海之幸寿司刺身

Open Now

Now Closed

呢間店壽司同刺身好多選擇,價錢也很抵！所以都多人幫襯！一於外賣回家食先！太卷$20青瓜、蛋、蘿白等！清清地幾好味！芝士蟹棒壽司$25大大件蟹棒！既鮮美又有芝士香味！

{和風牛肉飯 - $32}海之幸係工作地方附近一間日式外賣店！唔係話超好味，不過性價比往往都唔令你失望，價格低嘅同時做出中上水平嘅食物質素！今個月有特別優惠，用32蚊就可以俾食到原價40蚊嘅 #和風牛肉飯 , 講真原價已經唔貴，而家有優惠仲開心，調味以至份量都非常洽到好處，值得一食再食！美味程度：😋😋😋😋環境指數：🎇🎇番食機會：🦍🦍🦍🦍📍 #海之幸寿司刺身 (筲箕灣)筲箕灣愛禮街2號愛蝶灣商場地下56號舖

有時買嘢食返工速食未必要求好高，但熱辣辣真係加分！我今天外賣返工食了一份滑蛋吉列炸蝦飯，真係滿足！呢間日系快餐店嘅勝價比真係高嘅！滑蛋吉列炸蝦飯係一道經典嘅日本料理，結合咗滑蛋、炸蝦同炒飯，成為一碟美味嘅餐點。最正係佢即叫即整，確實令佢加分，拎到返公司仲係熱辣辣！除咗滑蛋吉列炸蝦飯，呢間日系快餐店仲有其他豐富多樣嘅選擇，例如壽司、拉麵等等。仲有啲便當係有齊壽司，小食，蕎麥麵等等！而且價錢都非常合理，真係好適合外賣返工食嘅選擇。

係foodpanda叫左外賣，總共叫左三文魚，吞拿魚，甜蝦，玻璃蝦，赤海蝦，加洲卷。d壽司飯完全無醋味，一夾就鬆，仲要爛容容咁，好似煲左勁多水既飯咁。 魚生大部份都好腥，食落係雪凍好耐咁，無魚生甜味，even連三文魚都係。食個玻璃蝦壽司仲要係雪既脆唔知擺左幾耐，最正常係加洲卷年頭食落覺得唔差，都翻食幾次，但今次真係食到想嘔，質素全面下降，唔知係夜晚7點叫外賣定其他原因，忍唔住留左第一次食評，坦白講對面街商場食爭鮮質素仲好過佢

平時好少寫食評，但今次真係食到一肚氣年頭食還可以，果時火炙赤海蝦壽司 火炙帶子壽司都好好食。雖然話壽司三文魚等等唔係好有魚味，但係價錢略平。便當亦10分抵食，又有小食配搭有中華沙律及冷奴，所以都算CP值可以。但好似由年中開始，越做越差，壽司開始變腥，我初時以為係送外賣來遲左啲壽司變味，但越食越唔對路。連牛油火炙赤海蝦呢啲咁濃味嘅壽司都聞到聲聲地嘅味，呢家連最基本既壽司飯都做唔好，好似食緊BB糊仔咁，非常黏稠，從來未食過咁樣嘅壽司飯，不會再幫襯。

本來不想公開這間隱世外賣小店，性價比實在太高，在筲箕灣流連的日子不短，可是一直和這間小店擦身而過，原以為只是一些平價粗劣小店，看過網上評價都是褒貶不一，但作為OpenRice長期用戶都知道，看評語真的只能當作參考，好評不一定適合你（要知道有可能是賣廣告），壞評也不代表餐廳質素一定差，所以需要你自己親身試試真偽！這個月已經光顧三次，質素依然保持，進店時發現刺身很新鮮，壽司種類也頗多，如不想在冷櫃選擇已製作好的壽司，可以考慮直接下單，職員會為你新鮮製作，閑話不想多說，請自己看看圖片作實！素來不愛虛構作假，只愛誠實求證！

真係無下次！唔好食，好失望三文魚係最好食。但千奇唔好叫左口魚，馬刀貝，立魚🥲🥲🥲🥲🥲🥲🥲🥲🥲🥲🥲其中一種食落既味道有藥酒味。食完有少少心理陰影。

平時貪方便就喺對面商場買爭鮮迴轉外賣，反而呢間開咗咁耐都未試過，見好似都唔少街坊幫襯，就試下，點知…  可能有期望，所以頗失望！收銀員態度又... 應該無下次... 點解仲有咁多人食嘅🤔特別失望的幾款︰油甘魚壽司 $12 - 唔夠新鮮，買咗四件有兩件魚係穿嘅 (薄切考刀功)... 赤海蝦壽司  $10 - 唔知點解較乾身，好似放咗好耐咁...左口魚裙邊壽司 $12 - 平時食果D係好重魚油味，但呢件好近乎無味

作為街坊一向都幫襯開，性價比其實不錯，而且會即場現做。但今日真係見識，買兩客壽司，因為凍櫃有其中一樣，叫我等一小時，話人手唔夠。唔岩可以唔買，再唔選購已做的產品，但想買的另外一客壽司，因櫃冇你話可以即做。大佬啊，是什麼標準，凍櫃有所以唔想再俾客人都唔好做得咁明顯啊，好難受。可能生意太好，連作為手作壽司店的初心都失去。咁同超市壽司檔/爭x 外賣檔有何分別。心已死，如覺得買現成壽司沒什麼要求，可以試吓，其實都不錯的。但對待客人有不同標準，買得小只可以選擇凍櫃現貨，還對客講「你可以唔買」，所以我決不會再光顧。

今日難得休息日，真系唔想出門口， 但又好想食壽司，一個人無咩選擇，一個人多數都系食吉x島超市，但其實真系唔系好好食，所以最後用網上外賣平台 叫左海之幸壽司叫左5種壽司，總供13件壽司 總共$89 （正常價錢）1）三文魚壽司$6/件新鮮好味，都香三文魚味2）三文魚火焰壽司$6/件都好好味，燒到岩岩好，一食就溶，食到三文魚系壽司的👍🏻👍🏻3）芝士飛魚籽軍艦$9/件少許失望，沒有芝士味和紫菜有點梅，好似擺左好耐唔脆個紫菜4）芝士鰻魚火焰壽司$7/件價錢便宜，😋😋好味 只是有少許燶的味，但總括可以的，鰻魚都好味5）香辣三文魚壽司$7/件呢個系五樣中，覺得最唔好味，三文魚都系一樣新鮮，但佢系上面加少少好似油辣椒甘，但完全唔辣又唔香，完全唔系想像中一樣，同我叫個普通三文魚壽司一樣總括而言，下次會再試佢既丼飯/便當，價錢便宜，味道ok, 可以再試👍🏻👍🏻👍🏻好食過超市壽司

上星期下晝經過呢間日式料理店，係正筲箕灣地鐵D出口，裝修都幾新，感覺都幾舒服，除左門口有大型餐牌外，裡面都仲有，個人覺得有相睇既食物更真實！更吸引！可以堂食不過要企，所以我都係外賣，重點有我最中意食既滑蛋豬扒飯丫價錢$40左右一個日式飯都算合理la!又見都有5-6人個人排隊買，買！同老公買左個 滑蛋豬扒飯、滑蛋雞扒飯、章魚丸子、帶子壽司 ，食淨有半盒飯😢滑蛋豬扒飯好食，係塊豬扒「鞋」左少少，蛋飯同d汁個味都ok既；滑蛋雞扒飯都幾好食既，係少左d得幾粒，（可能有塊豬扒係隔離有個強烈對比🤣）帶子壽司都算新鮮，個章魚丸好食，整體黎講呢間日式小店，食物ok! 價錢ok!賣相都ok! 服務員姐姐都幾好態度！(係筲箕灣有多個選擇喇👍🏻）Happy~

放工見有啲餓行左入呢間小店諗住食舊壽司醫肚，後來被鰻魚飯吸引就叫左蒲燒鰻魚飯。喺香港黎講真算好好味的鰻魚飯!首先係燒得夠時間，我雖然中意食鰻魚但又好怕啲燒得唔夠耐的鰻魚，會有陣腥味的，呢個唔會👍🏻汁夠多又夠味，鰻魚的味道好好，真係外脆內軟，飯夠熱又不會太冧。食到好熱的時候食一口少少凍的中華沙律，感覺係夾的。最後仲外帶多幾嚿壽司返屋企。yummy店內唯一缺點係冷氣唔夠凍。但呢個價錢呢個質素，我一定會再幫襯

公司太忙，非常好心的同事介紹了一間筲箕灣新開外賣壽司新店，位於愛蝶灣位置，在地鐵站D出口隔離，非常當眼！不過我實在太忙碌，沒空過去買外賣，結果麻煩了同事幫我買回來，唯有邊吃邊做吧！店內壽司及麵食選擇及配搭性幾多，如外賣餐有壽司+冷麵、烏冬+冷麵、魚生飯+烏冬、不同類型的雜錦壽司等等．．．價格在筲箕灣來說是偏貴，但賣相吸引，有質素的。$38 魚生飯：好吃過連鎖外賣店！有三文魚籽、三文魚、蛋、蟹柳、青瓜等等，粒粒也算是厚身，色澤鮮明，也是新鮮的，只不過米飯有點偏冷。$18 蛋飯 (3件)：好吃到其中一件被同事搶走了~~~ 我自己覺得賣相是吸引，甜蛋不太甜卻很好吃，裡面有一口飯吧，頗不錯，反而我比較喜歡吃這個！

等左咁耐，筲箕灣終於開呢d外賣壽司店，中秋節成條街都係人，就決定同男友買壽司返屋企撐台腳。全部係自選壽司，咁多壽司加埋都係18x蚊，十分抵食。食材尚算新鮮，比較有驚喜既有幾款。牛油燒帶子火焰壽司$10/件一入口牛油味濃，同帶子十分夾，帶子都十分鮮甜。原隻炸蝦壽司 $10/件好有心！係新鮮即炸，所以熱辣辣好脆身，蝦好大條，好味！火焰三文魚腩 $6/件入口即溶！而且成口三文魚油好香！加埋小小沙律醬，甜甜地幾夾！左口魚裙邊 $5/件左口魚魚油好豐富，而且好香，其實我好鍾意食火炙既左口魚邊，因為會入口即溶，魚燒過後魚油更突出，可惜呢到冇！希望遲d會有啦！件件壽司都又平又好食，以後一定會成日落樓下幫襯！

壽司 精美 份量足夠，火焰三文魚夠新鮮食落口還是暖暖的，三文魚子壽司有爆珠的口感，感覺新鮮，帶子也很大塊，比得上壽司餐廳的感覺， 環境也很不錯，冷氣充足，坐枱尚算坐得舒適， 炎炎夏日經過 是一個歇腳填肚的好地方。這裏有多款刺身及刺身飯類別，當中有蔥花吞拿魚腩碎粒飯，還有三文魚拼三文魚子刺身飯 等大熱刺身飯，刺身類別有三文魚吞拿魚赤蝦帶子等等……… 壽司飯包得唔算散醋味適中， 仲有唔想食刺身生嘅朋友 當中還可以選擇便當有豬扒便當鰻魚便當炸雞便當等…………………………