翠苑甜品專家 (書局街)

Open Now

Now Closed

中秋節就當然要食湯圓呀，今日食完晚飯之後就去咗附近嘅翠苑甜品專家食糖水。我哋分別點左合桃加湯圓同埋腐竹薏米加湯圓。合桃糊（$22）不是太甜而且好滑。腐竹薏米糖水（$19）好清甜而且好足料，可以見到有片片嘅腐竹。每款糖水都可以加湯圓， $4可以有兩粒芝麻湯圓。芝麻湯圓唔會太甜而且好煙靭，煮得啱啱好。讚👍🏻依家香港已經好少地方有得食桑寄生蓮子茶，原來翠苑甜品專門店有賣這種傳統嘅糖水，下次如果媽媽想食的話，可以從這裏外賣給他。

很久也沒有吃芝麻糊，中午在翠苑外賣了一個芝麻糊$19。打開後仍然熱得有煙出，吃落微甜，為迎合現今人要吃得健康的飲食觀念，現在的中式甜品亦調校得不會太甜。芝麻糊雖滑但絕對沒有生磨芝麻的感覺，且欠缺芝麻味。只是一碗黑色的粉開糊，味道品質普普通通吧。

桑寄蓮子蛋茶，不是每一間糖水店都可以吃到的，所以每次由外地返香港渡假，都想去吃一次！相信其他甜品都很不錯的，看到其他食客都看到其他食客都是特別過來吃的。像是特別過來吃的。

出親去食飯，硬係要食個糖水或者甜品收尾先覺得圓滿。食西式甜品🍰食到厭厭地，其實偶爾食下傳統中式糖水🥣都唔錯吖，價錢平而且通常有得熱食，你知啦女仔到左咁上下年紀都要養生啲少食生冷野，唔係好快謝🥀。.北角呢頭都好多糖水舖，直頭有條街名叫糖水道添。我自己就幫襯開翠苑，好鐘意食週末限定嘅腰果糊🥐，磨得好幼滑，每一啖都有濃濃嘅腰果香，又唔會好甜，健脾補腎，廿蚊都唔駛，好抵！.不過今次嚟唔係週末，冇得食腰果糊，所以叫左其他嘢。平時我都好鐘意食嘅薯仔、芋頭同番薯呢啲粉嘢，所以諗住擧手嗌番薯糖水，正想開口嗰刻見到有張紙寫住新推出左自家製芋圓🍡添，加配只需要$5，煙煙韌韌嘅嘢我都啱，一於加埋啦。.《芋圓番薯糖水》$22番薯🍠有好多舊，幾甜又冇渣，糖水嘅薑味適中，唔會太勁冚過晒其他味。至於芋圓，係紫色嘅芋頭味最出，其他冇乜味唔係好知係咩，橙色可能係南瓜/蕃薯啦～如果純粹求煙韌有啲咬口嘅話，可以加$5一戰，反正加完都仲係好平！😌

話說晚上7點幾去到食糖水，唔算多人。糖水質素一般，本身叫熱既香芋椰汁西米露，點知佢話得凍嘅，大部份嘅糖水店都有熱嘅，結果我揀咗熱嘅腐竹薏米+3粒湯圓（湯圓仲要逐粒計錢，$4/粒）食完見冇人等位就坐係到禁左陣手機，點知個呀姐問另一個呀姐我地個兩碗糖水幾錢，仲一野收哂我地兩個碗，服務態度勁差，好似想趕我地走咁，明明門口都冇人等緊...... 用咁既方法趕走人真係第一次見😞冇下次！唔會再食呢間野！希望員工服務態度好少少，客人都會食得開心d🧐

今晚食左個early dinner, 去到10點幾，又係時候搵宵夜食下先近近地就落樓下食個糖水啦...芝麻湯丸係我黎翠苑嘅首選..5粒白雪雪嘅芝麻湯丸，配上薑味甜湯，真係正到不得鳥湯丸一咬落去，煙煙韌韌，好溫暖嘅感覺喔每次黎食湯丸，一定會飲埋d湯，一滴不剩😍😍食完埋單，多謝20個大洋...好滿足嘅一晚喔

呢間野甘岩開左係屋企樓下，夜晚晚想食下糖水必定會簡呢間。最鐘意桑寄生蛋茶，每次期期都會飲返碗補下身。今日同男朋友再黎，連佢都話要飲呢樣，睇黎桑寄生蛋茶男女通吃。CP值很高 好平好飲！

每次同朋友們食完晚飯都要食番個糖水，咁呢餐飯先叫做完滿。今晚都唔例外，係附近食完飯就搵到呢間中式糖水鋪，其實隔離街都仲有間西式甜品，但經過見到D人坐哂係門口，大熱天時真係咪攪。講番正題，話明中式糖水，當然唔小得芝麻糊、白果腐竹同合桃糊...每款都各點左一碗，先講芝麻糊，應該唔係開粉既，但口感有D怪怪地，好結，冇乜芝麻味，唔太甜。白果腐竹，呢碗算係真材實料，腐竹份量很多很清甜，有種家既感覺。合桃糊，比較甜，味道普通，又可能係熱既關係，佢冇芝麻糊果種咁結既口感。總結：價錢同味道中規中矩啦。

今晚跟朋友北角吃完飯，經過糖水道以為真的整條街都是糖水鋪，見到有間疑似老字號中式糖水，現在專門賣中式糖水店鋪買少見少，內裡不算多食客，又不用排隊，不得不入去試試，共點了三款腐竹糖水、合桃糊、芝麻糊。先說腐竹糖水，這是我朋友點的，吃了一口，覺得非常普通，媽媽弄的好食點。合桃糊 點了熱的，很糊口，味道略有點甜。芝麻糊 點了熱，都是很糊口，不是用粉開成的，還可以，不過不失。總結：一分錢一分貨，但可以做得更好。

最近在HKUSPACE 報讀了短期課程，由於糖水店鄰近地鐵站，是上課前必經的搵食之處。這天吃過晚飯，時間尚早未夠鐘上課，就去食糖水。之前試過杏仁糊，很香、滑、濃而不甜。今天要試傳統的「腐竹鷄蛋糖水」。腐竹略嫌太爛，已經溶掉，找不到一塊完整腐竹。薏米份量足，有咬口。鷄蛋略嫌不夠入味，鷄蛋白沒有沾上這個糖水的色澤或者味道。整體味道不錯，腐竹薏米味香濃，不過偏甜，如果冰糖的份量稍為減少一點，感覺會更好。價錢方面，可算是經濟抵吃，抗通帳價格！

對女人嚟講 ，甜品係一餐飯完美嘅終結，所以當一堆女仔friends食完晚餐之後，一定會第一時間搵下附近有咩甜品舖。今次我同朋友起北角食完晚餐之後，有朋友想食中式甜品，於是即刻上openrice睇下附近有咩甜品舖，見依間又多好評又近我地食野附近，就走咗過嚟試。嚟到見唔算多人，餐牌大部分甜品唔過$25，價錢都算ok。我地分別叫咗燉蛋、合桃糊燉奶同芝麻糊燉奶，3個都係凍嘅。我食嘅係合桃糊燉奶，燉奶好滑，奶羶味唔太重，好香奶味，合桃糊好滑，唔太甜，合桃味唔算好濃，同燉奶非常之夾。不過依度d staff可能想做多幾輪客，但係明明出面冇客等，都成日好似想趕d客快d走咁，唔多適合想坐低慢慢食慢慢傾計嘅人。

這兒的芝麻糊燉奶很好吃，次次經過都會吃一碗，芝麻糊香滑，和燉奶混著吃，正！星期六、日才有的腰果糊也很香甜好吃。合桃糊也不錯。渣咋、白果薏米腐竹、蕃薯糖水也很足料。還是喜歡傳統的糖水舖。

同朋友起北角食完晚餐，口淡淡，想食埋甜品，搵左好耐，發現北角冇咩甜品，於是就是但搵左間近近地既食，好快就搵到個地址一睇餐牌，就覺得價錢好平，十幾蚊都有d傳統糖水，我叫左個冰花燉蛋，好似係十六蚊。我一order，店員就起雪櫃攞出黎，完全唔洗等，適合心急想食甜野既我。味道我覺得一般，但咁平就絕對抵食。我覺得可以再甜少少。我兩個friends叫左合桃燉奶同芝麻燉奶，佢地話個奶幾香，份量都好足夠，佢地食到好飽！

飯後甜品對於很多人，是晚飯後不可決少的項目，幾飽也可以食得落，這樣的晚餐才為之完美，我當然也不例外，我是中式甜品控，一年四季我也是喜愛一碗熱騰騰的糖水，今晚在筲箕灣食完串燒，相約了朋友在北角這交收一點東西，完事後突然好想食芝麻糊，於是就去左中式糖水很出名的翠苑甜品之家，太約9:30，店內已爆滿，我們倆口子大約等了5分鐘就有位，旁邊買外賣的人龍人流不絶👍🏻坐低後不要考慮就點左芝麻糊加2粒芝麻湯圓，老闆就揀左熱冰花燉蛋冰花燉蛋 $18😋😋😋😋老闆話蛋很滑，不太甜啱哂佢口味芝麻糊 $18 加芝麻湯圓2粒$8 😋😋😋😋😋芝麻糊即磨的，很滑很好味，仍能吃到磨得細細芝麻口感，至於湯丸真的是不得了，皮的厚簿和軟淋度剛好，一咬開芝麻流沙餡很多很多，餡濃香細滑，真的很好味，怪自己追加兩粒實在太少了🤓走的時候問了湯圓可以生買回家$40 有10粒，下次準備好羗和片糖一定會買回自家煮🤓

同朋友食甜品，雖然係冬天，但我都照叫楊枝甘露，我朋友食熱野。甜品不貴，我個楊枝甘露都好食，冬天食到甜甜的芒果很神奇，西米露一粒粒煮得分別，仲食到少少酸酸的西柚。不過服務真係麻麻，見到舉曬手都唔行埋黎，叫左好多次先過黎食完就走啦，攰嫁嘛