Triple O's by White Spot (Closed)

之前都聽講話 Triple O's 的 Burger 點好食，點好食，好啦，係度食餐試下先。與『Iker casillas』叫了二個餐：BC Burger Combo 包一杯薯條及汽水，但唔想飲汽水，+ $20轉士多啤梨milk shake ，及 Mushroom Burger Combo 也加$20轉藍莓milk shake 。我叫佢幫我將個包切半，因為想試勻兩個包。BC Burger 原來牛肉下面有一層煙肉，我地麻麻地煙肉咯，而且d 煙肉好硬！咬到牙仔都軟埋，唔係咁好食喎！相比之下，Mushroom Burger 就好味d，d 蘑菇幾好食，但個包就一般。d 薯條雖然係熱的，但唔脆！我地鍾意食脆卜卜的薯條！d milk shake 味道唔錯，好濃郁，又難攪拌又難吸吮！士多啤梨milk shake 真係食到士多啤梨架，真材實料！但個杯蓋有d 問題，不能蓋實！我又無留意到，攪到我拿不穩，倒瀉了半杯！真心痛！倒瀉左$15了！呢間野的飽真係唔多合我地胃口，應該係個人口味問題！我鐘意Burger King 及 Freshness Burger 多d ！

幫襯左triple o 都有三次了...第一次去食triple o 的原因係朋友們都話"食完triple o 之後完全再接受唔到其他快餐店的burger"..又話"未試過triple o 就等於未食過真正的burger"...講到真係勁好食咁..於是就好想試了..呢三次分別食左Original Burger combo, Mushroom Burger combo同Chicken Superme combo..個人認為Mushroom 係咁多個burger中最好..但始終覺得佢呢度的burger 唔係朋友所講咁誇張...一. burger 內的肉係足料, 但咬落又乾又鞋, 全無肉汁..雞肉係咁都算了, 但連牛肉都係咁就..二. 薯條係粗, 但我覺得mos burger 的薯條size 同triple o 差唔多, 而且比triple o 更好食三. 雖然個burger 份量比其他同類快餐店大, 但始終佢的價錢都高過它們好多, 因此本人覺得好似用相對價錢買返相同的份量而已. 四. 可能本人係女孩子的關係..接受唔到個包d 牛油漏哂出黎..一路食一路滴..而且整到個包邊"淋"&"濕"哂

星期六開OT ,,, 搞到我飯都未食 ,,, 但係又約左老婆睇戲 ,,, 咁係開場前就同佢係海運搵吓野食啦 ,,, 突然間醒起OPENRICE 見過有間野食BURGER 好好食 ,,, SO 就黎左E 度試吓啦 ~ 叫左一個 bc burger combo + 炒洋蔥 ~ 個飽好大個 ,,, 一啖都咬唔住個飽 塊扒好好食 ~ 係咪手打GA ? 好焾 ~ 味道同麥當當果D 真係爭幾條街呀 ~ 不過當然 ,,, 價錢都爭幾條街啦 ~ 哈 個薯條幾好食 ,, 本人唔知點解著仔連皮食先好食 ~ 佢完全中哂 ~ 哈 。 E 間野一定值得 ENCO

要左Original burger，覺得有d似burgerking，但又冇burgerking咁american口味。首先講塊肉，唔夠厚，腍腍地唔鞋o既，唔算出色。d汁普通，類似沙律醬但偏甜。d 生菜有d麥記feel，碎sumsum，切大塊d 會正d，唔夠freshness o既新鮮。個包幾鬆軟，但以哩個Original burger 為例，比例上似乎厚左d喎…Overall哩個Original burger，食落去冇乜層次，有d 撈埋一舊食o既感覺，亦唔覺得一試難忘。(聽聞mushroom burger正d，可能哩個先係佢地o既招牌)薯條就幾正，大大條，但唔係好夠咸，(可唔可以叫佢比包鹽呢: p)貪得意加幾蚊要個牛肉汁黎點..........薯條都係同茄汁match d。

今日同親愛的朋友睇完film,~*之後去左food court...唔知食咩好...~*跟住朋友話不如食triple o's~*都好呀我仲未食過~*因為朋友話其實一個餐都會好夠好飽,so我地都只係叫左一個餐share lei食。~我地食既係Mushroom Burger~*um,第一次食既感覺真係幾好架,我地仲加左cheese,朋友話加唔加既分別唔大,但我覺得好香,真係okay多cheese架。d mushroom都好多,而且唔錯,唔會有個d好奇怪既,mushrrom特有既菇味~*另外d薯條都幾好食,仲好hot,我依家喜歡食粗d既薯條多d,有咬口~xdxd~~*服務mai~~~其實快餐店都唔會expect有d咩好好好好既服務,不過lei度既收銀姐姐幾好人,好好笑容。~*有機會我會再食架~*今日好開心。~*

今日冇帶飯，想找Burger食。終於試左好多人都話好食的Triple O's。叫左個Mushroom combo 加芝士, 再加炒洋蔥. 個經理話加左就香口好多. 死就死呀! 試一下先. 個包係好大個, 食落有好香的洋味道! 正正正! 78個大洋，都ok啦!個包實在太太太太太厚喇，我呢個大口怪擘到個口勁大都咬唔晒。個包好鬆，好好食，裏面又勁多汁同Mushroom. 不過我唔係太鍾意太多汁，D汁滴到成檯都係. 不過都幾juicy同唔鞋，整體黎講都ok啦。 d薯條就真係good喇，我最鍾意就係呢d有薯皮的薯仔，仲好香薯仔味添~~~~~ 正呀順帶一提，呢度d service唔錯喎。買Order直到取餐都係4-5分鐘. 叫我坐下先, 之後先出黎取, 要一杯水重加冰比我, 水溫剛剛好! Food Court 黎講呢點真係唔錯架。

尋日同仔仔再去呢到食Burger, 今次揀Mushroom Burger Combo, 味道真係唔錯, 連我個仔未夠4歲都係咁話: "D牛肉同菇菇好好味". 我覺得比我上次食Original 好食好多. 但係上次嘅服務態度比今次好好多.今次個收銀係個男生, 似係Manager, 問我要唔要加芝士同洋蔥, 我話唔加, 佢就粒聲都唔出. 跟住我地就坐低等. 我睇住個負責傳飽個嘅女仔, 淨係向外望, 都唔知後面廚房已經整好個飽同薯條, 終於等咗超過5分鐘, 佢先向後望, 成堆飽同薯條係到等緊. 唔知有冇好望, 要望咁耐. 佢地真係要檢討下.

之前已經食過,今次先寫~~~去海運行街街都會去Triple O's食漢堡飽,不過次次都要等位,實在太多人,太少位,d位又坐得唔C服 我就至愛佢既薯條,LEE種連薯皮炸係至好味,外脆內軟+熱辣辣~~~~~VERY GOOD老公食嚟食去都係至愛食LEE個餐,多肉多汗多煙肉,又夠大個,男人份量 我就食唔囇一個,有時我食左3/4,餘下比埋老公.............食~~~

Triple O's去過好多次啦 久唔久發作要幫襯食得多開始嫌麥記D牛肉無汁 個包太簿......今次試左3號mushroom burger 始終鍾意食1號多DD mushroom時不時跌出黎 dating就唔好食啦XD服務方面 連鎖快餐服務好難唔好(麥記除外)另外鍾意金鐘個間多D 尖咀呢間店內的油煙問題要改善

尋日同朋友一聚，於是就揀咗我一直都好想試既Triple O啦…聽聞佢嗰度啲漢堡包又大又juicy﹐每次行過都好想食，但timing唔啱…今次終於可以食到了。起初真係心多多，都唔知食邊樣好…最後order咗個Original Burger Set + Onion Rings, 等咗5mins就去取餐。一擺底…打開個包，哈，好搞笑(見圖)…我第一次見嗰塊漢堡包必有既酸瓜被切得同個漢堡包直徑咁長，就好似成張膠紙咁貼咗喺包裝紙與包面之上…我覺得好好笑…第一口就齋食嗰舊酸瓜…好酸…但都開胃既…跟住就食個包…yum~~~~好juicy呀…好肉汁…好牛肉味…啲牛肉漢堡扒整得好好，feel到係用新鮮醉牛整成舊餅咁拎去煎…好好味呀…跟住就食又粗又長既薯條…好失望呀…啲薯條"林"哂，又唔香口又唔脆…變成乾哽…反而個Onion Rings都ok既…起碼都熱熱地，脆脆地吖…食哂成個set，真係飽得好緊要，所以下次都係lunch時候去好啲…仲有其他包我都好想試架~~~

喜歡食漢堡包的我而愛上食Triple O's，其他口味都未試過決定今次試下其他款，上次試了 Bacon Cheese Burger , 今次決定試 Mushroom Burger. 收銀員問要唔要加Cheese & Onion. 加左會個包香口好多. 最好決定試一試.但要加多$15拎上手熱熱的，新鮮製成，吸引度大增原本諗住個包係普通Size，但一打開無從入口，充滿肉汁，Mushroon好正. 再加上一些Triple O's 汁，真係十分好食呢！薯條保持一向水準，薯味十足，加上今次薯條長度又長又多，食得更開心我仲試左炸雞，不過都幾多肉汁不過海港城座位不太多而且又人多，不可以坐得耐，希望可以整大間ｄ就好了.

終於的起心肝一次過寫返晒d 食評...爸爸節當日帶左一向好鍾意食包既爸爸黎食triple o's三個人叫左兩個bc burger combo, 一個mushroom burger其中一個餐加$轉左milk shake, 另加一杯橙汁同一個beef gravy好心急好心急...好想快d 有得食!!! 拎到d 野食埋位, 拎起個bc burger...嘩...重手到呢...正!!!比細食既媽媽試下拎下個bc burger...佢呆左囉...XDDDbc burger 入面d 野好juicy, 下面塊煙肉真係好正...無得彈!媽媽都好欣賞個mushroom burger, 不過佢細食, 食左大半就好飽啦爸爸當然好高興咁掃晒成個bc burger, 仲有薯條...btw, milk shake 雖然要加成$20...但係真係好好味...未飲過咁好味既milk shake...真係值得一試仲有...beef gravy上檯既時候仲係熱辣辣, 點薯條有十個好味$5抵加...不過點解呢度無vinegar??? 金鐘有ga bor...五點几食...算係下午茶定晚餐? 總之食完之後, 0個晚都几乎唔駛

一直想試但未試的TRIPLE O本想叫一個ORIGINAL COMBO但完來CHEESE係要另加的 仲要加10蚊 真奇怪...之後係選擇左比多10蚊 但係加黎叫MUSHROOM COMBO本來想慳返D錢 叫ORIGINAL, 既然都係要加錢咁就叫左我最愛既MUSHROOM COMBO啦來了 薯條真的很大條 很好吃 和城大CANTEEN的黑房下午茶薯條有點似但MUSHROOM BURGER...本來有D期望但食左之後 覺得味道普普通通...要食MUSHROOM既話 對面BURGER KING既仲好味哈 不過都一試無妨 而且一個餐兩個人SHARE當TEA食都OK

Burger 份量好大, 加埋薯條同飲品, 食唔晒添.Burger 牛肉有豐富肉汁, 好香, 新鮮做出來, 比麥記無咪嘅牛肉好食好多.加上有新鮮蕃茄同洋蔥, 配搭啱啱好.值得一試!

我都最鐘意食呢個 mushroom burger加芝士(加$10)如果叫餐我又一定食唔哂d薯條真係好好味，好juicy～～～～食過其他名牌漢堡店都食唔到呢個感覺呢排仲因為成為ｏｐｅｎｒｉｃｅ得獎食肆下午茶有１５％ｏｆｆ呀