滔滔甜品

Open Now

Now Closed

糖水店嘅裝修充滿香港懷舊風裝修同擺設，印象中一開始嘅時候係食中式糖水，較為普通所以一直未試，直到見到有台式芋圓、仙草同埋紫薯系列即刻燒著左🤪🤪.👉🏻豆花紫草園 $38‼️芋圓控、紫薯控必試‼️有豆花、芋圓、黑糖水晶、冰烤紫薯雪糕再灑上桂花，豆花真心豆香味幾濃，芋圓口感煙韌，但相對芋香同蕃薯味不太突出😣黑糖水晶食落口感好得意，係蒟蒻芋絲爽爽脆脆咁，好濃黑糖味唔太甜，好掂😍比較特別嘅冰烤紫薯雪糕，雪糕唔算非常滑，但超濃紫薯味！仲食到紫薯粒粒，雖然雪凍有啲硬😂。每一款口感都幾啱口味，回頭率甚高😎😎😎

食完晚飯想食下甜品🍮🍧🧁🍬呢間開咗都有一段日子，一直都未試過🤔去到大約夜晚10點半左右，都好多人等緊位/外賣。由於唔想等咁耐，最後決定叫外賣返屋企食。椰子糊🥥芝麻糊、合桃糊就聽得多啦，可能見識少😂椰子糊真係第一次見，本身都喜愛椰子食品，一見到就決定係佢啦😆返到屋企叮返熱嚟食，食落其實似熱左嘅椰汁，質地唔似平時芝麻糊個d咁杰。坦白講味道冇乜特別，就係普通椰汁味，略嫌甜左少少。下次想試下芋圓類甜品😚

#中意嘅請分享請點讚🍻----------💛 #黃店💛616因為有反修例大遊行 延遲西環分店試業日期, 612元朗分店罷工----------😋黑糖薑茶配包心芋圓 $29包心芋圓大大粒，而且有成九粒，表面煙韌，有淡淡嘅蕃薯味。黑糖薑茶唔會太薑，薑味適中，冬天飲可以暖下胃又可以驅寒。呢度新舊式嘅糖水都有，點都有一款啱你，食糖水又一個好地方，唔洗去食B仔嘅😜----------🔎滔滔甜品🚩元朗康樂路8號康樂廣場地下9號舖🚩西環水街1號地下E舖

黑糖薑茶配包心芋圓小店均有台式及港式糖水，款式選擇非常豐富。有我最喜歡的芋圓，同時基於寒流襲港，立刻要一碗薑茶來暖一下。黑糖薑茶配包心芋圓• 薑味十分濃烈，喝一口便能感覺到暖意從口腔直落至腹部，雖然薑味十足但不算太辣。黑糖味道也相對較少，應該是被薑味搶走了。• 包心芋圓味道清新、口感煙韌，味道有：芋頭、紫薯、地瓜，三款都包裹著不同餡料。內裏的餡蓉呈泥狀、香味更外層更濃郁，令整顆芋圓的味道大大提升。• 以份量和味道質素，我認為物超所值。

飯後隨即到滔滔食甜品開業好一段日子了，這是首次光顧傳統糖水及新派甜品也有，選擇不少仙草紫草園！紅豆夠淋、芋圓夠Q彈、黑糖水晶夠爽口、仙草又滑又多、尤其個紫薯雪糕，真係薯味十足，仲有薯粒添！好味道！真係超滿足，$38真係物超所值！熱椰香西米紫米露$22+$7海底椰無咩特別，預期中的味道，略為稀身了點提提大家，因為是小店原故，座位不多，若不想久等，最好早些食！總括而言，新派甜品係較吸引，大家不妨試試

元朗飯後甜品之最前日一家四口揸車嚟元朗，食完晚飯，突然想要食宵夜甜品，就openRice搵到呢一間甜品店，就膽粗粗入嚟試吓。四個人帶咗三碗三元豆花，唔太甜，味道層次高，我同仔女食到舔舔脷！份量又夠。下次入元朗，食食甜品一定要食呢間，一定要再幫襯。

不嬲好中意食中式糖水，傳統野有一定的味道😚之前食過佢個傳統蕃薯糖水，疆味好濃好辣，已經不停回味👍🏾今次再試腐竹清心丸，清心丸好多好好味，腐竹完全融入左糖水，好正🤤🤤🤤🤤

呢間糖水舖試過一次後就即刻成為常客因為一碗就有晒芋圓西米珍珠愛玉仙草（每款配料都有少少唔同）滿足晒我呢個煙韌控啊😍後面個款係紫薯雪糕系列雪糕特別做左少少半融化狀態唔會好似其他普通舖咁個雪糕硬得濟不唔到 而且入面加左紫薯粒口感更加豐富

元朗出名多美食，但我試過好多間唔同餐廳，大部分用料同廚藝都平平，甚至令人失望。某社交平台見到朋友食咗呢間甜品，賣相好吸引，我又鍾意食芋圓，所以就即刻嚟試下！兩個甜品賣相都好吸引，不過略為甜咗d，如果可以減少甜度，就會好好多。而甜品入面既配料都好豐富，有煙韌芋圓、珍珠⋯⋯個底仲有豆腐花！食甜品最緊要滿足感，有唔同配料就真係大滿足喇！呢間甜品喺元朗既選擇嚟講幾滿意！下次再來！三元豆花紫薯味雪糕，入面有粒粒紫薯。

依間滔滔甜品算係元朗嚟講較為出色嘅一間，佢主打傳統嘅糖水同埋芋圓等甜品。今次去就叫咗個檸檬愛玉加黑糖珍珠味道酸酸甜甜，非常解滯，好適合啱啱食飽咗，但又想即刻去食甜品嘅人

出街食完飯就好想食碗糖水先返屋企。又唔想今日食B仔，所以決定行去安娜隔離嘅滔滔食。鋪頭好細，食完晚飯嘅時候去通常都要等一陣位。之前都係叫佢地嘅台式糖水。不過今次好想食中式糖水暖胃，就叫左熱嘅芝麻糊溝紅豆沙再加芋圓。好好食！估佢唔到咁好食，好香黑芝麻味，好滑，好濃，紅豆沙少少起沙，勁香陳皮味。芋圓好有咬口，同碗糖水好夾。食完超級滿足！！依家出面食好似b仔泛後嗰啲芝麻糊都係好浠，食落就係溝粉咁，好淡，食落好失望。今次係滔滔終於食到一間好味嘅芝麻糊啦！

今晚，食完盆菜，覺得有啲濟有啲熱有啲好鹹喺未到殘留喺口裏面。於是，就決定要食碗甜品中和返。見到紫草園系列已經俾佢吸引左。主要係某一種配料上嘅唔同。可以揀紅豆，豆腐花同埋。今次，我就是左以紅豆為主打嘅紫草園。裏面有黑糖水晶，仙草，芋圓，地瓜圓同埋個紫薯雪糕。當然唔少得蜜紅豆啦。個紫薯雪糕真係冇得頂，好似食緊一個紫薯咁，好好好好味。以嗰黑糖水晶同仙草好香黑糖同仙草味，同雪糕個味配合得好好令人一試難忘。佢嘅芋圓地瓜圓都非常煙韌，食得出有地瓜同埋芋頭嘅味道。食完一碗真係好想試埋其他唔同嘅糖水呀。

早有聽聞依間既芋圓好好食一直未有機會試今晚11點幾黎到唔算好多人，唔洗等位~佢既裝修走懷舊風，好有特色！咁就試左新出既冰烤紫薯雪糕系列既紫草園內容好豐富！有黑糖水晶、仙草、蜜紅豆、芋圓、地瓜丸芋圓同地瓜丸數量都多，口感煙煙韌韌，芋圓食得出芋頭味地瓜丸有蕃薯味！黑糖珍珠好重黑糖味，好好味好鍾意🥰半溶既紫薯雪糕都好正👍🏻好濃味撈埋黎食一流！整體黎講並唔係好甜，有黑糖珍珠同蜜紅豆既加成，成碗野甜度就剛剛好！絕對會再黎食！

太好食啦呢間糖水鋪一D都冇失望到!石磨芝麻糊真系好滑，勁香，口感好滑就似食朱古力咁滑，一啖落去整個口都喺芝麻糊炸出來嘅香味，推介！清心丸配綠豆爽，甜度啱啱好，清心丸口感好正好煙韌，綠豆爽沙沙哋，整碗食落去好清爽好食。

叁元豆花/仙草紫草園🌸 $35/$38天氣熱 食點冰涼就最好不過❄ 除左食呢度招牌既叁元豆花 今次仲試埋新出既冰烤紫薯雪糕系列!!🤤叁元豆花係每次黎都無限encore!!☺ 豆花芋圓蕃薯圓珍珠西米配料超豐富的 最正就係撈埋半溶既香草雪糕黎食 味道一流😍😍😍 8點前黎食仲平2蚊🤓另外一碗仙草紫草園 聽個名咁浪漫9成9都係伏黎🤪 但結果都好好食! 紫薯雪糕的確有d似烤過既風味 仲食到粒粒紫薯質感 我同友人雖然都唔係紫薯控但都好like!😋 面頭仲有蜜紅豆芋圓蕃薯圓 以及第一次食到既黑糖水晶😦 感覺比大菜糕更爽脆有咬口 底部仲有滑嘟嘟既仙草 滿足des😇