Top Thai Thai Food

Open Now

Now Closed

自從左面果間川品米線搬咗之後，我就轉咗食呢間泰菜。平時行過都唔多覺眼，入到去先發現係寶，50蚊口水雞飯包一杯凍飲，邊度搵吖。最正就係佢啲口水雞同埋炸蒜蓉。 收到風老闆話下年年頭左右就完約唔做喇，到時又少一間小店，大家多多支持啦，不過有時佢會唔開幾日自己走咗去做秘撈😆見到佢都可以話係緣份

十分沉迷佢嘅米線，超級爽滑，湯底好濃郁，夠辣仲有少少船可湯底嘅味道。仲有唔同嘅配菜俾你揀，最令我驚奇係魚蛋，因為老細係即叫即返炸，超級好食😋另外一定係豬頸肉同埋炸豬扒，都好入味。

中文英文食評 review in Chinese and English見到local community 社交平台group講起呢一間Top Thai，今晚特登走咗去食。非常之好食😋😋😋👍🏻👍🏻👍🏻呢間小店係一位識廣東話同埋英文嘅泰國人開。有四張枱12個座位。餐牌有中文同英文，呢位泰國人師傅講廣東話同埋英文。佢呢啲餐係包嘢飲 (例如紙包飲品、可樂、檸檬茶、奶茶等等) 。嘢食好大份，超級飽，仲包埋嘢飲。對於我來講係非常之抵食。1) 牛肉牛腩湯米粉 $48 包嘢飲 <超級推介>湯底朧味超級正，食完唔口渴。湯底有加八角、芹菜。牛肉牛腩好”林”，勁多米粉，米粉吸收左啲湯特別正👍🏻2) 海南雞Pad Thai $58包嘢飲因為我兩樣嘢都想食，後來chef 就同我推介呢個餸。海南雞唔錯，都滑。Pad Thai 味道好好，雖然唔係我之前喺Sydney食開嘅味道(少啲茄汁之類)，但係喺香港/泰國來講我覺得佢真係炒得好好👍🏻👍🏻👍🏻，醬汁均勻咁樣入麵嗰度。調味係酸味多啲，少甜，所以好啱我口味! 另外，你睇吓蕃茄同埋青瓜嘅擺設，成個❤️咁樣，好靚好有心機。會再返去食! 😀Read som

冬陰功清湯海南雞金邊粉50蚊大大兜勁多滑雞粉既份量都好多性價比高湯底香濃味道好正船米都好好食唔會食完好口渴佢d海南雞滑又多份量好滿足成日幫襯超正但泰仔好忙成日一腳踢要等下無咁快

識講廣東話嘅泰國人親自下廚海南雞飯$48 包飲品 汽水紙包飲品嗰啲+$5可以轉脾（今次無轉到，我有叫但佢聽唔到啲鷄超嫩滑，真心皮薄肉嫩我💛依間小店！！！男友叫嘅蠔仔肉碎泡飯都好食！ 唯一美中不足係咁啱有蠔殼喺入面，可改善

◐ ◑ ◒ ◓ 傳說中老板成日都會因為佢既心情而決定開唔開舖😂 之前好似有講過，失戀所以唔開🙈 陰公豬🫣 等我又去關心下老板先🤣🤣🤣◐ 泰國菜必食既炒金邊粉非常濃味😋 正！酸酸甜甜好開胃❤️ 我俾100分😎 因為我對呢個菜係非常執著，但佢真係超級好味😋◑ 冬陰功清湯海南雞米粉呢個又係好值得一讚👍🏻 但個湯真係清湯咁，但食得好有冬陰功個隻味精🙈 超正👍🏻◒ 真係第一次食❤️◓ 絕對會再去幫襯😝📍 Top Thai Thai Food (大角咀)大角咀晏架街79號富多來商場2期地舖

得閒緊係要支持下小店好抵食一個飯都係五十數內叫咗個生菜包 $68幾大份 同埋唔係好辣 我唔食得辣都食到朋友叫海南雞飯 ($48)個雞好嫰 好味廚房好似有個泰國人姨姨夠正宗

💛大角咀真係好多泰國野食，當然要揀良心小店去懲罰！ 今次食午飯時間 嚟咗一間 只有 12個座位 嘅泰國小店 見餐牌午市套餐只有五款 嗌咗一個海南雞飯 同埋 一個 泰式湯麵 呢度 嘅份量 非常之大 海南雞飯嘅雞 應該等於其他店舖嘅 兩倍 而味道亦都不錯 ，雞肉唔會有雪味， 油飯有油香 。而至於泰式湯麵 非常大碗 ，湯底稍微甜咗少少，不過落返 一羹辣椒粉落去 味道即時合襯 甜味令到即使落咗辣椒粉依然唔會太搶 ，好似學生去食仲會有優惠 相信一定好多發育時期嘅學生哥來填飽個胃， 可能因為廚房只有一個人做 所以呢一度等待嘅時間偏長 一碗海南雞飯隨時等十分鐘 所以大家 如果好趕時間就 下次先嚟啦 但總括嚟講呢間舖頭 食物 分量質素都唔錯 ，值得再嚟支持。香港人，齊上齊落呀💛

今日經過大角咀，一個人望住個地圖諗住搵下食咩，抬頭就見到呢間仲未係地圖出現既泰國菜，望個午餐餐牌，價錢合理吖，既然係咁，就入去試下。叫左個海南雞飯，連埋個湯，都只係HK$42。D雞都幾滑，無乜骨既，雖然無平時食海南雞既三款醬，得一款酸酸辣辣既醬，但個醬味道都唔錯，份量剛剛，除左配雞食之外，仲可以畀我配下飯食，唔浪費又好味，正！而且個黃油飯都幾香，份量其實都唔少。食食下見到餐牌上寫住一個拼盤都係HK$108，好抵喎，下次晚市可以再黎試下。店面可以容納既人數唔算好多，大約十個左右。唔想堂食，外賣都係唔錯既選擇。不過因為大廚暫時得一位，所以多人既時候可能要有耐性吖～好味既食物係值得等耐～以後行開呢頭，食飯又多一個選擇呢！