戀 (太子集團中心) (Closed)

相約了麻甩俠到太子集團中心午飯，原先打算去13樓的，突然間Lift 門打開至六樓，發現舊食店已裝修成為另一新店，眼前一亮，立即決定試新店⋯⋯由於新店，可能未算多食客⋯⋯看看餐牌定食作選擇時，以為左邊的是一張串燒點餐單，一打開白紙一張，原來是口罩套，大家一笑⋯⋯串燒的六式拼盤(鹽汁)~新張優惠，凡於OpenRice 訂位可有此優惠，但由於今天我們是突然其來，故詢問店員，仍給予優惠，一讚。串燒包括有: 牛舌、雞軟骨、荔枝豚肉卷、牛、雞翼等⋯⋯串燒燒得較為乾身，但免費的，又吃得開心。鹽燒花魚$158~定食包括: 沙律或麵豉湯、花魚及御飯~花魚整條魚骨，很入味，有𡁻頭。剌身三點~安格斯牛小排定食，配剌身三點。安格斯牛小排$225~其實牛小排已經燒好端上枱，但由於牛小排是室溫，放上爐上加熱，對於想吃熟一點嘅食客來說是可以的，但筆者喜歡偏生的話，室溫牛要再加熱就會偏熟了⋯⋯牛小排有肉味蜂蜜冰糖菊花、甜品: 紅豆奶凍~蜂蜜冰糖菊花~秋季到來可以滋潤一下，蜂蜜還加冰糖，頗甜。紅豆奶凍~心形的紅豆奶凍，微甜，筆者很喜歡，個人建議先吃奶凍才飲菊花蜜，從淺甜度開始。任食吱吱冰~估唔到Lunch 都有此玩意，

星期五夜晚嚟呢間餐廳，見到好多人上嚟都同一大班朋友一齊飲酒食串燒。呢度最得意嘅係仲有啲waffle可以食，唔使特登再搵一間甜品舖🤣五花荔枝肉係今晚全晚覺得最有驚喜嘅一款串燒！肉汁鎖住晒喺串燒入面，而且唔會好油膩。同朋友叫咗幾款壽司，三文魚水準正常，而且啲Wasabi係放喺壽司入面，都幾貼心！原條魷魚食落口唔會好鹹，但如果燒乾少少會更加好食！天婦羅烏冬份量都幾多，三個朋友share都OK！而佢個烏冬湯底都幾好飲，唔似味精味道！因為新開張關係，飲品仲要買一送一！

離地鐵站好近嘅串燒日式餐廳，餐廳最特別嘅地方係除咗有日本傳統嘅你咪之外，亦都有一啲抵食嘅甜品等等，仲有得飲咖啡添！由於餐廳新開張，餐廳送上幾款串燒俾我哋食！個人認為雞肉串都唔錯，但係如果可以熱返少少咁就更加好啦！個煮蜆都唔錯，份量都幾多，加埋啲蔥花，更加香口！除咗有串燒之外，有時真係壽司等等，價錢亦都唔算好貴。個人認為佢嘅油甘魚壽司都唔錯，而且就壽司都幾大嚿，絕對對得上價錢！呢度嘅天婦羅配烏冬幾推介，天婦羅嘅皮炸得幾好，唔會好厚身。尤其係佢嘅天婦羅蝦，肉質非常彈牙！

之前看到這間餐廳的食評同相片都滿心期待 🤫🫠但最後叫既食物全部都食唔落就咁結離開。首先，透過OpenRice 訂位 2人會贈送一盤6串的串燒拼盤。入座時，其中一個女店員都好有禮貌詢問想醬燒定鹽燒，然後我們點選了鹽燒。 可惜贈送的拼盤等了30分鐘才送到桌上，而且是冷冰冰的，有位男店員服務態度勁差，並說串燒凍了 可以用隔離的爐自行燒熱。但附上的小爐並沒有開爐，而且，小爐是因為我們點選了牛小排而配搭的，我們亦有環視其他客人的桌上 只有串燒併盤而沒有配置爐。另一漏單情況，我們入座已經點了黑啤，但完全漏單了 再三催促下 25分鐘後才有黑啤到桌。最後我同友人即使再三向店員催促 投訴都得不到任何回覆，並且白白地花了600多元買了一吐氣。用餐當天 訂位所贈送的串燒是凍的，而且牛舌質地亦因凍而變得難以下咽。圖中所示的小灶頭，就是店員所辯稱 用作加熱串燒之用。但小爐具的設置 是因為我們點選了另一牛小排所附上 並非為翻熱串燒之用。

突然想食日本嘢，咁啱公司附近有間新開嘅日式居酒屋，放工即刻過嚟試一下ｏ(｡・‧̫・｡)ｏ💞💭裝修新淨，燈光柔和，餐枱餐枱之間位置闊落，坐得好舒服，一啲都唔迫夾，同朋友食飯傾偈首選ദ്ദി^._.^)！天氣熱，上到去一坐低即刻叫番杯冰凍嘅生啤，而家做緊優惠買一送一，仲有花生送tim(∩´∀`∩)第一次幫襯呢間日式居酒屋，梗係要試吓佢啲魚生刺身， 果然比想像中好(ू•‧̫•ू⑅)絕對唔係出面一般連鎖店交行貨嘅質素！ 而我個人黎講，佢地既帶子可以話係MVP！ 非常鮮甜！ 熱食方面，一口和牛粒用鐵板上加埋啲蒜片同埋黑椒汁，非常惹味。 ₍ᐢ⑅•ᴗ•⑅ᐢ₎♡串燒類可供選擇極多，最後揀咗大蔥雞肉，牛肉蘆筍卷，雞肉串，質素不錯( ⑉¯ ꇴ ¯⑉ )期待下次Encore時再試其他種類。大蝦天婦羅，蝦肉彈牙，粉漿夠薄，上枱時張吸油紙都唔會油淋淋，夠乾身，抵讚！(｡・‧̫・｡)ｏ🪄💘總括嚟講，呢間餐廳可以再encore 。 鮮甜嘅刺身，我下次再嚟探你地！(^･ｪ･^)

餐廳位於尖沙咀，地理上還算方便快捷，距離地鐵站路程只需要5分鐘左右，餐廳主打的就是日本料理，這裏更是串燒和刺身並存的一家料理店。串燒六式拼盤，當中包括了雞肉、和牛、牛舌、五花荔枝肉、雞翼和羊肉。他們各有特色，而我最喜愛的當然就是和牛，即叫即燒新鮮熱辣送到台上，最重要適當的調味，令和牛的層次更加分明，入口肉汁豐富又鮮嫩。清酒煮蜆和外間的有點不一樣，但入口卻充滿特色，新鮮的蜆肉，十分鮮甜又美味。炸豆腐，看似普通，但卻充滿趣味，在家一般也吃不到，內裏軟滑的感覺，外皮卻帶香脆可口，這種感官上的刺激，真是喜愛。

今日同朋友想揀啲中心點食野就黎尖沙咀試試依間新開既日本野一入黎見到個雪櫃寫任食冰條不過可惜啱啱好返氣管敏感都係冇食到 好想試下海膽三文魚丼 $168海膽好新鮮😋😋😋三文魚都好厚生 好好食成碗食得好乾淨火炙三文魚丼 $158三文魚燒得好好食魚果啲飯係壽司飯仲正🤩🤩🤩串燒六式拼盤 （汁燒） $268最貼心係仲有個爐比我地 攤凍晒既話可以整返熱佢黎食依家特飲仲有優惠 買一送一水蜜桃冰梳打 $38炸牛蒡 $68好食 香港好少有 而且份量多😍唐揚雞 $68大大舊🤩抹茶千層蛋糕 $58連甜品都好正高度推介 抹茶同牛乳味好夾紅豆抹茶奶凍 $48飽到捧住個肚走2個人食$961 咩都食混咁制正

太子集團中心既餐廳一向質素唔錯，近排仲開左間靚居酒屋，環境寬敞，有大玻璃窗，配搭木系裝潢，滲透出簡單舒適和式風情。特盛刺身拼盤依個刺身盛非常豐富，共有八款刺身，魚類都係厚切，有三文魚吞拿魚，最中意係油甘魚口感細嫩又鮮味，貝類都好新鮮，帆立貝黏口鮮甜，仲有牧丹蝦同甜蝦，另外幾中意佢個明太子拌魷魚🦑，鮮味又有明太子既咸香。另外加左隻生蠔，口感清爽，新鮮鮮味👍🏻海老野菜天婦羅拼盤海老有驚喜❗️好少食到咁大隻咁多肉既天婦羅蝦，炸粉薄脆好香口👍🏻另外仲有茄子，南瓜同菇，炸得唔錯唔會乾哂。蒲燒鰻魚玉子丼一貫既香甜燒汁加鰻魚配飯，一定好食系列，玉子有燒微微焦香👍🏻海膽三文魚丼亮點一定係海膽啦，一塊塊夾起唔會爛，鮮味甘香😋配埋厚切三文魚同三文魚籽，好味😋佢既珍珠米飯做得幾好，粒粒煙韌有醋香😋最後仲可以係雪櫃拎冰條食，過足口癮😋新開有水準，希望keep到落去，隔一排再回頭試下😋

生日臨近🥰開始越嚟越多飯局啦成班朋友最啱飲杯野🍻慢慢食傾吓計碌碌Openrice搵吓 😎 就有開心大發現有間新開嘅清新日本風格居酒屋🏮恋🎉新開張推四大優惠😍勁吸引優惠一：四位起即送八式串燒拼盤$388［和牛、牛舌、羊肉、雞肉］；咁岩我哋今次四位呢😆兩至三位嘅朋友仔都有照顧到，可贈送六式串燒拼盤 $268可以揀汁燒或鹽燒 😛 我哋揀左汁燒，秘製燒汁配上香嫩肉質👍🏻 絕配一班朋友食串燒當然要配埋🍻慢慢嘆優惠二：Suntory 生啤買一送一 $58；唔飲酒嘅朋友仔都可以享非酒精飲品買一送一唷😙 開心💛Share 優惠三：慶祝生日🥳唔收切餅費🎂生日嘅朋友仔記住帶埋蛋糕嚟慶祝喔😜優惠四：日本果汁冰條免費品嚐 😋喺近門口位置有個雪糕櫃有勁多款日本果汁冰條揀呢🤭近期天氣熱 食返枝消暑先————————————————————😍新鮮帶點海水味嘅清新生蠔🦪 $48/隻特上壽司四式拼盤 🍣（8件）$218［三文魚、吞拿魚、赤蝦、帶子］勁新鮮🤤完全抵抗唔倒 想再Encore😌一口和牛 $128和牛骰仔狀，勁嫩滑😙個秘製燒汁好好味，完全令個和牛加分芝士年糕 $48😍個個都讚都冇停口 真心超好食入面拉絲口感 溶

戀放工嚟到，尖沙咀咁啱見到有間新開嘅日本餐廳就上嚟試吓！厚切牛舌($58)重點推介食牛舌，真材實料，夠厚夠香安格斯牛小排($258)食牛小排仲會有個爐仔熱住啲嘢食，感覺幾得意，啲牛小排牛味好香特盛刺身拼盤($368)刺身拼盤估唔到都幾大份，有甜蝦、三文魚、帶子同埋吞拿魚，份量十足赤蝦刺身($88)赤蝦刺身唔算好大隻，但食落好鮮甜，好新鮮蒲燒鰻魚玉子丼($138)鰻魚燒得好好，少少燶燶地，配埋啲玉子成件事好match

(人•ᴗ•♡) 之前都係呢個大廈食過其他餐廳今次就book咗呢一間係食日本嘢嘅6:30左右去到 唔算好多人去到七點左右就開始多人了所以過嚟食飯都記得要book位裝修都好新淨(♡´∀`♡)每一張枱之間都有空位覺得同朋友嚟食飯，傾偈會比較有私人空間裝修覺得幾靚ᐟ.ᐟ.ᐟ.ᐟ而家做緊promotion 特飲啤酒買一送一所以我叫左個Suntory 生啤佢送咗小食，就係花生🥜叫咗以下嘅食物：一口和牛 $128有一個燒熱咗俾你兜裝住用嚟墊底嘅洋蔥同埋上面粒粒和牛少少黑椒汁熱辣辣 牛唔會過熟 ˙𐃷˙特盛刺身拼盤 $368有帶子，三文魚，北寄貝，甜蝦，油甘魚，明太子魷魚，吞拿魚， 赤蝦🌷每款都有3片新鮮食材 擺盤精美 ‪⸜♡⸝‍‬特選壽司 三式拼盤 125有2件甜蝦壽司，2件呑拿魚壽司，2件三文魚壽司醋飯味道恰到好處手握壽司 飯粒不鬆不緊甜蝦最好味ᐡ- ̫ -ᐡ ♡豚肉蘆筍卷 $32好有驚喜燒汁甜甜地在外面不會過多醬汁吃起來 又有碳燒味蘆筍吃起來夠嫩無渣ദ്ദി^._.^)鹽燒雞肉大蔥 $32鹽燒雞肉 $32都係燒汁系面 燒完雞不會太乾但外面都燒得香口海老天婦羅 $198即刻叫即刻炸上檯4隻蝦都炸到漲卜卜咬

好耐冇聽朋友去食飯，今次約咗一間日本餐廳好好地傾吓計食吓飯。呢間餐廳好似日本居酒屋咁，有壽司、刺身、串燒、丼飯、甜品、特色飲品😀真係好似去咗日本咁打頭陣係串燒六式拼盤，有孜然雞翼、厚切牛舌、孜然羊肉、五香荔枝肉。食串燒會有一個爐仔熱住啲食物，即使啲串燒擺耐咗，都唔使怕會凍！極力推介厚切牛舌，真係好正，仲會有埋汁燒添另一款小食推介，就係炸牛蒡嘞😀唔係每一個地方都係有得食，之前喺日本都有食過，呢度炸得幾好，唔會好乾好難咀嚼。之後點左一份海膽三文魚丼，三文魚係厚切嘅，一咬落去成啖都係三文魚油係口入面！海膽上面有三文魚籽，而且海膽都好厚好多，真心正同好新鮮最後甜品係芒果千層蛋糕，唔會太甜，芒果都好香，啱晒食完嘢清一清腸胃。咁啱餐廳做緊優惠，特色飲品買一送一，所以就點咗一杯水蜜桃梳打，甜而不膩。

呢間樓上日式居酒屋酒吧，地方寬敞舒服裝橫都唔錯，位置都幾舒服🦐鹽燒大虎蝦（兩隻）$176-2隻虎蝦巨型 蝦肉肥厚彈牙 剝咗殼都長過隻手板✋🏻-少量鹽巴就可以吊起蝦鮮甜味🐠一夜干鹽燒花魚 $108-原條花魚以日式一夜干醃製-鹹鹹香香 魚肉一梳梳🐟鹽燒油甘魚鮫 $118-油甘魚鮫肉厚 魚肉較嫩滑 有魚油香🍢串燒大式拼盤 $268-和牛 牛舌 雞翼 雞肉 羊肉 荔枝豚肉-共6串 燒得好香脆 店家提供石燒爐 方便客人可以將串燒保持溫熱 達至味道最佳效果-牛舌非常出色🐓孜然雞翼 $32-汁燒孜然雞翼外皮微脆-焦脆外皮包裹雞肉👍🏻 有肉汁◻️日式炸豆腐 $48-炸豆腐炸得好脆口 豆腐嫩滑🍍香燒菠蘿 $42-菠蘿焦糖化 相當有果甜味🧀芝士年糕 $48-芝士味道唔錯 年糕軟熟 微甜🍰芒果千層蛋糕 $58-每層皮都幾薄 一層Cream 一層蛋糕-唔會太甜 味道適中舒服✨甜品（贈送）-最後仲有大量日式雪條及唧唧冰提客人免費享用 正🤤總括而言，味道都唔錯，地方夠舒服👍🏻

前牌見到呢間餐廳唔少網友推介，話佢新開張有唔同優惠。今日同朋友一齊嚟到試試。串燒六式拼盤 $268佢有燒汁同鹽燒選擇，我哋揀咗燒汁因為擔心佢乾。 分別有牛舌雞翼雞羊肉同埋荔枝豬腩肉。 餐廳超級細心俾咗一個石爐我哋，如果啲串燒凍咗可以擺上去自己燒返熱佢，呢點幾抵讚。 最鍾意食佢嘅牛舌厚切而且重牛味。 荔枝豬腩肉都幾特別，食到最後會有淡淡荔枝味。特選壽司三式拼盤 $125分別有三文魚腩吞拿魚同埋甜蝦。 幾推薦個三文魚夠厚身，而且魚油味重。海老天婦羅 $198有四大隻大蝦，炸得鬆脆，唔會好厚粉啱啱好。海膽三文魚丼 $168呢個份量非常大，海膽都唔少，撈勻一齊食非常滿足，完全係爆血管系列🤣燒三文魚茶漬飯 $88呢個餐相相對冇咁多肉，有一啲燒三文魚碎同紫菜，個湯有少少似厚燒海苔仙貝嘅味道。飲品做緊買一送一，叫左杯荔枝藍蝶花梳打 $38 朋友就叫冷泡荔枝紅茶飲品幾重荔枝味，味道偏甜不過整體唔錯。紅豆茉茶奶凍 $48口感偏向似啫喱，實少少。佢係分開奶味同埋綠茶味奶凍兩層，溝埋紅豆食會好食啲。楓糖鮮果窩夫 $78窩夫好脆身，有少少偏向餅乾嘅口感，幾特別，配埋朱古力醬同埋香蕉奇異果。

吃貨人生，無論咩時侯都需要食。見太耐冇食日菜，同朋友黎尖沙咀食日本菜。兩個人叫得好豐盛。串燒、壽司、天婦羅、丼，咩都有。串燒六式拼盤可選擇汁燒或鹽燒，選擇咗汁燒，因為鐘意甜甜地嘅燒汁。拼盤好豐富， 一般嘅牛肉、雞肉都好嫩滑。當中最愛厚燒牛舌同五花荔枝肉。牛舌外少脆內軟，口感極佳。五花荔枝肉一咬落肉脂爆曬出嚟，之後慢慢食到荔枝果甜。一邊食仲有個小火爐比我地燒一燒串燒，作翻熱。特選壽司三式拼盤有三文魚、吞拿魚同甜蝦。當中最愛食厚切三文魚腩，極肥美。海老天婦羅有4隻大大炸海蝦，薄薄炸粉包住彈牙海蝦，保留咗天然蝦味。食丼嘅話要選擇海膽三文魚丼。海膽足足有3片，好鮮甜，配埋三文魚子食，拌成碗飯唔成問題。三文魚都有5片，但冇壽司嘅三文魚咁有魚油。朋友比較少食茶漬飯，所以點咗燒三文魚茶漬飯一齊食。高湯有好香濃，用鰹魚作主調，配以淡淡紫菜咸味。朋友都好鐘意呢個食法。隆重開業有非酒精飲品買一送一，點咗冷泡荔枝紅茶同荔枝藍蝶花梳打。最後點咗紅豆抹茶奶凍同楓糖鮮果窩夫作結。