Triple O's by White Spot (太古廣場二座)

Open Now

Now Closed

晨早完成考試，專登等triple o's 開門。點左個Original Sunny Start，有煙肉、芝士同蛋，仲配埋個薯餅。睇相以為個包唔係太大，拎到埋位先知出事，雖然我係好餓，但一個人肯定食唔哂。煙肉太"un"，包同蛋最好食，隻煎蛋仲有少許黃流出，正！食到一半，開始飽飽地，最終呢份早餐用左兩個鐘食完(星期日晨早冇客好靜，可以慢慢睇雜誌)薯餅只係食到一半，勁多油。至於咖啡都夠濃，唔錯。

We haven't been Triple Os for some time as my wife is no longer working at Admiralty. We ordered two BC combo and chicken stripes last Sunday at noon before going shopping at PP. The cashier was quite rude and uncommitted and the waiting time was awful even no full house. 10 minutes after ordering there came two burgers and one fries. and we are kept another 10 minutes to get the chicken stripes and the remaining fries without a word of apology. The stripes are just like chewing a load of paper

人怕出名豬怕肥, 唔知係我唔好彩定係因為出咗名食物水準下降呢? 叫了食開的磨菇漢堡set, 個漢堡排非常之乾, 完全無肉汁, 我本來想拿去換的, 但是已經咬了一大口, 所以草草食完便算了....大家不知是否覺得, 很多餐廳都是一開時, 用料上乘, 味道一流, 但是一出了名, 人多了, 便走晒樣, 只靠名氣經營, 希望這間不是吧!

今日過海去jenny 度買cookie,有藉口順便過去食好想食又未食過嘅triple-o喇~ 叫左BC burger combo,之前睇過網友話食左薯條先,驚"淋"左唔好食,咁我就食左薯條先,熱騰騰,嘩~食左一半已經開始有飽嘅感覺喇~跟住就食個包喇~打開張紙,真係好大個包,又厚又濶,d芝士半溶幾香,但d煙肉都幾鬼鹹,所以唔係好食到d牛肉味啊~加左件酸瓜好d,無咁"溜"~ 整體黎講,個包係幾好,d料好夠,而d薯條都唔錯,凍左都唔太難食,點醋食就有d似食sour薯片咁,清新d,不過我都係鍾意點茄汁多d~~我咁大食都食唔哂d薯條同個包,我已經無食午餐,5點鐘去食,我都好努力架喇~有d網友話個包唔大,可能唔同包嘅size係有分別,而我食個BC burger真係好大,不過兩個人分又好似唔夠,一個人食又太多咁囉~至於價錢,少少貴喇,但都ok嘅~我都係飽到連晚餐都食唔落,只係食左個生果盒呀~

昨晚到金鐘睇”不能說的秘密”(值得一看！)，看戲前起Triple O’s”醫肚”。這次是第二次幫趁，知道以我嘅食量绝不能把一個套餐消化，所以同朋友分享一個Mushroom burger combo再加一杯Coke Light。雖然當晚好多人幫趁要等位，但係落order後3,4分鐘，食物已經”整”好，效率好快！上次我試咗Original burger無跟餐，初初覺得幾好食，但係食到最後飽到上心口嘅時候，對個飽已經無咩感覺，只想快啲食完洗手，因為真係食得好論盡！今次同人share，份量啱啱好，同埋發覺個飽切咗一半係食得無咁論盡。睇Triple O’s網頁知道Mushroom burger係冇落番茄同生菜，但係可以落order時叫佢哋加(不另收費)，我加咗番茄。個飽食落去有牛肉嘅肉汁混和蘑菇嘅清新同埋番茄嘅清甜，有令人回味嘅感覺，薯條都唔錯，我鍾意佢哋嘅薯條多過M記！下次如果去開金鐘睇戲會再幫趁，但係唔會專程去，因為真係好肥，所以今晚要游30個塘！

尋晚睇戲之前得半個鐘頭食飯，諗住要快，就去咗想試好耐既Triple O 食漢堡飽。預咗實多人要等位，不過非常好彩，咁啱俾我搵到張二人檯。朋友order完食物之後，就有侍應送到埋嚟，好方便。Mushroon Burger Combo - 有好多mushroom, d sauce幾冶味，塊肉好厚身，麵包比起麥記既厚身，不過無我想像中咁大份，唔太肚餓就兩人share一個餐。薯條係粗身既，炸得香脆，配上胡椒粉更好味。另加一杯士多啤梨奶昔，香濃又滑，有士多啤梨味，味道又唔假，不錯。見隔離檯兩個女仔每人食一個set，都可以差唔多食得晒，我諗如果我好肚餓都應該會食得晒，哈哈！

是日與雪怡及cheap兄食lunch，事原是我未食過triple-o。與雪怡share一個Mushroom burger combo，轉士多啤梨奶昔，漢堡包真係好巨型，我肯定食唔晒一個。漢堡牛肉鬆軟夠juicy，我最鍾意是自製的Triple"O"Sauce，酸酸甜甜好醒胃，食完後口及手仍留有餘香。而粗身連皮的薯條又是我喜愛，香脆惹味。而奶昔好濃郁的新鮮士多啤梨香，雖另加$20，但比起麥記的人做色素奶昔，這裡是真材實料呢。試了cheap兄BC burger入面的煙肉，質地及味道唔似煙肉。另外再有一客炸雞塊，雞肉無味，全靠是芥辣及茄汁來吊味，不過炸得脆口。雖然價錢係貴，但算是物有所價呢，而且飽到我連晚餐都食唔落。

上星期六lunch 終於去o左triple o 到食, 我同我男朋友一人一個set. 佢要o左個bc burger combo ($61-)而我要o左mushroom burger combo($61-). 先講賣相佢個好d. 真係食喇, 本人覺得味道mushroom burger 好食d (可能我鍾意食mushroom 掛), 個包好食不過塊beef 有點兒乾, 而且mushroom 同d 汁亦都不是太多(可能lunch 原故,因為真係好多人排隊). bc burger 的bacon同beef 都有點兒乾, 不過好香口.味道好傳統. 另外點了個gravy ($5-)用o黎點薯條, 薯條有點兒"老". 不過我都係覺得薯條同茄汁係天下無敵ge 配搭.哈哈~不過兩個人真係唔好一人一set 因為真係食唔晒. 冇謂浪費啦~

For such price , highly not recommended .I've ordered the orginal Burger set ( have to pay extra for cheese and onion !!? ) The taste isn't as special as people said . I rather eat something else than this rip off burger !! (for such quality , the burger only worth half the price)

今日朋友特登出黎呢邊同我食lunch 喎, 咁緊係揀間出名d 架laa...於是就黎咗呢到食好多人介紹嘅burger...其實我好耐之前都食過架laa...嗰時第一眼見到個包, 真係覺得好大好大!!!所以今次咪同我friend share 一個mushroom burger combo law...點知個包黎到, 我都覺得係好大嘅, 但係唔係好似以前咁大喎...食落去d mushroom 都好似唔夠多咁...好似冇上次食咁好喎...不過都飽la~味道都好味嘅...唔通係因為lunch 太多人, 所以質數又差咗d?

見到咁多好評，一直都好想去試。昨天終於有機會啦...叫了一個磨菇堡combo ($61)，轉藍苺奶昔(+$20)、加芝士(+$10)、加多一塊牛肉(+$15)，共106元。兩個人分。先講個面包，一食都覺得好普通，有點兒似嘉頓的餐包。後來望入去廚房，原來真係一d本地供應商交過來的包包...d牛肉，肉質可能比M 記的好一點，但有點兒乾、兼且有d老，完全(係完全)冇肉味!!!!!!難道唔記得調味?? 點解我唔覺得有"肉汁"既?? 點解會咁既?? 點解呀~~~!磨菇份量極少，在醬汁中找到一些，唔qualify叫做磨菇堡，兼且d蘑菇完全冇磨菇的香味，似乎不是鮮蘑菇，而係罐頭那種。芝士要加十蚊，但味道不重，係咪d 醬汁、同埋那兩塊冇味的牛肉，中和晒d芝士味?奶昔要藍苺，看起來算是"藍色"的，但係如果唔係咁，我就會以為佢俾錯雲呢拿味。因為有好濃好濃的雲呢拿味(好似M 記的新地茼雪糕咁濃的雲呢拿味)，比M記奶昔的優勢係冇左那些"沙沙"的冰碎。薯條，點解我食唔到傳說中的"炸薯皮"既? 淨係食到好似放大版(4x) 的M記薯條。咁我個人比較喜歡M記薯條那個size，兼且M記的似乎熱一點。(注意，大條的薯條凍

唔阻大家時間:Triple O,外賣一樣咁好味.講完!!!

TRIPLE O好食就唔駛講多次光顧後對食佢地既薯條有個小小心得同各位分享ORDER一個GRAVY($5)加佢枱面上提供既麥醋汁(Malt Vinegar)加幾多就隨自己喜歡好似我呢D上左癮既咁樣就已經係狂加XD用黎點薯條好食程度幾何級數提升唔係一般點茄汁可以媲美的平時去食都係食SUNNY START或CHICKEN STRIPS反而對最多人鍾意既BC BURGER興趣不大

久仰Triple O 的大名...不過原來名過其實造漢堡包最重要係個漢堡扒....佢個漢堡扒完全唔合格...好薄好乾>.< 超唔好食!!! 加一塊芝士居然要十元!!!仲要係同M 記的冇分別!! 有點被騙同搶錢的感覺>.<french fries 好普通.....個包ok....唯一可取的係個triple O sauce...成個包只係個sauce 好味=.=收得咁貴質素太太太太低了.....朋友話唔係lunch time 可能會好一點.....>.<

一直想一試這店的漢堡，今天有事在金鐘辦，便順到來此一試。當天叫了一客ＢＣburger combo。一看，漢堡很大件頭，生菜，蕃茄，漢堡扒還有煙肉。一大口咬下，漢堡扒有肉汁，不錯，比起M字頭的那間好多些，但最教人驚喜的，可算是那幾片煙肉，在咬下的同時，生菜的爽，蕃茄的清甜，漢堡扒的肉汁，那可口的煙肉混在口中，感覺可真滿足。那杯薯條也不錯，粗條帶皮，原始，也多了一些咬感。