土耳其卡巴

Open Now

Now Closed

2010-07-30話說要1:00pm先可以拎匙check in 度假屋,,就黎食d野&凉下冷氣先啦,,出面真系好熱><"叫咗吞拿魚pizza,,等咗一陣就黎啦=]好大份@@2個人食一個pizza,,超飽丫~~~個底啱啱好,,冇"lung"到噶,,good~好足料,,超多芝士&吞拿魚,,不過太多芝士,,我覺得咸咗小小=]不過都好味=]like~但杯lemon特飲,,就普通咗小小,,好似只系一杯好普通既凍lemon water wo~不過個杯就幾得意,,有刻度噶,,哈,,PS: 老板娘幾nice,,=]

同老婆 兩個人 去左南丫島渡假...原本第一日睇完佢個menu 已經想夜晚去食...不過後來晚上再去既時候...佢已經關門...於是變左 臨走果日 中午去食....我地兩個人叫左 一個 50 / 50 半邊 南丫島 風味 <----重吞拿魚味 半邊 烤肉xx <----同p記 超級至尊差唔多$100仲有 之士薯條 (大份) $45...落完單後...見個外籍老細 就入廚房整....真係即場整架wo @@ 唔係預先整定...約 10分鐘左右....薯條 到先....好香之士味....d 次士擺入口 真係可以 拉到好長2個人真係食唔灑甘多薯條 抵食...我覺得岩 一大班人叫一份就ok再等多15分鐘左右...pizza 到埋....又係好手鬆甘落好多之士...正丫...d 料 同個餅底 都唔易散....唔會食到周圍到o係....值得推介

食完豆腐花後，來到這間土耳其卡巴吃正餐，店內環境簡潔舒服而冷氣亦都很足夠。坐下便點了一個羊肉漢堡加薯條，檸檬特飲。因為是開放式廚房的關係，廚師一烹調時，店內便會充滿油煙，應是抽氣不夠力的關係，希望他們會加以改善。檸檬特飲：普普通通，不過不失。羊肉漢堡＋薯條：由於是即製的關係薯條很香脆，而羊肉扒就很juicy！我本身是不吃羊肉的因怕牠的羶味，但這裏的羊肉扒完全沒有羶味。加上羊肉扒下面的土耳其沙律和上面那層融了的芝士，令整個包甚是美味！

山長水遠去到南丫島, 除左行山就梗係食野啦....行過呢間土耳其卡巴, 見佢入面裝修都幾簡單, 但有陣好香既味出左黎, 好, 入去食包! 叫左個單層芝士羊肉漢堡包, 個包就細個左d, 同麥叔叔既漢堡包一樣size, 對我黎講就似係餐前小食........不過味道就好good喇, 佢入面有d香草醬, 加埋少少羊味, 真係好鬼正....攪到我想去city super買個羊肉漢堡扒番屋企試o下DIY番一個羊肉漢堡包~~跟住叫左個八十幾蚊既four season pizza, 叫完之後, 聽到佢響度攪麵粉, 部麵粉機噹噹聲, 跟住隔左一陣, 聽到佢開爐, 開爐一陣之後, 即刻覺得自己好似中左催淚彈咁, 隻眼好澀好辛苦, 勁想衝番出去出面坐.....應該係佢入面個爐既抽氣做得唔好, 好澀眼, 攪到鬼咁辛苦~~~就係咁, 澀眼澀左十幾分鐘, 有得食喇.....流住兩行眼淚, 食佢呢個四季pizza....賣相就麻麻喇, 但味道又好好喎, 有好香既香菇響入面, 薄薄既pizza底, 側邊就脆身既......唯一缺點就係佢topping既料好易跌落黎, 好似底有底食, 面有面食咁.........

一早預計好星期六來南丫島一遊 , 當然要上來開飯睇定有咩餐廳好食啦 !看見食評幾好, 價錢又大眾化 , 當然要來了解下 ... 呵呵 ! 入到去地方不大, 但很乾淨, 大熱天時開著冷氣當然很有舒適同旅遊的感覺 ... 我如女人點了個全肉 pizza , 同埋試左個招牌菜雞肉卡巴套餐 大約七八分鐘個雞肉卡巴先來, 味道比較酸很開胃, 不過味道都幾好很特別, 正如食評說雞肉真是乾了點 ... 最可惜真是無羊肉卡巴提供 , 我估一定很出色 .... 可惜可惜 ! Pizza 要等十五分鐘左右, 比想像中大, 兩個人真是吃不完 ... 熱辣辣又點會不好吃先得架 ?! 我見點完後, 個土耳其人真是即做餅底 ... 保證新鮮 !味道方面絕對好味足料, GOOD ! 又係可惜無羊肉 Pizza ... 真是很想試下 !!!!

因為系路途中食左幾間野,見到d間既時候己經飽飽地,但刀要入黎試下,無食到d度出名既土耳其特製薄餅,2個人食左個南丫島漢堡($35)入面有菜,牛肉,雞肉,煙肉,芝士!!d芝士留留地好正!!汁醬好夠,咬落去啖啖刀系肉, so good!!!牛肉同雞肉刀好鬆軟,食完先知麵包可以轉卡巴包而個薯條無轉到芝士,因為驚太流.... 薯條當然好脆,好熱辣辣,份量刀幾多!!!2個人食完刀飽死了

來到南丫, 當然要再吃一次令我們念念不忙的土耳其卡巴。 但是一看餐牌, 發現我們上次覺得好吃的羊肉卡巴今次沒有, 見餐牌的介紹好像烤雞的也不錯, 所以要了。我們酷愛芝士, 所以加了一個芝士薯條.吃了一口烤雞, 感覺沒有羊的那麼好, 不算干，但有點鞋口，配以醬汁也還是不錯的。雜菜和雞甚多，只得一快卡巴實在不夠，若多一塊會更好。芝士薯條也是足料的, 薯條上滿佈芝士, 令人吃得心滿意足。見到其他人食的蒜茸包很香，可惜不想食得太飽，唯有下次吧。冀望下一次再來的時侯可以再嘗羊肉卡巴.

興起去左南丫島~o係無睇過食評下經過Best Kebab就入去試下!.最可惜係大熱天時無冷氣~"~|||.跟住就叫野食啦.2個人食左3樣野...都好飽下.. 烤雞卡巴加埋薯條.好味道呀. 我就中意個白色汁. 點雞肉同薯條都好味.一set 都好大份. 雖然佢跟得兩塊包但如果跟多兩塊都仲食得落*v*都有衝動想加但怕食唔晒. 煙肉牛肉漢堡都唔錯但唔算好大驚喜.牛肉唔算好多汁. 煙肉又唔算特別香.試下都ok ge~ 辣肉腸pizza其實pizza有好多選擇. 揀左e個都幾好.好多芝士. 但如果更多辣肉腸就更好啦!.都幾香口幾好味.下次打算去試下其他=).如果去開南丫島, 試下e間都唔錯呀.好過成日都西餐中餐瑪 , 同埋都幾抵食最中意都係個烤雞卡巴!!

星期日走左入南丫島，一路都喜歡食漢堡包，見大家講到個南丫島漢堡咁好食，專登試下。點知....咪同係屋企自己整一模一樣，仲要好味過佢。d肉扒炸到乾晒，果d汁根本就唔係肉汁，係煎完塊扒既油同燶汁.....真係講聲多謝。塊芝士咪又係隨手一塊果隻，仲要凍既tim...食完呢樣，已經再無興趣食其他野。埋單$40，無下次。

同學要離港做實習，一班同學突登搞個南Y島camping小聚，南Y島既有香港傳統漁港環境，又有異國風情，實乃地靈人潔之地。友人久聞土耳其卡巴的薄餅味道不俗，加上就在度假屋附近，因此大伙兒選了此店用餐。環境就不要強求，是位於內街的一家地鋪，店內座位不多，約十多個，門外另有兩張小桌，大部分位置都是廚房，可以看到廚師整薄餅。一眾hotel man的同學做唔到four seasons的賓習，所以就叫了這個four seasons薄餅，愛的反面果然是恨~XDDD。餅底挺脆，上面的汁醬調得合適，不會太甜和太膩。炸薯條上面灑上了芝士粒，配上剛炸好，熱騰騰的薯條上，簡直一絕！薯條很粗大，很足料，而且擺左幾個字都唔林，真係用薯仔來做的薯條，同M記那種唔知係薯條定粉條，擺一個字就林曬個D完全冇得比！有一朋友叫了南Y島漢堡，看來份量亦很足，有三種肉做料，不過不知味道如何？看她的樣子似乎對這漢堡都很滿意。下次重臨南Y島我一定會試呢個包！

太公和朋友又入南丫島學人燒玻璃 (係，小心我遲下會走去燒你個玻璃窗！)，當然要趁機品嘗下南丫島入面的美食啦！這次，午膳選址於土耳基卡巴。本來，看見華人侍應在開放式廚房裏，心裏有點遲疑；但往裏面多看一點，在廚房裏話事的，仍是土耳其人，終於可以放心落order。兩位女孩子，要了一份串燒雞肉卡巴 ($55) 和一個 蘑菇牛肉漢堡 ($30)。串燒雞肉卡巴 - 雞肉是雞胸肉，加上是燒烤而成的，嫩是不太嫩，不過勝在夠香口惹味；隨碟跟上大半碟土耳其沙律，清甜爽脆，包在比得包裏與雞同吃，效果很好；再加上伴碟的那帶微味的土耳其沙律醬和辣醬，味道更為豐富。蘑菇牛肉漢堡 - 噢，怎麼在南丫島吃到的蘑菇，都是如此美味呢？蘑菇牛肉漢堡蘑菇多得滿瀉，漏了一件出來，搶先吃了這一口 - 嗯，蘑菇的鮮味非常濃烈，加上烹調得宜，蘑菇汁都保存得很完整！而用的芝士夠香之餘，味沒有太濃，沒有搶掉這蘑菇的鮮味！噢.... (菇癡，有人係菇癡！)噢！說回主角 - 漢堡；這裏的漢堡牛肉做得不錯，肉汁保存得很好，牛肉味也得濃，而麵包雖未到「外脆內軟」的境界，但也夠新鮮鬆軟，配這多汁牛肉、香而沒有過濃的微溶芝士，和鮮甜到冇朋友的蘑菇，

行山前食的LUNCH 揀左呢一度食薄餅,因為見到D食評咁多人比笑面...食完我又覺得一般喎,同埋點解咁貴0家? 要左個4季薄餅,芝士冇咩味太淡,個餅底都ok,料就太少同埋太渣. 成70 蚊一個薄餅應該俾足料一點. 薯條幾好味,夠熱同香口.芝士加左等於冇加.

食物：(兩人份量)1. 烤雞卡巴 + 薯餅2. 土耳其特製羊肉薄餅食物方面：1. 烤雞卡巴+薯餅：端上來已經很滿足，全碟放滿食物，食物顏色又豐富，而且配有茄汁、辣汁和特製白汁(似稀沙律汁加香草)，真的很吸引；卡巴夾了雞肉再配上紫椰菜、雜菜和辣汁用手吃，好豐富和不太膩，紫椰菜好爽脆配其他雜菜，真是爽甜好味，薯餅雖然是油炸，香脆而不感覺滿口油，真的很不錯，可惜，吃不到烤羊肉卡巴，有點失望。2. 土耳其特製羊肉薄餅：很薄、很脆和很好味，薄薄的餅底加上羊肉碎，真的好吃，怕吃羊的朋友可以一試，真的沒有羊的羶味；由於剛開舖加上訂了貨又未運到，所以沒有芝士，有點失色；但是第一次吃沒有芝士的薄餅，味道也不錯。環境方面：廚房佔舖位空間比較多，坐位相對也比較少，但坐位之間不算太擠迫，寧靜舒服；這不是富麗堂煌的食店，而是一種自然簡單感覺，也是另一番生活享受，反而不覺得置身在土耳其食店。

下午茶叫左個夏威夷pizza同芝士炸薯條pizza好好味芝士炸薯條 既薯條熱la la,脆po po~!!

I ordered a lamb kebab take away. When i opened the box, i was quite surprise by the presentation. What I was given was grilled lamb "meatballs" instead of Kebab. Kebab suppose to be sliced meat off a rotating BBQ loaf. The pita bread was too small to stuff the meatball and veg inside. At 50 bucks, it's not cheap either. Overall I was quite disappointed. The only thing saves me from giving it a crying face is the misadvertised food taste good.