溏串小町 (Closed)

難得入大埔, 當然食埋飯先走, 其實早幾年都有嚟搵食, 牛腩, 豆花....的確好味。今日試下串燒, 呢間小店門外掛滿燈籠, 有自動攞飛嘅機, 好日式😗。入到去舖都唔細, 牆貼滿好多POSTER, 好靚, QR CODE 點餐, 睇下啲價錢, 同我平日消費開嘅尖東真係差好遠, 起碼平30%燒粟米好好食, 粟米都幾甜, 燒得剛剛好, 唔會太乾。帶子刺身呢個麻麻, 唔太新鮮燒雞皮  - HKD 24好脆口, 好正👍翠玉瓜 - HKD28本人本身好鍾意食翠玉瓜, 所以點都覺得好味水牛芝士條  - HKD 48共4條, 濃濃嘅芝士味好吸引燒鱔 - HKD58🪱呢個勁好食, 咬落去魚皮係脆嘅, 好香, 雖然未致於肥美，但新鮮，上面仲有個汁，太無敵了，而且鱔一向都貴，所以58蚊三件係物超所值，不過骨多咗啲。燒魚干  - HKD 38第一次食，呢個都好味，共五塊，薄薄地，食薯片咁。埋單只係365蚊, 真係幾抵食🌟, 仲無限時，呢啲小店唔需要賣廣告，唔需要喺大商場，唔需要討好，自然就最好👍, 今日晚市都差唔多坐滿。不過提提大家呢度要五百蚊先可LOOK 咭嘅💳

呢間喺大埔嘅日本嘢味道唔錯，價錢又唔係好貴，所以不時會去幫襯～忌廉蟹肉薯餅外脆內軟～熱辣辣～三文魚腩刺身十分肥美😍 帶子原粒刺身都幾鮮甜～卷物嘅份量都幾大🤣 牛油果軟殼蟹卷一如既往嘅出色👍🏻 今次試堆吞拿魚蓉卷都唔錯☺️ 如果再多少少蔥會更好～明太子雞翼意料之中嘅惹味～ 反而燒茄子有驚喜👍🏻 軟糯嘅茄子配上木魚片好清新～ 唔會好重口味，啱曬用嚟中和吓其他味道較重嘅食物～最後清酒煮蜆反而有啲失準😢 有沙同埋味道太淡～總括然而，整體食物水平幾好👍🏻

放假同老婆去大埔行下，去到翠和里的溏串小汀食午餐😋😋定食午餐包中華沙律及麵豉湯😋😋~小汀刺身定食😋😋特大赤海蝦，海膽魷魚，磯煮鮑魚，三文魚，帶子，北寄貝，八爪魚，油甘魚，吞拿魚，劍魚腩，鯛魚，鱆紅魚，赤貝肉，馬刀背，溏串玉子~火炙壽司定食😋😋芝士三文魚，鹽燒左口魚，岩鹽油甘魚，蒲燒鰻魚，柚子胡椒帶子，蒜蓉牛油赤蝦另外加了串燒雞中翼及炸紫薯甘栗餅😋😋食物非常新鮮，炸物油很小，很滿足店員細心服務，值得再惠顧🤗🤗

假日和同事去食午飯，太多人等個間日本店和下雨關係，就來呢間食，有位就入去試下。我選左薑豚肉飯好大碗，好多豚肉，薑汁濃，好👌食～😀😍🥰😃😄而其中一個同事叫左魚生飯，佢話麻麻地比起其他日本店。

今日喺大埔搵日本嘢食🤠見到OpenRice呢一間店舖好出名所以就打去book位啦🙂星期五朝早book夜晚都有位幾好🥸吞拿魚刺身超級唔得😖😖😖質地好霉唔新鮮就咁用筷子夾起都會爛開一舊舊而且非常之多筋係咬唔開嘅 要吐出黎 好腥😑😑😑金菇肥牛卷正常味道 偏鹹😦壽司正正常常紫菜唔係脆嘅😶軟殼蟹牛油果卷唔太突出😵牛舌值得一讚好厚肉 味道唔錯🤫煙肉荔枝串燒 味覺好衝擊 因為好少有荔枝係做餡😲串燒拼盤我發覺呢間店舖嘅拿手都係串燒🤩🤩佢整體串燒嘅味道都中上反而千祈唔好食刺身壽司唔太掂

今日去了大埔！我們去了行大埔中心！行到午餐時間我們找了一間食日本料理店！餐廳的裝飾風格好有日式平民居酒屋！牆上都是70~80年快代風格的海報！我們點了火炙壽司定食$89特選壽司定食$128炸紫薯甘栗餅$18串燒元貝$65火炙壽司定食$89有芝士三文魚，帶子，蝦，鰻魚......味道好香，材料好新鮮，三文魚燒一燒好甘香！🤤😝😋😋😋特選壽司定食$128有三文魚，赤貝，金目鯛，鰻魚，北寄貝花之戀...材料好新鮮炸紫薯甘栗餅$18好豐富的口感，滿滿的紫薯大大粒甘栗。串燒元貝$65元貝好大粒，不過乾了一點！

今次嗌咗「牛肉壽喜鍋」「豬骨湯烏冬」仲有「燒五花腩串燒」豬骨湯烏冬：烏冬有咬口 ，好有豬骨湯香味不過係真係乜都無（有粒鳴門卷嘅） 五花腩串燒：五花腩肥瘦均勻，咬落滿滿油香兼好腍 壽喜燒鍋：雖然唔係有個火燒住嗰隻，不過好熱辣辣！牛肉好足，亦都唔靭，成個鍋都好入味，仲有粉絲建議追加烏冬吸收呢個咁美味嘅湯汁

今次嚟到太和小巷入面嘅一間日式居酒屋～餐廳屬於中型size 夜晚7點walkin都仲有位嘅通常食評都係講佢午市套餐好抵 而晚市採用網上點單嘅 都係啲散叫menu的確魚生飯真係午市抵好多！所以決定留返下次lunch嚟食 試下啲熱食先🤣本身以為係有火嘅鍋🤣 不過用鐵鍋上都好夠熱壽喜燒湯底幾濃 撈勻蛋汁更加香👅材料都幾多 野菜同牛肉都幾足佢有得加錢配飯或烏冬 撈汁應該不錯👍🏻一串有三大塊👅燒得好香 脂肪比例岩岩好有種入口即溶嘅感覺 又唔會乾同韌🤤加埋檸檬汁更加有層次🤤本身無咩期望 但豬骨湯底比想像中更香$38當然無咩配料 而烏冬都幾彈牙 整體絕對對得住個價錢嘅🤣————————————————————————總結食物質素都幾高 餐牌都好多選擇魚生鍋物串燒等等都有 而且都豐儉由人😛環境都不錯 好有日本味道好想快啲再去試埋佢嘅魚生👅

今次又走咗去大埔區搵食，大埔係啲行行吓就有幾間小店嘅地方，呢間日式小店睇落門面幾乾淨企理，又想食串燒，就去咗試一試。裝修係幾日系，裏面有好多日式海報同貼紙，舖面唔算大，不過好有居酒屋嘅感覺。晏晝嚟唔算多人。呢度落餐都係掃qr code嘅。都有幾多定食揀，有串燒，飯，同埋壽司拼盤，小食選擇都唔少，由刺身到炸物到串燒，基本上日式小食都有。於是叫咗個Hero串燒定食（$138）有雞翼，豚肉，冬菇，蝦，菠蘿等等，睇落係普通串燒嘅水平，但估唔到食落一啲都唔老唔乾！肉燒得唔韌，外面好香口，裏面仲好多汁，完全係意料之外。嗰調味都值得一讚，唔會好鹹但係幾惹味。菠蘿翠玉瓜好甜，亦都冇燒乾晒，個拼盤款式都算多。我覺得都幾抵食👏🏻另外小食仲叫咗個茶碗蒸（$12）茶碗蒸不過不失，個味道幾濃，蛋亦都整得夠滑，配料大大塊。另外一個蟹肉忌廉薯餅$（12）薯餅係炸得幾香口，不過蟹味就唔係好出。值得一讚係佢嘅炸物好新鮮金熱辣辣上枱，口感唔錯。仲叫多左湯烏冬，正常水平。總括嚟講呢間水平都唔錯就算，呢日平日去，都不斷有客入嚟幫襯，睇落名聲都幾好。而且個人覺得串燒來講係值得回味嘅選擇，可以一試。

之前趁平日不用工作的時間帶了好友去了一間充滿日式風情的小店
午餐~~~裝潢跟去咗日本一樣，牆上貼滿日本風嘅海報，風情滿滿，好似置身日本當地。比較特別係店內有個書櫃放滿90年代出品的漫畫如亂馬1/2和龍珠，七、八十後的回憶返曬來。

呢次午餐我同好友點咗碎蔥吞拿魚腩丼 同 藍鰭黑鮪刺身特盛丼，擺碟好靚，刺身感覺夠新鮮，成個感覺好色彩繽紛同滿足，追加菜有油甘魚刺身、劍魚腩刺身、炸黑毛豬肉餅，性價比極高，配上日式中華沙律同非一般嘅味噌湯，感覺好完整。食完凍野飲返杯熱蜂蜜柚子生薑茶，淡淡嘅柚子生薑清香加上蜂蜜點綴真係好治癒。總括嚟講呢到係一間色香味俱全嘅小店，值得推介！

有時走入橫街窄巷，會得到估你唔到嘅驚喜今次發現一間有日本風嘅和食居酒屋有門口有彩色鯉魚旗室內有日式裝潢、播日本歌、動漫設計、日式料理無留意晚市價錢如何，重點係午市套餐價錢唔貴唔叫小食嘅話，人均$100左右都得本身自己見到有兒童餐覺得幾得意但最後都係揀返正常定食套餐份量充足，壽司刺身、前菜、米飯，部份有醬油湯烏冬小町刺身定食$148 已經係最貴嘅刺身定食刺身款式同份量都係驚喜有15款刺身，包括有特大赤海蝦、磯煮鮑魚、海膽魷魚、溏串玉子、三文魚、油甘魚、劍魚腩、吞拿魚、鱆紅魚、鯛魚、北寄貝、八爪魚、帶子、赤貝肉、馬刀貝選料唔差，esp.係魚類、貝類，新鮮，鮮甜三文魚、油甘魚厚肉肥美，赤貝肉、馬刀貝爽甜同時有一小板海膽，一份都幾滿足和風蟹逅特盛丼$108 亦係最貴嘅丼飯同樣配前菜，幾清新開胃，亦有麵豉湯一碗丼飯都幾多，尤其係飯量(女仔覺得)有鱈蟹鉗、松葉蟹腳、蟹肉、蟹膏、炸軟殼蟹、牛油果、蟹籽、玉子、蟹棒可以由蟹肉食到蟹鉗、蟹腳，重有蟹膏、蟹籽、蟹棒更有一隻脆炸金黃色軟殼蟹一次有7款蟹味食材，好豐富叫咗幾款小食，加咗$20叫多隻特大赤海蝦等新鮮刺身重有炸紫薯甘栗餅$18/件、串燒豬五花腩$2

完成了太和邨工作便去了附近翠和里的溏串小汀食午餐這是間很有心思特色居酒屋裝潢的日式料理😊😊我哋叫了兩個定食~小汀刺身定食😋😋有成十五款咁多😁😁特大赤海蝦有我隻手掌咁長呀😄😄爽口彈牙😋😋👍👍、磯煮鮑魚、海膽魷魚、溏串玉子、三文魚超厚切😁😁正👍油甘魚、劍魚腩、吞拿魚、鱆紅魚、鯛魚、北寄貝、八爪魚、帶子、赤貝肉、馬刀貝等😋😋刺身食材係非常新鮮😋😋 啖啖肉👍👍感覺滿足真爽😆😆~火炙壽司定食芝士三文魚、岩鹽油甘魚鹽燒左口魚、蒜蓉牛油赤蝦甘香爽口😋😋回味無窮、柚子胡椒帶子酸酸甜甜好清新😋香濃醬汁的蒲燒鰻魚很肥美😋定食已包了麵豉湯和中華沙律😋😋再加了一些小食炸黑毛豬餅/蟹肉忌廉薯餅/炸芝士年糕/ 炸紫薯甘栗餅炸物都不會很油膩感啊👍👍串燒雞中翼很驚喜的雞翼是已經開邊好容易食乾淨又燒得入味真係好細心嘅處理方法👍👍店員非常細心每次上菜時都叫我們小心👍👍總括覺得這家日式料理食物質素、服務、 裝潢方便各樣很好😁😁

溏串小町日式咖哩豬扒飯熟壽司定食價錢💲: $48/ $68好味程度😋: 3.5/5服務🍴: 3.5/5環境🗾: 3.7/5性價比🥢: 4.5/5回頭率😚: 3.5/5-大埔都真係幾多黃店架，今日就去左呢間食日本野的。午市幾抵食，一個飯四十幾蚊都有😎-我地叫左個日式咖哩豬扒飯。質素正常，咖哩係比較稀的咖哩磚的味😂 有2大舊薯仔，一舊紅蘿蔔。咖哩汁勉強夠多，啱啱好撈晒飯。如果可以多啲會滿足好多🧐 豬扒都係正常，切開5舊。咬落偏硬唔鬆化，一般般😶 一分錢 一分貨。-另一個叫左熟壽司定食。呢個餐有啲似兒童餐個d🤫 總共有10舊所以都會飽。飯的份量正常，係好食的醋飯😚 上面的餸都叫覆蓋得晒舊飯。有蟹子、鴨胸、腐皮、鰻魚、熟🦐、玉子、蟹棒、加州卷、吉列蝦同三文魚飯團。整體唔錯，我最中意既係鰻魚，有炙燒的味🥰 同埋蟹棒都好食，蟹棒+沙律醬係絕配。估唔到幾有驚喜的係三文魚飯糰🍙佢用好多熟三文魚碎同飯素，所以食落好夠味，好食☺️-呢間真係唔係d咩好西，係正正常常的一個飯。住個邊可以食，但唔洗突登去🤫 可取之處就係真係抵食既！

食過呢間日本餐廳幾次，一於打個綜合食評表揚下🤣 價錢唔算貴，食物質素又不錯既日本餐廳真係唔轉，仲要係新界，幫襯左唔少次👍呢個係lunch set既雜菜牛肉鍋，一直好鐘意食呢種牛肉鍋，呢到好足料，有豆腐，娃娃菜，菇，粉絲同肥牛。湯底係甜豉油既味道，配飯同炸魚仔小食。個炸魚仔夾埋蛋皇醬食好好味👍岩襯啤酒既小食，不過呢個鍋都成肚水，就唔飲酒啦呢個都係lunch set,雜錦壽司配中華沙律小食。魚生都好新鮮，有八爪魚，花之戀，帶子，象拔蚌，生蝦，海膽等等，都幾抵食，quality都唔差👍三文魚腩刺身 好肥尾，仲有三文魚籽放上面。右邊既火灸芝士生蝦壽司好味道，左邊好似係左口魚壽司，我就一般啦，男友就鐘意食。鰻魚飯 略嫌太少汁店內環境幾好，幾有日本風格👍評分:環境 ⭐️⭐️⭐️⭐️⭐️味道 ⭐️⭐️⭐️⭐️舒適 ⭐️⭐️⭐️⭐️優閒 ⭐️⭐️⭐️回頭 ⭐️⭐️⭐️⭐️

星期六同老公搭車去科學園，之後步行入大埔，晚上係大埔食日本菜，預先搵到呢間可以訂枱唔洗等位，去到時間剛好我地點左18件壽司餐、牛油果蟹肉沙律同玉子燒拼沙律玉子燒配燒汁，美味，而牛油果蟹肉沙律很足料，很多蔬菜哩首先食左2個沙律，已經都飽左一半之後先食壽司，有花之戀、三文魚、蝦、吞拿魚、海膽等，每款2件，最欣賞花之戀，份量剛好不會過大件，可一啖食壽司飯調味剛好整體很滿意，下次行大埔想食日本菜都會黎呢度哩