十二味 (將軍澳中心)

Open Now

Now Closed

將軍澳中心好多餐廳可以選擇我哋今日揀咗十二味，試下大陸食飯嘅風味，唔止餸菜，在餐廳用餐嘅人都係講普通話😆😆雖然我哋電話訂咗位，但係去到餐廳都係照樣攞飛等位，無計啦，餐廳唔大，又多人食，返唔切枱，等咗15分鐘入得去坐。利用手機落單我們點了這些值得一提嘅係佢哋份量都幾大而霸王辣子雞就做得差咗啲，呢個係令我們較為失望因為炸既雞又細粒又有骨，好難咬到肉，所以呢一餐敗筆於辣子雞🥲自選經典香辣鍋就比較推薦，點呢個好餸得飯靚仔$12碗乾煸四季豆做得唔錯蔥油拌麵就唔辣，但係比較多油， $38算抵食，都係可以一叫嘅我哋四個人都比較大食，叫咁多其實都勉勉強強先食得晒😂今餐對於我哋黎講都太辣，所以都叫咗幾杯嘢飲，印象深刻嘅係慾望酸梅，好大杯，但係味道真係一般般，朋友話唔駛encore。😂最後甜品叫咗紅糖糍粑，炸粉比較多，比較厚，但勝在熱辣辣，咬落都好脆。餐廳主要霸王辣子雞有待改善👀👀今餐埋單$707

朋友想食酸菜魚 便提議食十二味 因為其午市十分抵食 價錢親民 又有不同的分店 今次同朋友選擇了將軍澳分店 週末時間雖然要等位 但等待時間不長  一如以往 一坐低就會送上爽脆帶酸的土豆絲 味道開胃酸菜魚 $73 配熱情果梳打 +$8酸菜魚份量足 除了無骨滑魚片 亦有入味的酸菜 雞脾菇同爽脆的萵筍熱情果梳打大大杯 是一般凍飲兩倍份量 味道十分清爽解辣 川式口水雞配維他檸檬茶 $53味道濃郁香辣 雞肉滑身 底部的青瓜絲吸收了川式口水雞醬汁 配上白飯剛剛好適合鍾意重口味的人蔥油拌麵$38普通的蔥油拌麵 蔥油味未算出色 拌麵質地正常 與其他菜式比較就相對失色了十二味就算不同分店 味道品質都很一致 裝修簡約 如果想過下食辣的口癮 是一個抵食的不錯選擇 

平時黎將軍澳番工都會去呢閒12味買外賣，點知今次一如既往用OpenRice叫外賣自取，明明我揀咗14:30取餐時間，手機亦顯示可以14:30取餐）點知去到發現冇我個外賣而且員工態度好差，問多句都好似唔想答你敢,重要黑口黑面，搞到我15:00先拎到餐，而且一句唔好意思都冇講，－間公司點解可以培訓D敢嘅員工出黎？跟本倒公司米！以後5會再光顧!

食過其他分店，呢間係講唔上有服務嘅餐廳，同其他分店唔一樣，其他分店服務一流！首先，明明book咗位都無預留枱比我，去到現場先再安排，好彩人流唔算多，要麻煩其他食客讓座再安排座位比我哋！我哋一行7人有大人有小朋友有bb,好似好唔想服侍我哋咁，我女得2歲，講咗有兩個小朋友，訂位時request咗bb櫈都無比我，我以為呢間餐廳無bb櫈，點知屋企人嚟到話係角落見到有兩張bb櫈，仲要我哋自己去拎，第一次遇到十二味咁差勁嘅服務！唯一慶幸嘅係酸菜魚保持到水準

口水雞份量不少男生吃一個口水雞飯餐都非常夠飽口水雞汁很過癮與在深圳吃到的味道相近而且價錢一點也不貴如果怕辣，就要叫他的百香果凍飲超級大杯我會叫半甜多冰飲得7788 ，再加水不會覺得淡而無味非常適合解辣

夏天熱辣辣，要食下辣嘢先覺得開胃，今日黎十二味試下🌞我地今日叫左1️⃣雞翼肥腸麻辣香鍋麻辣香鍋裡面有大量配菜，有芽菜、薯仔🥔片、蓮藕片等，仲可以自揀辣度，非常好，雞翼同肥腸炸得好好，又入味，特別係雞翼，好好食，下次會單叫雞翼香鍋❤️❤️❤️2️⃣水煮牛肉調味OK，可惜牛肉份量唔多，牛肉都好軟身，唔錯。裡面仲有大量芽菜做底嘢飲有一杯叫左桂花冰釀，幾特別，酸酸甜甜好解辣❤️消費價錢：2人💰150，人均💰75結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️餐廳名稱：十二味餐廳地址：將軍澳運亨路1號新都城中心一期G樓G28-28A號舖

如果你問一個將軍澳人，將軍澳那一間川菜抵食，相信一定是這間川菜館！無論川菜，酸菜魚，都可以做到一定水準！而價錢方面亦好親民！將軍澳好多街坊會幫襯！所以開業至今，經常高朋滿座！

留咗喺屋企，又唔想煮飯就叫咗個外賣點知叫完男朋友又出街，好似食唔晒就放咗喺雪櫃夜晚整返熱佢嚟食我叫咗個經典香辣鍋同埋一鍋酸菜魚先講咗經典香辣鍋先啦其實佢就有35款自選配料嘅，可以喺當中揀五個我就揀咗田雞、牛肉、雞軟骨、鮮魷、海蝦同埋萵筍其實我本人係唔鍾意食田雞㗎，不過男朋友好鍾意就就下佢，陰差陽錯唔小心夾咗舊田雞入口有幾滑幾好食，以後唔對田雞有偏見啦！基本上其他配料都好味，最鍾意嘅係雞軟骨同埋萵筍！我自己唔係幾食到辣，但我覺得還好❤️佢入面仲加咗寬粉，好入味好好味！酸菜魚我覺得係正常發揮，經典香辣鍋好食啲不過佢個湯酸酸辣辣咁食得好過癮加埋啲寬粉又係好開胃同埋嘢食嘅份量超多食兩餐都食唔晒！

若果大家喜歡吃川菜或者喜歡吃辣的話，可以試一試將軍澳中心十二味，他的位置在商場地面那層，側門口一入便是，非常方便，適合一班朋友一起吃吃飲啤酒🍻！那次和朋友一起去慶祝生日，又想吃辣，因此我們便選了十二味，那裏的菜式一般以辣為主，有酸菜魚、口水雞、麻辣香鍋、辣子雞等，因此能吃辣的朋友有很多款式可以選擇哦🤣🤣🤣至於小食方面，我比較喜歡炒土豆絲、燒椒皮蛋等，都是非常香的開胃菜👍🏻👍🏻最後甜品，必定要吃紅糖糍粑，超級好味！

位置很方便，門面很闊落，在將軍澳中心一入嚟就見到，平時食十二味都係食佢嘅小菜，今日中午想試吓佢唯一一款麵食，酸菜肥牛面，味道好濃郁，有我最喜歡嘅酸菜及白菜，好入味，如果冇乜胃口過嚟刺激下味蕾係一個好唔錯嘅選擇👍🏻👍🏻

終於去左將軍澳中心既十二味，同朋友即興去食book 左下午14:00 ，入到店內店員非常繁忙，午餐menu 好抵食，2個人叫左3個餐，每個餐有飯有紙包檸檬茶。酸菜魚好食，麻辣香鍋配菜好多，但最少要等15-20分鐘先有得食，可能係即炒！整體都幾好味，所以勁多外賣單，值得encore

第一次下午放茶食十二味。唔好以為下午茶就會Hea你，味道依然咁正，份量又足，仲包個前菜同飲品。一個女仔食一個餐根本食唔晒。都只係$74。唯一煩少少就要4點前食，因為十二味係有落場時間。

明明訂左位7點仲要早左幾分鐘講🙂 同啊姐講訂左位 7點 去到幾個啊姐都仲逼我攞飛 話訂左都要拎飛 有兩張枱都要嗌飛叫人入 唔俾位我 我好想問訂位系統要黎做乜🙂 訂左位都要咁樣排既咁我點解要訂位？一係就唔好俾人訂

平時行街喺唔同各區都見到呢間主打酸菜魚嘅川菜餐廳，一直都好想試。入到餐廳睇見Menu菜式五花八門廢事眼闊肚窄😝取捨後，決定叫秘製醬香鍋同埋蔥油拌麵🥢 🥘 秘製醬香鍋配料多達30種， 最少要選擇5樣適合唔同人士而我同朋友仔最後就揀咗蓮藕片、寬粉、嫩牛肉、五花肉、雞軟骨蓮藕片好爽脆❤️份量仲要好多寬粉非常之煙韌，加埋醬汁一齊食係幸福嘅感覺啊🥰嫩牛肉煮嘅時間應該耐咗啲啲略為韌左小小🤫🥓五花肉就肥咗啲🤣但都係好食嘅雞軟骨好好咬口，仲要超多粒😍🍜 蔥油拌麵蔥油味唔算好香，面嘅質地屬於正常分量都唔會太少，一個人食絕對足夠——————————————————————餐廳嘅環境唔算太迫，張枱都好大店員嘅態度都好好👍🏻用手機QR code落單📱

午市尼講酸菜魚餐都算抵死😚$70左右有成個餐 有埋野飲 仲要有碟小前菜❤️酸菜魚夠酸而且麻香 如果再叫都會叫中辣多麻 因為佢都唔算好辣 試過幾次會覺得叫中辣最好 味道會香啲魚既份量都唔會太少 🐟另外試左口水雞 佢個汁加飯一齊食係好好食！如果午市想平平地食個酸菜魚 衣間 都會係一個好推介