Video
Read full review
2020-06-20
586 views
尋晚突然想食串燒，諗起依間新開的小店。先打個電話問下有冇位，覆話半個鐘內應該有位，有位會打電話通知。等左大約10分鐘已經打黎通知，貼心。舖頭有2張坐檯加6個bar 位，所以真係最好打個電話先。坐低先叫2杯生啤，再叫2款小食-鮟鱇魚肝，油揚七里香。魚肝唔似某些店，無腥味，再配埋酸汁羅白蓉，好好食。原先想叫串燒七里香，但店主推介油揚，果然無錯，一口一粒又香脆。串燒方面叫左9款，我最鐘意係雞頸肉，煙煙韌韌；雞皮外脆內軟：店主推介荔枝豚肉，甜甜地好清新；雞心特別燒至7/8成熟，所以唔乾有𡁻口，仲有醬汁；牛小腸係其他地方未見過，所以都叫左黎食，都係腸既口感；牛舌，一口和牛，白鱔，青椒仔，都好食。師傅調味岩岩好，配埋啤酒=一流享受。因為都開始飽，所以叫多一個推介的鰹魚刺身加多一樽清酒。下次先試釜飯。暫時仲係試業期間，所以餐牌上都有可能變。希望可以keep 住水準P.S. 真心鐘意鰹魚刺身中的生洋蔥+酸汁，如果可以單點解解油膩感就好
舖頭有2張坐檯加6個bar 位，所以真係最好打個電話先。
坐低先叫2杯生啤，再叫2款小食-鮟鱇魚肝，油揚七里香。魚肝唔似某些店，無腥味，再配埋酸汁羅白蓉，好好食。原先想叫串燒七里香，但店主推介油揚，果然無錯，一口一粒又香脆。
串燒方面叫左9款，我最鐘意係雞頸肉，煙煙韌韌；雞皮外脆內軟：店主推介荔枝豚肉，甜甜地好清新；雞心特別燒至7/8成熟，所以唔乾有𡁻口，仲有醬汁；牛小腸係其他地方未見過，所以都叫左黎食，都係腸既口感；牛舌，一口和牛，白鱔，青椒仔，都好食。師傅調味岩岩好，配埋啤酒=一流享受。
因為都開始飽，所以叫多一個推介的鰹魚刺身加多一樽清酒。下次先試釜飯。
暫時仲係試業期間，所以餐牌上都有可能變。
希望可以keep 住水準
P.S. 真心鐘意鰹魚刺身中的生洋蔥+酸汁，如果可以單點解解油膩感就好
Post
