戀 (太子集團中心) (Closed)

COVID--19疫情下，好朋友離港26個月，她返港馬上約吃晚飯，選了我倆都喜歡的日本料理。尖沙嘴新店：戀新開業，有優惠！經 Open Rice訂座，２人送串燒六式拼盤(雞翼、牛舌、羊肉２串、雞肉２串、五花荔枝肉)，好吸引！我們點了滿滿的１桌：#特上壽司四式拼盤：帶子、赤蝦、吞拿魚、三文魚各２件，食材新鮮，全部都好味！#鹽燒油甘魚鮫：我的最愛！多肉，油香滿溢，下次來心定encore！#安格斯牛小排：肉質嫩，沒有筋，好吃！不過，下次來會試一口牛。#日式煎餃子：皮薄餡足，nice！#蟹籽沙律：蔬菜新鮮，很不錯。#冷泡荔枝紅茶：新開業，有買１送１優惠，微甜，荔枝味突出，配串燒，一流。11月底前，趁仍有串燒拼盤送，會再和家人來吃晚餐。

男朋友今日股票有斬獲帶左我去食好野🤩🤩我地去左間日式料理店呢度有齊多款食物由串燒到刺身到天婦羅到丼飯到火鍋，應有盡有！一定揀到想食乜～串燒六式拼盤呢個拼盤豬牛雞羊都有每串都可以兩個人分食啱晒我地個牛舌非常出色！厚肉得黎完全唔韌調味適中，香口得黎有少少胡椒味另外個五花荔枝肉又係好好味個荔枝味好香好清甜完全減去五花肉個油膩感👍特上壽司四式拼盤有三文魚、吞拿魚、赤蝦同帶子每款質素都唔錯赤蝦入口爽身彈牙帶子鮮甜佢個壽司已預先加入芥末唔喜歡嘅朋友可以提早叫佢唔好落海老野菜天婦羅烏冬佢個天婦羅外皮有少少軟但最後又有少少脆喎感覺好特別咁樣反而唔係食落每啖都卜卜脆咁熱氣😂又要食熱氣野又要怕熱氣嘅人真夠煩🫣🫣烏冬係稻庭烏冬，好滑溜～湯底清甜配天婦羅食剛好食到好飽仲有甜品送有日本直送嘅鮮果冰同吱吱冰正！

刺身拼盤 $368有三文魚， 油甘魚，吞拿魚，帶子，牡丹蝦刺身算係幾新鮮冇雪味，個人鍾意食鮮帶子同厚切油甘魚串燒六式拼盤(可選擇鹽燒/汁燒）$268有牛舌、雞翼、雞肉、羊肉、荔枝豚肉卷、牛肉，串燒燒得較為乾身，唔夠熱的話，餐廳提供小火爐，讓客人在鐵板上加熱一口和牛 $128鐵板夠熱，黑椒汁灑在表面上，大約有10粒和牛，有塊厚洋蔥🧅放底下油甘魚鮫豆腐野菜鍋 $158健康之選，油甘魚鮫肉多，配豆腐、冬菇、菜食，平衡油脂

雖然而家有得去日本，但係機票實在太貴🙈又想食日本嘢喎，唯有去尖沙咀睇吓啦。經過太子集團中心，見到最近開咗一間新嘅日本餐廳。所以我就同老婆上去睇吓。因為係平日同埋比較早收工嘅關係，職員好快就安排到梳化座位俾我地。餐廳嘅裝修走木系路線餐牌都有唔少選擇，主打串燒，魚生，仲有各式各樣嘅日本菜。我哋就order咗以下食物。(1) 清酒煮蜆- 蜆肉好新鮮，清酒調味更能突出海鮮味🥰(2) 串燒六式拼盤- I want more!!!! 串燒熱辣辣，店員仲提供左個盤俾我哋留住溫度。- 首選牛舌😙 五花荔枝肉都好正(3) 蘆筍豚肉卷- 蘆筍好新鮮，豚肉煮得恰到好處😁(4) 燒鮑魚- 鮑魚個size都算大隻，淨係配啲鹽食已經好好味☺️(5) 海老野菜天婦羅拼盤- 炸漿份量恰到好處，南瓜冬菇特別出色(6) 日式蕎麥麵- 蕎麥麵軟硬度啱啱好，冇overcook🤓(7) 香燒菠蘿- 今日MVP😍😍- 超甜，超級好食，屋企一定整唔到。(8) 啤酒兩杯- 日本生啤配串燒，夫復何求?😎最後仲有日本甜品食，係日本櫻桃味嘅冰條，都唔錯㗎。餐牌實在太多嘢食，希望下次再有機會去食😗😗

日本雖然開返關，但未有假去日本都要係香港食日本野！首先叫左個刺身拼盤，滿滿既刺身包括三文魚、吞拿魚、油甘魚、帶子、赤蝦，刺身新鮮，份量又多，抵食！之後熱食叫左串燒、鰻魚飯同牛肉鍋，串燒拼盤豬牛雞羊都有，滿足哂樣樣都想試既我，五花荔枝肉同牛舌最有驚喜，荔枝肉有甜味好特別，厚牛舌好有口感！另外店員會俾個爐自行返熱串燒，好貼心！玉子鰻魚飯都非常不錯，鰻魚燒得香口，配上鰻魚汁好好食！另外牛肉野菜豆腐鍋份量都幾多，湯底較清，配上野菜，啱晒我呢啲平時少食菜既人！最後臨走時，店員話可以拎啲日本雪條食，好正正！

今次嚟度尖沙咀食日本菜，過下口癮～～刺身、串燒、鍋物、丼飯款款都有得選擇～～先嚟一個「特盛刺身拼盤」，帶子、赤蝦肉質爽彈～油甘魚、吞拿魚、三文魚魚味鮮甜～串燒六式拼盤，揀咗鹽燒，另外仲有汁燒，鹽燒無咁濃味，可以之後再點醬汁食，分別各有一串和牛、雞肉、牛舌、五花荔枝肉、羊肉同埋雞翼～五花荔枝肉，爽甜荔枝肉解油膩～厚切牛舌幾濃味～蒲燒鰻魚玉子丼，份量剛好，好多鰻魚汁可以撈飯食～略燒焦嘅鰻魚外皮焦香啖啖肉～最後叫埋個鍋物，牛肉豆腐野菜鍋，有肉有菜，健康之選，湯底清甜，豆腐嫩滑～門口有個雪櫃可以拎日本直送雪條食～～

戀係尖沙咀區新開居酒屋見有新開優惠生啤、飲品買一送一，超爽！suntory生啤 $58 買一送一去居酒屋必點日本生啤～～荔枝藍蝶花梳打$38 買一送一荔枝紅茶 買一送一一個價錢 2款飲品，真係好抵！串燒六式拼盤 （鹽汁）$268一碟有齊6款口味串燒（和牛、牛舌、雞翼、羊肉、五花荔枝肉、雞肉）安格斯牛小排 $258石燒自己可控制生熟度肉質鮮嫩有肉味，油脂豐腴～油甘魚鮫豆腐野菜鍋$158油甘魚鮫除左鹽燒，原來做鍋物 都好適合，魚肉味甜緊緻結實～唐揚雞 $68佐酒不可少嘅小食！帶子壽司$48帶子鮮甜，正常發揮！

新張每人送一串燒物。豬牛雞一齊燒真係浪費食材。豬燒好，牛舌就乾晒。要做推廣就要有一定成本，否則本末倒置。😏定食….CP好一般，滑蛋吉列豬井，豬扒超薄，似食滑蛋撈飯😛。角切也一般般。比較特別是茶餐廳手法收拾杯碟，插D手指一次取走三隻杯😛🙃😁

尖沙咀太子集團中心新開居酒屋，餐廳大, 裝修雅致舒適, 居高臨下望住附近尖沙咀，氣氛環境一流。食物方面選擇多多，刺身、sushi、手卷、熟食、串燒、天婦羅、燒物、熱食、麵飯類都有啊～。-粒粒魚生沙律138沙律菜一食就知爽脆，仲有咸香海帶，角切三文魚, 蟹籽籽，北寄貝同蟹棒, 好大一盤呢～-雜錦魚生丼 148顏色好吸引人，三文魚粒、鯛魚片、 晶瑩通透 的蟹籽、仲有北寄貝同埋蟹棒，幾款魚生刺身份量都多，撈飯簡單食,大愛。-壽司拼盤125 三文魚、吞拿魚、甜蝦各有兩件懶人唔想散叫，叫壽司拼盤就最正三文魚色水都ok-清酒煮蜆108想叫熟食呢度都有 ， 打開蓋啲清酒香飄曬出嚟 ，蜆肉都算甜-海膽炒飯138好大片加拿大海膽， 繁體炒得粒粒金黃-嚟到居酒屋，當然可以唔錯過串燒，一口氣試咗串燒六式拼盤串燒六式拼盤268有齊和牛、雞肉、牛舌、五花荔枝、羊肉、雞翼雞翼有焦香位牛舌厚切燒得腍，食落肉香都重五花豬肉入口有油香, juicy!!

雖然疫情下的3年冇得去旅行，但令我喺香港搵到不少好嘅餐廳，尤其是係樓上鋪，性價比高，呢間日本餐廳，新開的，全層，空間感足，而且開揚舒適。個餐牌印得好精美好靚，好有心機。我哋點咗不同菜式，有壽司、沙律、燒物、鍋物、飯團等一齊share：✨鹽燒鮑魚$156我一向對燒鮑魚情有獨鐘，彈牙爽口嘅鮑魚，用鹽燒，詮釋了簡單美味的真蹄😋。🍣吞拿魚壽司$48、油甘魚壽司$40點了這兩款手握壽司，富魚油香，甜度亦足。🥗牛油果吞拿魚沙律$158沙律賣相七彩繽紛，裏面有漬過嘅吞拿魚、牛油果🥑、新鮮沙律菜🥬，健康好味。🐟一夜干鹽燒花魚$108經過風乾嘅一夜干花魚，燒香後令魚肉更甘香，更有風味。🍲油甘魚鮫豆腐野菜鍋$158呢個有小驚喜，原來煮熟咗嘅油甘魚係咁鮮甜，而且油甘魚鮫肉多，配埋豆腐、野菜一齊食，朋友話美肌之選🤭。🍙明太子燒飯糰$58日本米包住鹹香惹味嘅明太子，燒好後，包埋紫菜一齊食，每一啖都好滋味。🍍香燒菠蘿$42當造嘅菠蘿，燒香後果香更濃更甜，令我哋嘅晚餐，畫上甜美句號💓。

朋友話呢排工作好辛苦，要獎勵兼鼓勵一吓自己，其中一個方法就係要我帶佢去一間味道好又坐得舒服嘅日本🇯🇵餐廳😆，我呢啲心腸咁好嘅😆，就梗係樂於助人啦，於是就帶咗朋友嚟呢度開餐😆- $158 嘅「牛油果🥑吞拿魚🐟沙律🥗」：沙律菜🥗非常新鮮，可以用超級爽脆嚟形容😆，加埋牛油果🥑吞拿魚🐟同酸酸哋嘅沙律汁，食得非常開胃😆- $48嘅「吞拿魚壽司🍣」、$40嘅「油甘魚壽司🍣」：簡單新鮮幾好食😋- $108嘅「鹽燒花魚🐟」：呢條一夜干有鹹香，肉質結實，都幾 juicy，仲幾多肉😆- $158 嘅「油甘魚鮫雜菜鍋」：油甘魚鮫應該係煎香咗，然後用嚟煮呢個雜菜鍋，湯底甜甜哋，出奇地鮮味😆- $138 嘅「蒲燒鰻魚玉子丼」：鰻魚有兩塊，加咗甜甜哋嘅蒲燒汁，同埋都係甜甜哋嘅玉子，甜得好開心😋- $48 嘅「燒菠蘿🍍」：好 juicy 😋

Happy Friday又要搵朋友一齊出街食飯，最就腳梗係出尖沙咀啦，朋友見有間新開居酒屋喺iSquare附近，就一齊去試！上去見到地方好大，坐位之間都好濶落，再加埋兩邊牆身玻璃，成間餐廳充滿空間感！嚟居酒屋梗係要食吓串燒，點咗牛舌、雞肉大蔥，蘆筍豚肉同埋燒白鱔～牛舌勁厚身，雞肉大蔥夠香口，蘆筍夠爽脆，白鱔用牛油燒香夠晒特別！點埋特選壽司三色拼盤，有三文魚、甜蝦、吞拿魚，另外加埋三文魚子軍艦同帶子壽司，上枱顏色配搭勁養眼！三文魚子脹卜卜，吞拿魚味都唔錯，一邊食一邊侍應不斷加茶，唔覺唔覺又傾成晚～

尖沙咀太子集團中心6樓恋, 餐廳都幾大，裡面裝修骨子，以木系為主調，望住附近尖沙咀景色, 都幾開揚。-食物方面都種類繁多，居酒屋提供的菜色都有, 刺身、壽司、手卷、卷物, 到熟食串燒、天婦羅、燒物、煮物、麵飯類都一應俱全。-粒粒魚生沙律138沙律菜新鮮爽脆，加埋角切三文魚, 吞拿魚、北寄貝同蟹棒, 簡單食令人開胃，為今餐飯打開序幕。-壽司拼盤125壽司有三貫, 每款兩件, 三文魚、吞拿魚、甜蝦幾鍾意飯粒細細粒捏得唔死實，一啖放入口都可以。-雜錦魚生丼 148三文魚、鯛魚、蟹籽、北寄貝同蟹棒幾款海產刺身混在一起成碗賣相都靚, 份量好足又大碗北寄貝煙煙韌韌好有咬口，三文魚同鯛魚、份量都多-嚟到居酒屋，當然不可以錯過串燒，一口氣試咗串燒六式拼盤-串燒六式拼盤268有齊和牛、雞肉、牛舌、五花荔枝、羊肉、雞翼雞翼有焦香位牛舌肉質軟腍，又有肉香和牛入口啖啖肉五花荔枝入口有油香-清酒煮蜆108簡單而味道清淡純, 蜆肉經清酒煮熱後味道更加香濃。-海膽炒飯138以加拿大海膽入饌, 飯底炒得粒粒金黃

尖沙咀嘅太子集團中心最近多咗新餐廳，「戀」就係其中一間，主打串燒嘅日本居酒屋，午市定食除咗串燒外，亦提供魚生、天婦羅、鍋物等選擇。吉列大蝦 - 雖然比較厚粉，不過都炸到好香口。火炙壽司併盤 - 正正常常，雖然叫火炙，不過都有幾嚿冇火炙嘅，魚生都算新鮮。串燒方面，雖然上枱時唔算好熱，不過餐廳都好貼心準備咗烤盤，唔夠熱可以喺鐵板上加熱。串燒三式拼盤配燒飯團(醬燒雞肉、鹽麴五花腩、厚切安格斯牛) - 雖然話三式，不過雞肉有兩串，調味不會太鹹。五花腩好夠香，牛肉就比較乾身。串燒四式拼盤配燒飯團(五花荔枝肉、厚切安格斯牛、厚切牛舌、汁燒雞翼) - 五花荔枝肉，荔枝中和了咗五花肉嘅肥膩，牛舌方面都係偏乾身，反而雞翼仍然保持肉汁，雞皮亦燒到好香口。楓糖鮮果窩夫 - 意外地非常好食，口感鬆脆，而且唔會太甜。開張贈送:八式拼盤 - 因為係經openrice訂位，4人或以上會送上八式拼盤，超級豐富。另外，餐廳亦都設有冰櫃，可以任食吱吱冰。

收工約左friend去食飯，揀左尖沙咀太子集團中心新開居酒屋🏮地點好就腳，地鐵🚇isquare出行幾步就到。日式居酒屋串燒一定係必叫，今次叫左個鍋物同串燒，串燒款式多，即叫即燒，質素不錯。五花荔枝肉荔枝肉係亮點，香甜果香mix五花肉😋秋葵豚肉卷秋葵大條無渣，豚肉燒得幾香👍🏻香燒雞皮最中意係燒雞皮，咸香脆口好好味😋汁燒雞翼燒得焦香，搽左類似泰式辣醬既醬汁，幾惹味。燒香菇不嬲都中意食燒菇,少少鹽吊味燒一陣已經好香👍🏻香燒菠蘿香甜多汁，開胃又解膩。牛肉豆腐野菜鍋 $158點都要叫番個熱主食墊下肚，最classic既牛肉豆腐野菜鍋，蔬菜墊底，豆腐輕輕煎香左，仲有肥牛，湯底清清地帶醬油香甜，上枱熱辣辣，如果配番個烏冬仲正🫕見依度都有d優惠，好似特飲做緊買一送一，同埋免切餅費，生日同朋友係度食飯慶祝都好🎂