三ステーキ

Open Now

Now Closed

突然好想食石板牛扒，search search下見到唔少人推介呢一間喺深水埗既餐廳。疫情關係，餐廳要我哋喺門口嘅自助點餐機落咗單之後、度埋體溫先可以入餐廳坐。點咗餐無耐我哋嘅牛扒好快就出到😋我叫咗三拍子牛扒180g ($75)，朋友就叫咗三拍子牛扒300g ($109)，都幾明顯見到牛扒size嘅差別😂由於我坐嘅位係冷氣下面，石板好快凍，意外地食到七成熟嘅效果😂雖然價錢係最平嘅扒，但有牛味，好Juicy。另外仲可以任裝飯同埋湯，忍唔住食咗兩碗飯！餐廳亦都好貼心，準備咗有餐廳吉祥物嘅濕紙巾同埋信封俾我哋裝口罩，加分！

今日同fd 經過深水埗,見到咁多人排,於是就一齊排, 間鋪出面有部機, 要揀定要邊款牛同埋g 數,買左飛先可以入座.我揀左最多人推介既三拍子牛,呢間鋪既牛食用方法係係塊熱石板到一邊煎一邊食,咁就可以自己控制牛既熟度,如果塊板凍左可以再換塊新.牛肉其實冇咩味,所以要加鹽式者汁調味會好d, 不過七十幾蚊食到牛,加上白飯,湯,沙律任食,真係好抵.但可惜間鋪可能主打快食,所以真係冇位放袋,建議黎食的話著得輕便d 好d

其實係第二次食，因為第一次去食太多人，間鋪好焗，好大煙感覺麻麻哋今次放工過到去，冇咩人，好快係門口㩒左飛仔就可以入去等，原本坐得密密麻麻既地方，而家非常寬敞枱上面放左濕紙巾同一個信封比我哋放口罩，非常貼心三拍子牛扒180g$75 / 300g$109 / 400g$139 ,係好抵食既！至於味道，一分錢一分貨，E個收費味道算唔錯而水吧有沙律菜，白飯，通粉任裝，真係唔洗驚唔飽！最鍾意沙律配胡蔴醬，另外枱面有多款醬料配搭牛扒，實有一款啱你胃口！

SSP 深水埗 •三ステーキ 三拍子牛扒 🥩📍深水埗欽州街52-54號平安大廈地舖三拍子牛扒 300g $109牛柳 300g $115招牌三拍子牛扒選用安格斯牛，牛扒會由一成熟放在熱石板上面，讓客人自行控制喜好的生熟度，牛味重但略厭少韌，牛柳的肉質則較三拍子嫩，好鐘意餐廳的醬料，配白飯好開胃🤤另外白飯、沙律、牛肉湯（但好油🙈)全部任飲任食，大胃王不用怕食不飽😂➰👅 味道：🌟🌟🌟👀 環境：🌟🌟🌟👩🏼‍🍳 服務：🌟🌟🌟💰 抵食：🌟🌟🌟💫

Openrice真是一個搵野食好地方，雖然有時評語有點伏！:-P 話說去到深水埗想搵嘢食，平時都係幫襯米線呀、車仔麵呀咁，今次想食平之餘，食啲特別啲嘅野，就係平扒喇。平時啲平扒會諗起花園餐廳、金鳳等等，而呢間係日式嘅，連購票方式都同日本一樣，門外有售賣機，先買票，後入座。一個扒嘅價錢已經包左沙律吧，我地叫左一客大嘅約400g, 兩個人食好啱，煮出嚟嘅時候只有一成熟，你想熟啲就要自己係塊石度再煎，但有個唔好處就係，唔想佢太熟但係你又食唔切咁快，所以我哋食到最尾嗰幾口係熟得滯嘅。味道來講就估唔到幾好味喎，呢啲價位嘅牛扒竟然有牛味，感動呢！應該係最近衛生問題，上枱時會用紙巾蓋住。

石板牛扒係香港愈開愈多，今次都係因為朋友大力推介，話cp值勁高，所以第一次食。身為食肉獸，其實我都唔識分辨唔到牛嘅部分。點餐都只係抱着僥倖嘅心態，選擇最化算嘅$75 180g 三拍子牛。趁師傅仲整緊件牛，就去攞沙津先。沙津選擇唔多。沙律都有個膠蓋蓋住，感覺衛生啲。枱面同架上都有唔同嘅醬料俾我地點牛扒食，例如豉油醬料、蒜蓉、牛扒汁、醋等等， 一定可以溝到自己滿意嘅醬汁。我就最鍾意牛扒汁，用嚟伴飯食都好正。過咗冇幾耐就攞得牛扒。呢個時候就發覺張枱真係好細我哋坐二人枱，放咗兩個石板、兩碗飯、兩碗湯、兩個醬油碟，張枱根本就滿晒。講返塊牛扒，180g比想像中大份。牛扒比較厚身，大約三隻手指厚度。可能就係因為咁唔會咁快熟曬。剛剛上菜嘅時候係一成熟。有經驗嘅朋友話要切定幾件先。石板keep住好熱，如果真係發覺唔夠熱都可以問店員換石版。一路食，牛板一路熟，由一成熟，到五成再差唔多全熟。我就最鍾意五成。牛扒喺石板上，有少少牛脂被逼咗出黎，送飯一流。

鐵板牛店近來開得成行成市網上見到推介呢款牛扒好好食結果唔小心中左伏 店員既態度十分友善👍🏻等位時已經好詳盡講解購票方法 但好可惜食品質素同服務態度不一致一般石板/鐵板牛店均會提供任食沙律、飯及任飲味噌湯 🥗： 食落算係爽脆但唔明點解會有一陣酸味（只係放左胡麻醬）🍚：中規中矩 特別要撈飯食既牛排唔知點解有怪味 甜甜鹹鹹以外又有一陣酸味😓湯：淡如水 只係有顏色既水主角🐮：點了最細分量 對女仔黎講剛剛好 賣相雖然睇落唔錯 但係無論你煮得三成熟定全熟 口感都係咁韌無咩牛味🌚同埋懷疑塊石板唔夠熱 保溫欠佳 前後換左兩次先燒到心儀既生熟度 總結：唔想再幫襯

收左工約左一大班朋友走左去深水捗去行下電腦商場順道 upgrade 自己屋企部 notebook行完睇完買完甘就一定要找食啦行行行行到去深水捗警署附近見到有間餐廳門口排曬長龍就好奇去望下啦排下啦一望個門口，就俾門口部自動售賣機吸引好啦排左大約十五分鐘有得入場啦頭先咪講ing 部自動售賣機餐廳係全部靠呢部機下單部機同我g 前係日本東京，大板同九州d 一䔵度都見過接近一樣的頓時好像去左日本甘感覺幾正呢度塊扒係生的鐵板要幾多成熟係自己控制生有生食熟有熟食各式其式白飯同面士湯就無限的但就不好浪費啦今晚感覺幾好好像去左日本甘。正。

路過西環，見到哩間好有日本feel噶餐館，就入去試試啦，原來系間自助式牛扒店，環境都幾好，店內全自助化，白飯、沙律同湯都系自助式噶，中意食變樣就食變樣，真系好抵食啊！牛扒系放在石板上噶，超級有風味，食落都幾好味，總之值得大家去試試啦！推薦！

儘管呢間舖好出名⋯但檯細到我要將背囊放係身上，擺左沙律，水，牛扒，飯同餐具之後已經冇位。食飯要好小心翼翼咁食食呢餐飯簡直如同打仗⋯攞左飛之後明明寫話有店員領位，結果我等左一陣先知要自己搵店員報人數⋯一入來，擺低包包即刻衝出去攞餐具都趕唔切，我未攞到沙律計時器已經響起，不得不放牛扒係檯跟著去攞餐具。話說雖然介紹中寫扒係加熱到一成熟上桌，但我收到嘅係超過三成囉我一放到檯上即刻反面，結果都係韌嘅⋯服務態度參差不齊，開頭領位嘅姨姨同取餐處嘅阿叔都係「無聲式服務」。問多聲張檯係邊，都係用手指指。我知呢度係自助，但都寫明有店員嘅，我就覺得無聲服務感受好差⋯不過之後我不慎將水杯倒覆，一位年輕服務生幫我抹檯拖地，人又好好，亦無黑面，所以好難評價我想講啲食物質素係同價格相匹配嘅，真牛肉，醬料多選擇，沙律夠新鮮，連風評淡如白水嘅牛肉湯我都覺得係ok。但就用餐環境及速度而言都讓我覺得好窘迫

一直有留意這間石板牛扒，今日經過見沒排隊，終於有機會一試。在門口的售賣機購票後就坐低等食，放題沙律吧有三至四種沙律選擇，沙律醬亦有三款，作為前菜不過不失啦，旁邊亦有熱湯和白飯。今次試了招牌三拍子牛扒和牛柳，各300克，兩人食份量剛剛好。三拍子牛扒的牛味較濃，而且容易控制生熟度，兩面反一反剛好五成。牛柳就相對失望，牛味不濃，而且石板太熱，一下子就煮成全熟啦，肉質亦太老。餐廳有提供各多種調味料配搭牛扒，原本只想落黑椒，但牛柳實在沒什麼味道，所以要出動日式牛扒汁。吃飽步出餐廳，發現人龍已經排到後巷，實在太誇張啦。希望下次有機會試試餘下的一款西冷牛扒。

（生酮飲食 推薦）見呢排都勁多人食石燒牛.就等今日係深水埗見完客.特登行過黎開飯望到門面.應該係 日式店舖😍符合日本店特式.自助機點餐.好似去左日本🤣甘都有好詳細中文介紹大家下一步最做.大家唔洗擔心甘我就點左門口推薦個款牛.$75 有 180G🥢三拍子牛扒 180g $ 75.流哂口水啦.牛扒可選熟度.符合番大家口味.啖啖肉.感覺特別爽.重有中量前菜.任夾.我最鍾意夾椰菜絲食.一啖肉.一啖爽口椰菜絲.口感豐富.滿足以下是自助任取區.推讚椰菜絲都好新鮮.總結.一個人食飯都唔會尷尬.重可以嘆到牛扒.無左傳統一個人食牛扒尷尬感覺.很有日式食飯感覺.

A friend of mine brought me to this place, there was a short line up so we waiting around 10 minutes before having seats. It’s a small shop so there aren’t a lot of seats. I ordered tenderloin (forgot which gram it was, but the portion is big). The steak came as rare which is good because I like my steak from rare to medium rare. The meat is what you expected from a tenderloin, not much flavour, but makes it up for its tenderness. One negative is the cleanliness of the place, it feels ver

日本模式食牛扒，情況就好似去左日本食拉麵，首先排隊，去售票機揀扒餐拎飛，有位就直入。快上快落。首先講定黎呢度食係為左食牛扒，仲要自己控制塊牛扒熟成度，自助體驗好足夠。唔好以為去左高級扒房，享受既野係唔同。講返塊扒，份量係一定足秤。問題黎嘞，揀邊個餐食幾大份好呢，嗱，平時去扒房，大部分要幾多成熟就幾多成熟都俾到你，不過你黎呢度食，少d下廚經驗你都幾大鑊下。如果你連煮個麵都唔識，唔知點控制火候時間控制麵身軟𣺉度，又或者連煎荷包蛋反蛋熟蛋都分唔到既話，你都係無謂挑戰自己去呢度食扒。好嘞，坐定之後，等bi bi機響，響左就去櫃枱拎個餐返去。一塊牛扒攤左係塊熱石度，扒既兩面已經係封煎過。熟成度只會提供一成熟俾你繼續。你諗就諗得好簡單，問題係塊熱石雖然係好熱，始終温度會隨時間下降，好多人就左反右反煎兩邊，又出事。又見價錢抵食就叫份最大既，塊扒一上枱，真係厚到唔識講，塊熱石就係得咁大塊，越大份餐塊扒就越厚。咁三成五成七成十成熟點搞，無他，越想熟就揀越細份餐。塊扒有一定厚度，熱石温度有限，你無理由400g食全熟，塊熱石好難比到足夠熱力俾你煎。如果你話要廚房比過新一塊熱石你煎既話，情況就好似去扒房，塊扒

晚上🌃開完會梗係要趕住醫下個五臟腑😃 久聞深水埗有間性價比超高、排隊排到入後巷既日式🇯🇵牛扒🥩專門店，梗係要出動黎試下啦‼️ 1️⃣小時後終於入座<三拍子牛扒🥩三ステーキ180g>入座前先喺日式🇯🇵自助售賣機選購喜愛既牛扒🥩款式及重量🏋🏻‍♂️ 今次選擇左招牌三拍子安格斯🐂牛扒🥩黎試試😋三拍子牛🥩都幾大份，以熱石形式上菜，上菜時牛扒只有1️⃣成熟，可以自由烹調喜愛🥰既生熟程度，聞落都幾有牛味🐂 入口一咬之下，鎖喺牛扒既肉汁即時充滿整個口腔，肉質又唔會太韌，真係停唔到口🤤 沾上日式酸汁後，又會產生另一種層次，會令食慾大增之餘，又唔會影響牛扒本身既味道白飯、牛肉🥩湯、沙律🥗任你自由裝，牛肉湯味道比較淡，沙律🥗選用既椰菜幾爽脆，可配日式醬汁/千島醬，係飯前絕佳既開胃品呢個價錢包曬咁多樣野有咁既質素絕對值得黎試試😋👍🏻