翠苑甜品專家 (波斯富街)

Open Now

Now Closed

天氣凍特別想食中式糖水去到銅鑼灣大家都會諗起嘅糖水老店，Order左🥄薑汁燉鮮奶(熱)薑汁味夠濃，又滑又香嘅燉奶，可以用甜品最高嘅評價黎形容，唔係好甜😂價錢合理🥄楊枝甘露(凍)足料楊枝甘露，用大大粒西米，大量芒果，新鮮芒果打汁，不過就偏甜，食咗幾啖已經好漏😅平時我最鍾意食腐竹雞蛋、合桃露等，其他較傳統嘅中式糖水，推薦畀大家

見到介紹，翠苑係做傳統糖水起家，今日喺銅鑼灣經過就試吓。叫咗一個桑寄生蓮子茶$25，店員好快手，一落單唔使2分鐘就有。桑寄生蓮子茶，唔係間間糖水舖都有，見到顏色比較深色，以為桑寄生味會好濃郁，但點知，味道係勁淡，好似溝咗好多水咁，令人失望。糖水入面有好多蓮子同百合，仲有紅棗，蓮子都大大粒，但係桑寄生味太淡，完全唔覺得自己食緊桑寄生。店員態度正常，埋單都有講多謝，不過呢個糖水質素，就唔會想再幫襯。

想落單，店員完全無視客人。落兩碗嘢要落完一碗先至再落另外一碗。仲要俾個店員鬧返轉頭。完全無視客人。店員態度極差。下次吾會再去尼間餐廳食野，態度垃圾，食物垃圾😡😡😡

假日來到銅鑼灣行街，行到累見到有間甜水鋪入去試下先😊餐廳好近Time Square 時代廣埸，環境新淨，光線充足，很多遊客來食⭐️木瓜杏仁燉銀耳份量很足，有3大塊木瓜，木瓜很清甜，銀耳爽口，糖水吾會太過甜，岩岩好，飲完成個人都好潤🥰⭐️潤肺杏仁蛋白杏仁茶無咩杏仁味。。好吾掂。。好似溝得太多水，唯一可取之處係蛋白夠滑，有口感，但杏仁茶真係麻麻地。。下次可以skip, 試下第二樣糖水😅😅整體來講，雖然蛋白杏仁茶麻麻地，但價錢好抵食 ， 如果來食糖水試下其他會較好😂

買外賣冇仇報買咗兩碗冰花燉蛋返到去打開食落口先發覺係酸嘅聞落去仲有浸餿臭味擺到明係啲原材料啊蛋嗰啲全部變壞都照用之前都買過已經淡而無味啲嘢好似溝晒水咁一係就椰汁西米露啲味怪怪地諗住俾多次機會估唔到今次可以離譜到咁我錯了睇返之前咁多中伏食評擺明班阿婆阿姐都唔識上返嚟睇啲評論怪唔得一路都冇改善

見有報導搬左新舖，印象係港式老店所以去試下。甜品正常，冇乜特別，係價錢算抵，但店員態度惡到好似你幫襯佢係打擾緊佢咁，問多兩句，行到出舖都仲聽到佢鬧緊，全店遊客，唔會再幫襯。

今日夜晚同朋友去翠苑食糖水嗌咗碗合桃露，腐竹蛋糖水合桃露淡過水，食落完全食唔到有合桃味，記得以前成日都會去呢間食，基本上以前舊舖一星期總共一轉另外好想講吓佢個服務態度好到一個點，叫咗10次嗌落單，佢哋好似聾咗咁乜都聽唔到，之後送糖水嚟嗰個姐姐係用一對倒懸垃圾同埋洗完碗嘅手套講一啲唔鹹唔淡嘅中文，令個糖水名都嗌錯但係佢哋第一件事即刻識得同我講俾錢啊，俾咗錢先好食我完全感覺咗呢一間嘢唔知係轉左老細定係舖租真係貴成咁，糖水價錢冇話特別貴好多，但係質素真係同垃圾冇分別送呢間舖四個字，永不錄用！

🍴 大良燉鮮奶 $25 (7/10)鮮奶有奶味幾滑，甜度剛好，意外好食，不過姨姨個態度就一般會催落單埋單，不過呢個價錢就…..算了 當食個平糖水。。。推薦指數: 7/10

前幾日同朋友去翠苑食糖水嗌咗碗芋圓椰汁西米露，食咗去浸味怪怪地，有陣酸味🤢我哋即刻同個職員反映，點知佢勁惡話「係你哋食唔慣啫！取消張單唔好食啦！」好的 即刻唔食，再見👋🏻原諒我真係食唔慣啲變壞咗嘅嘢🥲亦都幾佩服翠苑夠膽拎啲變壞咗嘅嘢出嚟賣

晚飯後想食糖水，但見堂食人龍太長（約20人），於是排外賣隊（約6-8人），但豈料店內員工只顧招呼堂食客人，冷理希望外賣糖水的客人。 過了約20分鐘，所有排堂食的客人已經入座，甚至離開，而我們才剛剛排到隊頭可以叫外賣。 最讓人憤怒的是，負責添糖水的唯一一位員工竟然大部分時間（戴同一對手套）在清洗爐具，無視眾多排隊買外賣的客人。 最最最最憤怒的是，等到一肚氣終於買了碗加大「腐竹薏米芋圓」返到屋企後，發覺竟然冇！芋！圓！🤬🤬🤬

無論係芝麻糊、合桃糊、芝麻湯圓都十分之沒有味道、又唔香。 工作人員態度也非常之差。大人同小朋友都非常失望。本地人或者有朋友嚟香港，都唔會去呢間糖水舖。太過失望了！

天氣涼涼地，飯後唔想食凍冰冰嘅甜品，所以一碗熱辣辣嘅中式糖水就係好選擇✅依度鋪頭較細，大概得8-10張枱，坐滿人都幾迫的🥴✴️綠豆沙✴️個人認為比較甜，不過都仍可接受～綠豆沙有臭草獨有嘅香味，而綠豆唔算煲得軟綿，海帶亦軟腍口，少咗一份口感🙊✴️芋圓西米露✴️椰汁西米露不錯，甜度較低，但略嫌缺少椰汁香～芋圓有3隻味道，食落其實差唔多，但幾煙韌同份量多👍🏻$60左右食到兩碗糖水，如果去啲人氣甜品店應該只食到一份甜品🤑所以想平平地食碗糖水，依度都係不錯嘅地方～

個呀姐係又鬧唔係又鬧，上一秒收完碗，一秒回頭鬧你仲咩唔走？叫嘢食都比佢鬧一餐，總之佢好似當食客係賤民咁，幫襯佢要比佢鬧，唔會再泥食，亦唔推薦，要食中式糖水，大把地方好過佢，唔好將一日嘅好心情比佢破壞。

今天晚上吃得太鹹，好口渴，周圍行本来想去飲珍珠奶茶，但剛路過翠苑好多年冇去過，門口有六個人等枱，等三張枱，大约15分鐘，坐好下單時清楚說明要綠豆沙及燉奶和番署外賣，竟然被那位大嬏大聲呼喝，極度冇禮貌，心裡面本來想走人，冇試去幫襯被人大聲駡，話我講唔清楚，其實佢根本是不想你幫襯，以為唔憂做，來到碗熱燉奶只係嗰面熱，極度難食裡面是涷，下次一定行多兩步去義順，今日真失策，一定冇下次，唔明點解還有咁多人去

食飽飯後想食甜品，行行吓見到一間鋪頭好多人等緊位😶所以我哋都唔執輸跑過去🙉因為我哋得兩個人，所以即時有位坐😆好幸運呀🤫1️⃣核桃糊燉鮮奶 $25冇諗過核桃糊得兩啖😂但因為咁所以食到燉奶好香奶味又滑🫡2️⃣潤肺杏仁蛋白 $26朋友話都重杏仁味😌我見都有大隻仔來食😆我諗佢地係食以個，又可以補蛋白😬重點係性價比好高，平靚正🤗推介俾大家🫶🏻