東龍島假日士多

Open Now

Now Closed

小店風情!!!小店位於東龍洲, 位於山徑的路途上!! 屬於路上中途位最後一間可以補給的士多!!!佢所買的都是一般普通的食物!!! 平心而論, 味道不過不失, 也沒有特別的驚喜!!! 個人覺得另一間(新創意士多)某些食品會更好食!!!!但平心而論, 在這偏僻的地方, 設備簡陋，物資亦不多!! 物資運上來也不容易!!! 煮到這味道些已經很不錯!!!要食環境, 這裡一定沒有!!但這裡有的是人情味！婆婆很有耐性解答食客的問題, 不怕煩, 好好人!!! 在市區, 侍應未必會這樣親切詳細回答!!!在那炎炎夏日, 偏僻的地方,個人最享受的是有冰的檸檬可口可樂!!!

東龍島假日士多早前去東龍島露營, 一落船好餓, 友人就帶我去東龍島假日士多食lunch‧ 姐姐好熱情幫手下單, 下單後等了20分鐘, 因當日人比較多以及即下單即煮, 時間會比較長。 叫了碗餐肉蛋腸仔公仔麵, 但假日士多的公仔麵是有別於一般的茶餐廳或大排檔!! 餐肉及蛋煎得好香脆, 加上士多姐姐好nice, 如果大家去東龍島行山或露營, 真係要去試試!

一杯熱奶茶15$食客一致認為不貴我的全罐回鍋肉出前一丁面35$我也覺得不錯👍全因爲這士多開在東龍島上一生才來到一次有老干媽辣椒油送香港很美我們老香港人都認同鯉魚門出口 不過東龍島是頭一遭去見識我們4m坐下來吃看著他們的紅豆沙賣光聽說是柴木燒烤的25$ 一碗隔離士多賣出凍綠豆沙給我們28$ 一碗朋友們三個吃我吃飽了公仔麵一大罐回鍋肉和筍晚餐都免了⋯⋯飽覽沿途的風景船上的海岸線風光望住平日看不到的建築物奇妙方向景車費船費約60$下午茶鍋肉湯麵35$一日遊

週末喺東龍洲行山，一早入到去先食個早餐叉電，目標係東龍島假日士多，不過喺油塘三家村出發，落般之後要行十分鐘（近小西灣坐船嗰邊個碼頭）先到士多。無乜期望入去食早餐，點知一入士多就感受到佢哋好熱情。佢哋都主要賣唔到配菜嘅公仔麵，一般都要$27一碗，要凍/熱飲就$16/18，點咗嘢食都要等十五至二十分鐘，如果要食就要預早少少，佢每一碗都有配上菜心，而即食麵就比較淋，如果喜歡硬啲要落單時提出。最特別係公司公仔麵（$43），乜配料都有好豐富，胃口唔大嘅話，食完一份應該可以頂到三點半船走先再食嘢。

趁放假黎東龍島行下其實係第一次黎, 鯉魚門三家村上船大約20-25 分鐘就到行左大約兩個幾鐘，有微微雨，搵左依間士多坐下醫肚。 士多阿姨好健談，好細心咁介紹東龍島景點，行既路線同所需時間。士多屋頂，貼滿由遊客手寫既發泡膠板雖然有點退色，但充滿特式叫左兩碗餐蛋麵睇得出阿姨係有用心去煮同放材料係上面賣相唔係求其架公仔麵唔會煮到好淋炒蛋午餐肉油菜不過不失最重要係有份人情味阿姨仲好細心問我地需唔需要風扇tim 😊

來到東龍島 無人不認識假日士多吧是當地的Landmark 亦是懷舊老店的士多係我地 喜歡露營既恩物(補給站)超足料既餐肉蛋公仔麵 記得好似等左20分鐘先有得食店舖得2位員工工作 一位負責煮 一位負責落單可想而知 呢碗係即整新鮮滾熱辣既早餐超好食lor 可能我等左好耐既關係掛😂😂plus岩岩環完島 覺得份外好食Yeahhh👅價錢便宜 默默付出經營的良心小店希望經過 路過 記得入去支持下 同埋食下充滿人情味既早餐

今日天氣終於開始轉涼， 適逢放假，約朋友東龍島行山。打開openrice搵到假日士多有唔錯既好評。中午時候好多客人，十几張檯几乎坐滿人。第一時間落單叫左馳名韮菜、冬菇雙拼水餃，魚片雞蛋公仔麵。魚片雞蛋公仔麵(26元)等左差唔多廿分鐘，魚片雞蛋公仔麵終於上檯，好大一碗滿滿的。碗麵上既魚片排放睇得出係好用心，魚片略為煎成微黃，食落更有口感亦有魚味。而雞蛋煎成薄薄一大片，兩面金黃香口。值得一贊既係公仔麵煮得爽滑，好有家的味道。韮菜、冬菇雙拼餃(26元)自家製水餃三粒韮菜餃、二粒冬菇餃，韮菜餃一般味道。值得推薦既係冬菇餃。冬菇豬肉既比例適中，冬菇香、肉質鮮，好味！

落咗好多日雨終於放晴，適逢復活節長假，決定嚟東龍島行吓。環島行足一圈，上埋山頂再落返露營區，係時候食個下午茶，於是去假日士多搵位坐低。兩個人叫咗一碗紅腸魚片麵($26)，一碗水餃麵($34)，整多罐冰凍忌廉($8)解渴。是日東龍島好多遊客，士多生意極好，所以都等咗幾個字先有麵食，不過唔緊要啦！放假就係要relax吓嘛～唔使咩都趕。紅腸魚片麵賣相唔錯，排得靚靚仔仔。紅腸幾厚，魚片彈牙水餃係自家製，有冬菇餃同"九"菜餃。個人鍾意冬菇餃多d，冬菇夠香啊。另外麵底都係出前一丁，絕對唔欺場架。唔食一丁可以揀米粉。其實嚟假日士多，味道都係其次，最重要係老闆娘同店員嘅人情味。雖然人多做到踢晒腳，仍然態度一流，好好心機教我地行邊條路會落到燈塔。仲介紹船家俾我地添(for平日入島用)。睇得出佢地好用心經營小店，亦用心對每位客人。而且離島士多嚟講，價格絕對相宜，絕唔會劏到一頸血。下次入開東龍島，大家都不妨嚟假日食碗自製水餃，感受吓小店嘅人情味啦。

假日前來這裡行山, 早前在網上找到這間士多十分受歡迎, 特意前來潮聖聽說這裡的水餃是很有名的, 分為冬菇和薤菜款, 我選了薤菜款這裡的水餃 , 店主很用心思包的 !為什麼  會說很有心思 ? 水餃每隻形狀大小很均勻~肉汁夠,香口,隻隻餃子也包成一個環形~我試過可以用筷子串起來的水餃串的呢這裡只有公仔麪 , 但麫身很彈牙, 除了自己煮外,很少茶餐廳可做到這種手勢 餐牌做得很有心思, 你來到這裡會感受到很暖的感覺 值得一讚~

星期五約了班同學去東龍洲露營,去到東龍洲人生路不熟,只可以跟住路上見到既手晝地圖,行左十幾分鐘望見一間士多,見到公公同婆婆主動向我地打招呼,感覺和藹可親我叫左餐腿麵,雖然只是簡簡單單的一碗麵,但我覺得好好味,可能係苦中一點甜既原故,服務真係好入心.

在合全士多吃飽後，向東龍島另一邊進發，據說有營地，荒廢炮台和岩洞欣賞。沿途，路過假日士多，紅板白字手寫餐牌，好不搶眼，店內更貼滿曾到訪的政界人士及明星合照。在亂石灘上，我倆以石為蓆，以天為被，小休一小時後，到假日士多吃馳名水餃。店內衛生明顯較合全為佳，阿姐也甚為熱情好客，主動向往來遊客指示方向或寒暄一番，值得一讚！抬頭一望，四圍滿是寫滿遊客到此一遊感受的發泡膠，廢物利用，蠻有心思的。自家煲製的無糖羅漢果茶$15枝，真材實料，羅漢果味濃，夠晒冰凍。仍未肚餓，故決定來一碗淨冬菇韮菜餃$24淺嚐。一碗有兩粒冬菇餃，三粒韮菜餃。水餃湯明顯加入了麻油，帶麻香肉餘，十分香口，然偏為油膩。冬菇餃餃子皮軟淋，內以冬菇粒和豬肉為餡料，咬口佳，帶菇香。韮菜餃內除豬肉外，尚有鮮香的韮菜，入口更為香口惹味。

周六放假，一大清早與友人搭船到東龍島釣大魚﹗九點船，今天遊客不多，船上計埋我地只得五六個人，唔洗同人迫就最輕鬆。落船當然先諗開餐，之前來過兩次東龍島，次次都係去假日士多食個麵，今次當然不例外了﹗離碼頭大約十五分鐘腳程，都未行到去坐低老闆娘李太已經出來同我地講早晨，服務真係一百分。細問之下原來筲箕灣來東龍島的船壞了幾天，所以這幾日遊人也得小貓三四隻，怪不得士多得我地一枱客﹗點了紅腸魚片麵，再加多杯熱coffee。紅腸同魚片都煎過，夠香口，魚片薄切卻味道濃郁，送麵一流﹗麵是公仔麵，雖然只是簡簡單單的一碗麵，不過次次來到東龍島吃都覺得特別好食，也許心情影響味道，放假心情好，真係麵都靚0的﹗咖啡是雀巢即沖，勝在服務好暖入心﹗老闆李生好詳細教我地釣魚地點，仲畫埋地圖俾我地跟住去，相當貼心。釣魚又點可以無啤酒，最後幫趁左老闆買左成半打生力，$12罐合理。是日大浪非常，又是打龜的日子，在燈塔守左成兩個鐘都無魚獲，輸在裝備﹗決定轉一轉釣點，當然又是要先醫好肚餓，又來這兒食午餐，我要了這兒老闆話自己包的東菇餃及韭菜餃雙拼﹗冬菇餃很足料，餡用的是鮮冬菇、豬肉及蔥，味道未算濃郁卻鮮味，很有家的感覺，即叫即包

周六一時有半, 躺於棚下歇息的遊人不多. 偏偏負責落單的公公和婆婆身兼厨子一職, 想食個麵都要等等, 食餃子就更加要等多一等.東龍島的特產是一份閒情嗎? 這是一海之隔的鬧市茶餐廳裡絕不能提供的事! 拌得均勻呈奶油色的蛋漿, 細心地煎成碗口大的圓形, 中間放一塊煎得焦香, 三分厚的午餐肉, 下壓本地出品的東菜味公仔麵. 四塊如磁磚大小的魚片僅一面烙至焦黃, 平鋪在午餐肉上, 翠綠的菜心則靠邊填滿了最後的空隙. 兩個麵的味道不用嚐已知大略, 但試問你幾曾吃過這樣精緻的心思? 我點的只是菲菜餃拼東菇餃, 味道只屬一般, 但看到友人的餐旦麵和魚片餐肉麵即覺後悔矣. 另外友人要了一瓶酸梅湯, 酸甜的調和非常好, 確實生津止渴. 相對我要的classic coke則更見庸俗. 再來的話, 我也要一份精緻的餐旦麵和酸梅湯好了.

五月一日勞動節，做地盤的我難得有假放，點都要出去行下，唔想成日都只係見到泥頭同埋翻土機﹗遠離市區去到東龍島，對上0個個食評原來都係我寫的，原來年多沒有來了﹗點了去年來的紅腸魚片麵及凍奶茶，紅腸魚片是煎過的夠香好味，公仔麵睇得出佢做得好有誠意，即叫即整所以等要等得耐0的﹗不過可以0係離島吃到一個早餐感覺窩心﹗凍奶茶呷一口夠茶味奶香，在這炎熱的天氣下飲完舒服哂﹗東龍島環境很美呢﹗遠離煩囂吸收天地靈氣，呢度值得一去﹗不過去就記得帶蚊怕水，郊區多蚊要小心﹗想睇下東龍景色可去我blog睇下﹗http://hk.myblog.yahoo.com/smallsmalllin/article?mid=2315

能夠在行山的初段到訪此小店，點了四碗麵食及餃子。所有配料都好味，好有家常feel~最歡喜的是附有幾條菜，感覺上較出面茶餐\廳來得注重健康。餃子有冬菇及韮菜兩款，一段味道，未有\"叮\"一聲的感覺。反而老闆及老闆娘態度殷勤，親切之餘，更盡地主之誼，教導我們如何行畢整個東龍島。