翠苑甜品專家 (書局街)

Open Now

Now Closed

對女人嚟講 ，甜品係一餐飯完美嘅終結，所以當一堆女仔friends食完晚餐之後，一定會第一時間搵下附近有咩甜品舖。今次我同朋友起北角食完晚餐之後，有朋友想食中式甜品，於是即刻上openrice睇下附近有咩甜品舖，見依間又多好評又近我地食野附近，就走咗過嚟試。嚟到見唔算多人，餐牌大部分甜品唔過$25，價錢都算ok。我地分別叫咗燉蛋、合桃糊燉奶同芝麻糊燉奶，3個都係凍嘅。我食嘅係合桃糊燉奶，燉奶好滑，奶羶味唔太重，好香奶味，合桃糊好滑，唔太甜，合桃味唔算好濃，同燉奶非常之夾。不過依度d staff可能想做多幾輪客，但係明明出面冇客等，都成日好似想趕d客快d走咁，唔多適合想坐低慢慢食慢慢傾計嘅人。