通達食店

Open Now

Now Closed

去開太子地鐵站那邊，總會來這裏，滿足下舌尖的享受。叫了糯米飯、辣魚蛋、豆漿。糯米飯軟硬適中，香氣滿溢，鋪滿花生、蝦米仔，很是味美。辣魚蛋： 魚味夠又彈牙，自家製辣汁味道好。

通達食店，位於旺角花園街172號地舖。 小店主打港式小食， 款式多， 之前都食過幾次。我點了魚肉魚翅、辣魚蛋、燒賣和腸粉。 ▫️辣魚蛋 ～ 辣魚蛋的辣度夠， 但口感唔夠彈牙。 ▫️燒賣 ～ 沒有煙韌感，一般。 ▫️腸粉 ～ 混合麻醬和甜醬，腸粉口感軟滑。 ▫️魚肉魚翅 ～ 魚肉切到好細粒，口感不太好， 碗仔翅味道偏鹹。 整體價錢唔算平， 味道一般。🏷️溫馨提示～ 整個用餐體驗均屬個人分享意見， 只作參考😊。 通達食店地址: 旺角花園街172號地舖

来香港玩了几天 一路上遇到的店铺包括巴士都支持支付宝所以就没有换港币 没想到在这家店结账的时候是要港币的 我打开了支付宝 店员看到后直接翻白眼把小票扔给我说只收现金 我说了对不起我不知道三十我现在没有现金 有没有别的支付方式 店员还是翻我白眼还大声凶我那你现在就去换钱啊站在这里干什么 需要态度这么差么 我是没准备港币又不是不给钱 真是下头 来玩几天就遇见这一家态度这么差 我们之前还说感觉香港很友善 没有网上说的那么歧视内陆人

🍽️通達食店收工之後同朋友出旺角行街街，經過通達緊係要督返串魚蛋。門口排隊已經聞到香噴噴的咖哩味，口水都流出來😋。我和朋友每人叫了一串魚蛋加一串燒賣，温馨提示，一串是用竹簽吉，兩串或以上才會有碗仔。咖哩魚蛋 💰13我們叫了辣味，食得辣的我覺得唔太辣仲好香，朋友平時食得少少辣就覺得魚蛋有點太辣，建議唔食得辣可以叫不辣，同樣有香濃咖哩味。欣賞魚蛋咖哩味香濃，同埋好彈牙，熱辣辣食一流👍🏻燒賣 💰13不過不失的燒賣，同樣熱辣辣食好正，配上混醬同少少咖哩汁，更加好味道😋唔知有冇人同我一樣勁鐘意混醬😍味道 : 🤎🤎🤎🤎🤍環境 : 🤎🤎🤎🤍🤍服務 : 🤎🤎🤎🤍🤍CP值: 🤎🤎🤎🤎🤍餐廳名稱🍽️：通達食店📍：油麻地碧街48號地舖

向來我黎呢度都係食佢既燒賣多, 係門口食完就算, 一直都想試下佢其他野食質素點, 所以諗住入去坐底試下。點知我放低個袋諗住坐個陣個員工好惡咁同我講「喂! 張枱留左架!」, 叫我去其他座位坐, 其實個陣邊有其他位, 有都係迫到癲! 張枱係比職員坐既, 不過係呢啲煩忙時間好心佢地就開通一下, 比其他客人坐下, 我無望到告示我都有問題, 不過當時晼無人坐, 我坐一陣又有乜所謂!? 一聽完佢咁惡對我, 我即刻冇晒mood繼續係度食, 你咁惡都預左個客會走啦! 持住自己有d生意就大大聲喝人, 咁咪喝到我走囉!平心而論, 佢個燒賣係幾好食既, 唔會好粉, 同埋個皮都唔係普通出面個啲款, 之後會唔會再食佢既燒賣就講唔埋, 但呢刻我條氣頂住就一定NO WAY! 仲有佢價錢唔平, 燒賣魚蛋都係$12, 但腸粉成$30幾, 粢飯都$28, 咁我更加唔會比自己受氣食野! 本身以佢呢類質素既鋪頭, 就算環境差少少我都會忍讓, 預左佢唔會好乾淨, 但我唔會預自己比人喝!

係香港食到嘅糯米飯，我只係用顏色嚟區分，一係成碗成碟都係深色，我估係加上豉油吧，另一種係白色糯米飯上淋上豉油，唔係粒粒糯米飯都係深色，從中仍然見到有淡黃色糯米粒。我喜歡後者！但唔易搵！我只搵到通達。只可惜通達嘅糯米飯欠缺豬油香，如果有埋臘腸膶腸出售，同D糯米飯一齊蒸就正到啪啪聲！另一名物煎釀三寶，相信份量係全香港最大，雖然頗油膩，但街邊小食就是如此！之後另一街邊小食碗仔翅，質感比較水，但味道又唔會太淡啱啱好，如果有得自行添加麻油更好。原本哩類小食係街邊小販走鬼檔，依家趕哂入舖頭，趕完之後又攪D什麼夜繽紛賣小食！你話係咪多餘！

呢間小食店真係冇時冇刻都咁多人，今日都唔例外！店內坐滿人，必點小食:辣魚蛋$12(一串) 好味😋另外(炸韭菜餃)$12(隻)略嫌韭菜用料較少…..🥟🥟🥟如果可以包返滿啲紮實啲就好⭐️另外，主食🌟油渣麵$47辣菜脯雖然好多好紅，但係冇想像中咁辣❤️‍🔥最好食係啲油渣，同個麵好夾👍埋單$71

依間店舖最出名嘅一定係食魚蛋但係食魚蛋一定要食辣先好食佢嘅辣嘅接受程度就因人而異有時會辣到食唔到（我平時食譚仔五小辣）有時就微辣所以真係唔知嗰日個辣度啱唔啱自己Anyway我覺得魚蛋都好彈牙但一串得六粒💰$12價錢上就唔係平

原來花園街角落頭嗰間生菜魚肉車仔麵執咗笠，有啲肚餓唯有是但喺附近搵一間食，好不幸去咗呢一間，一坐低見到個餐牌貴到飛起，諗吓應該咁多人食都唔會太差掛，咁就叫咗碗生菜魚肉諗住試一下先，如果好食就再叫個碗仔翅，雖然真係貴到飛起。點知嗰碗生菜魚肉嚟到即刻眼都突埋，絕對唔係傳統香港地道嘅生菜魚肉，一啲誠意都冇將佢切到一粒粒，冇辦法啦，咁貴一碗都要食㗎，一食入口完全冇口感，麵粉多個肉，無魚味，一粒蔥都冇，個湯唔知咩味，咁應該落咗好多味精，唔會再去食！

看了网上的推荐来吃的，买了一份鱼蛋一份烧麦，都不好吃。鱼蛋一点都不弹牙，吃起来胶胶的，烧麦的口感也不行，以后不会帮衬了。我吃的是不辣的，不知道辣酱会不会好一些，总之挺失望的

生菜魚肉好味有口感，但味精超多過咸，以為一次半次，點知次次都咁重口味，次次食完都要狂飲水。外賣份量細但價錢一樣，局人堂食。連八達通都晤收跟唔到時代步伐，認真唔方便

呢間絕對係旺角鬧市中的最旺食店之一！客似雲來，貨如輪轉，永遠有人坐低起身坐低起身⋯⋯出出入入忙過不停！外地如果有朋友嚟香港一定要帶佢嚟感受吓，腸粉燒賣酸辣粉！正！重慶第一酸辣粉，少辣都咁辣，但越食越想食，停唔到口！混醬燒賣加腸粉，最鍾意放多多麻醬👍煎炸韭菜餃子，超級美味，叫完三隻，又再叫三隻，早知一早叫六隻平啲！哈哈！如果唔係已經飽飽，我睇可以再食多兩輪呢！咁豐富嘅下午茶，食完都唔使食晚飯囉😅

人生第一次食咁貴既魚肉碗仔翅。。。價錢同份量唔合比例。。d 魚肉仲要係粒狀勁慳皮，好想知堂食份量又如何，真係極度搵笨，不過餡料好足，味道都ok 既。。。但系我吾會再買第二次...

講到香港街頭小食，不得不題腸粉。腸粉唔難搵，但係唔係間間咁好食。今次要推介老字號 “通達食店”。佢既腸粉非常香滑，而最欣賞既係佢的麻醤，加上其他醤料，真係只可用平、靚、正去形容！

😡😡😡放工經過諗住買腸粉和燒賣外賣，落完order，叫個阿姐分開裝，阿姐唔肯，仲話只可以擺埋同一兜, 但阿姐同隔離個男人態度都係勁差嘅. 開頭想食辣燒賣先會走去幫襯呢間嘢, 而家冇得落辣椒油都算，阿姐放完燒賣坐落腸粉到，仲要起勢再狂落豉油，腸粉本身已經落咗豉油，依家再落，咁啲腸粉就鹹到一個點！ 真係未食過啲咁鹹嘅腸粉！！ 個阿姐同隔離個男人態度仲要勁衰，依間食店以後都唔會再幫襯，服務態度同嘢食都係超級超級超級差！ 😡😡😡