大樹燒烤 (Closed)

今日同朋友出左尖沙咀行街買嘢，行到累了，朋友就提議去厚福街晩餐，最後我哋揀左位於H 8 大廈12樓的大樹燒烤，我哋都係第一次食，估唔到幾有驚喜！首先餐廳闊落，佔左12樓全層，有卡位有梳化位，坐得舒服！每張枱都有一個小型烤爐，廚房烤好食物後，放上爐上，以保持食物溫度，非常暖心！而串燒食物種類非常多，大致有肉類、海鮮類、丸類、蔬菜類、鍋鍋燒物、小食等！我哋叫左：⭐️⭐️⭐️即開即燒生蠔$ 3 5 @生蠔非常新鮮又大隻，而且勁多蒜蓉拌著蠔汁，大愛😋！入口juicy 鮮甜，同朋友食完之後要即刻encore再叫，推介👍🏻👍🏻👍🏻⭐️⭐️⭐️新鮮魷魚鬚$38 @每份有三串，魷魚鬚爽口彈牙，非常香口，唔會燒到好乾，除咗喺串燒店，好難食到這種風味！⭐️⭐️⭐️薄切照燒牛舌$38牛舌味濃，但完全冇臊味，火候控制得非常好！⭐️⭐️燒雞中翼保持到肉汁，外脆內軟，不錯！⭐️⭐️⭐️大扇貝$35 @同樣係我最愛蒜蓉汁拌燒，基本上冇得輸，新鮮、鮮甜、爽滑，又香又惹味，又係必吃之一！⭐️⭐️⭐️燒活蝦$38一份有三隻，新鮮蝦燒到外殼又脆又香，但蝦肉依然保持到爽滑彈牙，好味呀！我哋仲叫左燒大茄子、鮮烤牛肋肉、墨魚丸、燒冬菇丶燒蒜心等等，真心每樣食物都

今日同朋友去咗食燒烤🤗就喺厚福街B2出口行過去好快到👍🏻幾似酒吧嘅格局都見好多人叫啤酒🤣仲有tower!!嘢食種類都算多仲有唔同種類嘅飲品我哋叫咗唔同嘅肉同一鍋娃娃菜(必須有菜🙈)有個pan比你熱住啲串燒~~上菜嘅速度有啲可惜🥲order完等咗超過半個鐘終於有幾串賣相睇落都唔錯已經有川式燒烤嘅精髓😳孜然粉😳川式係肉類都會燒到少少乾身咁但又有肉汁！當然仲可以自己再加重口味或者加辣粉😁肥牛金菇☺️仲有五花肉蟹柳都好正呀！！特別講一講呢個鍋🥹加咗蒜個湯都好甜仲有少少辣幾樣嘢加埋啲娃娃菜入哂味好好食😋一定會再叫！食到咁上下加多個紅糖爆醬糍粑做甜品熱辣辣勁爆醬又唔係好甜😝建議攤一攤先食

早收工又唔想食咁飽，經過厚福街見到依間大樹燒烤，個名好得意就上去望下，我地見到串燒可以逐份叫，啱哂我地心水，唔使驚話食得太full。我同朋友叫咗好多唔同款嘅串燒，霸王肥腸，手切肥牛串，青椒釀蝦滑，大大大茄子，即開即食大扇貝，彈牙墨魚丸，燒四季豆，燒蒜心，烤秋葵，飲品就要再一枝青島啤酒同菠蘿冰。全部串燒我哋都叫咗小辣，食落調味足夠，好惹味。枱面都另外仲有啲調味粉可以自己加，不過我哋見到夠味，所以就冇落到。我最鍾意嘅喺燒蒜心，燒得火侯啱啱好，食落蒜心味好濃，其他燒蔬菜都無比啲調味蓋過味道。另外，青椒釀蝦滑，識落啲蝦肉都斷彈牙，青椒到辣辣地，好正。另外大大大茄子都好食，爆多蒜蓉，茄子皮都依然係深紫色，唔會話煮得太老太淋。餐廳環境好舒適，串燒上菜後都會放喺爐上保温，幾好。有機會應該會再同朋友encore

呢間店嘅菜單都算多樣化，有各種肉類同海鮮可以揀，包括牛肉、雞肉、魷魚同蔬菜等等。手切牛肉串嫩滑多汁，肉質好新鮮。每一口都可以感受到牛肉嘅香味同燒烤嘅味道，而且佢哋啲串燒pre烤得啱啱好，冇乾到過火，都唔會太油膩。燒雞翼串、菇正常發揮，雞腎串、鮮烤白鱔、十味雞泡魚乾配酒一流彈牙墨魚丸好大粒我覺得蝦串都係咁多串燒中嘅經典之一。蝦肉肉質鮮嫩，每一件都夠新鮮，燒烤過後更加香口。佢哋嘅串燒調味應該落過不少功夫，唔會太咸亦都唔會太淡，不過如果係唔鍾意味濃嘅朋友可能就會覺得味精略重。啊，再講下魷魚串啦！呢度嘅魷魚串烤得恰到好處，咬落去彈牙有嚼勁。仲有粟米、金菇卷、一口甜薯同虎椒串，適合唔食肉嘅朋友，比較健康。最後食埋個甜甜酸酸嘅燒菠蘿，已經好足夠。整體黎講呢間都絕對係值得一試嘅串燒店。佢哋嘅食材新鮮，烤得剛剛好，味道豐富。服務亦都好友善，環境舒適，有少少似酒吧嘅格局，但光猛同乾淨，好適合三五知己食住飲住咁吹水，享受

呢期突然想食下d重口味野醒一醒神, 所以就揾到呢間係尖沙咀厚福街H8大廈既大樹燒烤啦.🍡餐單既食物種類都算多,有串燒肉類,鍋鍋燒,海鮮,丸串類,素類,連小食甜品都有添,見佢價錢又好親民喎，👍所以就決定同朋友試一下.我地一共點左15款野食, 有幾款係特別出色想大家有機會都試一下.🦐青椒釀蝦滑🦐有少少似平時食既煎釀三寶, 但因為佢係燒,所以就無左果一層油膩感,青椒🫑燒得好淋,而蝦滑又保持到爽口彈牙,加上面頭有芝麻, 好香口.🍆大大大茄子🍆食串燒一定一定必點既其中一樣就係🍆燒茄子,呢度既燒茄子超級有份量, 重大過我隻手,蒜粒分布好平均,確保每一啖都充滿蒜香,而且有蔥花同辣椒粒,有多種味覺享受,大推🫶🍄金菇肥牛卷🍄呢個組合又係無敵之選,牛肉油脂充足,肉質幼嫩,食得出唔係cheap cheap 肉,包埋金菇,吸收晒肉汁既精華,又可以平衡一下個肉肉感.🐑紐西蘭羊骨扒🐏呢個羊骨扒十分野味, 羊味濃但又唔會過羶,加上孜然同辣椒粉既加持,完全有一種帶領你去左草原同羚羊奔馳一樣.不得不提一下, 店舖大分貼心, 食串燒🍡最緊要夠熱,🫕所以每枱都有一個爐可以一路熱住d食物,就算掛住傾計都唔驚啦,如果你係超級重

最近好興呢啲惹味燒烤，同朋友傾計嚟食真係好正～當日食咗唔少菜式，水準都唔錯。其中推介佢地嘅海鮮！食咗燒生蠔，生蠔經過燒烤，肉質都好鮮嫩，蒜蓉嘅香味同生蠔嘅鮮味真係好配，令味道更加豐富。花甲粉絲嘅花甲十分鮮甜，醬汁勁好食！白膳經過燒烤後，變得酥脆可口。另外推介嘅係燒雞肉都好好食，係嫩滑多汁嘅雞肉，燒過之後雞肉嘅味道更加香口。另外叫左牛舌/雞翼個啲個啲，都幾好食，飲品推介鴨屎香，好好飲嘅檸茶，清爽嘅檸菜配串燒解膩，係好滿足嘅一餐～

老實講我唔喺太中意比相機食串燒，因為好多時候都係一兩串一碟，影相根本唔靚。大堆頭充滿成個畫面先至夠震撼架嘛。但係我本身又好中意食串燒，尤其加埋孜然粉嗰啲，惹味辛辣又香口。為左令到我同我既手機都有啖好食，我就揀左呢度。Happy Friday, 除左啤酒係must之外，我放手俾我朋友任叫。佢(定餐廳)冇令我失望，每一樣野都咁好食。 🍖 先由肉類開始，孜然羊肉喺我首選，羊肉大大粒，好夠羊味。牛肉反而細粒d,但都唔會燒得老，保留彈性又唔會乾。牛丸仲係爆汁，每一啖少少咁標出黎。雞翼個名好特別，叫做變態辣雞中翼，以為係地獄辣度，其實我又頂得順喎，大家可以挑戰下。我最鍾意霸王肥腸，條腸燒得乾身，腸入邊嘅肥膏都係加熱嘅過程之中燒走左部份，咁就正中下懷，我其實唔太鍾意太多肥膏嘅感覺，不過神奇嘅地方係，肥膏本身所滲出個陣油份既香味，一啲都冇流失，喺肉類之中我最鍾意嘅一款。 🍖海鮮方面，鮮烤白鱔，肉質嫩滑，外皮焦脆，個皮係一啖咬落去，成塊齒出黎，然後喺個口入面嗦嗦聲。 🍖出奇地叫左好多蔬菜，出奇地全部都好味。粟米串一粒粒咁樣，食得好方便，陰公囉，辛苦哂厨房。冬菇係蔬菜界嘅牛丸，又係多汁好味。有三種好似瀑布

喺尖沙咀發現有間串燒專門店，門口都聞到好香！入到去急不及待嗌咗一打串燒，啲串燒本身已經食得，擺上木盒上面就可以keep 住暖暖地慢慢食～食物種類都算多～先試新疆羊肉同肥牛，雖然啲燒烤粉好惹味，但都食到好香嘅羊肉味！仲有原來燒肥牛係幾好食架！唔夠味仲可以自行再加孜然粉同辣粉。唔少得燒雞翼～當中仲有比較特別嘅渣男五花肉，口感好厚身，幾juicy!連台式香腸都有～好有風味！相比起肉更加鍾意燒菜～例牌一定要食燒茄子，好多蒜味，逐條茄子肉撕出黎食好入味！燒金菇係成幅咁樣燒，好味！仲有韮菜，秋葵，翠肉瓜，娃娃菜，土豆片，會愈食愈上癮，不過個粉都幾辣，唔食得辣嘅可以走辣～

今晚經過尖沙咀H8，見到上面有間燒烤店🍖，就一於試吓你啦，上到去，環境光猛🔅，裝修都好新穎，感覺似係高級嘅燒烤店，睇完餐單，💰價錢又好親民喎，咁就即刻入座！每一張枱，佢都有個爐🍖，店員一安排咗我入座，隨即就響個爐下面點火🔥，將佢預熱，正當我擔心係唔係要自己燒嘅時候😂望吓隔離張枱，原來店家好細心，知道食得燒烤， order嘅數量都多，就每一台都俾個爐我哋熱住啲食物🥰今晚既MVP非呢個原條鰻魚乾🐟莫屬！啱啱燒好即食，入口小小焦香，加上鰻魚本身既油香，送啤酒🍺一流！除咗燒烤同埋鰻魚乾之外，我哋仲叫咗一碟路邊攤炒米粉，入面嘅材料係有勁多魷魚🦑、火腿腸、豬肉片🐷、芽菜等等，米粉足料有獲氣，份量仲要好足，我同朋友一人兩碗都仲有剩。到主角，燒烤類🍖我哋叫咗： 蒜芯、魷魚酥🦑、羊肉🐑、雞翼🐔、雞全翼🐔、粟米🌽、秋葵等等，用料新鮮，肉類雖然燒完，但都仲保留倒肉汁，絕對做到外脆內嫩，食得岀廚師有用心去燒每一串，蔬菜類燒既時間剛剛好，蔬菜類我最欣賞就係燒粟米粒，啱晒我呢啲懶人，燒完仲要有陣陣嘅焦香，有炭爐燒出嚟嘅味道😍店內環境企理乾淨👍🏻，我覺得適合任何聚會，甚至有小朋友嘅屋企，我都覺得可以黎，佢坐位舒適又

之前大樹燒烤啱啱開嘅時候嚟試過一次，覺得喺尖沙咀來講價錢幾抵食，同埋味道唔錯。燒茄子🍆平時最鍾意食茄子加埋蒜頭辣椒嚟燒真係超好食！呢個調味平時喺屋企自己做唔到，唯有出去食🫶🏻另外我最鍾意食嘅油蒜心、雞皮、雞軟骨、雞腎蒜心大部份都好靚冇渣！雞皮就咁唔使講，簡直係最邪惡又最好味！佢哋嘅調味又香又辣又帶少少甜味👍🏻黃金小饅頭最鍾意食炸饅頭 嚟到都要食一份！七味雞泡魚乾傾偈飲酒一流！食辣嘢一定要飲西瓜冰🍉

今日黎到尖沙嘴厚福街呢到食串燒，喺12樓一上去比以往一般串燒店嘅環境都好大又乾淨串燒價錢都係圍繞$18-28一串！一坐低店員就會點著蠟燭，等串燒上台之後都可以烘熱住，呢樣係出面好多串燒店都冇嘅特別之處！同朋友都想試下開心花甲粉絲，黎到都會有火烘熱住黎食，蜆嘅數量都唔少，而且冇沙，微辣好好食😋另外仲有爆漿芝士丸，芝士味都濃郁，一咬就芝士漿擠出黎！爆汁牛丸都係超jucy！大大大茄子叫上滿滿嘅蒜蓉超香又夠焾，真係好好食呀😆仲有台式香腸都係燒得啱啱好，外皮好脆，仲會剪開黎燒，味道又唔好太鹹，推薦👍🏻由於叫左好多串燒實在寫唔曬🤭印象最深刻都係燒韭菜同一口甜薯，一向都係食串燒必點，真係燒得好香又有孜然粉味，蕃薯仔又夠甜ps. 串燒仲額外提供埋孜然粉，辣椒粉同紙巾，滿足到重口味人士又唔洗怕污糟😆😆👍🏻

尖沙咀厚福街向來不乏美食，尤其系H8大廈，樓上餐廳林立，自己本身都去過幾次，今次又去了😊今次去呢間系串燒店🍢大量款式供客人選擇，有肉類、海鮮、丸類、素類、小食。✿ 手切肥牛串 $36呢度嘅肥牛好搞笑，睇落系一啲都吾似肥牛，反而個樣似豬腩肉🤭食落牛肉味竟然挺明顯🐮味道偏肥所以質感軟稔。✿ 秘制豬頸肉 $36豬頸肉個樣吾似豬頸肉🤭一條條橢圓形好鬼似韓式年糕，同埋豬頸肉總會令人聯想到泰式戈種，佢落咗孜然粉就變番港式/ 川式風味❤️豬頸肉又做到好爽口🐷✿ 燒雞軟骨 $13燒雞軟骨粒粒爽口，串燒款式必點。✿ 五花肉蟹柳卷 $28呢個組合好新穎，從來冇諗過五花肉同蟹柳可以搭配埋一齊😆五花肉整身系肥肉，蟹柳系甜甜哋，有解膩作用呢。✿ 開心花甲粉絲 $68開心花甲粉絲到底可以有幾開心？食完又真系幾開心嘅😙花甲數量頗多，啖啖肉夠新鮮，湯底麻而不辣，68抵食。✿ 新鮮魷魚鬚 $3838蚊系有3小串，魷魚鬚爽口新鮮，記起以前好中意食小食店嘅炸魷魚鬚🦑呢度同樣整得香氣十足。✿ 台式香腸 $15每次食串燒必點，神還原台灣特色小食台灣腸！大大條甜甜哋，食完好滿足🤰🏻✿ 炸雞薯片 $38第一次食呢樣野，吾知系咪餐廳自

呢晚同朋友食串燒，試咗喺尖沙咀H8呢間性價比好高嘅串燒小店。兩個人點咗多款串燒小食share，餐廳上菜速度都幾快。每張餐枱仲提供一個保溫爐，可以keep住食物溫度，呢個細心位要讚。燒爆汁牛丸（$22）及彈牙墨魚丸（$18）- 兩款都燒得美味香口，入口彈牙。燒雞中翼（$20）- 雞翼燒得啱啱好，非常香口。甜燒大菠蘿（$16）- 菠蘿入口好甜，夠juicy，帶燒焦味。虎皮青椒（$16），豚肉韭菜花卷（$28），金菇肥牛卷（$28）- 整得好味，份量多，香口得來保留咗蔬菜嘅鮮味。薄切燒牛舌（$38）- 燒得好香脆，入面肉質好juicy。七味雞泡魚乾（$43）- 香脆有咬口，點埋沙律醬食，呢個最啱一邊飲酒一邊食。避風塘燒賣（$32）- 夠哂香口惹味，真係幾有避風塘感覺。紅糖醬爆糍粑（$42）- 呢個有驚喜，入口非常煙靭咬入去有紅糖流出。一口甜薯（$18@) - 入口非常甜，帶煙韌感覺，好正。呢兩個可以當甜品食，絕對係必食推介。飲品點咗手打鴨屎香（$36）及津路烏龍（$16）- 值得推介鴨屎香，味道清新，食住串燒飲就啱晒。食物選擇好多，串燒小食，無論肉類、海鮮、蔬菜及魚類，甚至炒米粉都有。以串燒

放假緊係要同朋友仔出街搵下好野食啦，大家都知厚福街就出名多好野食啦，今次就去左係尖沙咀厚福街嘅大樹燒烤食野。佢係食串燒為主嘅，價錢都算幾親民架，仲要都幾好坐。🌟大大大茄子睇開我嘅人都知，我食親串燒都一定會叫茄子，佢嘅茄子燒得好好，基本上一撕就成條肉出左嚟，都幾考廚師嘅功架，而且佢真係好大嚿🤭我同朋友仔覺得食極都仲有肉🌟絕味燒雞皮大家去到一定要試吓佢嘅燒雞皮，燒得好脆骨又一啲都唔會油膩，朋友仔都食到停唔到口🤭🌟黃金小饅頭炸得好脆身，加埋煉奶，好好味🙈🙈🌟開心花甲粉絲佢嘅調味好好味🤭同平時出去食到嘅花甲粉有啲唔同，佢會再香口啲，辣得來又唔會冚咗個鮮味👍如果啲粉絲再多啲就Perfect啦🤭🤭🌟紅糖爆漿糍粑食完咁多串燒又點少得甜品呢🤭糍粑一定係我嘅首選，佢仲要係包住咗啲紅糖漿係入面，軟軟糯糯，仲熱辣辣🤭好正架下次去開尖沙咀可以試下佢啦🍴大樹燒烤 (尖沙咀)📍尖沙咀厚福街8號H8 12樓

最近一大班人諗住搵個地方可以吹水吹耐啲之餘又好食嘅平價餐廳，就喺openrice搵左呢間收凌晨一點嘅大樹燒烤🤤餐廳格局寬敞，食物種類都好多又可以叫啤酒，滿足晒要求啦😎椒麻小酥肉 $42啱啱炸起嘅小酥肉熱辣辣好好食😋炸粉厚薄均勻，份量十足👍🏻炸雞薯片 $38將切薄左嘅雞肉拎去炸，口感好得意，好似食緊薯片咁😋彈牙墨魚丸、汁燒雞肉串 $18串墨魚丸真係好彈牙🤪雞肉調味啱啱好，好惹味🫶🏻😎覺得唔夠喉仲可以自己加添孜然粉/辣粉，正😄紅糖爆漿糍粑 $42 麻糬煙煙韌韌，配埋流心嘅紅糖邪惡得嚟又好食🤭不過要小心唔好辣親口🤣燒爆汁牛丸 $22串 呢個必食🤩咬落真係會爆汁之餘，孜然粉完全冇搶到牛嘅香味🤤燒翠肉瓜串 $16串作為蔬菜類真係必點🤪 翠玉瓜唔會因為燒過而流失水份，反而咬仲好juicy! 可以清下食左咁多串燒嘅油膩感🤣餐廳仲有唔少嘅串燒炸物可以點，價錢仲好平🤩越多人食性價比越高！