東方小祇園齋菜

Open Now

Now Closed

之前已經食得好飽，但就係因為呢5 隻字既螢光牌仔，令我「再下一城」。要o左個原味既蒝茜餅同一個紅包。蒝茜餅到手o個陣仲微暖，好香芫茜味，又企身。紅包一咬開就見三隻色：紅色外層皮、白色內層包同深褐色既豆沙餡。白色包很粗，似乾o左既塔餅；豆沙餡竟然唔係豆沙餡- 因為有麻蓉！好香好得意！如果大家朝早幫襯，首推炸糯米卷：除o左因為內軟外脆之外，仲因為佢係黏o左芝麻先炸個糯米卷，香得o黎脆脆o地。（唔敢包以上經歷o係下晝仍然屬實）

12月26日19:30在牛魔王醫肚後打道回府，在候車時見這裡的外賣有新品種，依太座指示，買了以兩款回家。羅漢齋伊麵：無驚喜，非南乳齋，伊麵口感仍在。腰花腐球河：腰花像真度高，口感好(爽)，腐球滑而有點點豆香，配上胡蘿蔔和菜賣相過關，河粉稍油膩。以這價位HK18.-一份，絕對算交足功\課。

同朋友打完壁球想食下齋, 咪近近地試下這間. 點知....失望!齋老味- 一般啦(無咩特別)生炒骨- :<唔點叫左個唔知咩湯- 唔好飲.整體上就係唔好食

男友想吃得清一點,所以到這間一試兩個人點了:1)芋頭魚--很好吃,芋泥很香,連我這個不太愛吃芋頭的人也讚好,加上甜酸汁,到現在也很回味呢!2)四寶佛湯--其實是很多不同的菜/姑類的雜錦菜湯,不錯!!3)炒豆苗碟頭不少,所以兩個人應該叫一湯一食送就夠了,芋頭魚值得一試!!

I went to this shop to buy take out quite often during lunch. Usually, I would order HK$20 齋鹵味. The size was big. The taste is usually good but there is a very strong taste of oil, which upset me sometimes in the afternoon. Having said that, there is no complaint given the price and the portion. There are many other vegetarian dim sums too.

4/10 （Tue）Dinner又係同食齋朋友0既飯局，今次揀0左東方小祗園，只因食齋朋友強力推介！！經過之前一次叫0左好多食唔晒0既慘痛經驗，今次明顯收斂好多，淨係叫3、2樣就算。炸春卷﹣基本上有我，幾乎就有炸0野0既存在。炸春卷顯然唔係新鮮炸好，應該擺0左段時間，但都無影響佢0既鬆脆口感。粟米粥﹣lee樣係我個人喜好；粟米粥比上次天后齋舖質素好0左好多好多，但始終唔係我兒時食過果種味道，再者，碗粥唔知點解多0左Ｄ唔應該屬於佢既0甜味，我指沙糖0既甜...（怪！！）素生炒骨﹣一上檯，我同朋友都唔信佢係齋，淨睇樣同肉類生炒骨100%一樣，食落又有90%似層層咁抵死！朋友笑言可以呃到一個嗜肉如命0既朋友添∼齋鹵味﹣不過不失，但比天后果間為好。

上個初一,我同媽媽黎呢度食齋,2個人,簡單叫0左3個菜,一個係羅漢齋煲,一個係餐肉絲炒烏冬,同埋蜜瓜炸鮮奶.我生平最鐘意食0既一種食品,其中一樣就係炸鮮奶,所以次次黎親我都叫,但次次都食唔哂~打包返屋企再整熱食又冇咁好食...但次次都忍唔住要叫...佢d炸鮮奶雖然油0左少少,但耐唔耐食一次,食時吸去少少油,一樣食得津津有味~d鮮奶好滑,蜜瓜味好重,個脆皮少少鹹味,點糖食就係oishi!羅涿齋係媽媽每次都叫的,膀在料多,個餐肉絲炒烏冬就几特別,d肉絲味道唔錯,質感真係好似食肉咁!d烏冬都炒得好味好咬口,唔錯呢~

老公話幾年前食過好食喎，於是去幫襯。8/4晚九點上到去，大約十檯人到，有鬼佬。我地叫左魚魚(芋頭)，豆腐，金菇牛肉卷，這個好鹹，全部野都好重味精。估唔到齋舖都會落咁重手，聽到起碼兩檯食客落單果陣都話要走味精。咁係咪之前幫襯開所以知道，既然係咁仲為乜再返黎呢。我一定冇下次，食剩好多餸，又唔係平，我未試過一路食飯一路咁口渴的。

典型香港式不健康的素菜館。(1)食水無過濾，氯氣甚重，浪費茶錢；(2)食物(如腐竹)不新鮮，天氣熱也應注意食物衛生吧；(3)食物無端要被微波爐污染，不明白為何新鮮炒造的「八寶荷葉飯」也要在上桌前進微波爐十分鐘？既不安全又影響味道；(4)服務方面真是不敢恭維。不信，花數十元試試看吧。(總結)注重健康者，我想不用我多說，一試也不會回頭吧！

我都覺得呢間幾好食同幾抵食,上次我黎,食過佢既芋頭魚,熱”辣辣”,皮脆又有芋頭味;椒鹽豆腐仲正,個皮好脆,個心好熱好軟滑,忍唔住明知熱氣都要食多幾舊!其他餸 菜味道都唔錯呀!

好，可以一試！價錢同質素都OK!

品質普遍都可以啦...但就不夠健康...部份是勁炸食品..太多油...大部份以澱粉質做材料...容易肥..因過多澱粉質會轉化成脂肪存於身體...而且有色素加色..但點都較其它食品店為健康...如能改善...就更好啦....

外賣:<br />羅漢齋炒麵HK18.-<br />

每逢初一十五我得閒都會同媽咪黎食齋.佢個羅漢齋炒麵雖然油左d,但好好食,又上得快,d料都好多,初一十五食都係廿几蚊盤!!另外佢個芋頭魚同炸蜜瓜鮮奶亦係我0既至愛!!!!真係好好食,食極都唔厭~下次你去都記得要試呀!

星期日行大嶼山，去了大澳果間東方小衹園，原來同灣仔依間係同一家族的人開的。不過大澳可能始終係鄉村地方，好食過灣仔間多多聲，除o左有齋食外，仲有肉食tim，因為人客唔多，所以唔會預先整定，是即叫即煮的。所以時間比較耐，但煮出o黎的食物新鮮熱辣。而且當然夜晚7點，得我o地一圍台，好似食緊私房菜咁。朋友介紹一坐底立即叫鹽焗雞，因為係?o地自己養，所以order先至即即煮，隻雞幾大隻無肥膏肉質新、生炒骨好夠鑊氣、配料多又新鮮、粟米魚肚又係勁多魚肚，非常爽口、紅燒豆腐應該係山水豆腐，因為好滑口、竹笙時菜比一般酒樓多好多，d竹笙鋪滿係面、最緊要食個什錦併盤(大$150、小$87)，雖然係d齋鹵味、腐皮卷同d素雞素鵝等、其他齋舖一定唔會做得咁好食。我o地8 個人叫了7「食送」1湯，埋單都要670蚊，以鄉村o黎講唔係平、不過係出面好難食到d咁好食的齋。