翠華餐廳 (黃大仙中心北館) (Closed)

好耐冇幫櫬過翠華早餐喇 通常都係去旅行係禁區入面食 而家冇得去旅行就更加冇幫櫬過佢早餐星期日去都預咗多人 都有人招呼等位入座 等咗十五分鐘都冇 去到坐低就🤦🏻‍♂️ 個侍應用咗條萬人布來抹張枱 相信大家都明咩意思 睹係塊布冇點洗過 抹完嘅野會有一陣臭味 要等一陣先會慢慢散 唉 叫咗沙嗲牛肉麵跟蛋餐包 凍飲 用料 味道都保持到 不過 煎蛋就有蛋殼附送 個牛肉麵就唔知做咩個人覺得個配菜配搭怪怪地 大家睇到圖就會知道 之後再叫多個菠蘿包 夠熱 夠脆 正 總括來講可以啦 環境舒服 蛋殼 萬人布 可能係我太幸運了

呢間翠華真係越嚟越差.簡直差到無朋友無服務 去表情 d野食又好難食真心真心勸大家唔好幫襯我都甚少會寫差評 真係唔比都唔得仲要見到兩個經理係度吵架咩料？話曬都係催華啊 點解咁嘅？

今早去黃大仙翠華諗住食個早餐，門口冇人招呼，冇人排隊冇人理，結果自己入去問，冇服務員睬我，唯有自己搵位，叫人執枱。結果揾到枱有客嘈，服務員又話要排隊，趕返我出去。我響入面短短幾分鐘見到服務員完全係一盤散沙，亳無管理。咁嘅餐廳唔怪之執咗咁多間！

今日又行山，今日行程係井欄樹出發，經東洋山，大老山，飛鵝山，最後就行返落去黃大仙，行完山又係要搵嘢食嘅時候，入到去黃大仙中心北館，又係唔想諗住見到咩食啲咩嘅時候，第一眼就見到翠華，又唔係好多人，咁就走咗入去啦好耐冇食翠華，以前食親翠華都一定食奶油豬今日又唔係好肚餓，夜晚又要出去食飯，望咗個menu好耐，最後決定食香辣炸醬撈麵都算幾好味，炸醬上面啲肉碎都幾好味，個麵同個炸醬好夾，不過唔知點解個湯好好味，我仲好出奇問朋友，你無端端有個湯，個面係唔係放落個湯度食，朋友都唔知道因為遲咗打食評，我都唔記得咗呢個餐全名係咩名，上網睇返個餐係香辣炸醬撈麵配珍珠雲吞，但係我食嘅時候個湯係冇雲吞，究竟係我搞錯定係佢冇畀我

上次我在中午時間，光顧位於「將軍澳」「尚德商場」樓下的「翠華餐廳」，享用「咖喱牛腩飯」跟「凍奶茶」午餐。當時我已經發現「翠華餐廳」的價錢偏向昂貴，只是餐牌食品款式比較多，所以沒有沒有太多意見。今次我在晚餐時間，光顧「翠華餐廳」在「黃大仙中心北館」的分店距離港鐵站十分接近，而且發現「黃大仙中心北館」分店「翠華餐廳」大部分餐檯櫈，都放置在店外「黃大仙中心北館」的開放式用餐區裡面。我雖然同樣選擇享用「翠華餐廳」的「咖喱牛腩飯」，但是晚餐版本「咖喱牛腩飯」售價港幣七十二元，比午餐版本昂貴了五元。上次我光顧「尚德商場」分店「翠華餐廳」的時候，午餐餐牌外型好像一本雜誌，價目表排列整齊，價目表的字體大小也相對比較大。相反地「黃大仙」分店，只有一張海報大小的摺疊價目表，加一塊「新春精選套餐」餐牌。至於雞肉食品，我意外地發現「翠華餐廳」裡面的雞肉小食食品原來委實不多，所以我上次在「尚德商場」分店「翠華餐廳」裡面索性放棄雞肉，留在其他食店享用雞肉食品。至於今次在「黃大仙中心北館」分店「翠華餐廳」就沒有再光顧其他食店，改為在「翠華餐廳」裡面看看還有沒有其他雞肉食品可以選擇，結果我苦尋不獲，最後在「福如東海」

困咗大半日喺屋企，好想出去呼吸吓新鮮空氣💨💨 #wfh 嘅日子裡面，我已經習慣咗朝早食個 #大早餐，傍晚嘅時候先出去食啲嘢當兩餐。每次嚟到「翠華」，我都好想叫個 #羅宋湯，再夾其他食物🤤 可惜翠華每間分店都有唔同水準，好彩嘅會係食到勁多 #蔬菜🧅、同埋🐮牛味勁濃嘅 #蕃茄湯🍅 但係有時都會撞正啲黑心廚師，將煲湯溝水搞到淡茂茂😅 呢日我特登坐小巴過嚟 #黃大仙 買啲嘢，入到商場就見到「翠華」喺面前，冇理由再行嚟行去搵嘢食啫，一於坐低先算。打開餐牌選擇都唔少，我冇揀到 #下午茶餐，反而叫咗個 #沙嗲牛腩定食，貪佢有飯、有湯、有嘢飲。落單時候我要求服務員幫我將 #中湯 轉為 #羅宋湯，雖然佢面有難色，不過最後都係幫我辦妥🙏🏻 #羅宋湯 味道果然冇令我失望，濃郁嘅牛肉味配埋啲 #椰菜、#紅蘿蔔... 一齊食，份外滋味🤤 不過 #沙嗲牛腩 份量比較少，而且 #廚師 似乎冇將佢翻熱就拎出嚟，味道即時扣晒分 好在仲有杯 #凍檸茶 墊底啫😉

去越南本身以為食嘢好清淡，點知濟左幾日。所以返到香港第一餐就去咗食魚腐墨魚丸米線。一個墨丸大家應該會諗到譚仔，但係吃貨朋友聲稱翠華嘅墨魚丸比譚仔更好食，所以專登叫嚟試一試。魚腐就普通啦，墨魚丸都真係幾出色，有墨魚味，唔會好似好多街邊檔咁只係一團粉，但係要同譚仔比嘅話呢，就要睇吓你鍾意食比較爽口（譚仔）定係比「林」身（翠華）嘅口味喇。而如果你食慣譚仔，另一個問題就係湯底清咗少少。上菜時間都幾快，叫咗幾分鐘之後都已經即刻有，適合好似我咁放咗工好肚餓趕住食嘅食客。

相約朋友在黃大仙一聚，想不到這裡的翠華竟然有牛油皮蛋撻，蛋撻從來是我的愛啊而且呢度啲蛋撻仲係新鮮出爐，用個爐焗住！因為我哋趕時間，所以只能二話不說打包兩個走人！新鮮出爐的蛋撻是最好吃的，尤其牛油皮已經買少見少。翠華這個蛋撻蛋漿十分飽滿，唔似有啲餐廳有啲嘅乾爭爭，而且個酥皮十分鬆脆，而且大大個，雖然價錢唔係十分平，我覺得都值得！蛋撻和奶茶從來都是絕配，相信住在香港的人，沒有一個能抗拒蛋撻奶茶的魅力！

今日自己一個人食lunch， 咁我就order咗佢哋個沙嗲肥牛湯河， 咁其實呢個沙嗲肥牛湯河啲肥牛都有少少肥，個沙爹汁都ok有少少辣味，呢個河粉都幾有幼细幾滑加埋個湯overall嚟講都ok嘅 ，不過如果價錢再平少少就會好啲。

自從公司安排員工 #彈性上班時間，#小秘書 朝早通常都會食個 #大早餐、索性skip lunch... 做晒啲嘢就可以準時離開公司去食 #下午茶，咁樣就連 #晚餐 都可以慳返🤣 所以我通常都會揀啲比較飽肚嘅食物。呢日嚟到 #翠華餐廳，食客都安排喺門口輪侯探熱，好在都唔算等太耐。#服務員 可能見我得一個人，安排我坐喺門口位置，不過我怕人來人往、又比人望住，幸好最後都安排我坐返係室內。翠華嘅下午茶餐唔算太多選擇，不過我反而好快就揀中咗個 #瑞士雞翼撈麵，另加$5要隻煎蛋。#瑞士雞翼 煮得好入味、肉質都算嫰滑，不過個 #麵底 就麻麻喇。最後配一杯我最愛嘅 #熱奶茶☕️作完結... 爽呀🤩

由於疫情關係，唔帶老人家出外食飯；唯有買個飯盒俾媽媽當晚餐，特登揀翠華唸住有質素😶點知返到屋企收到媽媽電話，叫我以後唔好再去翠華買飯俾佢；佢話太難食，好似豉油汁撈飯，又無味又差🤬🤬🤬🤬媽媽對食無乜太大要求，竟然咁樣同我講真係唔可以放過佢，唔好唸住外賣做8折俾左大優惠就可以求求其其老人家真係好小跟我投訴食物，今次係第一次，上左市我發覺此店虛有其名，唔係間間都好食，價錢較貴；我唔介意俾貴啲，你俾返食物質素我可以接受，只貴唔好食仲要難食，真的不能再幫襯😡😡😡😡😡

對這個沙嗲牛肉早餐有種情意結。翠華招牌早餐係有佢嘅特色之處。整個份量配搭剛剛好，對於女士就啱晒。指定套餐包括有爽口濃味沙嗲牛肉公仔麵，有香滑炒蛋，奶油豬仔包，加埋杯熱奶茶。 真係have a good good morning 🌟

睇過韓國電影炸雞特工隊，今日行過翠華，見到個下午茶餐招牌有E餐。這份E餐有韓式炸雞槌、薯條及紅豆冰。無理由唔食。點咗個餐約5分鐘有得食。個炸雞槌好重韓式風味。薯條好脆，入口食得出新鮮炸出。紅豆冰好大杯。個人建議一定要去食。唔駛去韓國都可以食韓式炸雞。場地好乾淨。

是日到貴餐廳用膳，整個過程尚可接受，食物質素還可以，仲諗住黃大仙翠華服務態度好過沙田翠華，點知到最後「埋單」就出現不合理的對待😤！去到收銀處排隊，輪到我時突然有位內地客人由右邊插過來，個女收銀員景然接咗佢張單先😡，女收銀員明明見到我排緊，佢都由得人插隊唔出聲，當我話佢：係我排隊先，妳比人打尖！個女收銀員完全唔望我唔應我，當我透明，這是什麼的態度😤😤😤其實我唔會怪插隊的內地客人，因為佢可能都唔知，不過作為收銀員，就一定知點為之排隊！好啦，當唔覺意比人插隊，妳都應該同我講聲：唔好意思！但完全沒有，當我無到，全程唔望我，更加唔會講多謝！但又識同我收錢？？出到門口見到兩位穿藍色制服的高層，我同佢反應，女高層都識同我講：唔好意思，男高層就叫好唔好咁怒氣！當我出到門口，我媽媽跟在後面聽到位男高層說：鍾意針對內地客😳，麻煩男高層唔好誤會，整件事都係翠華職員問題，唔好冤住我們香港人😠！翠華呀！翠華！生意已經難做，你們再請埋D破壞公司聲譽的人，總點樣生存落去呢？

向來翠華都受歡迎， 加上這間在連接港鐵商場門口地舖， 非常方便。今日試左個新推出的素肉飯。植物豬肉感覺都較健康。未來肉碎煎蛋飯（$45）- 蕃茄汁唔錯， 肉味食落同真肉無咩大分別，不過就真係好碎，似BB食的肉蓉， 太陽蛋個蛋黃可以啜蛋汁，再流落白飯， 好耐無試過。 這個價格非常不錯。老公食咗黑椒西冷牛扒，塊扒就細咗啲囉， 同埋好乾好硬， 完全趙唔開，咬到牙都痛埋。阿女就門口買咗個芝士腸仔包， 佢只係食咗條香腸，佢嫌芝士條焗得太硬。七點過後買二送一都幾抵食。服務態度好好，可惜食物質素有點兒下滑。