Video
Read full review
2008-11-25
20 views
昨晚與友人打邊爐,一行4人,叫左好多食,盡興而歸! 我的蝦子餅是"牛精"一名,所以都叫左好多款"牛產品"。窩底;店員推介三鴛鍋,好似抵D。牛肉刺身;好新鮮又無"根",做緊特價$28,我和蝦子餅最愛..."愛斯"(仲"安歌"添) 脆爆牛丸;爽脆彈牙,好有牛味,正!手切肥牛;OK,但我都係鐘意刺身多D! 崩砂腩;五花腩薄切打邊囉,我都鐘意食肥肉,所意OK嫁,入口無油,有D爽口。日本戰地黑豚;好少食到"滑口"的邊爐豬肉,"熱支斑"! 蝦;大部份新鮮,吃到最後的一隻唔知係咪放得太耐,甩頭。炸腐皮;火鍋必備!炸魚片;新鮮炸起即上,所以唔使點湯最好味(係熱氣D囉)。手打鮮墨魚丸;呢個真係好彈...彈...彈...彈牙,平日食D墨魚丸食到好多粉撈,但呢個好有"墨魚"味!花雕大蜆;上時D蜆仲會噴花雕,好新鮮播!味道都幾鮮味同得意,有朋友唔飲酒的,就覺得麻麻地。脆肉鯇腩;可能條魚細?個腩好薄,一般般呢!鱔片;呢個好D,起雙飛。皇帝菜;即迷你"唐蒿",我都鐘意食活魚刺身;都好新鮮,但我同蝦子餅都係鐘意牛肉刺身多D,抵食D!菜餃;本來好好味,沒有半點肉,素食一流,但是晚好鹹...鹹到"釘"! 鮮蝦
我的蝦子餅是"牛精"一名,所以都叫左好多款"牛產品"。
窩底;店員推介三鴛鍋,好似抵D。
牛肉刺身;好新鮮又無"根",做緊特價$28,我和蝦子餅最愛..."愛斯"(仲"安歌"添)
脆爆牛丸;爽脆彈牙,好有牛味,正!
手切肥牛;OK,但我都係鐘意刺身多D!
崩砂腩;五花腩薄切打邊囉,我都鐘意食肥肉,所意OK嫁,入口無油,有D爽口。
日本戰地黑豚;好少食到"滑口"的邊爐豬肉,"熱支斑"!
蝦;大部份新鮮,吃到最後的一隻唔知係咪放得太耐,甩頭。
炸腐皮;火鍋必備!
炸魚片;新鮮炸起即上,所以唔使點湯最好味(係熱氣D囉)。
手打鮮墨魚丸;呢個真係好彈...彈...彈...彈牙,平日食D墨魚丸食到好多粉撈,但呢個好有"墨魚"味!
花雕大蜆;上時D蜆仲會噴花雕,好新鮮播!味道都幾鮮味同得意,有朋友唔飲酒的,就覺得麻麻地。
脆肉鯇腩;可能條魚細?個腩好薄,一般般呢!
鱔片;呢個好D,起雙飛。
皇帝菜;即迷你"唐蒿",我都鐘意食
活魚刺身;都好新鮮,但我同蝦子餅都係鐘意牛肉刺身多D,抵食D!
菜餃;本來好好味,沒有半點肉,素食一流,但是晚好鹹...鹹到"釘"!
鮮蝦雲吞;個樣"脹卜卜",新鮮包好的,鮮蝦爽口,只有一點點肉,OK!
食左咁多加埋飲品,扣埋COUPON都係800蚊咋!今年第一次打邊爐的經驗真不錯呀。
Post
