滔滔甜品

Open Now

Now Closed

元朗好食嘅糖水鋪依家真係買少見少，今日介紹依間甜品鋪係我定期都幫襯下嘅。而依個冰烤紫薯系列就係我至愛☺️三款甜品配料大致差唔多，一樣有紫薯雪糕同黑糖水晶，最唔同係個底，分別有仙草、豆花同愛玉🤭今日就食左其中兩款:🍴 仙草紫草園（$40）📝評分: 8/10個人最鍾意配仙草底🙂先讚個紫薯雪糕，食到粒粒紫薯肉，唔係好假個隻紫薯味，個人鍾意雪糕呈半溶狀態，配埋黑糖水晶同紅豆，成碗野撈埋好有咬口好好食🤤🍴 豆花紫花園（$40）📝評分: 7/10而豆花底就冇仙草底禁有咬口，但豆花整體算滑🙂配埋紫米芋圓一樣好食！不過今次食嘅芋圓偏軟身，如果稍微有返小小咬口就更好🤭

外賣真係冇仇報,去開元朗開完餐,就諗住買甜品回家漢下,去到舖頭好多人, 似乎都唔夠人手幫我地落單, 落完單企門口等左20分鐘先拎到野食,等到成身汗回家一睇杏仁荼湯丸冇湯丸. 仲要收左湯丸價,杏仁荼比正常的結身,好似食粥咁, 而且冇咩杏仁味,有點失望芒果西米撈變左椰汁底,芒果得幾粒, 仲要超酸,食到出眼水只有之麻糊比較正常,但感覺好結,加左好多粉又冇咩之麻味,諗住打電話返去訴下苦, 點知在openrice 搵, 連電話NO. 都冇試一次就夠晒數 !!

🥥椰香西米紫米露💰$24🍡腐竹馬蹄清心丸💰$33.⚡️係元朗食完雞煲當然要直落糖水🤣，行經見 @ 大排長龍，9秒9決定就食佢啦～店面唔算大，人多嘅時候都要坐露天位，個日我地兩個人排咗10分鐘左右就有得入座，都幾快🙆🏻‍♀️.⚡（偽）養生嘅小女子選擇食熱嘅🥥椰香西米紫米露，因為平時少掂紫米，本身以為會會膩，點知出奇地好食同夾😳，椰香味濃伴隨淡淡穀物香氣，可encore～🥰.⚡🍡腐竹馬蹄清心丸小女子食唔慣😂，不懂清心丸嘅味道，但腐竹糖水嘅部份還是很🉑

朋友帶我嚟滔滔呢度食甜品叫咗個腐竹清心丸糖水一食就上癮所以今日特登又再過嚟食今次叫咗一碗紫米露湯圓清心丸另外一碗蛋白杏仁茶湯圓加清心丸兩碗都好有水準好好味食完仲有好飽肚嘅感覺真係食完都唔使食飯而且今日兩個落單嘅都好有禮貌所以食得好開心好滿足呢度嘅清心丸仲會有甜味比一般舖頭係唔同試過買返屋企自己煮完全冇呢一個味道所以要食真係要落嚟舖頭食先得因為加咗清心丸所以買單大約$80蚊上次㲋就要排隊啦今日4:30啱啱適逢開鋪就唔使等不過等都好值得嘅

椰子糊頭幾啖覺得好清，但食食下又幾好食，好上癮，椰子味越黎越出，但又好清甜，糊底勁絲滑唔係用粉沖開，唔會一粒粒，好似飲緊結身嘅椰皇水咁仲有啲芋圓淋到呢⋯好軟綿綿，又好香芋頭味，估唔到咁大粒都可以咁軟糯

第一次食滔滔甜品啦，晏晝四點幾去食，見到好多學生都去幫襯，我同朋友兩個人去，每人叫咗一個甜品，價錢來講偏貴而且份量少，位置細，服務態度麻麻地，唔知係咪隔籬枱有人落咗單，而我地仲未落單，就過嚟催我地落單。有人食完走左，比我睇到服務員執枱好求其，好似好驚整污糟自己隻手咁樣。總結，芋圓好食，豆花底同整體都唔係好出色，由於今次兩個人都係叫左同一個底嘅甜品，唯有下次再試其他款嘅甜品，美中不足就係無做小食～想食水果撈去b仔或者其他糖水舖會好d啦～

食完飯後，意猶未盡就決定食埋糖水先散水，呢間甜品店款式都幾多，睇裝修以為係得中式糖水食，但原來都有其他款式揀，地方較為細，有點擠迫感，但食物質素唔錯，份量多，下次入嚟要再食

今次係我第二次依間糖水舖，見到啲人事都轉左模式，而家啲糖水多咗好多花款，不過係好食嘅，但係有啲細碗芋圓同豆腐花珍珠好夾，值得再試，不過價錢有啲貴！下次可能都會再嚟，但係唔會成日食

平時食完飯同屋企人同朋友有時仲想傾吓偈咁呢個時候我哋就會去滔滔食糖水因為滔滔係區入面好出名所以多數都係會人山人海🤣今日揀左2款我平時會食嘅甜品介紹比大家❊叁元豆花豆腐花、芋圓、地瓜圓、黑糖珍珠、紫薯西米 & 香草雪糕/愛玉/紅豆/芒果（四選一)今次我哋揀左愛玉本身諗住抱住試下2種固體係同一碗入面係咩口感唔抱太多期望但係愛玉同豆腐花呢個mix係特別嘅好似係豆腐花上面加左層啫喱咁2種Base同其他配料都好夾個黑糖珍珠細細粒但real好有咬口不過下次我都係會叫番雪糕Xddd ❊紫草園配料有冰烤紫薯雪糕、芋圓、仙草、黑糖水晶、蜜紅豆 雪糕好香紫薯味道味，食到有紫薯肉Total有6粒芋圓,4粒橙色，2粒紫色芋圓暖暖地，煮得岩岩好仙草、黑糖水晶、蜜紅豆呢三個嘅組合可以令仙草嘅味帶出黎但又唔會好甜，啲紅豆好好食，不過食到最尾覺得有啲甜❊我平時會加包心芋丸 or 清心丸呢2款配料都好值得去試~包心芋丸入面係有蕃薯餡同芋頭餡蕃薯餡真係好好食🤤呢排仲好鐘意食黑珍珠，不過黑珍珠同熱湯圓唔夾😂😂😂😂😂❊滔滔甜品 (元朗)地址：元朗康樂路8號康樂廣場地下9號舖星期二唔開咖～唔好摸門釘！

✨紫草園配料有冰烤紫薯雪糕 芋圓仙草 黑糖水晶 蜜紅豆 都幾大碗冰烤紫薯雪糕 偏冰感 紫薯味道好香 仲會食到少少紫薯肉 幾唔錯芋圓 口感軟糯 味道較淡 唔夠香仙草 滑溜 但味道唔夠突出黑糖水晶 香甜 有咬口 蜜紅豆 蜜味香甜 夠軟腍整體都唔錯 只係略嫌唔夠凍 成碗野除咗雪糕其他都係常溫✨紫玉園配料有冰烤紫薯雪糕 芋圓 愛玉 黑糖水晶 蜜桃愛玉清香滑溜 芋圓軟糯黑糖水晶有咬口 蜜桃正常整體幾清新 但個人覺得唔係好夾總結：食物都算唔錯 份量足環境一般 地方好細 但唔駛搭枱都還好服務麻麻 冇乜禮貌 唔識變通 效率低 店員返工好似玩咁 價錢可以 唔使等好耐的話 都可以試下

難得嚟到元朗😚都知道元朗有好多出名糖水除咗B仔涼粉之外意外發掘到呢間😼唔好睇佢裝修好似係食中式糖水佢哋嘅雪糕珍珠芋圓意外地好食😚😋芋圓口感軟糯仲要有陣香味🤩豆花仲要又滑又好食🤩推薦大家嚟到元朗一定要食😍

今日特地過去試試這舖頭裏面的糖水，食品不錯，但是員工的面口就好苦。到該店後，由落單到比錢。服務員只跟我講過二個字”張咭”。其實各人均有所長，店員可考慮去做一些不用提供服務的行業。

住九龍，冇乜幾何走入元朗咁岩有fd係附近 佢就推介左呢間甜品店又幾有驚喜🤭一路都keep住有人等緊想坐內d都好大壓力😂😂🔸腐竹馬蹄清心丸（凍）$32腐竹馬蹄糖水好清甜，但最驚喜係食左呢個清心丸🫶🏻四四方方既清心丸好有咬口，但質地相對芋圓就比較軟，感覺自己鐘意清心丸多過芋圓🤪🔸海底椰檸檬愛玉 $29叫呢個係主要想知愛玉係乜東東，原來愛玉係類似啫喱，檸檬味既愛玉啫喱好特別，因我鐘意酸酸地既野食，所以又幾like🤣但老公麻麻地酸，不過我地覺得佢既海底椰都幾襯個愛玉，欣賞👍🔸叄元豆花配愛玉 $38叄元豆花超多料😂有豆腐花，芋圓，地瓜圓，黑糖珍珠，紫薯西米，再四選一個配料朋友揀左愛玉試一試🫣芋圓同地瓜圓都好煙韌，紫薯西米都好香紫薯味，豆腐花好滑，係略嫌黑糖珍珠有點甜

今晚同朋友食完飯近近地就去咗呢間食糖水😋1. 叁元豆花，入邊有好多材料包括豆腐花、芋圓，地瓜圓，黑糖珍珠，紫薯西米，再加四選一嘅芒果🥭芋圓，地瓜圓夠煙韌，好好味😋好抵食 咁多材料😋😋2. 木瓜雪耳燉桃膠呢個係一個好滋潤嘅糖水，每一啖都食到好有好滋潤嘅質感，木瓜都好好食，惟桃膠嘅份量比較少，但整體都好好食😋

去到元朗想食糖水芋圓既話 就會去呢間(*´∀｀)呢間就係同之前係深水埗深深甜品裝修同menu都一樣既舖頭～=================👅 腐竹馬蹄清心丸 $29有熱同凍揀 今次養生啲揀左熱！糖水幾清甜 好多馬蹄 同埋清心丸真係好好食！！煙煙韌韌der(˶‾᷄ ⁻̫ ‾᷅˵)👅 参元豆花 $35一碗入面有齊豆腐花 芋圓 地瓜圓 黑糖珍珠同紫薯西米～仲可以揀多樣要雪糕/紅豆/愛玉/芒果！超 多 料 ！普通芋圓都係好食過包心芋圓 會煙韌啲(˶‾᷄ ⁻̫ ‾᷅˵)紫薯西米都係好重紫薯味 唔會話得個色架～=================⭕️份量好大份 價錢中等唔算貴！❌店舖較細 所以坐得有啲逼▫️味道：4/5服務：3/5環境：3/5回頭率：4/5人均：<$40