得相當唔錯，於是就試吓佢中環嘅分店😉餐廳環境都幾唔錯，座位都坐得幾舒服，一入到去侍應就好細心咁介紹餐牌上面嘅食物，呢度主力梗係食牛扒啦，但係原來呢間分店仲有漢堡同埋豬都有😆我哋三個人叫咗以下食物just 漢堡：麵包皮脹卜卜，而呢個漢堡包係用豬肉做嘅，加埋兩塊芝士，食落去都係咁JUICy☺️西班牙黑毛豬豬羽毛: 店員話呢一款豬肉係人哋稱為豬肉中嘅和牛，果然咬落去口感夠晒鬆軟😋招牌平鐵牛扒 (每日限定)：嚟呢度就梗係要食埋佢嗰個牛扒啦，果然肉味超級香濃，唉五成熟啱啱好入面仲好粉嫩😍呢間餐廳同佢其他分店一樣都保持水準

終於來到Happy Friday ， 最happy 係今日只需要返半日 (⁎⁍̴̛ᴗ⁍̴̛⁎)要將呢個happy 再放大！食一個好豐盛的lunch ! {USDA PRIME美國390日榖飼Prime級平鐵牛扒} 無錯 就係prime 級既牛扒！！ 牛扒非常出色！！（＾◇＾）兩大件牛扒，叫左店員推介既3成熟！ 牛扒既肉質軟，非常多既肉汁！ 牛扒無筋 啖啖肉🤭🤭🤤都唔會太肥太多油，勁爆滿足 (⁎⁍̴̛ᴗ⁍̴̛⁎)仲有無限任食既炸薯條，又再將我今日既滿足感再推高多一個層次！！！ 同時我吸收既脂肪都係一樣，哈哈！！！

一次過滿足晒我哋嘅願望😛兩個牛魔王出去覓食🐄🐮特登嚟到中環呢一度試吓性價比好高嘅牛扒同埋漢堡包 山長水遠嚟到 朋友話要試一試個usda prime 美國穀飼牛扒，叫左五成熟 再加一個 《終極漢堡》一齊share！食物上枱係熱辣辣勁新鮮 雖然要等一等 USDA prime 牛扒 牛味好濃 下次可以再試下三成熟 應該會再嫩滑啲🤤🤤漢堡包切開咗一人一半，好驚切開左會冇晒啲肉汁 但因為呢塊漢堡扒真係好Juicy 同埋厚身 完全冇呢一個擔心 我哋唔係真係好好薯條  但都K.O.晒兩碟 除左Burger半碟嘅少少沙律菜之外 另外都order咗一個藜麥沙律 都要中和一下今日重口味既一餐 非常推介鍾意食牛既朋友黎試 💯

今日係中環見完客 四點幾都未食lunch 🥴路經見到呢間餐廳 餐廳好光猛 玻璃外牆度貼左呢度既招牌菜poster 比佢個任食薯條吸引左🤣🤣🤣 Order 左 「終極漢堡」$168漢堡個麵包 好有光澤、唔乾  配菜正常 舊牛肉厚身 一口咬落去時 有好多肉汁啊 好滿足啊😍😍😍 食到一半有啲狼狽影唔到 舊肉既色好靚 熟到乾晒 係驚到岩岩好 薯條熱辣辣又係好吸引 （平時食完個包 我都差唔多飽）但今日真係好肚餓 我食完一碟薯條 再refill 左一次😂😂😂  一次過食咁多澱粉質 超級滿足 食完再減啦😌 餐廳環境都好舒適 口袋餐廳list 又多一間🥰

一個人過海整啲好麻煩既銀行野🥴🥴仲心大心細係咪要返返對面海食野時 男朋友醒起之前食過呢間餐廳 叫我去試下  呢間排房有豬食啊 岩我 因為啲皮膚敏感中醫要我戒口😵‍💫 唯有食住豬先 個豬鞍架既份量 加埋煎到一格格既紋 拍埋牛排度都一啲都唔輸蝕嫁 一上菜好香好吸引 塊肉好厚 雖然食豬無得揀 幾多成熟 同牛肉係真係有唔同  但呢度都係完全煎到岩岩好 就算舊肉咁厚 但都無乾柴既感覺 好食！ 另一個男朋友推薦呢度比我既原因係 有任食薯條啊🍟！ 對住薯條，薯塊，薯角 呢啲薯類食物 真係有啲著迷 平時有得揀我一定會轉薯菜 呢度係任食啊 食左兩round ！😛😛😋最後講下呢杯 開心牛 睇個樣好特別咁 就試下  個奶蓋好滑 配一個紅茶茶底 有別於一般手搖飲品 仲有開心果香味💨埋單都係二百蚊鬆啲 呢度既CP值好高！

四人幫好耐冇見啦☺️今日難得齊腳，shopping完梗係搵個落腳點食嘢傾偈吹吓水啦🥰中環呢間餐廳其中一個好姊妹話好好食😋咁就唔使煩直接搵呢間食🤓四個人有個好處就係餐廳都會安排卡位俾我哋坐，坐得幾舒服！又方便我哋傾偈🤪四個人揀四樣嘢，每樣都各有特色😉重點係全部都好好味☺️特別版招牌平鐵牛扒:侍應哥哥一講到係每日期間限定，我哋呢啲女仔就立即唔肯放過，一定要嗌返份嚟食😛果然好味，牛扒上嚟嘅時候已經切開咗六塊，啱晒我哋呢啲懶人😜牛扒完全冇得彈啦，我哋叫咗5成熟，剛剛好！牛肉汁好夠😚西班牙黑毛豬豬羽毛: 我哋講笑咁話食落去會唔會好似真係食羽毛緊乜都冇，哈哈😆不過份黑毛豬豬羽毛勁得👍🏻肉嫩唔會乾😍終極漢堡:漢堡都算大份，尤其是中間嘅牛肉漢堡🥳份量多，個醬好好味！乾式熟成西班牙栗飼豬鞍架：一定要推薦呢個西班牙豬鞍架🤤唔好睇佢有層肥膏喺度，豬肉其實識食一定要黐住層肥膏一齊食先好味！呢度個廚師真識揀🥳塊豬鞍架勁厚又唔鞋，不錯👍🏻仲有仲有薯條可以無限添加，四個女仔飽到傻咗☺️

經理話請食飯，梗係有大食大啦🤣🤣我哋一行四人去咗間平民扒房度食😏我哋已經好乖就住驚你個荷包啦🤣🤣因為呢間餐廳嘅牛扒比得上酒店嘅級數🤩唔講咁多廢話直接去相🫣❤️乾式熟成西班牙栗飼豬鞍架 $180❤️完全無豬腥味！果層肥膏堅得😏豬鞍架亦夠哂分量！❤️終極漢堡$168❤️食落就知道勁！呢個用牛肉製，漢堡唔會絞得好碎，咬落有口感，加埋啲肉汁同沙律菜同芝士食，perfect match!😚❤️平鐵牛扒 $160❤️呢個似英國flat iron!!!牛扒叫左五成熟，有少少血水伴隨😋旁邊仲有鹽同埋勁重牛油味嘅蒜頭俾你揀黎一齊食，掂啦🤩❤️just 漢堡 $188❤️呢個漢堡就係用豬肉製，食落去同牛肉味道上有分別，但一樣咁有口感同咁肉汁鮮嫩😋加埋薯條任食，呢餐經理抵比啦😏🤤

雖然今日唔係星期五，但係都想食返餐好，做嘢咁辛苦，食啲好嘅對自己個胃都好啲🤣🤣🤣首先呢一間餐廳其實我食過佢何文田嘅分店，食過一次已經好想再食第二次，今日喺中環見到佢嘅分店，諗都唔使諗就入咗去啦🥰你間餐廳主打食牛，但餐牌上都有其他豬嘅選擇☺️咁一於牛叫一個豬又叫一個被比拼下😂《平鐵牛扒 $160》：牛扒好嫩，一切就開😚而且一啲血水都冇，肉汁鎖得好好👍🏻《西班牙黑毛豬豬羽毛 $268》：黑毛豬不嬲出名就係肉質鮮嫩，豬肉味好濃🤭所以呢一個豬羽毛值得一試🤤飲品叫咗兩杯《Dirty lemon tea $45》同 《開心果特飲》😏特別推介開心果特飲，濃濃嘅開心果味令我飲上癮😎

二人三個餐會唔會有啲過分？🫣我哋今日就打破傳統，去一間專食牛扒嘅地方食漢堡包同豬🤣但係唔好講笑，依然係高質❤️～終極漢堡$168～漢堡牛扒好厚，但又唔會乾！中間啲肉汁豐富。芝士亦好夠，溶溶地有拉絲☺️～just 漢堡 $188～呢個漢堡其實係豬肉打成架😍一啲都唔輸蝕比牛扒漢堡😋肉汁依然好勁，中間切開仲好嫩🥳～乾式熟成西班牙栗飼豬鞍架 ～我對帶骨嘅肉肉特別鍾意❤️而且黐住骨嘅肉零舍彈牙同滑，因為郁動得多呀嘛😎呢個滿分💯呢度仲可以薯條任加任叫，開心🥳既然咁開心就叫多杯開心果特飲🤣🤣喂呀！好飲呀，又滑但又勁重開心果味👍🏻

終於搵到機會食呢間中環嘅餐廳呀😋餐廳一出嘅時候，已經聽到身邊同事係咁讚，擇日不如撞日，今日經過見冇乜人排隊，於是就嚟食啦🤗🤗座位排得有啲密，但都坐得算唔錯😚望住餐牌後，竟然想試吓乾式熟成西班牙栗飼豬鞍架😁又真係幾好食，首先煎得勁香勁靚😍然後嗰層豬脂肪好似啫喱咁正！雖然肥但食完之後覺得勁值得😝！配菜方面，啲洋蔥好林好香甜，配塊豬扒一齊食，有少少中和左豬嘅肥膩感，唔錯喎！重點係呢度有得食任食薯條，薯條應該加咗黑松露油，食落相當香👍🏻I like it!!!!

今日小妹簽咗張大單，咁梗係要食好啲當慶祝啦🥳所以揀咗呢一間喺中環都出名食優質牛扒嘅餐廳，但價錢又唔會話好貴🤩雖然坐得就冇酒店坐得咁舒服，但勝在呢個夠晒親民，而且呢度嘅Service好好，職員會主動講解餐牌有咩食，雖然選擇唔多，但勝在都夠全面😎估都估自己唔到，聽完職員嘅介紹之後，竟然揀咗西班牙黑毛豬豬羽毛( $268)!！可能比個名吸引到😝不嬲都知道整豬係難整個牛，所以想知道一間餐廳嘅廚師功力，就梗係試吓佢嘅豬啦😂😂果然無揀錯，呢個豬羽毛超級好食，望落去好似牛咁，食落口有少少炭香味👏🏻好加分！配杯Dirty lemon tea ($45)，成個人爽晒😆最勁就係呢度嘅薯條🍟係無限refill!!!!!!感覺食多碟薯條已經賺咗😂

疫情後嘅第一餐，我終於的起心肝約朋友出街食飯啦😃第一餐就貢獻左比呢間TopBlade 😙餐廳喺中環，而且係專食扒，價錢對於我來講都相對相宜😊而且侍應度好細心同有心，細心嘅係會講吓佢哋嘅餐單，雖然食物款式選擇唔多，但勝在每款都精緻夠吸引😍而有心嘅就係侍應不停主動問需唔需要加薯條🍟（因為呢度嘅薯條係無限任加）👍🏻是日特別版招牌平鐵牛扒 (每日限定)$238: 嗰塊招牌牛扒應該出名都係人都會叫黎食☺️可以整到咁多汁啲汁咁滑嫩一啲都唔簡單😳而且佢嘅燒粟米🌽同粟米蓉都好正😃乾式熟成西班牙栗飼豬鞍架 $180:呢個慢煮豬扒夠哂火喉又有風味😋最愛就係佢有肥豬肉黐埋一齊，而且第一次將蒜頭同豬肉一齊食，又真係幾爽喎啲味！😍呢間餐廳絕對有下一次😎

我又獨自去偷歡！哈哈，其實約咗2:00喺中環見客，早咗到所以順便去食過午餐🤩途經呢間餐廳，聞到好香嘅牛扒味😳把心一橫衝入去食😈店員帶我入座之後，輕輕介紹個Menu，由於我心有所屬，所以直接問店員有咩牛扒介紹，佢話如果想食CP值高嘅牛扒，呢個平鐵牛扒絕對係唔錯嘅選擇，咁就咁話啦😝牛扒大塊切得好厚身，牛肉味好重，我叫左medium, 上枱顏色已經好靚😍而且唔銀，入口好似咬開👍🏻👍🏻呢度嘅薯條係任加，鍾意食幾多就幾多，而且係一個小煎pan上，份量極多！幾抵食😚黎多枝可樂真係完美🥳

想食平鐵牛扒，梗係去打正旗號嘅 “Top Blade Steak”，不過我哋係外賣返屋企，阿sir話限時優惠好平，唔駛二百就有兩客牛扒，雖然要特登搭車去拎，但我覺得非常值得。🍴香草平鐵牛扒 x 2客⭐️⭐️一打開盒比焗蒜嚇親，一般西餐廳配菜只會係薯仔、甘筍、豆類、西蘭花等，估唔到佢係烤焗差唔多一個鐘嘅蒜頭，阿sir見到非常滿意，平時響屋企煎牛扒都會整焗蒜，而家未試主角已經加晒分；至於主角平鐵牛扒，medium真係做得剛好，肉味香濃之餘仲好juicy，不過略嫌口感有點”實”，可能因為無乜脂肪，又或者可能係外賣凍咗嘅關係啦，呢方面我可以接受。至於薯條，入口食到好香松露味，我估應該係用松露油炸，雖然凍咗，但仍然好味！下次會去堂食，不過等疫情緩和返先。二人共消費：$167