Triple King Cafe (Closed)

哩排好鍾意去樓上鋪食飯，因為樓上鋪不嬲都少啲人去😁所以今日返工放lunch就專登搵咗哩間Triple King Cafe😆入坐嘅時候店員帶咗我去窗邊嘅Bar枱位，所以食嗰陣可以望住上環嘅大街，對於成日喺度返工嘅我嚟講覺得別有一番風味🤣.🐽焗芝士肉醬意粉🐽好耐冇食過肉醬意粉就叫咗嚟試，比我想像中更加好味😍佢嘅芝士份量好多，撈勻嘅時候仲有少少拉絲咁🧀蕃茄醬嘅味道都調較得啱啱好，唔會太酸，都唔會太甜🍅意粉口感都適中🍝.總括嚟講都幾好，環境舒適👍🏻嘢食又好味🤤而且雖然係焗意粉，但出餐都幾快，就算放lunch食完都仲有啲時間剩🤓

2月14日，2隻單身狗，收工食食食。✔Bbq醬燒豬肋骨配薯蓉：$128👍🏻豬肋骨：咁大舊骨唔多，啖啖肉，而且啲肉好淋。Bbq醬惹味。👍🏻薯蓉：讚，有煎過，香口。👍🏻配菜：翠玉瓜三椒粒全部係煎過，唔係烚。✔卡邦尼意粉：$108👍🏻有好多煙肉片磨菇，上碟唔覺，摷底就好多。👍🏻卡邦尼醬包裹住每一條意粉，不得了。✔餐湯：粟米湯。每啖湯都有粟米蓉，有小小黑椒粒。甜甜地又小小辣。好味。沙律：正常沙律，菜係爽口既。CP值高，可以再去！

良心食店必定要支持，之前都有食過triple king，次次都係食牛脷，因為真係幾好食。佢個牛脷好厚，唔係好有口感個隻，但煮得好林好有牛味。我配既沙津菜都非常生鮮爽口，最後飲埋杯好大叫既iced latte都係98蚊，中環黎講真係好難搵。試左友人叫既廣島蠔意大利飯都超級好食，好濃郁，暗暗心想下次我都要叫。

是日一行二人黎到食lunch，好旺場，黎到都等左約十五分鐘先有位入得。睇左陣餐牌叫左黑椒薄牛扒配薯菜同黑椒汁，朋友叫左一樣既野但要左蒜茸汁。佢會先黎左餐湯，餐湯係粟米湯，有灑到啲胡椒，幾好飲。餐飲我要左凍檸水。而果黑椒薄牛扒配薯菜加黑椒汁，牛扒冇鬆肉粉味，話薄牛扒其實都好有厚度，好有香草同黑椒味，牛扒唔會太生太鞋口好淋岩岩好，薯菜係薯蓉夠creamy，啲配菜有菇同四季豆炒得好香，有質素。整體黎講，就算要等都值得食，因為食物質素高，服務好，啲歌又好聽，一個字，正！

🐷🐷今日又係星期四感謝日, 老豆又特登由中環行去上環食黃店! 🐷🐷呢間cafe 除左參與罷工同文宣之外, 仲會免費請學生食飯以示支持, 遊行日亦會提供休息差電既地方同食物!😍呢個星期太多唔開心事發生🥺🥺希望大家同🐷🐷一樣, 可以嬲,失望,傷心, 但唔可以放棄,麻目...一定要繼續堅持!!🐷🐷我地作為一隻豬, 冇咩叻就係食野最叻!!所以唯有辛苦D食多D啦!!🐷🐷野食都係set lunch, 價錢由$7X - $9X, 包野飲, 特飲補差價!!老豆就揀得有咁貴得咁貴, 反正當捐錢WO!🐷🐷忌廉焗海鮮飯 - 忌廉汁其實幾淡口, 不過有芝士焗, 同埋海鮮咸咸地, 味道都夠! 份量就岩岩好! 湯冇得揀, 今日就係薯仔湯, 正正常常啦!🐷🐷至於野飲就揀左朱古力曲奇雪山 - 岩晒我鐘意甜野!!卡卡卡!!又有雪糕又有朱古力!!飲埋就好飽LU!!

餐廳嘢食還可以，正常可以接受。但由於中午時分吃飯排隊嘅人太多，員工得一個都好忙，做得呢樣做唔到果樣。再加上催人埋單，成張單唔知係邊度車埋黎，超冇禮貌。吾會再去囉

上環食lunch不嬲都多人，今日準時12點離開公司去食，成功做左第一批客唔洗等位先講講環境，一入到去有好大的畫，好靚，心曠神怡我地坐左去窗邊的高枱，涼涼的天氣滲入少少陽光，成個畫面好舒服食物方面，都係港式西餐的set lunch，有唔同肉類，可以選擇配意粉、飯、薯菜等等，然後再揀唔同汁，例如茄汁、黑椒汁、白汁等等我同朋友分別揀左牛脷意粉黑椒汁，同埋司華力腸豬扒黑椒汁落單後好快就上左白湯，岩岩飲完白湯就上主食，成個流程都好快，食lunch先得一個鐘，真係要快快手手咁食白湯無乜特別，但係主食就麻麻地黑椒汁的黑椒味完全唔出，唔講唔知係黑椒汁，牛脷亦都無乜牛脷味，至於豬扒就有陣芫茜的味，唔係我地平時去港式茶餐廳食開的煎豬扒味道食完好快就收碟，我地都賣單走喇，好多人等位排隊總括黎講，價錢唔算平，如果想快快手食個lunch都可以既，但係唔好except太多

未夠鐘上堂，食埋嘢先，原本係去食中菜，但原來果間夜晚係做私房菜，見隔離有間西餐，又費事浪費時間再揾，所以便試吓……這裡地方不大，一眼睇晒，典型的樓上cafe……我點咗個香煎豬扒拼司華力腸跟意粉，有一個粟米湯及要了一杯熱檸水……豬扒拼司華力腸意粉（跟蒜蓉汁），豬扒厚身，都夠腍，意粉吾會太腍即使淋上蒜蓉汁，口感沒有出面那麼黏黏感覺，有點鬆散……蒜蓉汁沒有味精感覺，不太鹹，不似快餐店、花園餐廳那麼濃味，所以覺得似屋企整的感覺……粟米湯都幾有粟米味，也不會似其他地方般打了杰杰的欠汁……整體算ok，我七點幾到，客人吾多，坐下傾吓計，可以不用趕趕忙忙……

係上環上班的都知道世瑛大廈是搵食好地方, 全棟大廈入面幾乎都是食肆。雖然每間鋪座位都唔多, 但都有些做得唔錯的。但世瑛大廈的食肆都有一個通病, 就係食完出黎之後會有一浸油煙味。照計應該係因為座位太近廚房的關係。呢一點, 我好多女同事都唔喜歡。不過對男人黎講, 無所謂啦!言歸正轉, 食店最重要就係食物質素同服務態度。呢間Triple King Cafe , 首先服務態度係一般。可能係Lunch time繁忙關係, 我與同事企左係門口等左5分鐘, 叫埋「唔該」都無人理我地。侍應顧住送餐落單~不過呢點我都明白既, 唔洗等太耐就算啦。餐牌上都好多選擇, 而且仲額外有三款手寫的。既然手寫特別菜單, 又寫住「強勢回歸」, 我梗係要試試佢個「帶子炒意粉」。首先每個Lunch set都有餐湯, 是日餐湯就係紀廉蘑菇湯。第一啖, 唔淡味, 不過菇味並不是太突出, 不過不失啦, 起碼唔係白開水無味。接著我的主菜來了, 一上台, 好香, 新鮮炒出黎。香蒜味道足夠, 意粉硬度適中, 而帶子份量亦唔少, 每粒都係有經過炒, 唔會單單淥熟撈埋就算。雖然肯定係雪藏帶子, 但一D都無雪味, 而且唔會太淋身。滿意呀~另

自上月轉了新工，在上環上班之後，不熟地區的兔小妹每天只能徘徊各連鎖快餐店解決午飯。難得今天受朋友邀約，到公司附近的樓上cafe ---- Triple King Cafe 用膳。午餐時間，不少餐廳都大排長龍。幸得貼心的朋友早到取位，免卻了兔小妹久等。餐廳不算大，我倆被安排坐於玻璃窗旁。兔小妹點了個黑椒汁牛脷飯，同行朋友則點了黑椒汁牛扒薯菜。下單後，店員，隨即送上是日餐湯 --- 粟米蓉湯。餐湯用料不錯，粟米蓉挺富口感。牛脷飯份量豐富，足足四大片，而且每片都煎得外香內軟，味道很好。而朋友的牛扒也很大很厚，不過這兒的薯菜則是薯蓉，感覺膩了一點。午餐價格約 $80-110 不等，尚算合理，味道還可，假若午飯未有心水餐廳，不妨到此一試。

中上環的三皇冰室已經差不多一年多沒去，因為它鄰近上環地鐵站，價錢適中又好坐，是朋友聊天的好去處。這的好不只上述，重點是味道好！先說前菜，我們點了兩份焗青口，青口size頗大，那付上的薯蓉牛油香氣朴鼻而來，質感又滑，被五秒掃光……炸雞翼付上份量不算少的沙律，感覺比較健康！沙津醬汁很清爽，配爽脆生菜剛好！雞翼外脆皮內裡肉很滑，必點之選！蒜蓉包很香很鬆脆！一份四件比套餐加8元便宜😁因小吃點太多，主菜只點了牛扒，豬扒配香腸及牛脷！先說那精彩配菜，這次薯蓉是一片片先煎過，比較沒一般的油膩，亦比較香口！ 菇和翠肉瓜先有炒過，清淡而入味！ 豬扒質感鬆軟，香腸很香脆！牛扒就不過不失！牛脷是這家的招牌菜，從來不會失望！有口感又不太咸，配沙律一流！差點遺忘了那好香野菌味而又香濃的野菌忌廉湯！因沒有很想吃窩夫所以只點了餐茶。用名牌杯盛着 大概告訴客人他們很着重出品品質吧！125元一位是真超值！

早幾日去上環揾朋友ㄧ齊食 lunch, 叫了牛扒意粉 and 焗海鮮飯。牛扒好大塊, d 汁唔會太咸, 焗海鮮飯個賣相好得 味道唔錯, 價錢 $80~$90, 都係合理嘅。餐廳環境較細, 開放式廚房, 令人ㄧ目了然。

早幾日去咗ㄧ間樓上嘅 cafe 据扒, cafe 嘅格局略為擠迫。講返塊牛扒, 望落去都幾吸引, 食落都好淋, 肉質唔靭又夠 juicy, 配埋薯蓉, 份量啱啱好, 飲品可以揀奶茶咖啡, 又或者花茶, 唔錯

今日唔係呢頭返工，但又要幫寶寶去上環拎野，又有成七個鐘hea所以決定要explore下呢個地方既餐廳。下下食X沙都唔係辦法架嘛係咪？🙈係上環做左成十年野竟然冇發現呢度有一幢大廈有樓上cafe對住個google map搵左一輪搵極都唔知間餐廳係邊，好彩友人醒目，一搵就搵到係樓上舖黎到原本想食果間已經last order 左所以落左去二樓望下有咩食（Btw全幢都好多小店食，下次返工又有新飯點！）黎到要同隔離海南雞飯揀，今日寧舍想食西餐所以決定黎到三皇冰室！估唔到都幾多人食喎，窗邊位都好似幾chill得全日menu可供選擇所以叫左兩set先黎個餐湯濃稠度剛剛好每一羹都有粟米粒友人就叫左焗芝士肉醬意粉試左一啖，都幾ok意粉唔會太軟身，有啲咬口陣味有啲似以前成日食既pizzahut焗肉醬意粉不過麵質比pizzahut既粗身少少，肉醬同麵既比例都岩岩好呢個香煎豬扒第一啖食落去都覺得其實做得唔錯，可惜細塊左少少，搞到啲司華力腸食極仲有🙈汁就比得唔太夠，搞到有啲飯冇汁送個汁可惜都唔係太夠熱 蒜頭味唔太出好耐冇飲杏仁霜，第一啖飲落好大陣杏仁味，起哂泡望落幾吸引。雖然飲到落底都知係用粉沖（因為結埋一舊舊同

偷得浮生半日閑⋯今日終於可以舒舒服服食個下午茶。不是朋友介紹，我也不知道上環世瑛是一橦美食大廈，大廈竟然有10間餐廳，真好！以後又多一個落腳地。餐廳沒有華麗的裝修，簡單淺灰色的牆身，木色的餐枱，藍色的椅子，面積雖然不算大，也有六張四人枱。開放式廚房，還有大大玻璃窗將陽光滲入餐廳，感覺開揚舒服。向窗方向還特別做了吧枱，再配合Tiffany色懷舊木製躺門，有家的感覺，非常舒服。下午茶餐由＄29至＄45，個人認為麵餐最抵吃，麵類可選擇出前一丁/米粉/烏冬，蛋類可選擇炒蛋/太陽蛋/煎蛋；另可配鹹牛肉/火腿/芝士片/午餐肉/雜菜/司華力腸/番茄片/粟米粒，另可加＄12至＄20，配豬扒/煙鴨胸/秘製雞翼/煙三文魚/美國鹹牛脷/黑椒薄牛扒；餐飲包一杯＄20飲品，特飲可另加差價享用。餐廳亦有全日餐供應，價錢由＄70至＄90。我點了烏冬餐＄38，包括炒蛋，雜菜，另加＄12秘製雞翼，餐飲熱朱古力。炒蛋味道比較淡，食客可自行加鹽調味，炒蛋時間控制得不錯，蛋漿緩緩流出，好味；大大隻雞翼，肉質肥美，秘製醬料令雞翼非常入味，廚師將雞翼酥炸，雞皮脆卜卜，推介！至於雜菜是一大棵生菜，非常飽肚，蔬菜翠綠新鮮爽口，絕對是