Video
Read full review
2021-09-19
158 views
有時想食得健康啲？有時又想放縱下自己？🤪呢間口口口絕對滿足到你嘅需要😏佢哋位於葵興KCC 係間新開嘅小店 KCC1樓就好似個迷你foodcourt咁 客源主要都係附近嘅打工仔同學生 老細其實係雞翼山葵芳店嘅前老細😲早前葵芳店結業之後 就接手咗呢個舖位 決定再創業 就係咁口口口就誕生喇～-相信老細都花咗好耐時間鑽研menu🤧因為老細好重視客人意見 開業初期 唔少客人都有喺佢哋IG留言反映食物質素 老細都逐一回覆 再研究點樣做得更好🤔講返個menu先 主要分咗四個系列：健康啲有慢煮系列 盡素心中情系列🥗烹調方式相對健康 食素嘅朋友都照顧到💁🏻♀️邪惡啲有即炸滋味系列 自我放縱系列 當中自我放縱更加係有5款炸物咁多🤤食完真係唔知要跑幾多步先還到債🥲-留意返本身佢哋套餐係冇跟飯嘅😵大食啲朋友可以+$15升級飯餐🍚除咗飯 仲有烏冬或者薯條可以揀 如果大家怕以上講嘅熱量太高 可以+$25升級雜菜底平衡下🥗飯都可以選擇走汁 感覺幾flexible😙再+$15仲可以追加小食一客🤪-🍗台風脆炸雞扒+香腸+炸魚餅 $40(升級飯餐 +$15)脆炸雞扒係老細同店員極力推介😆而且幾受歡迎 原本諗住淨係得炸雞
-
相信老細都花咗好耐時間鑽研menu🤧因為老細好重視客人意見 開業初期 唔少客人都有喺佢哋IG留言反映食物質素 老細都逐一回覆 再研究點樣做得更好🤔講返個menu先 主要分咗四個系列：健康啲有慢煮系列 盡素心中情系列🥗烹調方式相對健康 食素嘅朋友都照顧到💁🏻♀️邪惡啲有即炸滋味系列 自我放縱系列 當中自我放縱更加係有5款炸物咁多🤤食完真係唔知要跑幾多步先還到債🥲
-
留意返本身佢哋套餐係冇跟飯嘅😵大食啲朋友可以+$15升級飯餐🍚除咗飯 仲有烏冬或者薯條可以揀 如果大家怕以上講嘅熱量太高 可以+$25升級雜菜底平衡下🥗飯都可以選擇走汁 感覺幾flexible😙再+$15仲可以追加小食一客🤪
-
🍗台風脆炸雞扒+香腸+炸魚餅 $40
(升級飯餐 +$15)
脆炸雞扒係老細同店員極力推介😆而且幾受歡迎 原本諗住淨係得炸雞 我會唔會唔夠飽🤔就加錢配咗個飯 結果我低估咗雞扒同飯嘅份量😵💫炸雞扒有成三大舊 大舊到用筷子夾起都有啲吃力嘅地步🤭據老細所講 佢哋嘅炸雞扒係自己醃 自己上炸漿 再分三階段炸 先係高溫 之後低溫 最後再高溫😲咁樣先可以炸得更加脆同保留到肉汁 可想而知背後究竟付出咗幾多心機😌
．
一咬落去 就feel到肉汁咇出嚟 皮真係炸得好脆🤩肉嫩食落都唔會好油 分別用咗椒鹽同孜然粉調味 味道好濃好出 老細仲加多咗孜然粉俾我😝不過魚餅就炸得偏油
．
至於個飯底 我揀咗洋蔥汁 同樣都係自家製 味道相對冇出面嘅咁濃味 帶有一絲絲嘅甜味😙飯嘅份量真係嚇死人 差唔多個盒有三分二都係飯🍚不過個人覺得有啲煮得太腍太濕 因為我鍾意食硬飯🤣另外如果跟飯啲菜可以加蒜蓉炒下就好 不過冇我都會照食🤓
-
🦴炸雞軟骨 +$15
佢哋推出咗超多款小食😋除咗炸雞軟骨 炸秋葵同手指茄都好吸引咁 要留意炸雞軟骨係辣辣地🥵如果同我一樣唔食得辣嘅朋友 可以向店員要求小辣 雞軟骨主要調味應該係鹽同辣粉 所以味道比起炸雞扒 會相對清淡😙不過細細粒脆脆地幾啱送酒🍻
-
🍡咖喱角 陳皮魚蛋 +$5
呢個冇出現喺menu架😉因為係佢哋新推出嘅優惠 凡惠顧任何食品 加$5就可以食到咖喱角或者陳皮魚蛋🤪學生著數多啲 係兩樣都有！雖然咖喱角炸得好脆 但係味道一般 冇咩咖喱味🧐我自己本身麻麻地陳皮魚蛋 所以no comment喇🙈
-低估咗食物份量嘅我 最後都要打包拎走🤭食完我都好推薦大家試炸雞扒😆可以預先wts落定單 再過去拎 小店都有少量堂食位置坐低慢慢食 期待佢哋之後推出更多新款menu😌
Post
