Video
Exit B, Ma On Shan MTR Station
continue reading
Opening Hours
Mon - Sun
11:00 - 21:30
Above information is for reference only. Please check details with the restaurant.
門口掛住一系列必比登推介，所以諗住試吓。叫咗一碗豬潤魚腩粥$70、豬軟骨麵$48及一隻豉油王乳鴿優惠價$48 ，全部都要加一😅價錢唔平。豬軟骨麵味道正常，麵質爽彈，豬軟骨夠淋滑，唯獨是份量太少，一個正常男仔三四啖就食完，成為$48+1😅豉油王乳鴿優惠價$48算係性價比唔錯，豉油味夠，乳鴿肉質嫩滑，推薦💪🏻豬潤魚腩粥，豬膶四大嚿魚腩有兩舊，滋潤爽彈唔粉冇苦澀味，比起坊間一啲豬膶麵茶餐廳更為好食，魚腩外皮煎過，油脂足夠，大推😁而且魚湯粥底，粥身夠晒棉滑😋總結食物味道唔錯，但份量不多，而且價格稍貴。
continue reading
瞓醒去市中心食午餐。去到餐廳原來已經到咗下午茶時間，同老婆不約而同都想食雲吞麵。下午茶餐可選麵一碗和一個小吃，有炸兩、炒麵、煎蘿蔔糕同油菜，我哋揀咗蘿蔔糕同腐乳通菜。煎蘿蔔糕煎得好香脆，味道就係普通酒樓嗰種。腐乳通隔水隔得夠乾淨，唔會搞到D腐乳醬「稀溜溜」。老婆雲吞老公水餃，賣相係好有誠意，有啲蝦籽放面，跟足原著比韭王，湯就比佢呃咗，見佢個色澤以為好濃味，點知原來「淡茂茂」。雲吞普通，水餃就差啲，D筍好多根，食到成口渣。最唔明係點解要加一？二維碼落單，零招呼水都冇杯，食兩碗麵比佢揼心口收多十蚊，真係冇下次！是日消費：雲吞麵+蘿蔔糕$52 水餃麵+腐乳通菜$52 加一$10.4共 $114
continue reading
這家餐廳早有耳聞，聽說餐廳的味道好，裝修靚，一個早晨吃的環境很華麗。美食＋靚景，好難抵抗到。早上和愛人，慕名而來，餐廳早就滿滿的客，再一角找到位，翻看餐牌。粥，麵，都有，我點了麵＋多士片。又有炒雞蛋。最正豆漿濃郁香甜，一家餐廳，美食，環境，心情，服務都占了。值得去一趟
continue reading
靠得住咁耐嘅態度服務都係穩定地改善咗冇晒以前啲阿姐！有個阿叔好好人咩嚟㗎？竹笙椰子雞，始終冇大陸咁好味，而且雞都係香港食開嗰啲普通雞，竹笙份量OK椰子切得好幼細好軟熟香滑。不過唔知點解佢唔係好強嘅椰子水味同大陸比，不過因為加咗紅棗杞子個湯底好甜朋友好鍾意嗌多條沙巴龍躉仔， $148都貴，不過好大條，而且火牛蒸得啱啱好蠔仔粥份量細細碗， $46唔算太平，但靠得住係呢啲價位！冇豬什粥咁出色蠔仔份量唔多，而且唔係好大粒好香下次應該都唔會encore Coe 最多都係食返豬雜粥加咗一份芥蘭唔夠喉， $32加多一份菜心！菜心份量大啲，因為每一條都好燥好好味不過兩個都好味嘅
continue reading
話說長輩要食流質野，馬鞍山就搵到呢間米芝蓮店舖。晚肆時分好多人排隊，亦有唔少外賣，排咗一陣拎到位1️⃣ 豬膶魚腩粥 (4.5/5🌟)佢繼續係出色，啲粥底都比較綿，淨係講粥，真係可以再食2️⃣ 蘿蔔糕 (3/5🌟)正常味道，偏鹹3️⃣ 煎豆腐 (3/5🌟)同行嘅人覺得冇3分，不過我覺得正正常常，setting 幾有氣勢，豆腐就正常囉4️⃣ 咕嚕肉 (2.5/🌟)個人好喜歡食咕嚕肉，佢呢個咕嚕肉係平凡質素以下，首先唔會脆卜卜，味道都真係好一般。。肉質都唔係特別好5️⃣ 豉油王炒麵 (1/5🌟)呢個毫無懸念，一致認為一分，年薪好林，真係冇咩味道，食落去就已經唔想繼續食，想挑戰嘅朋友，就一定要叫總結：食粥嘅可以再嚟，其他真係會特登叫，價錢唔係特別平
continue reading
You may be interested in