Triple King Cafe (Closed)

今次第二次黎食午餐，呢到好就係可以book 位，大班人黎比較方便。上次我就試左個煙三文魚意粉配拿破侖汁，甜甜地，五錯（雖然等左20分鐘先有）。今次就試距個局芝士番茄茄子意粉，因爲平d ($70)，而且黎個Green Friday。我叫左距少汁，因爲五太中意過濃味gei食物。講返個餐牌，聼同事講係不變的，距地已經食過好幾次，次次個餐牌都一樣。有好有五好啦。成個set 包餐湯、主菜同熱飲（凍飲加$3)。今次個湯係忌廉波菜湯，本人就覺得好怪....有d似菜乾湯同淡忌廉湯的混合體.... 等左10分鐘，主菜就黎啦。一望見到d色水五錯gei芝士，好似五錯wor~~~ 撥一撥，errrrr，好多醬汁。如果五係叫少汁，五知有幾多。 意粉上面有2個西蘭花、青瓜同茄子，無啦。男仔一定五夠食。意粉都五係好多....所以2-3小時後就餓。如果係男仔，我會建議五好叫呢個，叫牛排，因爲我同事食好大塊！食到一半，見到碗底，好多油....看來Green Friday 變成Oil Friday。服務質素方面，距得4個人，所以五好預計會有質素。

星期五，又到左Happy Friday, 想食好D， 我想食西餐，所以同事就介紹我們去這間樓上cafe食lunch，這間cafe環境唔錯，出品都可以。那天我點的餐是芝士肉醬意粉，餐飲是熱意大利咖啡，食西餐，我比較喜歡意粉，因為沒有飯那麼油膩。中午餐奉送餐湯，餐湯是甘荀忌廉湯，甘荀蓉都多，但甘荀味不夠濃，因為忌廉味蓋過了甘荀的味道，亦食不到洋蔥或者薯仔蓉，雖然入口味道可以，但不太足料。跟著食主菜，芝士焗肉醬意粉都可以，芝士味濃，肉醬的分量都適中，酸甜開胃，肉醬是由蕃茄醬，白胡椒，香草（香草似係迷迭香），月桂葉，免治牛肉，蒜，橄欖油等製成，味道可以，這兒的肉醬有用到月桂葉這款香料作為調味，月桂葉是由月桂樹生長出來，具有獨特芳香的樹葉，脫水乾燥後的月桂葉常用作調味，新鮮的月桂葉性質溫和，脫水後其香味會變得濃烈，因為月桂葉的芳香令整體的肉醬意粉的味道提升。餐飲方面，咖啡味道可以，咖啡和奶分開上，自己選擇落幾多，感覺唔錯，只是咖啡份量比較少，對比起其他飲品。總括而言，肉醬意粉味道幾好，餐湯則一般，咖啡份量比較少，建議與其他餐飲份量一樣會較好，而價錢方面，考慮區分的原因，價錢都算合理。

有次帶同事到triple king cafe，他誤會了是triple o和burger king的混合版，以為吃漢堡包想拒絕。上環的樓上cafe多過7-11，我個人認為樓上cafe有部份食物價錢都ok，只是環境有點糟。triple king環境舒適，如果坐窗口位更心曠神怡，為忙碌的下午充充電。而且餐具整潔，吃得安心。lunch set有數款，今天點了牛排飯。可選配意粉/薯菜。牛排份量多，有三塊，沒有over cooked，也不過咸。飯方面需要改善，有點淋的感覺，可能是米的質素問題。餐湯也不錯，至少不像粉開。反觀飲品較為出色，同事點的咖啡不錯，而且有多種飲品選擇。樓上cafe的飲品、小食應比飯餐出色也無可厚非。我點了7喜+雪糕，跟餐加10元，也不過份。是日沒有訂檯，等一會也有位，絕對適合1:00先諗到食咩又想坐得舒服的上班族。

同同事提早去食個團年lunch, 一行8人。睇過D相諗住都有張大枱可以坐8個人，於是早一日已打去訂位，13:00。訂位成功，無咩特別。點知當日去到，大約13:06到，幾分鐘後齊人。個waitress同我們講話大枱仲未走，問我們等唔等，如果唔想等就俾兩張4人枱。問佢要等幾耐，佢話枱客D野食剛剛到齊。如果我可以分開坐，就唔洗特登早D打泥訂位啦; 如果你一向做唔到或唔會想留張大枱俾人，就應該在我打泥時明言啦; 佢地上野食都算快，所以嗰枱大枱客應該係早我們唔係好多到，如果怕我們book左但no show，咪打個電話泥confirm下囉，有留電話架麻，唔係留泥托咩。擺明想屈機局你分枱都照食咋麻!!接近$100一個人的lunch，野食唔係好食，仲要加埋咁嘅做野方法就連試都唔洗試囉~

同朋友..係上環搵下d舒適既cafe 食下野..本身係openrice搵到第二間但見到大廈廣告... 比Triple King Cafe既望街大窗口吸引所以決定黎休息一下我地就叫左個西多士西多士味道一般.. 麵包質感較油.但份量以下午茶價來說.. 都算優惠另外, 盛飲品的杯好特別朋友的oreo 朱古力味道好濃.. 好飲呢到環境不錯係一個傾下計... 休息下既好選擇

世瑛大廈有不少小餐廳，今次試試這間cafe.南瓜忌廉湯，有南瓜蓉的質感，帶淡淡的南瓜甜味，又有忌廉的滑。裡面還有很細很細的洋蔥粒。午餐揀了芝焗士肉醬配飯。舗面的芝士焗得稍燶，不過十分香 肉醬有點辣，我猜是黑椒的辣，幸好我受得到。肉醬裡面有一些番茄粒，還加了不少香草。這個肉醬配飯，一流餐廳佈置得幾別緻，播著柔和的爵士音樂，很舒服。

今晚要去上環文娛中心聽音樂會,去之前當然要醫肚啦~突然今晚想食雞,諗起之前食過一間幾唔錯既就決定去~上到黎六點半到,未有客,D員工都仲HEA緊,見我入黎就好好招呼我~呢度其實幾好坐,仲有對街位幾好景GA~首先上左個粟米湯,真係好多粟米呀,佢唔係忌廉湯,似係中式果隻,我幾鍾意,飲完都唔會滯住~~~~之後主菜黎啦,叫左燒春雞配薯菜配蒜蓉汁雞肉好嫩,一D都唔UN,仲幾JUICY(其實可能只係油XD)皮燒得脆,香草腌到好香亦唔會過多,薯條亦都係新鮮炸,大大條份量都唔少~至於個蒜蓉汁就一D蒜蓉味都無LOL但我記凡之前試過咖哩汁係唔錯既~不過其實食呢隻雞唔駛點汁已經夠味~~~~~好滿足~~~食飽飲左杯咖啡(無乜特別)就捧住個肚去聽音樂會LU~~~~~~

食晏時間好多人喺門口排隊等位不過由於檯數唔多而且要人齊先可以入坐2-4人去就最好個牛脷做得唔錯厚切都夠淋又入味以$90 set lunch價錢嚟講算係值回票價值得再去試埋其他 set lunch嘅

同事: 想食咩呀，吉士土？我 : 今日有啲眼瞓，有啲攰，想去一間無咁迫，食得舒服啲嘅餐廳啦，中西式都無問題架！同事: 等我上Openrice search 下先！中午十二点半，行樓梯上二樓，到左呢間隱世小店，其裝修雅緻，格局四正，仲有近窗的Bar枱坐位，望出去光線充足!餐牌有9款選擇:A: 焗芝士肉醬配白飯/意粉/長通粉 $68B:招牌咖喱雞 $75 (轉崩沙腩 +10)C:焗忌廉雜錦海鮮白飯/意粉/長通粉 $82D:焗芝士蕃茄伴雜菜 配白飯/意粉/長通粉 $68E:美國咸牛脷 $90F:香煎豬扒拼司華力腸 $78G:煙三文魚 $88H:黑椒薄牛扒 $90I:法式煙鴨胸 $78EFGHI餐配白飯/意粉/長通粉/什菜沙律/+$8 轉蒜茸包另自選汁: 咖喱/黑椒/白汁芝士火腿/拿破倫茄汁仲有配湯同餐飲我叫左黑椒薄牛扒配什菜沙律！首先個賣相都唔錯，睇落薄牛扒能保留到牛汁，煎得唔會過左火喉! 對胃口不大嘅職場女性來說，份量已頗多!雜菜湯就一般，似乎落多左茄膏，味道有"的假。筆者較為傾向新鮮蕃茄味濃一點，或酸一點的西湯。牛扒一食有驚喜，外表煎得夠香，內裏有啲入口即溶嘅感覺，多汁，很有水準！

今日同事帶我黎世瑛大廈食lunch 之前完全唔知有棟甘既大廈..原來成棟都係食野架!呢層有兩間餐廳 隔離個間有一兩個人等緊 呢間甘岩唔使等 就即刻入左黎有9款午餐揀.. 價錢由$68-$90不等 唔算平午餐包埋餐湯 不過同事話呢度多數都係羅宋湯.. 我地兩個都麻麻  所以冇要到同事叫既係香煎豬扒拼司華力腸 配長通粉, 咖喱汁 $78可以自己揀配飯, 意粉或長通粉.. 汁就可以揀咖喱, 黑椒, 白汁芝士火腿或者拿破崙茄汁我都試左少少 哈哈.. 咖喱汁甜甜地 好惹味 豬扒算少肥肉長通粉可以再煮淋少少~~ 不過整體黎講都唔錯呀 我叫既係法式煙鴨胸 配飯, 拿破崙茄汁 $78鴨胸煎得好香好惹味! 份量都ok 其實我點餐時發緊夢 所以先揀左茄汁.. 食個時都冇撈埋d茄汁一齊食.. 因為太甜啦就甘鴨胸配白飯都好夠味.. 哈哈午餐包一杯$20既飲品 $20以上既特飲就補返差價甘我地就揀岩岩好$20既飲品啦~熱朱古力 沖得唔錯呢~ 好香滑 隻杯都keep到暖同事既凍檸茶～估唔到呢棟大廈入面既餐廳環境都唔錯 仲有個少少既望街境位置如果係tea time時間黎放下空 應該幾舒服 =P

在 7月頭經過上環永樂街，見到世瑛大廈樓下有個新餐廳 Triple King Cafe 的餐牌！   Triple King Cafe 位於世瑛大廈 2樓，一於找天約埋同在上環區工作的朋友一起去食午餐吧！ 正是位於 Pasta Papa 隔離，對方有座位給等候的食客在店外坐，相當貼心！  反而，店方的食客要站在門外等候！期間，Pasta Papa 的男店員走出來問我們貴姓，引起混淆及不便！  不知店方可否改善一下這方面？Pasta Papa 更擴充至上層，相信若非 Triple King Cafe 租了這個單位，Pasta Papa 肯定租埋這個單位，然後兩個舖位打通，指日可待！ 平日中午時段都幾 full!  我們等上大約 5分鐘入座四人桌子，女店員也要求我們坐埋一邊！餐廳裝潢簡約型格舒適！環境光猛景觀開揚！ 午餐 $68 ~ $90 配餐湯及飲品部份午餐加配白飯/ 意粉/ 長通粉/ 雜菜沙律/ 蒜蓉包 +$8轉 $20 特飲需要補回差額羅宋湯這是雜菜加茄膏加水而已，味酸而質感稀薄，  起碼好過飲水！薄荷柚子茶 (跟餐 +$13) 原價 $30起初，見到是薄荷柚子茶，聽

同一大班朋友去食,好多款食物都叫過,樣樣試啲! 豬肋骨︰燒出來後熱騰騰的，咬下是很軟及鬆化，又有肉汁加上少少酸甜燒汁，令人開胃。羊架︰雖然沒有問成熟度，但食下去軟硬適中，沒帶一點騷味。燒春雞︰一邊的雞脾、雞胸、雞翼，鮮嫩可好，肉質軟滑，不是一般吃下去很乾很硬的。而且在所主菜中可選擇不同的醬汁，我試過蒜蓉汁和黑椒汁，事實上汁是可配料，因本來肉味又香又重不一定不加上醬汁。值得一試!  朋友試過煎三文魚;焗海鮮飯,安格斯肉眼排,等甚至蒜蓉包等都有姿勢有實際。出街食嘢除咗食物質素,點可以唔講究環境,一上到cafe入去就好舒適,色調柔和,乾淨整潔。如果一個人上去,有幾個bar枱位,望住中上環街景都悠然自得!

嚟過兩次，一次同friend嚟食early dinner，另一次同班friend嚟farewell.第一次放工嚟，因為見到個對住街嘅露枱位，就嚟試下。坐喺度望住條街，真係好舒服，好悠閒。以前去過幾間樓上cafe， 啲嘢都唔太好食，所以對樓上cafe期望不太大。 坐低叫左個咖喱雞飯，一啖咬落去，真係估唔到啲咖喱咁香，啲雞好滑好juicy. 瞬間清碟。而個老闆好nice，所以就約埋下次嚟同個friend farewell.我地一行i成廿個人，每人叫左份餐，有羊架，安格斯牛扒，春雞，三文魚，豬肋骨等等，每樣都好好食。每一樣食落去材料都好靚，啲羊好嫩好香，春雞煮到啱啱好，好juicy好滑; 三文魚好滑，煎得好香，一啲都唔老。尤其個豬肋骨，好入味又冧，食到舔哂手指。以呢個價錢，出面食過嗰啲又乾又嚡又無味，好食嗰啲又貴好多。呢度真係好正。下次行過上環，一定再嚟呢度食不過因得老闆自己一個師傅，如果大家諗住一大棚人上嚟，記得訂定位，唔係就要少少時間等師傅逐個為你準備喇~

朋友説世瑛大廈內新開了一家新餐廳，說找天一起去，給我找個機會出外逛逛，不致於被工作叠死，找個機會到外面透透氣。這間Triple King Cafe好死不死開於Pasta Papa旁邊，畢竟pasta Papa也是中上環區數一數二，味道中上的西餐廳！旁邊強大的對手實在不容忽視！不過有競爭才有進步的，造福了我們一眾在附近的上班一族呢。一點來到，都有幾枱人在等，大概等了五分鐘就可以入座了，新穎的設計配上古舊的白階磚，挺有味道的。把靠近窗台的位置建造成陽台的感覺，讓太陽光斜照到餐廳靠窗户的座位。餐廳的空間不多，以高櫈向高發展，節省一點空間，假的窗户製造一個小小的空間，像是把餐廳分成兩個區域似的。午餐的價格合理，大概$60-$90不等，配餐湯和飲品，若想選特飲需要補回差額，香港餐廳的潛規則相當大家也很清晰了。餐湯為羅宋湯，味道正常，中規中舉。午餐揀選了焗忌廉雜錦海鮮飯。芝士味濃郁，混到飯中相當搭配，蝦、魚柳和青口作配料，也是一個很穩陣，但是款式和材料也是常見，看不出有什麼驚喜呢。把飯鬆開，還看到拉很久才會斷的芝士絲呢。剛放完假回來還是有點靈魂出竅，所以喝杯薄荷朱古力咖啡提提神。薄荷朱古力味道倒是

前排，聽朋友說，近來在上環多了間價錢在這區很平民化又裝修別緻的餐廳，所以星期六放工後決定過來慰勞下自己 朋友真的沒有開玩笑，佈置真的很有特式，特別是有一個可以看到街景的小露台，靜靜的在雨中看著街景及享受著玫瑰花茶，很滿足　尤喜愛露台以簡約的木系搭配配黑白磚牆，砌出甚有歐陸感覺的小店。