珍煮丹 (Closed)

睇樣已經知好伏，都唔明點解仲可以有咁多正評！價錢方面，三杯加埋要$116，平均差不多成$40杯，但味道差劣，絕無下次！味道方面，先講杯泰式珍珠奶茶，珍珠無味，茶色都夠得人驚！再嚟杯Oreo飲品，成杯溶咗嘅麥當勞麥旋風咁，仲要已經係唯一一杯飲得落口。最後嚟到最多人寫食評嘅麻薯士多啤梨飲品，麻薯成pat鼻涕咁，都算啦！杯嘢飲一大陣藥水味，簡直令人作嘔🤮唯一優點，係可堂食，坐低慢慢飲大家唔好咁睇唔開，俾人呃去飲！

今日試咗珍煮丹新推出嘅米大福系列，真心大推😋米大福係珍煮丹獨家配方慢工熬煮再加手搗萬次製成嘅手工米麻糬，口感軟糯滑溜好過癮😳🍪奧利米大福黑糖鮮奶，甜度適中，再加Oreo餅碎同米大福口感層次豐富。每日鮮製嘅芝士奶蓋非常出色，咸咸哋香濃得嚟唔會膩，飲完忍唔住撕開封膜食埋杯邊嘅奶蓋😋個人覺得呢杯真係好好飲😚連冰粒都好似米粒咁脆卜卜好好咬🤭🍓草莓米大福 採用手工草莓果粒醬，草莓味好自然唔會死甜，仲有粒粒草莓肉👍🏻鮮奶非常滑😋

係我最鍾意食嘅大福呀！！！今次飲咗呢兩款🍓 草莓米大福 ｢米大福｣ 係珍煮丹嘅獨家配方✅經過慢工熬煮 手搗萬次製成嘅手工米麻糬✅口感軟糯且帶米香✅ 搭配手工草莓果粒醬✅ 草莓鮮奶✅啖啖香甜草莓味 仲食到粒粒草莓肉🍪 奧利米大福✅ 黑糖鮮奶 ✅ 每日新鮮製作嘅芝士奶蓋 唔係用奶蓋粉✅ ｢米大福｣ 同埋Oreo餅碎除咗以上呢兩隻味 仲有呢款選擇🍫 榛子朱古力米大福✅ 純100%天然無添加榛子蓉✅ 香濃幼滑嘅朱古力奶✅ 軟綿綿 特濃米味嘅米大福✅ 雀巢®️KITKAT ®️ 朱古力碎飲完之後我對於Oreo 情有獨鍾我揀咗五分甜少冰 已經足夠味道飲到明顯嘅Oreo味 又咬到米大福嘅香氣而且份量都好足 同出邊嗰啲好唔同以上呢兩款會較奶蓋味突出所以唔使驚飲完會好飽😌😌😌而如果想飲士多啤梨嗰款要留意番佢甜度係固定嘅 但可以選擇冰度味道有啲似韓國嘅士多啤梨奶但又冇佢咁甜 所以都值得一試❣️❣️❣️❣️❣️❣️❣️❣️❣️❣️

📍 珍煮丹🇭🇰 將軍澳貿業路8號新都城中心2期1樓1126號舖呢間係寶琳嘅珍煮丹好特別 佢係有雪糕賣的！但我今次唔係食雪糕 係比佢新推出嘅飲品吸引😆今次新推出嘅系列係｛ 🌟.•·夢 味 の 麻 糬·•. 🌟｝係飲得嘅麻糬！好特別米大福係珍煮丹獨家配方經過慢工熬煮並手搗萬次工法製成嘅手工米麻糬口感軟糯且帶米香好滑好好食！😋 草莓米大福🍓 $42佢係一個可以喝的草莓大福!米大福搭配由手工草莓果粒醬調製而成嘅草莓鮮奶每一啖都充滿草莓味同埋麻糬仲食到粒粒草莓肉 口感好豐富😋 奧利米大福🍪 $42個人比較喜歡呢個!!!因為本身已經好鍾意食oreo佢嘅Oreo餅碎好足 每一啖、飲到最後都仲有仲要有好香濃嘅芝士奶蓋 勁邪惡!!個感覺有少少似食緊Oreo布甸🤣🤣oreo粉絲一定要試 好飲！

將軍澳呢邊除咗設有飲品部仲多咗一個堂食位置係可以坐低食雪糕糖水/飲野今次飲咗最新產品：🌰 黑糖珍珠榛子鮮奶 $40揀咗唔要冰 五分甜但個人認為都仲係有啲甜建議可按自己喜愛程度挑選黑糖珍珠依然彈牙煙靭略帶微微黑糖香份量都幾多幾足 珍珠控會😍榛子味道飲落幾真實有幾分似🍫嗰隻榛子醬係飲得到嘅榛子細心睇仲會見到榛子粉粒算係還原度幾高 而奶味都濃郁另外仲食咗雪糕同糖水但由於開幕當日太多人所以就叫咗外賣🍨 POPPOP 動物雪榚 $30雪糕特別之處係會根據口味配合唔同嘅動物圖案今次揀咗樹熊 即刻有單球芝麻味雪糕配料有朱古力粒同杏仁組成但唔知係咪店員比錯咗其他味道 可能忙中有亂但小朋友應該會幾鍾意夠晒甜同打到卡📷底部仲有啲穀物脆脆增加返雪糕嘅口感🤤🍧 POPPOP 雪榚糖水 $40糖水都有幾款選擇因為想試多啲配料所以揀咗招牌仙草盛合一款有哂紅豆 芋圓珍珠 仙草 布甸仙草同布甸都好滑溜芋圓係迷你版 冇咁飽肚紅豆唔算太甜 整體都不錯食完會好滿足❣️🗣大人會鍾意糖水同飲品小朋友就會鍾意食雪糕又打到卡 又可以坐低吹水對面就係冒險樂園選址都不錯😂😂

台式飲料越開越多，但有百香果做飲料or主打既就越嚟越少見，食完lunch想飲d清新d嘅飲料，所以就試下呢間新開既😝去到都見有幾個人幫襯，但職員製作効率唔錯，唔駛等幾耐就已經攞到我哋點嘅飲品。而且入面有位坐。如果下次行街行到攰想飲野傾吓計，又多個好選擇👍🏻點左百香果雙蕾，有珍珠同應該係蒟蒻的配料，Q彈可口，就算我揀咗走甜都唔會好苦。價錢就32蚊，size正常。見佢地仲有做雪糕生意，下次都會想試下😋

星期六同朋友一齊坐低食下雪糕🍨，飲下珍珠奶茶🧋，吹吹水，正呀！試過王牌雪糕🍨包你有驚喜（8選2），有得玩有得食，真心抵食！其他造型圖案亦非常吸引同可愛，小朋友一定鍾意💜！打卡最好👍🏻飲品眾多，楊枝甘露係暢銷榜首，勁多料！我最鍾意飲百香綠茶加椰果非常止渴，又有口感！另外係十份芋芋鮮奶，勁飽肚😋平日就比較少人，外賣人佔多數。環境一流好好坐，好舒服，未見過一間茶飲店咁大！溫馨提示：呢間新鋪「試業中-要耐心等候啊！」

話說見佢新開時佢嘅特色雪糕pop pop獅子王, 嗰時見到間鋪芒果雪糕桶冇晒，但都問下仲有冇芒果雪糕, 個男職員check都唔check就話有， 咁好啦諗住仲有存貨會開新雪糕，比錢後發現佢喺個桶左刮右刮埋剩低嘅芒果雪糕，刮左成幾分鐘，我就同佢講如果冇芒果雪糕嘅話我轉其他款，個職員答返我話夠用仲會俾多左，咁唯有硬食啦，到拎上手發現不似預期，個獅子頭凹咗落去之餘，仲要喺個底搵啲脆脆墊起，30蚊打卡都打唔到，愈諗愈谷鬼氣，呢間舖冇下次

今次呢間珍煮丹終於開到去將軍澳，佢仲有雪糕食添叫做poppopcream，佢地主打係動物造型😍😍靚到唔捨得食😅好開心呢間係可以堂食，地方舒適，得閒約埋啲朋友嚟傾下計，慢慢嘆🤟🤟每次必嗌嘅楊枝甘露，呢杯楊枝甘露真係冇得輸，勁足料，精選鮮芒果肉，西柚，大粒西米等😍😍甜味剛剛好👍👍炎熱夏日飲返杯真係好爽🥳🥳

今次呢間珍煮丹終於開到去將軍澳👏👏佢仲有雪糕食添叫做poppopcream，佢地主打係動物造型😍😍靚到唔捨得食😅好開心呢間係可以堂食，地方舒適，得閒約埋啲朋友嚟傾下計，慢慢嘆

上星期經過將軍澳新都城二期有間新開嘅台式珍珠奶茶x Pop Pop Cream 店試業中即刻入去試吓，呢間珍珠奶茶好特別因為佢有雪糕食仲有位座添，行街行到攰攰地可以坐低休息下又可以飲下野食下雪糕，坐位一啲都唔迫感覺好舒服，而且價錢一啲都唔貴，由其是楊枝甘露店長特別推介真係不得了非常足料飲完都好飽，但見到啲雪糕都好吸引好靚所以受唔住引誘都買咗一杯來試，除咗雪糕仲用好多配料切出好多款動物圖案一啲都唔單調好得意，另外個店長好好人介紹得好清楚，下次一定會再嚟！