樹屋 (heath慶方)

Open Now

Now Closed

重慶大廈隔離開咗一間新嘅地下商場。入面有啲似food court。有唔同菜式嘅餐廳，仲有枱凳可以坐。靜靜哋坐得幾舒服。Banyan $148呢個係沙律碗，所有嘢都好新鮮。入面啲沙律菜有幾款：羅馬生菜、羽衣甘藍、椰菜、紫椰菜 仲有啲都講唔出名。上面有兩件烤天貝，呢個都係我第一次食，係由豆發酵而成。亦都有兩大件香炸茄子，同埋鮮番茄。亦有鷹嘴豆蓉，食落有香蒜味。升級變餐嘅話就可以有埋一碗是日口味湯同埋飲料。我嗰日個湯係南瓜湯。湯非常濃稠，而且有濃郁南瓜味，打到非常順滑，上面亦加咗兩塊脆片增加口感。Cedar $78呢個係卷餅，入面都有豐富嘅沙律菜。亦有牛油果，烤南瓜，醃紅洋蔥。食我酸酸地好開胃，而且佢有個墨西哥醬有少少辣味，加埋食落好fresh，亦都好健康。

最近食得比較油膩，食得太多肉，想食得健康清淡一點，係尖沙咀彌敦道36-44號重慶大廈隔離地庫慶方Heath揾到一間新開的素食外賣店叫樹屋，主打酸種捲餅、沙律碗、素漢堡、薄餅、拼盤、果汁等天然健康食品，睇餐牌仲有大量健康配菜可自由配搭。酸種捲餅Pine $78捲餅以嚴選自家製酵母及全麥麵粉製作而成，補充益生菌及纖維，對腸胃非常有益，即叫即做，餡料扎實飽滿，層次感豐富，吃完一整個後亦會感到相當飽肚。材料有純素拉布尼乳酪、中東薩德香料、番茄片、新鮮青瓜、混合橄欖和薄荷葉，多種材料混合，味道層次感豐富，絕不單調。Treehouse Platter $148單是繽紛悅目的賣相已可挑起食慾，沙律大大盒，含有高膳食纖維，甚有飽足感，腌什錦蔬菜和雜錦沙律菜嫩口之餘水分亦充足，清爽輕盈無負擔，令人胃口大開。酸種捲餅蘊含高乳酸菌，天然抗氧化，升糖指數較低。香烤甜椒，甜椒經香烤後，釋放出更多甜味。烤天貝，一種印尼的發酵食材，質感超彈牙，很有肉感。炸鷹咀豆波波，鷹咀豆含胺基酸，炸後酥脆好味。烤香蒜鷹咀豆蓉配茄子沾醬，口感滑順，中東芝麻醬，質感細膩。另外點了香茅薄荷檸檬汁$40飲品混合了檸檬、原甘蔗糖、薄荷和

酸種卷餅套餐 $78+60叫左個cedar 卷餅，材料有牛油果、香烤南瓜、椰菜絲、醃紅洋蔥同埋墨西哥辣椒醬。牛油果同南瓜嘅配搭好creamy ，而且味道方面互相補足，牛油果提供口感而南瓜甜甜去令到卷餅好美味。墨西哥辣椒醬唔會太辣，小小辛辣味愈食愈過癮。沙律碗$78Banyan沙律碗材料有烤天貝、香炸茄子、烤香蒜鷹嘴豆蓉、椰菜絲同埋蕃茄片。醬料方面有印度岩巴醬。烤天貝得係將發酵過嘅印度黃豆壓力，扁平塊狀。係減肥嘅恩物，又飽肚之餘亦都提供好多營養。印度岩巴醬係辣辣地，而且又會有一啲芥末嘅味道。香炸茄子唔會太油。但又保留左香口嘅味道。雙重朱古力合桃布朗尼$50 布朗尼朱古力味道好濃烈，而且食落去仲會食到淡淡嘅椰子油香味。每一啖都食到合桃，真係真材實料。

小店提供各款酸種捲餅、沙律、素漢堡、Pizza、精選拼盤，加$60仲可以升級做All-day combo套餐，可選是日餐湯或炸蕃薯薯條和雜菜沙律+香茅薄荷檸檬汁或天然有機茶一杯。Soup of the day：蘑菇湯味道濃郁，幼滑細膩。素漢堡Forest：小店選用酸種麵包，能增加飽肚感和穩定血糖，漢堡扒用烤蘑菇紅菜頭蓉製成，配料有香烤甜椒、生菜、蕃茄、紫洋蔥、純香蒜奶油醬，滋味有層次。樹屋精選沙律Cedar：沙律菜新鮮爽脆，配料有牛油果、紫椰菜、香烤南瓜、醃紅洋蔥、羽衣甘藍，撈墨西哥辣椒醬，惹味無窮。夏威夷堅果朱古力曲奇：自家烘焙，加左好多堅果和朱古力粒，咬下去係鬆軟口感。總結，食物質素高，製作出色，最適合和我一樣鍾意食素既朋友來品嚐。

Good start of a day：Green Breakfast1️⃣ TreeHouse Platter🔹flatbread：暖暖的，軟熟，唔會乾，食落有麥味，仲有天然herbs👍🏻🔹香烤甜椒：好鮮甜，好有天然椒甜味，fresh🔹 烤天貝：口感 軟熟、唔會油膩，朋友話好食過自己在家中煎❗🔹 炸鷹咀豆波波：口感 外脆 內軟，好啱唔太鐘意食鷹咀豆嘅人😉🔹 腌什錦蔬菜：唔會有辛辣、草青味，味道有驚喜❗🔹 烤香蒜鷹咀豆蓉 同 茄子沾醬：味道一啲都唔寡❗🔹 什錦沙律菜：十分fresh🔹 中東芝蔴醬：口感好 rich，🉑 add 落 沙律菜，令味道更豐富2️⃣ PINE Flatbread🌯（regular）🔸酸種捲餅包住：青瓜🥒、番茄片、薄荷葉、混合橄欖：mixed 一齊，味道好夾3️⃣ Hot Ginger Lemongrass Tea🔸幾啱我地口味☺️，Ginger Lemongrass 味淡淡透出來，唔會苦澀

重慶大廈隔離最近有個新嘅food court有好多店舖，可以自己搵位食素漢堡Forest有別於其他漢堡飽，個飽係以酸種麵包製成，好煙韌！平時多數係食酸種多士但今次係漢堡好特別！烤蘑菇紅菜頭漢堡配上茄子沾醬，厚厚的帶有平時食牛肉漢堡扒既口感，完全唔覺自己食緊素，配上特調茄子沾醬加點味道，而蕃茄生菜則為成個漢堡帶點清新既感覺！另外加左$轉套餐，有炸番薯薯條同雜菜沙律配lemonade,炸番薯薯條，新鮮炸起脆卜卜，蕃薯好甜好好食！Lemonade好清新清爽，微甜帶有點薄荷香味！另外都叫左個salad bowl,紅菜頭，牛油果，羽衣甘藍，南瓜，生菜，椰菜絲，材料十分豐富，要讚一讚紅菜頭非常甜！最後當然要食返個甜點！夏威夷堅果朱古力威化曲奇，用左椰子油，小麥粉，原糖，豆奶等整成，十分健康，而且焗到好脆好重朱古力味，食哂成塊都無咁大罪惡感！