聚寶廚坊 (Closed)

因為晚上要趕去機場接送朋友，所以我和女友就決定先在屋企附近的聚寶廚房吃個簡簡單單的晚飯可能因為時間尚早的關係，人客不算太多，不用等位，我們點了一客無骨海南雞飯和一客紅燒豬脾飯。員工服務很好，落單後只等了一會兒就來了無骨海南雞飯 - 肉質鮮嫩，已去骨的雞，再配上油飯和三款醬汁，還有花生和酸蘿白伴碟，真的非常滋味。紅燒豬脾飯 - 口感不錯，不會太肥，可以一試。2個套餐加上凍飲，埋單也只是$110，下次一定會再來。

嚟到聚寶廚房梗係要食佢出名嘅海南雞啦，今晚成家人食飯人數夠晒多，所以我哋揀咗個海南雞嘅四人套餐🐥除咗可以有招牌海南雞半隻之外，仲可以自選三個餸，同埋一個菜，仲要有埋一盅例湯同白飯/油飯，街坊小廚夠哂大件夾抵食😋今日例湯係佛手瓜，夠晒清甜潤喉。招牌海南雞的確幾滑👍🏼肉質夠鬆夠淋，但又唔會太多膏。值得一提係佢啲配菜，花生好脆好爽，酸菜都夠晒惹味😍今晚我哋揀咗蝦仁🦐炒蛋🍳🍳、生炒咕嚕肉同埋枝竹鉗魚🐠煲，除咗跟餐本身嘅豆豉鯪魚油麥菜之外，我哋再叫多個腐乳炒通菜。幾味小炒都幾有鑊氣，係兩道菜相對地較油，不過以小廚來講就可以接受既，起碼味道夠香、而且材料十足，份量都好合理。👏🏼由於我地6人食，最尾仲加多個香茅雞中翼，又煎得幾香雞翼🐣夠哂大隻！成餐飯都係5百蚊有找，都叫坐得舒服夠乾淨夠冷氣，係區內食酒樓以外好唔錯既選擇🤗🤗

通常星期日晚我們一家人都會在家吃飯，今晚阿媽突然話唔想煮，所以就嚟咗我們成日食嘅呢間街坊小廚聚寶廚坊食飯。今晚難得家姐姐夫個個都返嚟，我哋一行八人就坐喺餐廳入邊嘅圓枱食飯，都幾有氣氛。呢度既出名食打邊爐，小炒都唔弱，依家天氣咁熱，我哋就決定叫個四人餐再加啲餸大家一齊share。四人餐我哋揀咗出名嘅海南雞、揀咗個菜仲可以再加多三個自選小菜，加埋老火湯、仲有4碗白飯都係三百幾蚊一個餐好抵食。上次已經試過呢個餐，六個人食四碗飯都夠晒，所以今次我哋決定先加多一個白飯、另外再加一隻燒乳鴿、一個餸、同埋一碟小食，八個人分應該都夠啦。老火湯係青紅蘿蔔湯，用個湯盅裝住我哋八個人分真係一人一碗都仲有剩。先來啲海南雞（半隻），雞唔算好油、但係夠哂滑，而且啲配菜都好食，唔錯！我哋仲揀咗蝦仁炒蛋、金銀蛋浸時蔬、鉗魚煲、生炒骨，樣樣都夠鑊氣，份量都好適中！我特別鍾意鉗魚煲、魚先炸香炆返又份入味，加埋啲枝竹、冬菇特吃香！燒乳鴿肌肉都幾亂，禁燒就當然係有啲㗎啦，但係揸得都好香， $38夠晒抵食！我阿姨特別加咗炸春卷呢個小食，網面春卷炸得好甘香，而且好鬆脆，點埋個甜酸醬一流！8個大人食到飽哂都係500蚊，抵到喊🤣犀利

一直如果去探姨婆嘅話，附近冇乜嘢食，我哋都鍾意搵間小菜館坐低食個飯。以前我鍾意帶佢去酒樓，依家佢話+1茶芥好貴又唔抵食，所以食海南雞就變成飯堂。同埋呢度嘅姐姐態度都幾好。晚上如果做雞煲嘅話就比較多油煙。上次都冇留意原來有咖喱飯食。我哋仍然都係食二人餐，唔覺唔覺已經加價到 $178。海南雞比較淡，今晚決定食口水雞，夠辣先刺激。雞肉OK滑，味道好正。煎嘅鹹魚肉餅，我覺得超級鹹魚味。肥瘦肉均勻。今次架錢仲可以有個豆腐，我以前冇㗎原來咁樣都幾抵食，好似多一個餸。海南雞油飯正凍奶茶好普通。最後慢慢坐，飲啖茶傾吓計。支持小店。

是日在紅磡晚飯，跟朋找周圍揾野食見到呢間超大間餐廳！便入去try try! 招牌菜海南雞 夠嫩滑 唔錯嘅選擇 另外小菜雞煲烤魚都有水準裝修新潔 環境寬倘！ 價錢都可以，$258兩位！ 還有個肥老闆和樓面熱情招呼！

兩點幾經過門口，見到門外餐牌有喇沙湯河，打算入去點呢個。入到去坐低，搵唔返門口個餐牌，問侍應，佢答2點半後無喇沙。好心無既野就收返個牌。然後勉強叫左個下午茶海南雞飯，第一次去間餐廳寫茶或咖啡，但熱飲要加$2，平時凍飲加錢都好正常，連熱飲都要加錢，即係唔包野飲啦。最後見格離飲緊湯，主動問佢有無例湯先話有。黎到個飯淋到啊婆級，平時中意食淋飯既我都接受唔到。d雞同醬汁都還可以接受。但係呢間野都係無下次。