Top Blade Steak Lab VS PPPP

Open Now

Now Closed

之前book咗呢間Top Blade Steak Lab VS PPPP扒房同男朋友慶祝生日😜佢餐廳裝修風格偏向型格，我仲見到有個ig like 計數裝置當有人like呢佢就會增加㗎啦，都幾得意我哋每人都叫咗藜麥沙律同蕃茄湯，沙律其實好大兜，下次可以試吓兩個人share。最欣賞佢嘅湯，飲得出係自家製超級濃，食到少少粒粒蕃茄。我男朋友叫左平鐵牛扒，餐廳好細心切好咗俾我哋，自己再根據需要睇吓使唔使再切啦，佢推咗原個蒜蓉，覺得好香配埋牛肉，成個肉香俾佢提升唔少，簡單配返薄薄海鹽已經好好味我自己叫咗西班牙栗飼豬鞍架，都係配返原個蒜蓉，啱晒我哋兩個重口味。豬鞍架煎得啱啱好，表面少少香脆入邊肉質嫰滑多汁😌如果生日不妨book枱過嚟兩個撐枱腳，食物滿足而且唔會太貴，啱晒小情侶。

之前朋友話中環士丹利街有間平民扒房質素好高，咁岩係中環就一於去試下，去到發現每枱都有人叫漢堡飽，一問之下先知原來呢度啲漢堡都好受歡迎我自己就叫左一個豬漢堡試下叫Just 漢堡 $168，價錢黎講算中高價了。不過成個飽都好大個男士都絕對食得飽啊～個面包好軟熟，夾住既豬漢堡煎得少少焦邊!嘩啲肉汁都幾多，加埋啲芝士🤣 再食兜薯條，薯條就薯通粗度不過勝在炸得香脆～好邪惡^_^今次以杯Dirty lemon tea，清一清個口成個清爽番唔少，茶味好濃，食完肉飲番杯就岩晒

前兩日係中環見完客都差唔多晚餐時間啦，行去D出口個邊大大間扒房Top Blade Steak Lab，之前同事話啲漢堡飽好食，我又去試下先，入到門口見到牆身都掛住啲牛既畫🤣 係人都知食牛肉啦😝呢度餐廳偏向型格風，並唔係傳統扒房無fine dining setting😌無壓力😉 見完客講左好耐野就叫杯Dirty lemon tea🍋飲落都幾香濃，帶少少酸我叫左USDA PRIME美國390日榖飼Prime平鐵牛扒💕 呢個Flat iron🤤上枱已經切好兩舊，睇到淡淡粉紅色加啲啲薄薄海鹽好靚👍食落牛味濃郁，我呢舊又無乜根😝加左薯條食，因為都幾飽就無左加薯條啦～呢度薯條任食如果中環放工都可以一戰呢度既平鐵牛扒😋

📍Top Blade Steak LabHave heard about Top Blade for a long time and I finally tried it out at their Central shop. OMG, their fries! It’s as good as the one from Pheromone if you are lucky enough to get the fresh batch! It has a very strong truffle oil smell though. No unlimited refill during lunch! Steak is the meaty flavor type. Not the melt in your mouth type but not too chewy either. Cook is good. Would recommend adding money to add more grams for guys. Just hope their side garlic could be gri

OT放工之後要好好慰下自己啊😚 食番啲靚牛先，到中環士丹利街食平鐵牛扒，買單唔使$400落樓， 餐廳裝修乾淨利落玩味感重，牆身黑色傢俬採用紅黑色調，成件事好潮先叫咗🥗藜麥沙律同埋自家靚湯(🍅蕃茄湯)，個沙律好足料啲菜好新鮮，藜麥俾得好大方成碗都係，睇得出佢個湯係自己煲嘅，蕃茄味好濃。主菜叫咗平鐵牛扒-USDA PRIME美國390日榖飼Prime約平鐵牛扒😙平鐵牛扒即係牛三角肩對上既世，識食肉質比起西冷更加柔軟😌覺得佢煮得啱啱好，有肉汁食起上嚟肉質香濃😋薯條係任食架，鍾意食薯條嘅朋友有福啦，薯條食落脆口唔會過軟，不過食得晒先至叫得意，唔好浪費食物。

男朋友book左枱黎扒房食西餐，雖然無燭光，係比較casual啲啲既西餐～不過呢間西餐真係性價比好高啊，啲服務又好，食物質素都值回價格🥰我地每人叫左個main😋 上菜速度都幾快喎，因為我地諗左陣食咩，侍應就推介我學試下個招牌平鐵牛扒同黑毛豬豬羽毛😌😋是日特別版招牌平鐵牛扒，呢個好似每日限量架，要試既朋友要早啲到。平鐵牛扒食得出係貴野，質素好好一咬落去就好好鬆，啲啲化口感😝😝加埋烤過既甜栗米充滿牛油香😋西班牙黑毛豬豬羽毛，上枱以為係牛肉黎😆 煎到岩岩帶啲啲粉紅色，食落好滑嫩啊，佢配番啲烤過桃會甜甜好夾個豬我地升級加左藜麥沙律 + 自家靚湯(蕃茄湯) +$60咋～沙律就無乜特別，反而係蕃茄沙飲落好濃，酸酸地好開胃，飲到少少蕃茄粒

上次接男朋友放去左佢公司附近士丹利街個頭食飯💕 上次黎過一次食牛扒覺得幾好食，今次再黎試下啲漢堡飽🤣 覺得佢好方便就腳啊。佢鋪頭都幾大，唔會住得好迫架，啲枱X係紅黑相間，整體偏向簡單美式風格我男朋友叫左Ultimate burger$168而我就叫左Just 漢堡 $168，最後必食薯條Ultimate burger🍔係牛肉黎，食落牛味濃郁，塊牛漢堡煎到啲啲焦香🤤咬落啲肉汁流晒出黎啊Just漢堡其實豬肉黎，岩晒唔食牛肉朋友過足食漢堡既口癮！豬肉漢堡都放足芝士🧈🧀加啖啖肉食落香口多汁～好正黎到必叫薯條啊🍟因為係任食架～食完可以再加，食落熱辣辣脆口！😌😌推薦大家落嚟撐枱腳

 今次晚餐一個人嚟到中環西餐廳士丹利街Top Blade Steak Lab VS PPPP,西餐廳來講佢啲裝修偏向簡單風格，枱櫈都算闊落。坐低最鍾意睇西餐廳啲刀叉有冇水漬，呢間餐廳好乾淨，見到佢啲茄汁樽，調味樽都好乾淨，仲有消毒比客人使用，成件事好衛生。🐽西班牙栗飼豬鞍架 $160煎得均勻表面，肉質保持軟腍Juicy😋而且份量十足，佢搭配左海鹽同埋蒜頭🧄簡單調味已經足夠好👍仲配搭咗少少蕃茄喺底，令到人哋更開胃，值得嘗試好味指數：❤️❤️❤️❤️抵食指數：❤️❤️❤️❤️❤️推介指數：❤️❤️❤️❤️回頭指數：❤️❤️❤️❤️如果一個人嚟中環，唔想食茶記推薦大家嚟試吓啲扒類，唔會太貴但係質素有保證，值得獎勵自己。

之前有食過top blade steak lab 既其他分店 ，上星期做野經過先知 ，原來中環都有分店 ，而且呢間分店除左有牛食 仲有豬餐牌。餐廳本身已性價比好高好抵食，可以係中環用呢個價值据扒再加住食薯條🍟真係cp 值爆燈！ ！ 推介： 平鐵牛扒（平靚正之選）$160 😍😍😍Order 左medium rare ，牛扒上枱時已切好左，睇到都流口水🤤！ 牛扒外脆內肉嫩，肉味好濃！！再加埋成隻焗蒜🤤 想豐富啲加左沙律同餐湯set …..沙律好新鮮既，有啲菜食下balance d ,但係我決定下次都係留肚食薯條啦🤣 比自己放縱下！！☺️好開心比我搵到呢度，以後過開黎做野有飯堂了！🤭

今次係第二次再來到 top blade steak lab 因為上次食完just burger之後念念不忘😁今次再返黎encore 呢個手打豬堡！！$118 包埋任食薯條，幾間過江龍漢堡店一個飽都已經差唔多要成舊水，呢度既CP值真係超高！餐廳有啲吧枱，岩晒好似我呢啲一個人黎幫襯，又或者想嗱嗱聲食個快飯既上班族👨‍💼 講返個包先呢個係午餐限定得一塊漢堡扒，雖然係lunch set 平啲，但質素一樣好高唔求其！切開一半睇到塊肉真係煎得好靚，岩岩好，個口感一啲都唔比牛肉差，漢堡飽真係好邪惡又好吸引！😈Lunch 黎食仲有另一個好處係有成日比自己去消化返啲食物😂食多啲薯條都可以😆

雖然我已經唔幾mind一個人出街食飯不過都幾多餐廳個定位或者個格調唔太一個人friendly😅Top blade steak lab 呢間平民扒房overall 裝修簡約，就算一個人黎食扒都無壓力! 仲有啲吧枱位，都係好舒適既…….. 環境：8/10 今日點左一個是日推介平鐵牛扒，店員介紹呢款係經慢煮既牛扒;經過慢煮完再煎香表面一上枱真係好香，調味好簡單，只有鹽、黑胡椒同埋香草 愈簡單既調味又愈睇到食物既質素 !牛扒肉質除左嫩之外係好淋同埋牛味好濃! 配粟米蓉汁同埋烤粟米，幾match ! 是日推介招牌平鐵牛扒： 9/10 不是重點都要推介：任食薯條🍟 呢個係邪惡既引誘！食完牛扒已經好滿足，但望住啲熱辣辣新鮮炸起既薯條，又比佢地吸引住，食左兩盤最後🫠薯條偏幼身似麥記個種，配牛扒我都係prefer呢種，太粗身口感反而麻麻….. 薯條我比：9/10 總結： 坐得舒適，無論一個人黎、情侶甚至幾個朋友黎聚會都適合食物有質素！ 呢個價錢都reasonable, 回頭指數極高！

平日提早係中環見完客，見個肚餓餓地都就周圍搵野食，見到呢間扒房就決定試下，我見子除左食牛扒之外，有好多款burger簡同黑毛豬扒😍🍔因為最近戒緊牛肉，店員推薦我試下佢地個Just 漢堡 ！呢個係豬肉漢堡黎，黎到好大個🤣 有兩塊豬漢堡同埋芝士、新鮮既生菜😌 女士都真係好難一啖咬，我都係分兩層慢慢食😋啲肉汁流晒出黎，都有少少沙律伴碟比你 可以飲食均衡啲☺️ 幾fresh !另外我叫左杯開心果紅茶特飲😝 啲茶味夠濃，上面啲cream好綿密😙 唔知道紅茶都夾漢堡包 唔會好怪😝 下次諗唔到食咩都可以黎試

同勁耐冇見嘅大學u mate reunion 有人推介黎呢度 大家返工都就腳就嚟試吓啦 OpenRice 睇定發現呢度menu 有牛有豬 都真係幾啱大家 仲有無限refill 薯條 真係啱晒我哋邊食邊吹水😚見到隔離枱個豬鞍架好吸引 我自己都order左呢個 豬鞍架既網紋煎得好靚  塊扒雖然好厚都有肉汁 無牛扒既肉味咁濃至於朋友們分別各自order 一個main 有牛扒同埋豬burger 食物overall 都好高質 而且環境都好乾淨企理 坐得好舒服最後食左足足兩round薯條😚有啲唔好意思霸住個位咁耐 食完兩round 就散band喇…. 下次再黎啦🥳

為咗慶祝自己呢半個月寒窗苦讀，終於考完IELTS！！！真係要食返餐好嘅賀一賀！（可能出完成績就無胃口😅）食左先啦 ！！  呢度嘅Menu都幾簡單 就係豬同埋牛扒同埋漢堡包 …… 唔係好知道每一款嘅分別,所以問左店員佢哋嘅分別同埋有咩好推介😇 店員簡而精咁介紹左餐牌，因為今日唔係幾想食牛嘅關係，店員推介我試西班牙黑毛豬豬羽毛！ 豬羽毛係一個比較稀有嘅部份，雖然佢算係珍貴（價錢都有啲貴），但份量一啲都唔小，食到有炭火燒過嘅香味😋😋😋 有同樣烤過嘅蜜桃加上洋蔥等等既配菜 👍🏻👍🏻互相好配合，可以中和一下，食完一口豬柳，又有啲配菜蔬果😌豬羽毛份量係唔細，我都食左兩碟薯條🍟🤣，打完大佬啊，梗係要食得盡興啲😁

最近我又好認真嚴格執行低碳水飲食 😌 男朋友話搵到間岩我食嘅餐廳引誘我😕 佢帶咗我嚟呢間扒房 呢度有幾款牛扒同埋豬扒 另外就係幾款burger！試咗一個比較特別嘅豬羽毛 $268 （今日有男朋友埋單 🤪） 啲肉質好嫩滑 個顏色直頭好似係牛扒咁 仲有啲水蜜桃伴碟 可以解一解肉既膩！另外加配咗一個沙律同埋餐湯，沙律勁足料 一樣符合我嘅低碳水要求！ 男朋友就喺我面前好放肆咁食咗burger 食到好津津有味 🥴🥴 仲有啲任食薯條 唯有睇咗當食咗😫（最後都係忍唔住偷偷食咗兩條 ） 下次一定要再黎 食夠3碟🤩