峰壽司魚屋

Open Now

Now Closed

北海盛有海膽 吞拿魚蓉 三文魚子海膽係少左dd 但三款都好味道 鵝肝壽司上面有d金箔 整得係幾靚好好食呀呢款 鍾意鵝肝就可以試下呢款有油甘魚盛 吞拿魚腩set 都好有魚脂香 亦好新鮮 呢度上菜時間都好快 價錢都唔貴 值得一試

星期五放工6:30前去到，已經有成20人左右等位，2人檯都要等10張，諗住要等成個鐘，大佬話好想食，咁唯有等吓啦。意料之外冇諗過大概等咗唔洗半個鐘就可以安排入座。入座前做足量體溫，而且要用消毒搓手液搓咗手先可以入店舖內。因為防疫措施關係，被安排坐一張4人卡位，好寬敞吓，而且都見到員工會用消毒劑抺過啲餐牌先俾我哋睇，落Order都係用平板電腦，所以會少接觸工作人員。是日點咗：蟹膏壽司-一貫香濃蟹膏，鍾意呢個口味嘅朋友一定會愛不釋手。三文魚籽壽司-魚籽唔算大粒價式，亦都唔夠飽滿，一啖食落口都有爆漿同滿足感，魚籽新鮮度一般。海膽壽司-海膽嘅份量一般，應該係類似加拿大貨式，入口尚算甘香味甜。油甘魚盛-普通油甘魚有一點柚子醬喺面，魚肉爽口清新。油甘魚腩，油香十足，魚肉味甜。另仲有一件油甘魚軍艦，魚肉粒應該夾雜咗唔到部份嘅頭頭尾尾位，一啖食到唔同口感。呢間標明食吞拿魚，咁一定要試試啦！所以叫咗2份吞拿魚壽司盛，裡面包含咗赤身、中トロ、鐵火卷同埋吞拿魚蓉軍艦。赤身味濃夾鮮。中トロ食落口感似大トロ、入口爆油，魚肉同油脂都非常甘香。吞拿魚蓉都係魚油脂十足，一啖入口，滋味無窮。鐵火卷都唔錯，魚肉都會令人滿

疫症橫行好耐無食生冷野，終於忍唔住要食日本嘢。入去之前，員工都有幫食客量體溫確保大家冇發燒先比入去，起碼安心啲先試咗佢哋期間限定嘅寒鰤魚壽司，估唔到佢有幾爽口嘅，又重魚味又冇魚腥味，最緊要係佢仲好厚身添。龍之卷係蝦籽鰻魚炸蝦卷，好好食！啱晒我鍾意食炸嘢又鍾意食鰻魚又食唔落咁多壽司既吃貨！加埋蝦籽又爽口又脆卜卜咁，口感又昇華左最吸引最鐘意嘅莫過於三文魚盛二人次，雖然係係二人前，但係份量唔少！塊塊三文魚都好厚身，飽到我滯一滯去嘅時候六點幾，走嘅時候開始多人排緊隊！依間野真係抵食夾大件！又唔使排好耐隊，唔似得某幾間要排好耐，仲要坐得好舒服添

中午好想食壽司，荃灣西附近唯一既選擇 (?)峰壽司見到有午市套餐，份量好似都OK，因為平時去食迴轉壽司都食1X碟，驚唔夠飽1. B SET壽司盛B SET有沙律同８件壽司、１件手卷，另附麵豉湯。真係大食仲可以+$18要埋拉麵同烏冬沙律普普通通，一般沙律菜配芝麻醬。壽司味道尚算新鮮，冇特別腥味難入口。食完８件壽司有點兒空虛，不過碗麵豉湯都幾大碗，飲完之後有啲飽最後差點兒食唔落個手卷。手卷係炸蝦，同沙律醬簡直係完美配搭。飯量十足，食完真係飽飽～～

好多年前食過風壽司，好耐冇食過諗住去試吓。👍🏻帶子壽司都可以嘅👎🏻三文魚腩/油甘魚腩同中吞拿魚腩條魚就真係好薄啦👎🏻大吞拿魚腩好失望，淨係睇過紋路就已經有答案👍🏻北寄貝同獅魚都可以👍🏻👍🏻火炙呢款推介不過唔記得佢係火炙咩壽司，對圖片啦，一碟兩款嘅，期間限定的👉🏻另外一碟兩件呢隻都係期間限定，就中規中矩👍🏻海膽都可以不過夾左啲青瓜性價比就唔高啦👍🏻蟹膏都係推薦嘅，而且性價比好高👎🏻吞拿魚一碟兩件嗰隻，$39一碟兩件唔吸引囉👉🏻鵝肝就中規中矩啦但我個人唔鍾意有金箔嘅食物所以扣左啲分，同埋亦都唔鍾意有葱喺面消費左$330但個價錢覺得唔抵食短期內應該唔會再去

因為有疫症既關係，入店前要量體温同用濕巾消毒雙手，可以保障食客同店員，係非常好既！三文魚魚籽咬落好爽，唔腥臭，新鮮海膽色澤唔錯，而且味道都鮮甜唔腥火炙過既三文魚更加令魚油香突出左全部整體都 okay , 幾新鮮。三文魚魚生入口好鮮味吞拿魚魚蓉我好鍾意，而且份量足，口感就好好，魚生亦切得幾厚身。有樣有實際既蝦呀甜甜地唔錯呀。呢兩款齋睇賣相已經流曬口水，呢兩款我無加醬油直接食，更加體驗到食材本身既味呢個味道 okay , 賣相一般，哈哈哈整體而言，覺得係好食既。賣單每人$300幾，未算係好貴，始終同放題既品質唔一樣，間唔中食下都可以接受

媽咪特別鍾意食日本嘢，間唔時都會陪佢嚟峰壽司食午餐，貪佢地點就腳，而且質素唔差。三點盛係我每次必叫，比起散叫抵啲，今次就揀咗貝盛，有海螺、赤貝同帶子，質素唔錯，海螺同赤貝鮮甜爽口，帶子肥美。玉子蛋不過不失，味道略嫌偏甜少少，口感亦稍為結實。飛魚子份量唔算多，但勝在粒粒飽滿，咬落去卜卜脆，味道鮮甜。媽咪特別鍾意食三文魚，見到做緊推廣嘅三文魚盛，當然唔放過。上菜時有些少嚇親，擺盤賣相同餐牌嘅相落差都幾大，當時餐廳入邊嘅客人唔係好多，實在有啲難接受⋯⋯即使換另一個角度賣相依然參差，由前到後分別係厚切三文魚配甜蝦沙律、厚切三文魚腩配蔥粒吞拿魚腩同三文魚卷配帆立貝。刀工十分馬虎，尤其係厚切三文魚，格仔紋切得非常求其，邊大邊細；另外厚切三文魚腩係薄薄一片，至於味道方面中規中矩，尚算新鮮，如果刀工同賣相可以用心返啲就好。海鮮丼非常豐富，有帶子、甜蝦、三文魚子、玉子蛋、三文魚同吞拿魚，亦算新鮮，但三文魚子唔夠飽滿，咬落亦唔脆。除咗刺身飯之外，仲配有前菜兩點同麵豉湯一碗，我特別鍾意佢嘅麵豉湯，湯底濃郁，口感溫潤，食完凍冰冰嘅刺身之後，正好飲返一碗暖笠笠嘅湯暖胃。平日呢到嘅食物質素中上，而且價錢合理，但今

門口職員突然叫停唔比入內🚫 嚇屎😨原來係為食客量度體溫&濕紙巾消毒😳👍🏻座位🪑同空間都好足夠👍🏻 坐得算舒服😌午市套餐有8️⃣個set揀😃 價錢亦算實惠😄留意返午市套餐只在平日提供🗓(11:45-17:00)😉<午市套餐 B set壽司盛🍣>套餐除左8️⃣件壽司🍣➕1️⃣件手卷另外仲包左麵豉湯🥣同沙律🥗海螺🐚好爽口😋 北寄貝沙律我私心推介💯😝千尋海老🦐相對無咁鮮甜🥺 稍稍扣分😔炸蝦🍤手卷塊紫菜比較難咬開🥺麵豉湯🥣夠熱之餘🔅 仲唔會好鹹😋而且海帶&腐皮都好足料👍🏻峰壽司🍣質素絕對比上不足比下有餘🎏

呢日搵防疫用品行到腳都斷咁滯 , 真係頂唔順 , 所以搵間舒服啲食下嘢一如以往 , 峰壽司刺身都係水準正常 , 唔可以話好鮮, 不過絕對唔可以話差 , 如果個湯可以鮮味啲就好 , 不過個湯又真係唔係咁多地方做得好, 係未我過份呢? 可能在日本及台灣試過唔少店個湯都會有份鮮味, 而香港大部份一係過咸, 一係冇味 。其實碗湯看似係配角咁 , 不過如果配角都好, 就更會加分。

⭐️價錢合理下至$6玉子壽司，上至海膽壽司豐儉由人，視乎你點咩壽司⭐️三點盛揀左比較受歡迎嘅壽司作為組合價錢比單點係平啲諗唔到食咩都可以跟着「人氣」來揀⭐️壽司飯一般，偏暖同濕，同時都唔係用日本米⭐️火炙類壽司，感覺只係有啲甜豉油搽左係上面，無燒既味道，魚生亦冇因為燒完而有入口即溶嘅口感，其實係八成都仲係生。唔會再叫火炙⭐️鰻魚壽司，鰻魚係凍⭐️吞拿魚蓉，亦沒有香味⭐️整體非常一般⭐️星期日下午三點來用餐，不用排隊⭐️帶小朋友來可有些文具套裝，或小禮物送⭐️食物種類多，如果唔食魚生，都有烏冬、炸物等熟食。🍚So-so lunch experience 🍚Reasonable Price - ranges from $6 egg sushi to sea urchin sushi 🍚Many to choose from - even you do not eat sashimi, you could get hot dishes like udon, rice or deep fried chicken or so🍚Gift sets for children🍚Sushi rice - not using

峰壽司既價錢係日式料理入面算係中等。眾所週知荃灣廣場既餐廳經常都好多人排隊，戈日見尼間壽司店比賽無咁多人就入咗去食。入咗去空間都好寬，我地就叫咗個壽司拼盤嚟食，百零蚊到。咁由於佢戈日希靈魚賣曬，佢地就俾咗幾個其他魚既選擇我地簡，我睇睇menu見到長腳蟹都一樣價，就試下問佢地轉尼款得唔得，最後佢地都勁好人俾我地簡咗長腳蟹嚟食。入面有提供熱茶。有時食到有d壽司飯會雪到乾曬硬晒，尼間就唔會有尼個問題。壽司既刺身都幾新鮮，配埋佢地既豉油同山葵係好食既。😋當然，佢地既價錢比爭鮮貴，質素梗係要較佳。不過對於我地學生嚟講佢既價錢都係中上，同埋食前仲要排半個鍾左右，人多戈時可能仲耐，我地就唔會經常嚟食。

峰壽司真係每次都排好耐好耐好耐好耐。。。拎完飛仔去行左好耐街返到黎都要再等。麵豉湯：麻麻壽司：全部都好好食。吉豬飯：ok啦，飯幾林，但勝在夠多蛋。軟殼蟹手卷：好油😂 但好正，都唔錯。炸墨魚軟骨：超好味，唔太油，夠味，有咬口。

連鎖舖頭最衰係我同你嗌同一樣嘢，但唔同分店，唔同廚師，甚至環境都會影響你食嘅心情同味道💁🏼‍♀️所以以後都係講埋咩分店🤳🏻🤳🏻荃灣峰壽司魚屋係比屯門同沙田果間峰高質，不論食材、上菜速度定環境都好好多✅✅✅先講環境，擺位好闊落，枱與枱之間距離大，近玻璃個邊嘅四人枱，枱距大到可以擺多幾張凳，早去可以揀坐個邊，兩個人都可以坐，望住個景巧Chill🌃🏙🌃🏙服務態度都好好，不過其他分店一樣唔差，所以唔係重點，食物質素都係比其他分店高所有壽司都可以一件件咁嗌，花心嘅顧客就可以食多啲種類，比其他分店多咗我之前推介過嘅壽司拼盤仲有吞拿魚料理同拉麵等等壽司大大件 三文魚咬落好軟熟 好似💋👶🏼嘅肌膚咁 鰻魚壽司厚肉 脂肪入口即溶 😋不過都比較多人 6點幾就會開始full 😹

荃灣廣場的峰壽司， 已經食過好幾次， 每次也是保留出色的水準， 今天食了很多款壽司出色的有火焰三文魚魚生尚算新鮮 ，用火去燒焦表面， 令到魚油更加突出， 壽司米飯較為黏身 峰鰻魚鰻魚燒得香脆👍 果然是招牌主打， 每次都有叫吞拿魚腩魚腩肥美的油脂佈滿了，有種入口即溶的幸福感覺 鵝肝鵝肝更加不用多說吧 燒得焦香的表面配上令人回甘的鵝肝， 減肥通通拋諸腦後還叫了油甘魚，玉子，帶子， 海膽，海老……但可惜今次牡丹蝦和北海道海膽冇貨， 有點兒失望， 但我們也吃得十分滿足

放了工想吃日本料理便來到荃灣廣場找到這間壽司店。雖然是連鎖，但想不到質素是如此至高！環境十分寬敞明亮，而且十分多人。我們點了一個拼盤，壽司十分新鮮鮮甜。特別是拖羅、帶子和三文魚，刺身超肥美又帶有油香，脂肪分佈非常靚，絕對對得起價錢。飯軟硬適中，壽司醋的比例都調配適當，不會太硬或太淋。魚子更是大大粒，朋友都要再翻點。花之戀更是三文魚和魚子邂逅的雙重奏，必能滿足你的味覺。食完峰，齒頰留有魚脂香，質素在壽司店中表現絕對是上上級。