翠華餐廳 (Closed)

我成日去食呢間, 因佢d伙記係茶餐廳來講算係服務態度好，讚! 野食就好過好多附近既茶餐廳。茶餐來講算係偏貴，除左雞蛋煎得好奄列唔錯之外，都係一般茶餐廳水準，所以唔好去食茶餐。晚餐真係唔錯有中湯西湯，我最鐘意係佢個羅宋湯，有肉有香葉，好好味。又有大大塊多士好香好厚，正!主菜日日都唔同，有時係磨菇牛柳,磨菇牛柳既牛柳好香軟，又有好香磨菇汁味;有時係魚柳，魚柳炸到金黃色好靚，佢地炸野真係唔錯。之後就要叫個伙記將個甜品轉做雪糕(好似係自己做..唔唔好好食)，如果唔係佢會俾個紅豆沙(好難食..因太甜)你。最後埋單四十多元..以佢地食物水準都算ok.但係有一次我見到羅宋湯上面有隻baby小強，我就話俾佢知啦,佢仲話係灰來喎...。算啦佢立刻換過一碗俾我,ok.

同一位同區工作o既朋友o係度食lunch，大家都對個咖喱羊仔扒有興趣~ $42，唔係餐，其實幾貴~ 仲要等成半個鐘先有..... ~_~翠華咖喱出名好o架喇，唔多講~ o係茶餐廳食羊仔扒就唔會預好味，無雪藏味就算唔錯o架喇~ ^_^ 不過跟o既酥餅多油得好緊要，要扣分~~~ 再加杯雪梨茶($12)，唔太甜，幾好味喎~今餐好飽呀~~~~~~~~* 依度lunch真係好多人~~

just eat a soup with strange ingredients~ chicago soup = chinese "snow ear" + ham?! set lunch A: germany sauage + chinese mushroom sause!!!i like the creative food, however, it's a bit odd of it. worth to try, because -- it's the only food that i think it's qualified to eat & would not harm my working spirit....poor san po kong! i hope there is more high-standard reaturant over here, and meanwhere hope TW can improve their food combination la ~~ (make sense D, okay? keekee.....)

o係依度食過早餐, 一般喇~ 佢話有即磨咖啡, 但係無咩味..........

我係新蒲崗食過咁多間茶餐廳，呢間算係貴喇，但係又唔見得好食喎。粉麵、意粉、飯都食過，都係茶餐廳水準、茶餐廳式呼喝招呼，清潔阿嬸拎住D污糟碗碟仲有機會整污槽你件衫。我成日行過翠華個後巷去新蒲崗廣場，見到都唔開胃。

呢間連鎖茶餐廳，就價錢而言，o係新蒲崗區算係貴。不過overal而言都唔算啦~只要你去過，你就會覺得抵~唔好睇少佢係一間茶餐廳，因為呢度service ok之餘，任坐，所以可以同三五知己坐o係度傾偈~而呢度夜晚食消夜o既好地方~最正o既係芝士焗系列。推介芝士焗海鮮飯，即焗芝士唔"漏"而濃味，溶得剛好，配合足料海鮮(有青口、魷魚、帶子、龍柳...好多料)及炒底o既黃金飯，新鮮之餘夠熱(即焗的)而又大碟，兩個人shareo岩o岩好。水吧o既質素亦唔錯，絕無敷衍了事。比較特別o既係佢o係非繁忙時間，你落一d menu上冇o既order，佢商議後都可能會俾你(當然唔好太過份啦！)，要睇師傅心情，呢一點幾得我鍾意~最可惜係冇分吸煙/非吸煙區，怕煙味o既我一遇到煙民唯有乖乖徹退。

快手，開得夜！