台食館 (豉油街)

Open Now

Now Closed

麻醬雞絲麵（$39）份量以下午茶黎講都ok麵多嘅但雞絲就半隻雞髀份量咁珍珠奶茶（+$5）errr 細細杯但要用瓷羹食珍珠咁呢個價錢應該呢個質素？職員態度麻麻地亂咁放低野就走

雖然是週日，但下午茶時段入去，客人唔多。附近都有幾間台灣菜，但見呢間餐牌好多菜式圖片，比較吸引🤩就入左去試😂整體感覺唔差，環境都乾淨舒服😌。夜市香腸滷肉拌麵 $68台灣腸烤得夠脆，好香口🥰麵底係台灣粗麵，配上淋上面既肉碎超惹味，仲有花生，口感好豐滿，面頭仲有青瓜絲解膩，而且份量好足夠，都算大份😋芋泥肉鬆蛋餅 $39通常食台菜見到芋泥既都會好吸引，呢間既芋泥蛋餅當然唔會放過😋但呢間既芋泥餡比較稀，偏削身，之前食開既都係偏實，呢樣比較失望。但蛋餅皮煎得夠脆，面頭有燒汁，整體味道唔差。💕水蜜桃紅玉 $15（跟餐）就係好普通既水蜜桃紅茶，因為本身價錢都唔貴有跟餐價，所以正正常常冇乜太大期望😆黑糖珍珠奶凍 （忘記價錢）個人覺得食左前面重味既野，再食呢個好清新，一啲都唔膩😍而且唔算太甜，珍珠好軟身，奶凍入口即溶幾好食😋

同🤴🏻原本諗住食嗰間餐廳就好多人排隊，就喺附近遇到呢間台灣食肆，見仲有位就入去試吓啦！😚😚～～～鹽酥雞滷肉飯便當～～～分量正常大小，滷肉多汁入味，鹽酥雞都幾脆口，但雞肉都幾乾吓！😃😃～～～滷排骨滷肉拌麵～～～🤴🏻就改咗台式麻辣拌麵，餐牌講明話會不含滷肉，但佢發現加咗嘅麻辣醬同枱面加料樽嘅麻辣醬味道一樣，而且加咗嘅份量都唔夠辣，等於叫人 ‘ 走 ’ 滷肉😂😂，佢覺得蝕咗😳😳！排骨唔係一粒粒係有兩塊😗😗，味道唔錯，拌麵亦都有彈性🙂🙂！～～～烤小香腸蛋餅～～～蛋餅皮好煙韌，但唔係每一舊都有小香腸，香腸有少少 ‘ 鞋 ’ 其他配菜多幾好味😁😁！～～～百香果紅玉、茉香綠妍～～～跟餐每杯加$12飲品，我同🤴🏻都覺得難飲過水，明顯飲得出低廉價嘅化學水🥵🥵！

午飯時間四處人山人海, 難得這𥚃不用等便進來了。侍應引領我們到某張四人枱, 然後因為突然有三個客人進來就立刻要我們轉移玉步, 換位不是問題, 問題是為什麼要帶我們坐這張枱?紅燒牛肉滷肉便當 $55牛肉不太嫩, 但煮得很淋, 同時炆得入味, 不過豆腐太有膠的質感, 只是不想浪費食物才把它吃完。另外大部份飲品額外都要加錢, 忘記叫少甜, 香宇珍珠比較甜, 而且這個香宇味有點裝出來的, 不好喝!鹽酥雞滷肉便當 $55鹽酥雞肉味道正常, 不算很脆炸, 餐廳以推介食物命名就不太合適, 因為紅燒牛肉還比它好吃, 滷肉略為不夠多。 值得讚的是珍珠奶茶不太甜, 味道比香芋珍珠好得多!

係旺角成日最鍾意去呢間台灣餐廳食na, 有好多唔同野食土ga, 我最鍾意就係食呢個蟹肉蟹膏麵na, 有好多好多蟹膏肉碎, 食起黎都好香好味na , 要黎撈麵真係好好食ga 仲有個豬軟骨肉燥飯, 都係好好食ga , 豬軟骨炆得好淋好, 肉燥又好入味, 撈埋一齊食好好味， 仲有個小食， 芝士肉鬆蛋餅熱辣辣， 食起黎好飽滿，好多肉鬆， 好好味ar 呢間好多唔同類種的食品， 超多選擇， 仲有好多特飲， 所以我鍾意食呢間ga台食館 (豉油街)旺角豉油街92號鴻都大廈地下7號舖

🫔🫔🍜🍜香港出名多野食，但講到台式小食，真係唔係間間台灣料理店都見到，今次介紹既餐廳，有多款鐵鍋蛋餅、鴨血、甜不辣等台式夜市小食，而且價錢相當大眾化紅燒牛肉鹵肉拌麵($70)拌麵外表同味道都正正常常，反而麵質有驚喜，一咬落去彈牙爽口，牛肉唔鹹又唔鞋，唔會話淋到一咬就散，而且有淡淡香料味芋泥肉鬆蛋餅($39)👍🏻👍🏻👍🏻如果討厭芝士或者唔想食得太油膩既朋友，都可以試依款，芋泥肉鬆餡，芋泥爆滿，食落有蛋香，肉鬆鹹甜，芋泥綿滑，三者搭配平衡，有驚喜小食大拼盤($75)可以自選四款小食，今次簡左鹽酥雞、甜不辣、魷魚鬚、香腸整體黎講外表平實，味道都好普普通通，台式香腸一貫甜香好味，魷魚酥炸粉脆，但厚薄唔平均，一條厚粉一條薄，鹽酥雞同香腸亦唔算好突出

間間鋪都排一堆人我地就膽粗粗試下，為求有位坐，唔使等d相都吸引嘅就叫兩個拌麵試下自助落單原來麻辣係要落單嘅時候揀但係唔覺有呢個選項喎咁就食個原味囉，至少有鹵肉飲品名稱寫得好靚其實就係檸茶檸水，要檸同唔要檸嘅者其他飲品就加錢麵嘅份量都算多嘅餸都唔少有麻醬香，但係鹹左d者因為我地有兩個人所以自製雙餸點解淨係收現金呢？

夜晚放工見條街周圍間間都要排隊 ，得呢間有位咪入咗去 。叫咗兩個紅燒牛肉麵同埋撈麵 ，難食到唔識形容 ，麵又硬，湯底又無味 ，大佬點做生意呀 ，執咗佢啦 ！成碗麵食咗幾啖咋！

經過豉油街見到一間台灣菜，時間早又唔使等位，就立即入去【台食館】試下 QR Code自助落餐好方便，餐牌好豐富都有齊曬台灣好多地道美食🌯 起司玉米蛋餅軟糯蛋餅皮夾住鮮甜嘅粟米，裡面有好香嘅芝士，估唔到香港都有咁正宗嘅台灣蛋餅，超推介🍝 麻醬雞絲拌麵雞絲、木瓜絲拌麵加埋麻醬汁，好好味麵條煙韌又唔會太凍 剛剛好🍜 大腸麵線台灣菜都一會食大腸麵線，大腸好大件煮得夠淋，會配埋支醋畀按照自己需要加，湯底好香濃，麵線又唔會煮得太爛 🍮 白玉肉鬆山冰凍大豆腐上面有好多好多肉鬆，配埋皮蛋好消暑，夏天食清涼好舒服跟餐可以配埋飲品🥤仙草奶茶茶香奶滑可以按照自己喜好少甜少冰

前日到旺角行街，喺附近搵嘢食，見到呢間餐廳既餐牌幾吸引，決定黎試下。餐廳好細，不過乾淨整齊，感覺衛生。餐牌食品好豐富，我貪心叫咗一份魷魚鬚麻辣拌麵，一份起司玉米蛋餅同一杯熱冬瓜露。魷魚鬚熱辣辣，完全餃到酥脆效果，非常香口。台式麻辣拌麵味道好好麵條很煙靭，但唔會過硬。店家自製既台灣麻辣醬撈麵食真係一流蛋餅係台灣國民早餐，我每次去台灣都必食。估唔到香港都有甘正宗既蛋餅。軟糯的蛋餅皮夾著甜甜既粟米粒，芝士香味濃，我食左幾塊就食唔到，實在飽過頭喇最後都打包帶返屋企。熱冬瓜露中規中矩，唔會過甜，不過有少少淡味。

鹽酥雞滷肉拌面鹽酥雞都幾多件，但唔算好脆，勝在唔會太乾～調味幾重手，拌面味道偏鹹，要飲多幾啖野飲先可以繼續食😅😅一碗面要近六十蚊黎計，幫襯番九_ _會更好😪

好耐冇去台灣旅行，估唔到旺角竟然有一間咁正宗台灣味道既餐廳今次同frd一齊打卡呢間餐廳既下午茶套餐。佢哋下午茶套餐好抵食，A部分可以揀一款主食（有飯有麵），B部分可以揀三款小食，C部分可以揀一款飲品，加咪total 得39蚊。主食部分我揀左滷肉飯 滷肉飯係台灣小食既靈魂，我一試便知呢間餐廳係好地道既台灣味。滷肉惹味但唔會咸，燜得好軟爛有五香味。醬汁份量夠，飯粒軟硬適中。小食部分，我揀左鹽酥雞，台灣腸同醬軟骨。雞粒炸得外皮好酥脆，入面啲肉好滑。台灣腸我都好鍾意食，因為佢肉味重，不過外面有少少幹，好在入面好Juicy。醬軟骨有少少鹹，不過味道都算ok。飲品部分，我額外加15蚊揀左梅子金桔檸檬。我覺得好抵，街邊台灣飲品都要至少二三十蚊。梅子金桔檸檬入面加左一粒台灣話梅，係點睛之作，少少鹹味帶出金桔檸檬既酸甜味，又特別又好飲 下次會再點。Frd唔想食太多野，所以點左起司肉鬆蛋餅。蛋餅一上枱賣相好讚，我都忍唔住試一塊。薄薄既蛋餅入面包住芝士同超多肉鬆。切開既每一小件，件件都有會食到肉鬆。芝士同肉鬆真係完美拍檔。Frd加左8蚊跟一杯珍珠奶茶，真係好抵，不過佢話味道就不過不失。下次好有興趣再黎試下佢

肚餓同男朋友周圍搵嘢食，同一條街有另一間台灣嘢，食過唔好食！本身想食「貴川」米線，知道係好食的。點知行行下，就見到呢間，餐牌設計、食物圖個樣好吸引咁，於是就入黎試下。點知！態度、嘢食，連茶餐廳都不如！男朋友叫左椒鹽魷魚拌面，我就係番茄豬軟骨麵我咬第一淡豬軟骨就知道瀨嘢，孩到無法想像，又難咬。最緊要係，阿姐態度很差，講野完全冇尾音，落完單，就一嘢扔個單落檯，仲差過茶餐廳！浪費食物！第一次食咁難食既豬軟骨🤮顛覆我想像！好後悔冇睇左食評先入黎！

香酥綜合拌麵 $85有香腸、鹽酥雞、魷魚鬚同小量肉燥， 香腸肉質彈牙，鹽酥雞酥酥脆脆，保留雞肉汁，唔會太乾身， 酥炸得酥脆，肉質煙韌，肉燥拌有花生香，麵質較軟腍，配合香油同帶鹹味既肉燥，整體味道還行，唯獨係油膩感較重。逢甲甘梅地瓜 $33甜甜嘅炸地瓜條，最外面嗰陣炸得香脆可口，地瓜條軟腍，好食過平時啲炸薯條，呢份小食食唔停口，手快有手慢冇。紅豆奶茶$20正常奶茶加紅豆底，味道會甜少少，還可以。淨係食物味道唔錯，但係價錢可以再實惠啲。

星期六，旺角區週圍都係人，到處都排隊，太肚餓見有位就入咗嚟～啲嘢食嘢飲嚟到先知，原來係伏鹽酥雞好硬，好難食，唔緊要連杯珍珠奶茶都唔得呀，水黎完全飲唔到有奶茶味，珍珠過淋仲要唔係平架，d阿姐態度又差唔怪得知得佢一間有位坐⋯⋯唔會再去