口口口

Open Now

Now Closed

幾個月無返KCC 上堂估唔到大雞大已無咗，換左呢間口口，今次試咗慢煮雞胸柳加芋絲再加烏冬。埋單50蚊，作為一個飯餐正正常常，本人唔飲汽水原本揀無糖茶，最後揀左陽光黑加侖子。來到主菜個洋蔥汁原來唔係茄底而係啡色甜甜地，D芋絲就正正常常打邊爐咁都好味的。雞胸扒做到白雪雪咁.但出奇地滑同有肉味G，而且亦好淋，都幾好食,希望個烏冬大D可以飽肚D，個店員話烏冬係standard size，如想飽肚D可揀白飯。總結是滿意的，價錢同成條foodcourt 街差不多。下次試下炸雞扒再揀飯同試黑椒汁了。

💛葵興KCC開了外賣小店主打都是平靚正外賣便當方便附近上班族或者學生們🥰定價不高，$35起就有交易就算係自我放縱的大餐也是$60·芸芸咁多款炸物便當之中，居然有慢煮雞系列😱減肥人士外食有福了🎉🎉老老實實，係比我想像中嫩滑好多，無辜負我期望🥰👍🏻唔好睇佢樣白雪雪，其實都係淡鹽味，健健康康亦不會太淡口我仲要癲到跟左菜底，居然比到成勁多種蔬菜😍勁豐富！西蘭花、椰菜、青瓜、南瓜、紅蘿蔔、粟米，仲有好清爽既沙葛條🥰成兜都係傳說中嘅原型食物，減肥飽住瘦既話真心一流，我飽到飛起🙈

有時想食得健康啲？有時又想放縱下自己？🤪呢間口口口絕對滿足到你嘅需要😏佢哋位於葵興KCC 係間新開嘅小店 KCC1樓就好似個迷你foodcourt咁 客源主要都係附近嘅打工仔同學生 老細其實係雞翼山葵芳店嘅前老細😲早前葵芳店結業之後 就接手咗呢個舖位 決定再創業 就係咁口口口就誕生喇～-相信老細都花咗好耐時間鑽研menu🤧因為老細好重視客人意見 開業初期 唔少客人都有喺佢哋IG留言反映食物質素 老細都逐一回覆 再研究點樣做得更好🤔講返個menu先 主要分咗四個系列：健康啲有慢煮系列 盡素心中情系列🥗烹調方式相對健康 食素嘅朋友都照顧到💁🏻‍♀️邪惡啲有即炸滋味系列 自我放縱系列 當中自我放縱更加係有5款炸物咁多🤤食完真係唔知要跑幾多步先還到債🥲-留意返本身佢哋套餐係冇跟飯嘅😵大食啲朋友可以+$15升級飯餐🍚除咗飯 仲有烏冬或者薯條可以揀 如果大家怕以上講嘅熱量太高 可以+$25升級雜菜底平衡下🥗飯都可以選擇走汁 感覺幾flexible😙再+$15仲可以追加小食一客🤪-🍗台風脆炸雞扒+香腸+炸魚餅 $40(升級飯餐 +$15)脆炸雞扒係老細同店員極力推介😆而且幾受歡迎 原本諗住淨係得炸雞

慢煮雞胸完全唔會”鞋”，好嫩好軟熟好濕潤juicy！洋蔥汁好食，無咁重口味，比較fresh。其他味未試過，不作評論。套餐$50包飲品，份量十足，配飯滿足到gym友既daily protein同carbs intake，又有菜同芋絲，nutrition黎講係完全可以媲美自己喺屋企煮健身餐單。有唔同汁選擇，唔怕食雞肉食到悶，真心推薦gym homies同中意健康煮法既朋友食。店主好友善，可以感受到開店既用心同誠意，比過意見後真係會有跟進改善，祝多啲人試多啲人識得呢間葵興區難得又就腳既健康好味小店。

慢煮雞胸，好健康，仲配好多不同蔬菜（有蕃茄仔 紅蘿蔔 粟米 西蘭花 棷菜 青瓜 南瓜……）仲有汁揀，可自選醬汁，就唔會淡口，但最吸引我，都係邪惡既脆炸雞扒，極脆，無味精粉，小朋友都可以食，吉列炸蝦都一讚👍

我本身唔食雞胸，但店主推介，即管一試！點知真係好嫩滑，係我食過最好食嘅雞胸👍🏻加了撈烏冬底，有秋葵芋絲等配菜，成件事好味得來健康哂😂炸雞扒亦好juicy,炸秋葵香口很推薦。希望下次試下佢地的茄子&魚蛋（偷聽到隔離枱話好正😂😂😂）同行四歳小朋友鍾情芝士條，睇住芝士絲拉出嚟好治癒😆另外，好欣賞老細會送貼紙比小朋友，又會提醒小朋友小心熱呀咁樣⋯⋯無諗過小店咁有heart👍🏻👍🏻👍🏻

開業第一天已經嚟左買個日試食炸雞扒腸仔老闆知我鐘意食，重好好人送多條腸比我😂😂之後再食多兩次，兩次都係慢煮雞+飯/烏冬，老實講開頭個賣相係有小小差，有啲唔想再買🤣🤣不過因為我要食得健康啲for做gym，公司附近又無選擇，今日再買嘅時候驚覺成個飯靚仔左好多！味道都好唔錯呀，慢煮雞胸就算無落汁都會有味，我自己通常加洋蔥汁等啲飯無咁dry，相信老闆有聽取大家嘅comment努力改進～

新開張，想試吓佢嘅外賣便當。 因為同一個鋪位上一間店都有一樣既飯，我以前都一直都幫襯開雞扒飯，賣相味道都唔錯，我諗住新店應該唔會差好遠，點知….買完個飯盒….本來打算返到公司慢慢嘆…一打開個飯盒…真係唔知講咩好…有圖大家feel下我嘅無奈….…第一次食，超失望🙍‍♂️。首先雞扒應該係重點，但我盒飯嘅雞排完全唔似雞扒，似廚餘雞柳多啲😢 勁少料，汁又唔夠多。只能夠講，CP值低到一個點，$50就食呢一盒飯。 同舖位上一間店 無論賣相或者味道都唔係咁樣，希望呢間餐廳可以越嚟越進步有改善🙏

前大雞大老闆聲稱有人頂手，餐牌會7成相似，結果1成都冇。開張第一日，個外賣漏左飲品冇比，食物水準差，飯硬到一舊舊咁，新開張有甩漏，明既。隔左一個星期換左餐牌，加$15蚊有飯同飲品，本身個餐會跟小食，又冇比。唔知係咪我唔好彩，出錯率係100%，大家買野，記得check齊先好走。同埋改一改個外賣飯盒，4邊都有塊「利」其實係好妨礙進食。原本期待係大雞大2.0，好期待會有返炸雞，可惜，好失望，又少一間餐廳可以選擇。