Triple O's by White Spot (Closed)

受好評的Triple O's 早就想試下了~ 原來真的位于foodcourt，難怪牌上都沒寫餐牌等都是英文，買野食也是要用英文的~ 間野望落其實同Harvey's 無muc分別價錢不便宜的，都5X-6X 1個漢堡餐，是M記的3倍左右，相信素質應該不錯吧要了Original原味漢堡+BC Burger，BC應該就是Bacon吧~ 牛肉漢堡也好像只有這些還有1個牛肉是菇漢堡，立即是否決掉~~ 另外的雞漢堡便不想再試了Original Burger +多塊芝士，索價10$~ 等待5分鐘左右是即叫即煎，感覺很好打開漢堡1看，牛扒不乾，好大塊的純牛肉~ 漢堡包烘得夠曬熱同脆，沒有手指印很好咬落有汁必出離的，加了芝士更是香，口感1流~ 是真的值呢個價，非常不俗~ 只輸Niagara漢堡店1個馬鼻跟餐的薯條也是新鮮炸出離，又肥又大條，實足New York Fries的look~ 非常好~就算飽肚了也是清完爲止~ 是夠曬飽肚，很滿足~

一向都不是太好BURGER的我, 都愛上TRIPLE O'S 的ORGINAL BURGER. 打開包裝紙看到一個簡直係二人份量的特大BURGER, 好彩的是, 我們還是兩個人SHARE一個餐... 單從外面看, 已感覺到好充份的肉汁了, 再試一口, 真的是好好味喔, 因為肉汁很多的關係, 感覺到個包很新鮮. 再吃薯條, 真的好薯...至愛粗薯條呢~!

很喜歡逛city super。 每次途經cooked deli都見到個怪現象, 就係吃完triple o's的檯面的薯條都好像沒吃過般多。 就像是日, 就是見到人家的垃圾, 才令我提起吃這垃圾食物的衝動。薯條12元一客, 份量很多。 應是用美國薯, 才有那獨有的粉粉的口感。 沾茄汁及白醋, 是很快便吃過精光。 藍莓奶昔是一貫的味道, 來triple o's , 吃奶昔總比吃汽水像樣罷。他的burger, 真的不是我杯茶, 但是薯條跟奶昔卻百吃不厭。

3號mushroom burger餐加芝士 $73肉汁多...唔係太餓 1 個人食唔晒..牛肉同菇都好好味...汽水細杯..搵笨...薯條一般...好干...

食左個Veggie burger + 蘑菇 + 芝士, 轉Chocolate milkshake. 好o野! 真係好食! 多汁, 成口係. 豐富o既口感, 多層次, 有一種係非洲番黎狂刷一餐o既感覺. 我食過依間野唔少次, 如果乜都唔加真係乾乾地. 所以, 各位兄弟, 一定要加蘑菇加芝士.Triple O係我係香港食過第二好食o既漢堡包店, 第一係Soho區, 唔記得左個名.下次要加埋蛋, 應該仲正.

今日去海港城，又久聞哩間漢堡間既大名，所以就來左試下真正既漢堡系點。叫左個2號既BC burger餐，同朋友一齊share，飲凍雀檸，當然仲有粗薯條!!!包面有片青瓜，哇，好酸，所以我食左一啖之前俾哂我朋友食。包的份量很大，說真的我要張到個口最大再按扁少少個包先食到，塊包不會似M記個d甘又淋又扁，口感幾好，朋友話應該烘過下，牛肉味好濃!!!蕃茄酸酸地好好味，仲有芝士，加埋入面既汁醬真系會食完一啖再一啖。食哂個burger先食粗薯條，仲系熱熱地，外面有小小脆，雖然唔及幼薯條脆，不過甘厚身食得好滿足，相比下我更愛這類!!今次系第一次食哇類份量甘足同叫做正宗d既漢堡，細個食M記個d真系令我對漢堡既印象好差，不過今次之後我諗我會愈哩愈中意食 ;)

琴日又去呢度食漢堡包，自從第一次試過呢度既漢堡包之後，就愛上呢度既包同薯條，不過對於呢度既奶昔，我就覺得不能解渴，反而飲汽水好一點，而且若一個人食一個餐的話，飲埋奶昔就太過飽了~ 琴日再食3號餐 蘑菇漢堡，蘑菇、漢堡扒和醬汁配合得好好，雖然惹味程度比起BC Burger遜色，但就沒有BC Burger那麼膩的感覺。若果你係鍾意肉味較重的話，那麼BC Burger會較適合你=) 至於呢度既薯條又是一絕，新鮮又夠熱，而且是採用粗薯條，在口感方面很好，可惜呢度好似無得單買薯條吃呢

事隔一年,再次遇上triple o 的burger!感覺良好!mushroom burger-個包係有少少烘過的,既有口感時又軟綿綿.醬汁又濃郁!同mushroom配合得天衣無縫!本身塊肉係有少少乾的,都被襯托得不鞋不乾,很juicy!這便是利害之處!!不但有口感,還有手感.咁大個包,隔離枱的男子first try:一啖咬--都失敗.可想而知!!加$8轉union rings-炸得ok黑.有7-8塊.有大有細.麻麻地!加$20轉blueberry milkshake-果肉唔明顯,味道亦同一般原味milkshake無分別.

兩個人share一個bc burger combo作為下午茶，加了$20.轉blueberry mikeshakeburger好好味，肉汁豐富。只是包包很大，食時有點論盡！1個女仔怎食得哂？薯條好熱，好新鮮！blueberry mikeshake初喝時，可能太凍，很杰，很費力吸吮，飲管粗點就會好一點。服務很好，很有禮貌，見我們2人一齊買1個餐，主動問要不要切開2份，還給了我們2枝飲管。

嗯…好耐無食Triple,尋日食番,好似差左…要左個蘑菇芝士漢堡餐,薯條依然新鮮,依然香脆,依然粗身,依然好味;但係個包…唔知點解,勁多油,油到個包面都係油,食到我隻手同個口都油腍腍,仲搞到個包好似縮左水咁,又唔再鬆軟,好慘!我唔知係咪咁岩呢次係咁定點,因為真係唔係成日黎呢度食,但係個餐咁貴,我唔希望會係咁,食到呢d質素囉!唉…

1.Mushroom burger combo $61 ~ 讓我真的覺得是漢堡包呀.包身很高,醬汁份量剛好,磨菇又夠多,漢堡夠厚又唔乾. 2.Mushroom chicken burger $41 ~ 好多磨菇,雞塊沒有炸,蕃茄又夠大3.薯條厚切~ 絕對滿足口感

第一次試食Triple O 嘅"The Champ"漢堡，雖叫漢堡但沒有肉類餡料在內，漢堡中央換來了蘑菇奄列，味道略咸但口感新鮮，份量當然十足。今次沒點薯條，加$換了洋?圈，脆口、惹味。飲藍莓奶昔，藍莓味較淡，反而奶味香滑，不錯。服務員態度專業，多次詢問亦保持笑容，抵讚。

今次嚟食1號餐Original Burger個Burger整體合格薯條係麥記的大碼版本,好乾

喺triple o,我覺得最應該食既係mushroom burger,因為佢既size實在係好大,今日我又食左一個!d mushroom實在真係好多,而且磨菇汁實在豐富,食落口感一流,個包本身好好食,漢堡扒就普通味!當然食就梗係要combo,因為加埋佢地既好食薯條同埋杯可樂order先無咁肉赤!

今日行行下街見有少少餓毫同媽咪去左呢到叫個mushroom burger set黎share食其實自從我食過太古個間既mushroom burger之後~我都對佢有少少不滿~因為太乾~個飽都已經係乾乾地~唸住個sauce可以補救到啦~點知佢地都唔夠sauce成個包都乾爭爭咁~令到我無再幫襯的勇氣不過唔知點解呢一間既質素反而好好多~包好軟熟~又好夠熱度~好好食~而個mushroom又好夠料~汁夠多~好好食~只係嫌個牛肉薄左d唔夠厚~薯條好好食~熱辣香脆~不過呢度由於係food court佢唔會每一張檯都會有醋同tomato suace offer比你~不過佢會比tomato sause你~而醋你要問佢攞~match埋真係好好食~飽都掃埋佢地呀~唯一既美中不足係~個7up唔夠氣~得個甜字~唔通係迫人要shake???????????