羅勒印度餐廳 (七姊妹道)

Open Now

Now Closed

午餐過海來吃印度菜,午餐菜單有6個選擇（平價的）也有行政午餐（貴的），任君選擇，豐儉由人。朋友和我點了masala羊和咖喱魚。然後。。。我又忘了相機食先，基本上我食先啊，因為好餓，而且滿好吃的。咖喱配著nan真是絕配。本來想要點飯的，但為免等等飯氣攻心沒精神做事，還是吃薄餅比較好。我真是一個負責任的員工啊（遠目）午餐本身就送飲品，我點了個chai，但份量挺少的，喝起來有點港式奶茶的感覺。原諒我唯一接觸過的chai是在pacific coffee，我以為一定會有肉桂味，但人家是印度人，應該別人比較對吧？不要喝那瓶水！收費的！11塊！好貴！

今日五位朋友一齊到北角港鐵站上面的羅勒印度餐廳食晚飯 一行五人坐低先叫飲品 有印膏啤酒夜青青檸梳打同埋礦泉水全部價錢不太貴尚算價錢合理 跟住叫咗啲小食有燒菠蘿 同埋叫咗一個圓轆轆嘅小食味道非常有印度香料風味 主菜商場有燒雞串有燒珠串有咖喱羊肉雞肉同咖喱蔬菜 眉毛都好正宗好友印度feel同感覺 亦都試咗印度薄餅分別有印度香蒜印度薄餅同埋黑松露菌薄餅 兩種薄餅都非常好味印度籍職員服務非常好二老闆亦都好主動招呼人客 印度啤味道一流配合印度食品非常之享受 地點也適中就在北角港鐵站劉生B4出口行過一兩個舖位就係 非常方便

已經係第二次來啦！的確隔好一排會突然想轉一轉口味食印度菜，這家印度餐廳價錢相宜但又係米芝蓮推薦，正宗又有保證呢！瑪沙拉燒蠔 $118六隻蠔十分肥美，比預期中的厚肉，馬沙拉醬汁味道豐富濃郁，配上蠔食不會怪👍🏻不過略厭醬汁過濃蓋過蠔本身的鮮味呢！重點的薄餅來啦！吃印度菜最愛就係即叫即拉即烘的薄餅😍😍推介蒜蓉味$26和黑松露口味$28！😍每件薄餅都是即叫即做，由師傅拉出餅皮再貼在爐邊烘烤，烤得底下非常香脆而內軟帶點煙韌口感，真係好正呀😋蒜蓉口味蒜香味十足相當惹味，黑松露口味的黑松露醬都絕不孤寒，同樣香氣十足，兩款都好正😍可謂價錢平份量多質素又好！原味嘅份量和大細更加係驚人😂.吃印度菜怎麼可以少了薄餅，吃薄餅怎麼可以少了咖哩！😍.瑪沙拉牛肉 $88醬汁香濃惹味，香料味複雜又豐富，與港式咖哩大不同，牛肉份量約六件，肉算嫩稔，不錯呀！飛毯燴羊腿 $188上枱已經十分吸睛，切開羊腿看見份量不多只足二人分，入口非常有驚喜因爲肉比想像中的嫩稔得多😱味道保留點羊so味又不至令人抗戰(愛吃羊肉的人就是喜歡那so味😝)醬汁香濃有點似瑪沙拉醬汁，不過多添菜蔬的甜和甘，配羊肉吃很合襯😋發現旁邊還有不少切好的羊肉粒

放假約左媽味出街,不過竟然收到風球消息,好在唔係即打去左北角電氣道果頭行D女人商場,雖然悶悶地,不過好小可陪媽味,無所謂啦其實全程我都係玩電話多,如果唔係真係幾悶可能佢見我太悶,就話不如落銅鑼灣,當堂放鬆曬不過有小小肚餓,係2附近食D小食先去左食印度餐,趁未落場之前食D小食先食左個印度烤肉串,燒得幾夠味,有D印度香料係入面,味道好得意D肉熟曬,但又唔會太老,幾好食點埋醬汁會惹味D雖然下午,不過突然好想飲啤酒,所以飲左杯ASAHI,而且無乜MARK UP到,價錢好抵另外食左個印度薄餅,幾好咬口幾脆個餅烤得岩岩好,唔會太硬印度脆脆個形狀好得意,細細塊,但食落又係好冑口感原本以為會炸得好油,但食落又岩岩好食完野去銅鑼灣出發

最近晚上總係心緒不靈,經常訓唔著教,唔知咩事所以夜晚經常睇下文章,消磨下時間,亦都會打下文.回憶下自己做左D咩事上星期就約左D舊同學食飯,原來好多舊同學都仲係單身,可能好自由自在依個世代又唔一定要結婚既去左食印度餐,由於我地女仔多,所以叫左好多唔同花款既野首先叫左2杯玫瑰幻昔,2杯一齊黎好有夢幻既感覺飲落雖然甜甜地,不過幾開胃,而且唔太多冰,幾抵飲之後食左3種唔同既咖哩白咖哩味道較香,配雞肉幾好味,咖啡唔太膩,所以可以好清楚咁食到雞味黃咖哩味道濃小小,而且傑身D,不過配印度薄餅食會幾好食紅咖哩比較辣,食得辣既人先好叫,好在我地當中都有唔小高人係可以食辣組薄餅都好大塊同好厚,點咖哩上去會好食D香D另外仲叫左D小食,不過都係咖哩好食D,印度始終都係出名咖哩

早一個星期已經約好食飯,已經期待左好耐,因為真係太耐無見依位朋友啦佢係外國返黎,可以傾好多佢既生活話題,外國真係自由好多,所以好鍾見到佢不過今晚竟然落大雨,仲要係一出街即濕果種原本約一個遠小小既地方食飯,我地都頂唔順,即刻改去一間近地鐵站既餐廳最後去左羅勒印度餐廳,近近地穩陣D見到面緊係飲杯野傾下計先,我飲左青檸梳打,解喝之餘又唔會太甜.而且氣既份量幾重,幾好飲食左個印度糊椒餅,薄薄地好脆口幾好咬,個味道又香,2個人SHARE食黎依度食野好處就係可以慢慢坐,唔會催另外食左個咖哩角,同我地中國既口感完全唔同,個皮硬D同脆D食完已經有小小飽啦印度咖哩雞又係必食,咖哩真係好香好夠味但個雞又唔會好林,肉仲係好滑,味道唔錯傾左成晚計,之後先返屋企

有朋友前排係團購買左coupon 食一個兩人套餐，因為知道佢地係米芝蓮之一，所以都比較有期望。我本身已經係一個咖哩控，佢哋既咖哩羊不禁令我經常回味。其他每一個菜式都好好味，水準平均，由其係薄餅掂咖哩真係完美配搭👍🏼因為一啲溝通上既問題，佢哋本身話我哋張coupon 用唔到，但最後經一番既身體語言溝通下，我哋最終解決左個。不過我哋出門口之後，見到個門口banner 既special set on mon to thur night , 係同我哋團購餐卷既套餐係大同小異的，即時優惠仲要係smoothie 🤔傷左我個心💔

早一個星期已經約好食飯,已經期待左好耐,因為真係太耐無見依位朋友啦佢係外國返黎,可以傾好多佢既生活話題,外國真係自由好多,所以好鍾見到佢不過今晚竟然落大雨,仲要係一出街即濕果種原本約一個遠小小既地方食飯,我地都頂唔順,即刻改去一間近地鐵站既餐廳最後去左羅勒印度餐廳,近近地穩陣D見到面緊係飲杯野傾下計先,我飲左青檸梳打,解喝之餘又唔會太甜.而且氣既份量幾重,幾好飲食左個印度糊椒餅,薄薄地好脆口幾好咬,個味道又香,2個人SHARE食另外食左個咖哩角,同我地中國既口感完全唔同,個皮硬D同脆D食完已經有小小飽啦印度咖哩雞又係必食,咖哩真係好香好夠味但個雞又唔會好林,肉仲係好滑,味道唔錯傾左成晚計,之後先返屋企

同朋友出街,特別係假日,一定預早諗定行程,例如去食咩同去邊度行街,因為放假日子香港實在太多人今次我地會去太古,但太古食野實在太貴,所以去隨幾個站既北角,食個平平地既LUNCH,先再入太古坊朋友話唔想食魚蛋麵河粉果D平野,所以我就帶左佢去依間羅勒印度餐廳好多年前買過COUPON,食過唔差,今次所以都有信心朋友會食得開心首先食左個NANN,姐係印度薄餅,食落好香口同好脆,而且咁大份都係$28,幾抵食配小小咖哩食會係唔錯既配搭之後飲左杯MANGO LASSI,印度芒果乳酪幾解喝幾抵飲,不過可能太口喝,黎到無耐就飲曬天多羅烤雞比想像中好吃,熱辣辣但唔會燒到雞肉好乾,肉質好滑,口感唔錯LUNCH黎講幾大份,好快已經食飽,下次會試下晚餐,因為真係幾抵

今次遠少少，過左海黎到北角呢間印度餐廳。一入到黎就聞到淡淡既香味，好吸引。坐低後望下個環境，再加上甘特別既香味，真係令人好舒服。環境好高貴幽雅既感覺。瑪沙拉蠔（醬上有少許芫茜，可以衡量下食唔食）算幾大隻，勁香！而且唔會蠔同醬分開左個味道，整得好入味 。食到蠔中又帶點辣辣地酸酸地既味道。黑松露薄餅+牛油雞開頭以為甘樣係一款食物，薄餅跟個醬，因為一齊上菜既，我地就好順手甘將薄餅點醬黎食。後尾先知原來係分開兩款食物，個醬就係牛油雞。一齊上係有原因，因為個薄餅點牛油雞既醬真係好夾薄餅好鬆脆，食落一d都唔油。牛油雞望落顏色似辣，但甜甜地唔太辣，入面仲有好多大舊既雞肉，而且好嫩。最後唔係幾夠候嗌多碟Chicken tikka同樣雞肉好嫩，佢配左有2種醬一隻有薄荷葉 一隻酸酸地好似梅甘 我會鐘意食酸酸地既，因為開胃，食到尾唔覺漏呢間餐廳食物價錢可能有少少偏貴，但食完完全覺得係值甘既價

今日與同事到北角附近工作，踏出地鐵站幾步之遙路經一間印度餐廳。平常食日本/韓式菜就食得多，印度菜因選擇不多，相對不常去。餐廳門口富印度特色，一行4人續決定在工作前先來這醫肚。餐廳内燈光柔和，裝修以簡約木質陳設和褐紅色色調為主，有少量民族特色的布藝作裝飾，具濃濃的印度風情。吊燈華麗；橙黃燈光營造浪漫氣氛。很有feel 的水Bar。我們4人點了Happy Meal for 4($548), 分量剛好平分。飲品：我們都點了Mango Lassi, 很濃稠而且很重芒果味。主菜：咖喱角。旁附兩款醬汁：綠色的有點像是羅勒醬，紅色的猜想是BBQ醬吧。咖喱角外皮酥脆，內餡的薯仔和蔬菜咖哩味香濃。主菜：串燒鷄。鷄肉很滑嫩，以獨特的印度香料烤成，非常惹味。主菜：咖哩羊、皇牌奶汁咖喱雞、椰菜薯仔、印度白飯、印度薄餅鷄與羊都非常滑嫩，醬汁香濃，很正宗的印度風味。薯仔食得出來是以燒或炸處理，所以特別香。價錢不算太貴，加一後埋單總共$602.8，能以這個價錢食到這麽有水準正宗的印度菜，非常值得和滿足！

我同個姊妹想試這間米芝蓮的印度餐廳 我們訂了HoKo buy coupon $199 兩人餐我們星期日打電話去訂位 6-8點晚餐這間餐廳不是太大 初時去到可能早到 所以無乜人 但都見好多枱有訂位牌 今日晚餐有湯加脆脆餅兩個醬各有特色 綠色的是甜甜涼涼的；另一個是酸酸辣辣 好好味；個脆脆餅好簿好香口 同湯一齊食好夾這是前菜，有印度薯仔角、羊肉卷同烤雞、焗蠔我覺得4個都好好味道，不過最喜歡薯仔角；羊肉好香好軟；雞好大件3個咖哩主菜，有牛、雞及雜菜 同黑松露薄餅一齊食好味道 我覺得牛肉好香好有牛味薄餅好好味， 不會太油雜菜是3個中最辣的，但我喜歡蔬菜及薯仔最後有印度拉茶或咖啡我們叫了拉茶 同港式不同味道 比較淡一點好滿足的晚餐晚上來有2/4人餐 有半價 下次再來食先

星期2公司有要事要外出,可以離開公司可以話係一大樂事,出去抖下氣人都精神好多今次仲可以自己一個人,唔駛同阿姐外出,自由好多去見客之前,首先緊係食個飯先,個客人係北角,我都係去北角食左飯先穩陣D去左羅勒印度餐廳,近近地唔駛太麻煩呢間印度餐廳已經拎左幾年米芝蓮.平日午餐有好多款選擇.可配飯或薄餅.價錢都唔算太貴架!茄汁咖哩雞配飯 $60細細兜但咖哩都幾多.香料味重同只是微辣.蕃茄味夠酸所以送飯好夾.雞有4大舊好夠曬送飯.同埋都幾滑身.如果配薄餅有4-5大塊都會好飽肚架!印度脆餅好脆身,咬一咬已經碎,口感好正,好脆滑印度咖哩角味道好特別,入面材料好豐富,入口好多味道食完已經好飽肚,又要開始工作啦

星期三難得約了朋友,便放半天假陪她吃飯和走走,很久沒有在平日放假啦我地打算食個LUNCH再去銅鑼灣行街,於是就係我公司附近餐廳一齊食LUNCH最後去左羅勒印度餐廳,依度食午餐價錢區內算平,野食又唔會太差下午開始多人,好在我地早左黎,先有位首先飲左杯青檸梳打,幾解喝,無乜落冰所以唔會淡食左個印式煎餅,煎餅煎得好脆,仲有小小香料味,食落好香口點埋印式醬汁會更加惹味而且真係幾大塊,又唔會油膩,好抵食咖哩雞唔算太辣,不過辣辣地先好食,配埋印求薄餅會仲好食雞肉好香滑,幾好咬口,感覺唔錯

今天放工同老公去北角探望住在老人院的叔婆，叔婆身體不適，都是因為年紀大了，行動有些不便，希望她早日康復！探完叔婆已經晚上九點，我們還未食晚飯，就在附近睇下食乜？剛剛經過一食店好熱鬧，客人來來往往，原來是一間食印度菜的羅勒印度餐廳，我們都很好喜歡食印度咖哩，所以就入座食晚餐了！餐廳佈置雅潔。餐牌都有好多款式食品，但我們比較喜歡食套餐，乜都有吾洗煩，因為我們喜歡一人套餐的食物，所以我們要了2個一人套餐。套餐包括飲品，但老公喜歡啤酒，所以另外叫給他！咖哩角：餡料是薯仔和碎肉，咖哩味道不是很濃。香燒雞：雞肉入味，燒得香，味帶辣！香草咖哩羊肉：羊肉好林又入味，沒有羶味，很香的咖喱帶香草味，味道帶點辣。配印式烤餅和印度白飯，十分美味！瑪沙拉雞：雞肉入味又嫩滑，印度式的烹調，多種香料煑成，濃味十足，配印式烤餅和印度白飯，十分惹味！